Контакт

Македонија

Вработени во СЈО со писмо до Заев и амбасадорите: Разочарани сме поради недоволното внимание за нашата иднина

Објавено пред

Стручниот, административниот и помошно-техничкиот персонал во СЈО испрати писмо до премиерот Зоран Заев, претседателот на државата Стево Пендаровски, министерката за правда Рената Дескоска и амбасадорите на ЕУ, САД и Холандија во земјава, во кое пишува дека се разочарани затоа што лебди нивниот работен однос додека сè уште е неизвесна судбината на ова обвинителство.

Во писмото до кое дојде „Макфакс“ вработените во СЈО пишуваат дека прифатиле да работат во време на безбедносен ризик за нив и за нивните семејства со надеж за владеење на правото и дека еден дел од нив имаат договори на определно време до укинување на обвинителството, односно до 15 септември 2020 година.

Писмото ви го пренесуваме интегрално:

„Ние, вработените во Јавно обвинителство за гонење кривични дела поврзани и кои произлегуваат од содржината на незаконското следење на комуникациите, со особено внимание и трпеливо ги следиме актуелните случувања во однос на политичко-правната дебата што се води околу разрешницата за статусот на ова Јавно обвинителство, иднината на предметите коишто се оформени во обвинителството, како и прашањата поврзани за нашиот работен ангажман по евентуално престанување на ова обвинителство.

Во тој контекст, а имајќи ги предвид можните персонални решенија за кои информираат медиумите, сакаме да ја изразиме нашата разочараност поради недоволното внимание кое се посветува на прашањето за иднината на најголемиот дел вработени во ова Јавно обвинителство.

Карактерот на работните задачи кои ги извршуваат најголемиот дел од вработените во обвинителството не е поврзан со јавноста и поради тоа е непознат за граѓаните, но во структурата на обвинителството нашата работа е не помалку важна, со оглед на тоа дека истата се однесува на стручна и техничка поддршка на обвинителскиот и истражителскиот тим. За јавноста е помалку познато дека во рамки на ова Јавно обвинителство освен стручната служба составена од стручни соработници и референти, постои одделение на економисти како стручна поддршка при водење  финансиски истраги, одделение за информатичка технологија, административна служба, служба за односи со јавноста, доставна служба и вработени во возен парк, преведувачи, како и друг помошно-технички персонал.

Сметајќи дека е неправедно ние и нашата досегашна работа да не сме предмет на интерес на општествено-политичките чинители или уште полошо, кога станува збор за нас да се зборува како за обична бројка на која ѝ се придодаваат секакви етикети, сакаме да потсетиме на почетоците на СЈО, кои беа подеднакво тешки, како и состојбата во која се наоѓа обвинителството во овој момент. Во услови кога државата беше соочена со сериозни предизвици за својата иднина и кога функционирањето на институциите на системот беше блокирано во секоја смисла на зборот, во услови кога со месеци ниту една институција не го поддржа формирањето на СЈО и неговото екипирање со стручен и помошен кадар, се охрабривме да бидеме крикот на правдата и да се приклучиме на обвинителскиот тим. Притиснати од опструкции, навреди, постојани медиумски напади и етикетирања, свесно прифаќајќи извесен безбедносен ризик за нас и нашите семејства, работевме одговорно, напорно, безрезервно и професионално, доследно почитувајќи ги законите, вложувајќи ги своите напори да создадеме нови професионални стандарди што ќе бидат позитивен пример за сите други институции. Неспорен е фактот дека работата на целокупниот тим на СЈО во извештаите на меѓународната заедница беше позитивно оценета како придвижување во насока кон остварување независност и ефикасност на правосудниот систем. Бројот на предмети кои се наоѓаат во фаза на судска постапка, истражна и предистражна постапка неспорно говори за трудот и посветеноста со која работеше целиот тим.

Изминатиот период преку медиумското известување бевме сведоци на преговорите водени од страна на политичките партии за судбината на ова Јавно обвинителство. Иако до пред неколку денови една од спорните точки на преговори беше и статусот на вработените во обвинителството, јасно е дека во овој момент тоа прашање е сосема маргинализирано. Соопштенијата кои до пред извесен период се лиферуваа во јавноста кога се говореше за ова прашање го потенцираа фактот дека работниот однос на вработените во обвинителството е од времен карактер, односно истиот е на определено време поради што е и неопходно истиот да ја следи судбината на институцијата, односно да престане заедно со престанокот на постоењето на ова Јавно обвинителство. Во оваа насока, сакаме да потенцираме дека вработувањата во ова Јавно обвинителство се со договори на определено време, но не по желба на работодавачот, туку по сила на Закон за јавнообвинителска служба. Имено, во членот 120-д од наведениот закон е предвидено дека работниот однос на јавнообвинителските службеници во ова Јавно обвинителство ќе биде заснован на определено време, до укинувањето на ова Јавно обвинителство. Ваквата одредба е оправдана од причина што било неопходно да се регулираат работните односи во институција која е од времен карактер и како таква во никој случај не би можела да вработува лица на неопределено време.

Меѓутоа, треба да се има предвид и постојниот и сè уште важечки Закон за Јавно обвинителство за гонење  кривични дела поврзани и кои произлегуваат од содржината на незаконското следење на комуникациите (Службен весник на РМ бр.159/2015). Имено, во членот 21 од истиот закон е наведено дека по укинувањето на Јавното обвинителство, јавните обвинители, административниот персонал и истражителите се упатуваат на работа во Јавното обвинителство на позиции со споредливи лични примања. Оттука, јасна е намерата на законодавецот да ги гарантира правата од работен однос на сите оние кои во даден момент конкурирале и се вработиле во ад хок институција со одреден рок на траење. Тоа значи дека законодавецот при носењето на законот за ова Јавно обвинителство немал намера да им биде прекинат работниот однос на вработените во ова Јавно обвинителство туку истиот предвидел одредба со која би ги инкорпорирал вработените во редовното Јавно обвинителство. Со вака предвидените одредби законодавецот изразил јасна потреба од заштита на правата од работен однос на сите вработени во ова Јавно обвинителство со договори на определено време.

Евентуалната ситуација, а чие настапување е сè поизвесно, дека предавањето на предметите кои се водат пред ова обвинителство ќе доведе до беспредметност на неговото постоење директно не засегнува нас и нашите права.

Оттука, секоја намера на преговарачките тимови, која е спротивна на претходно наведените законски одредби ќе ја сметаме како директна повреда на правата од работен однос мотивирана од одмазднички пориви кон вработените и кон сè што тие успеале да постигнат во изминатиот период со искреност и со пожртвуваност кон институцијата во која работат, постапувајќи во делокругот на своите работни задачи определени со законите и согласно организациската поставеност во обвинителството.

Во таа смисла, упатуваме апел до меѓународната заедница која беше дел од процесите на формирање на обвинителството и континуирано следење на неговата работа, која ја помогна изградбата на капацитетите со кои располага обвинителството пред сè преку стручно усовршување, обуки и специјализирана едукација на кадарот, внимателно и активно да ги следи актуелните процеси.

Исто така, упатуваме повик до сите политички чинители во своите постапувања да се водат од интересите на државата и од определеноста на граѓаните за нејзиното интегрирање во европските демократски процеси, чиишто основни вредности се владеење на правото и правна држава, непречено и ослободено од политичко влијание функционирање на институциите, како и правна сигурност за сите нејзини граѓани, а своите одлуки да ги носат исклучиво согласно важечките закони и истите да не предизвикуваат сомнеж кај граѓаните дека криминалот, без оглед на сторителот, може да остане неказнет. Секое поинакво однесување би значело определба за безобѕирно укинување на придобивките кои ги остваривме во борбата за правда и еднаквост на сите граѓани пред Уставот и законите“.

Fiаt iustitia, et pereat mundus! („Нека победи правдата, па и да пропадне светот“)

Стручен, административен и помошно-технички персонал на Јавно обвинителство за гонење кривични дела поврзани и кои произлегуваат од содржината на незаконското следење на комуникациите.

Македонија

Земјотрес почувствуван во Пехчево и Берово

Објавено пред

Земјотрес од 3,2 степени според Рихтеровата скала попладнево беше почувствуван од граѓаните на Берово, Пехчево и околината.

Земјотресот се случил во 16 часот и 44 минути, а е регистриран 105 километри југоисточно од Скопје и потекнува од пехчевското епицентрално подрачје.

 

Прикажи повеќе...

Македонија

ВМРО-ДПМНЕ: Пендаровски призна дека мандатот е доделен без докази и спротивно на Уставот

Објавено пред

Стево Пендаровски како Претседател на државата соопшти дека ќе доделува мандат за влада спротивно на Уставот по принципот „прв дојден, прв услужен“ , велат од ВМРО-ДПМНЕ, додавајќи дека Пендаровски треба да биде свесен за сериозноста на својата функција

„Наместо да се однесува како претседател на граѓаниите Стево Пендаровски призна дека мандатот е доделен без доказ за мнозинство и е узурпиран. Со што Пендаровски директно овозможи купување на време за непринципиелното купување на гласови на пратеници“, велат од ВМРО-ДПМНЕ.

По денешната средба на Пендаровски и Мицкоски која траеше околу час и половина, претседателот на ВМРО-ДПМНЕ изјави дека неговата партија ги замрзнува односите и комуникацијата со Пендаровски.

Прикажи повеќе...

Македонија

Пендаровски: Заев ќе го врати мандатот ако не обезбеди мнозинство

Објавено пред

Зоран Заев го добил мандатот поради тоа што истекуваат уставните рокови, сепак, ако не успее да формира Влада, мандатот ќе го добие Христијан Мицкоски. Вака претседателот Стево Пендаровски го образложи доделувањето на мандатот на Зоран Заев, по средбата со лидерот на опозицијата.

Пендаровски вели дека од Заев не барал гаранција за 61 пратеник, а нема да бара ни од Мицкоски доколку Заев не успее да ја формира владата.

Наспроти мислењето на опозицијата која тврди дека Собранието не е конституирано зашто не е избран претседател на Парламентот, Пендаровски вели дека со верификација на мандатите на пратениците Собранието е конституирано и тој во согласност со Уставот, мора да го довери мандатот за формирање влада.

Тој образложи дека врз основа на Уставните одредби, но и врз основа на консултациите со еминентни правници, рокот за доделување на мандат започна да тече од денот на верификација на мандатите на 120-те пратеници, потенцирајќи дека според Уставот во тој период е должен да го довери мандатот на кандидатот на партијата или партиите коишто имаат мнозинство во Собранието, или пак на оној којшто го уверил дека преговара со повеќе политички партии за обезбедување мнозинство.

Пендаровски потсети на ситуациите во 2006-та и во 2016-та година, кога со писмо од тогашните претседавачи на Собранието, Стојан Андов и Трајко Вељановски биле известени тогашните претседатели, Бранко Црвенковски и Ѓорге Иванов дека со верификација на мандатите на пратениците Собранието е конституирано.

Пендаровски рече и дека е прилично изненаден од начинот на кој бил закажан денешниот состанок, на прес-конференција, со точно утврдено време.

„Пешки да дојдеш од Центар до Вила Водно, ќе се согласите необично е да отидете така до било која институција, особено кај претседател на државата. Со Мицкоски изминативе година дена имавме одлична комуникација, се слушавме и после полноќ. Можевме и поинаку да се сретнеме, но овој кабинет е отворен за сите граѓани на земјата“, рече Пендаровски.

По средбата на Пендаровски и Мицкоски која траеше околу час и половина, претседателот на ВМРО-ДПМНЕ изјави дека неговата партија ги замрзнува односите и комуникацијата со Пендаровски. 

Прикажи повеќе...

Најново

Македонија6 часа

Пендаровски: Заев ќе го врати мандатот ако не обезбеди мнозинство

Зоран Заев го добил мандатот поради тоа што истекуваат уставните рокови, сепак, ако не успее да формира Влада, мандатот ќе...

Македонија7 часа

Заев и Ахмети по средбата: Постојат добри основи за напредок

Попладнево заврши работната средба меѓу СДСМ и коалицијата “Можеме” и ДУИ на која учествуваа претседателите Зоран Заев и Али Ахмети...

Македонија7 часа

ВМРО-ДПМНЕ ги замрзнува односите со Пендаровски

ВМРО-ДПМНЕ донесе заклучок дека од овој момент ги замрзнува односите и комуникацијата со претседателот Стево Пендаровски и ќе ги преиспита...

Топ8 часа

Женско тело извадено од водите на Пчиња

Безживотно женско тело било забележано во водите на реката Пчиња. Како што информираат од полицијата, телото било пронајдено вчера под...

Македонија8 часа

Американската амбасадорка му го честита мандатот на Заев

Американската амбасадорка, Кејт Мари Брнз, му го честита мандатот на лидерот на СДСМ, Зоран Заев за состав на нова влада....

Економија10 часа

Пропаѓањето на Еуростандард банка го блокира платниот промет во „Македонска пошта“

Поради пропаѓањето на Еуростандард банка, платниот промет во „Македонска пошта“ е блокиран, соопшти генералниот директор Ејуп Рустеми. Тоа значи дека...

Македонија11 час

141 нов случај на Kовид-19 во земјата, починале 2 лица

Министерството за здравство информира дека во последните 24 часа се направени 1.848 тестирања, а регистрирани се 141 нов случај на...

Македонија11 час

(Видео) Ахмети: Заев треба да понуди силни аргументи зошто Албанец не би бил премиер

Лидерот на ДУИ, Али Ахмети, на брифинг за новинарите денеска рече дека деновиве продолжуваат работните средби со лидерот на СДСМ,...

Македонија12 часа

Заев: Подготвен сум да бидам премиер во наредните четири години

Лидерот на СДСМ, Зоран Заев, е уверен дека ќе успее да состави влада во следните 20 дена, а веќе денеска...

Македонија12 часа

(Видео) Лидерите од албанскиот блок не дојдоа, Ахмети остана сам на средбата во хотелот „Парк”

На закажаната средба на партиите од албанскиот блок на иницијатива на ДУИ се појави само Али Ахмети. Како што рече...

Македонија13 часа

Браќа од Битола обвинети за ширење детска порнографија, собирале интимни снимки од малолетнички

Битолското Јавно обвинителство поднесе обвинение против двајца браќа од Битола на возраст од 51 и 52 години, од кои едниот...

Топ13 часа

Обвинение за скопјанец што организирал фудбалски турнир на кој имало 100 луѓе во публика

Основното јавно обвинителство Скопје до Основниот кривичен суд Скопје денеска поднесе предлози за издавање казнени налози против вкупно 17 лица...

Економија14 часа

Граѓаните ќе добијат обесштетување од Еуростандард банка по 20 дена во вредност до 30 илјади евра

Фондот за осигурување депозити, во согласност со решението на гувернерот на Народната банка за укинување на дозволата за основање и...

Свет15 часа

Лекот „РЛФ-100“ покажува позитивни резултати кај тешко заболените од коронавирус

Швајцарската компанија и нејзиниот американски партнер објавија дека нивниот лек „РЛФ-100“ („авиптадил“) покажува позитивни резултати кај пациенти со коронавирус, кои...

Македонија15 часа

Поради семејни причини, Џафери не закажа за денеска собраниска седница

Претседавачот со конститутивната седница, Талат Џафери, се премисли и не го закажа продолжението на седницата и покрај најавите во дел...

Европа15 часа

Грција и Франција со рекорден број новозаразени од коронавирус

Грчката влада соопшти дека во изминатите 24 часа се регистрирани 262 нови случаја на коронавирус, што е најголем дневен број...

Свет16 часа

Стотици луѓе починале од лажни информации за коронавирусот

Во првите три месеци од оваа година најмалку 800 луѓе во светот починале поради дезинформации за коронавирусот, објавија научниците. Според...

Македонија16 часа

Деветнаесет години од потпишувањето на Охридскиот рамковен договор

Денеска, се одбележуваат 19 години од потпишувањето на Рамковниот договор, со кој беше ставен крај на неколкумесечниот конфликт во земјата...

Свет1 ден

Најмалку 800 луѓе во светот умреле поради дезинформации во врска со ковид-19

Најмалку 800 луѓе во светот починале поради дезинформации врзани за коронавирусот во првите три месеци од оваа година, тврдат научниците....

Свет1 ден

(Видео) Најмалку тројца загинати и шестмина повредени во тешка железничка несреќа во Шкотска

Најмалку три лица, вклучително и возачот на возот, загинаа во железничка несреќа што се случи во Шкотска, откако патнички воз...

Досие