Македонија
Груби: Живееме во страв дека Бугарите ќе не асимилираат, не сакам повеќе состојба на заробена држава
„Речникот вели дека помирувањето е повторно воспоставување на пријателските односи или чин на правење едно убедување или гледиште во согласност со друго. Така, сметам дека бевме пријатели, потоа се каравме, а сега пак се враќаме на пријателските односи. Не можам да се сетам на многу од ова во Југоисточна Европа, без разлика колку длабоко и далеку одиме во историјата. Пораснавме со стравот дека Албанците ќе ја однесат оваа земја на друго место, додека не се одваживме да бидеме храбри и да донесеме одлуки да го надминеме нашиот страв. Ја завршивме војната со мировен договор кој на крајот ја направи земјата отворена за сите нејзини граѓани, што резултираше со довербата на граѓаните кон државата. Пораснавме со страв дека Грците ќе ни ја земат историјата, и дека тоа ќе биде Армагедон. Сега живееме во страв дека Бугарите ќе не асимилираат во 21 век, после 21 век неуспешни обиди да го сторат тоа. Никој од нас не изгуби ништо од договорите на Охрид, Преспа и за добрососедските односи. Државата, регионот и се што добивме скоро сите, неопходен е дополнителниот чекор за заокружување”, истакна министерот за политички систем, Артан Груби, од Преспа форумот.
Цел живот го поминав во конфликт. Од кога памтам за себе, имало проблеми и никогаш немало „дасадни“ моменти во овој регион, рече тој во својот говор.
„Никој не може да го оспори постоењето на македонскиот јазик, македонскиот народ и постоењето на нашата држава. Судниот ден нема да се случи, светот нема да престане да постои дента по донесување на потребните одлуки. Не сакам повеќе состојба на заробена држава“, порача Груби.
Во четвртиот панел дискусија имаше и од страна на заменик премиерката на Косово, Емилија Реџепи, државната секретарка на Швајцарија, Ливиа Леу, директорката за Европа и Централна Азија од „European External Action Service“, Ангелина Еицхорст, високиот претставник на ЕУ за Косово, Мирослав Лајчак, државниот секретар за надворешни работи на Светата Столица, Мирослав Станислав Васхоски, специјалниот претставник на Германија за Западен Балкан, Мануел Сарацин, високиот претставник за БиХ, Христијан Шмид, како и генералниот секретар на „RYCO“, Алберт Хани.
„Во регионот, времето како да истекува, а светот како да нема време. Неопходно е да се искористи оваа историска шанса која можеби нема да се повтори”, порача Сарацин.
„Во денешниот Западен Балкан има премногу од минатото, што ја засенува иднината на регионот во ЕУ. Тоа го кочи Балканот, кој на крајот не служи никому, а најмалку на сите негови граѓани. Ова мора да се промени“, истакна Мирослав Лајчак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево време со температура до 25 степени
Времето утрово е студено со појава на магла по одделни котлини и речни долини. Преку денот, ќе биде сончево со мала локална облачност. Ќе дува слаб ветер претежно од југоисточен правец. Минималната температура ќе биде во интервал од -3 до 5, а максималната ќе достигне од 18 до 25 степени.
Во Скопје минималната температура ќе се спушти до 2, а максималната ќе достигне до 23 степени, јавува УХМР.
Во наредните денови продолжува периодот на стабилно и претежно тивко време со студени утра и температури кои наместа ќе се спуштаат под нула степени. По одделни котлини ќе има услови за појава на утринска магла или ниска облачност. Дневната температура ќе биде без значителни промени.
Македонија
Не е за пиење водата во тетовските села Мерово, Луковица и Седларево, како и во прилепското село Ропотово
Регионалниот центар за управување со кризи Тетово, извести дека од Центарот за јавно здравје ЈЗУ – Тетово добиле информација дека испитаните примероци на вода за пиење од селата Мерово, Луковица и Седларево (Општина Желино) не одговара на законските и стручни прописи за бактериолошка анализа.
„Потребно е да се врши редовна дезинфекција на водата за да може да се употребува за пиење“, велат од ЦУК.
РЦУК Битола, информира дека од Центар за јавно здравје ЈЗУ – Прилеп е докажана здравствена микробиолошка неисправност на водата за пиење од регионалниот водовод (Општина Долнени) во с. Ропотово и во основното училиште на с. Ропотово.
Македонија
Се’ уште забранета водата за пиење во Струмица
Изречената забрана за пиење на водата од струмичкиот водоснабдителен систем останува на сила, соопшти Агенција за храна и ветеринарство (АХВ) по резулатите од анализираните мостри земени на 18 октомври годинава во рамки на спроведениот вонреден инспекциски надзор во водоснабдителниот објект – фабрика за вода на ЈКП „Комуналец” Струмица.
Од АХВ информираа дека кај сите мостри претходно зголеменото ниво на манган е во рамки на дозволените вредности, но микробиолошки, четири од земените мостри не ги исполнуваат безбедносните критериуми поради детектирано зголемено присуство на колиформни бактерии во водата.
Целта на контролата беше увид во досегашните активности спроведени од страна на ЈКПД Комуналец од Струмица во однос на спроведувањето добра производствена и добра хигиенска пракса, како и други технички зафати во водоснабдителниот систем.
Во рамки на надзорот, земени се 6 мостри за анализа на водата од водоводната мрежа на ЈПКД Комуналец Струмица и тоа: една мостра од сирова вода која доаѓа од браната, сирова вода од чешма во фабриката, втора мостра на хлорирана/третирана вода за пиење од чешма во фабриката за вода, три мостри вода за пиење од мерните места одредени од ЈПКД Комуналец во нивниот мониторинг план за земање мостри вода за анализа и една мостра вода за пиење земена по случаен избор на инспекторот од водоводната мрежа на ЈПКД Комуналец.