Македонија
Да го спречиме општественото зло да влезе во образованието: „Родителскиот фронт“ организира собир во Струмица против родовата идеологија

По контроверзните прашања од програмата „Образование за животни вештини“за средно образование кои се споделуваа на социјалните мрежи и предизвикаа бурни реакции, „Родителскиот фронт“ најави собир во Струмица, на кој, како што велат граѓаните ќе бидат запознаени зошто треба да се каже „Не“ на родовата идеологија.
„Со оглед на тоа, што по бројните реакции во јавноста, Бирото за развој на образованието го повлече спорниот учебник од својата веб страница, ние како загрижени граѓани, Ви го доставуваме во електронска форма.
Во него, ќе можете да ги и пронајдете прашалниците наменети за учениците за кои сметаме дека се штетни за нивниот развој (кои ги објавивме на нашите социјални страници) и кои водат кон индоктринација со родовата идеологија, која ќе предизвика конфузија и ќе создаде несреќна и изгубена младина“, велат од Родителскиот фронт.
Информираат дека вечерва, во 18 часот на Градскиот плоштад „Гоце Делчев“ во Струмица ќе биде одржан информативен собир на кој граѓаните ќе бидат запознаени зошто треба да кажат „Не“ за родовата идеологија.
Ја бараат поддршката од целата заедница за да, како што велат, се спречи, „ова општествено зло да влезе во образовните курукулуми во основните и средните училишта“.
Наставната програма не е задолжителна, беше истакнато од Бирото за образование за прашалникот за хетеросексуалноста
Според нивната информација, се работи за изготвен прирачник за наставници врз основа на наставна програма, кој не е задолжителен.
„Макфакс“ претходно објави дека на социјалните мрежи се споделуваат контроверзни прашања од програмата „Образование за животни вештини“ за средно образование. Прашањата се наоѓаат во работните листови, во делот „Индентитети“, и се однесуваат на хетеросексуалноста и нејзиното преиспитување. Меѓу прашањата за средношколците има: Дали е можно вашата хетеросексуалност да е само фаза којашто ќе ја надминете?; Ако хетеросексуалноста е нормална, тогаш зошто толку многу хетеросексуалци се лица со ментални нарушувања?; како и: Најголемиот број лица што злоставуваат деца се хетеросексуалци. Дали сметате дека е безбедно вашето дете да го праќате на училиште каде повеќето наставници се хетеросексуалци?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) МВР: Не е вистина дека автомобилот непрописно паркиран во Дебар Маало е на полицаец

Во врска со видеото на социјалните мрежи на кое се гледа непрописно паркирано возило со скопски регистарски ознаки на територија на Дебар Маало , МВР информира дека настанот се случил на 22 март.
Возилото било подигнато од страна на ПОЦ, а на возачот на возилото С.К. издаден му е платен налог.
„Ве информираме дека предметното возилото не е на полициски службеник“, велат од МВР.
Во врска со постапувањето пак на полициските службеници при подигнувањето на возилото, веќе постапува Одделот за внатрешната контрола, криминалистички истраги и професионални стандарди при МВР и по завршување на целокупната постапка соодветно јавнотост ќе биде информирна.
Возилото ги изиритира граѓаните зашто беше паркирано сред велосипедската патека, и бараа да биде подигнато. Од целиот настан, објавено е видео.
Македонија
Кузеска: Трагедијата во Кочани покажа длабоки пропусти на МВР, мора да има одговорност

Најтешката трагедија во поновата историја на нашата држава – трагедијата во Кочани – однесе уште една жртва. Болката се уште е огромна, а прашањата за одговороност за институционалните пропусти– сè погласни. Трагедија со вака тешки последици, со толку голем број на жртви повикува на неселктивна истрага и одговорност од сите, изјави портпаролката на СДСМ, Богданка Кузеска.
Таа рече дека и покрај сите пропусти непосредно на денот на кобната ноќ и пред тоа, сè уште ниту еден командир, инспектор, началник или функционер на МВР – од ОВР Кочани, СВР Штип или БЈБ – не е повикан на распит, ниту опфатен со истрагата. А токму тие биле на функција, имале законска обврска и должност да постапат на 16 март.
„Законот за јавни собири јасно вели дека за масовен настан со над 600 луѓе, мора да има полициско присуство и безбедносен план, дури и ако не бил формално пријавен.
Факт е дека МВР не постапило соодветно, не изготвило безбедносен план, не направило проценка на ризик, иако настанот бил јавно најавен.
Исто така, МВР е надлежно за дозволите и контролата на употреба на пиротехника во затворен простор – која што е основна причината за пожарот.
Полицијата, која била на лице место кобната ноќ во диското – видела малолетници, пиротехника, непријавен настан, клуб без лиценца – и не презела ништо!
Значи сите контролни механизми и безбедноста кои се во надлежност на МВР – особено Бирото за јавна безбедност, СВР Штип и ОВР Кочани затаиле.
Како е можно да нема никаква одговорност од актуелните полициски функцинери кои биле на позиции тој ден?
Еден од тие функционери е Томо Донев, началник на криминалистичка полиција во Кочани.
Тој е фотографиран на партиски состанок на ВМРО-ДПМНЕ иако според Законот, забранета е политичка активност за полициски службеници.
Јавно прашуваме:
Дали поради оваа близина со ДПМНЕ досега не се опфатени со истрагата актуелни фукцинери од МВР?
Ова не е прашање на политика. Ова е прашање на одговорност и правда.
Граѓаните, жртвите и нивните семејства заслужуваат одговори а јавноста бара одговорност, од прв до последен“, изјави Кузеска.
Македонија
ССНМ: Објавена декларација за подобрување на работничките и на професионалните права на новинарите и медиумските работници

Подобрување на професионалните и на работничките права, како и на условите за работа на новинарите и медиумските работници, се главните пораки од декларацијата што денеска на прес-конференција во Скопје беше презентирана од Самостојниот синдикат на новинарите и медиумските работници и Меѓународната федерација на новинарите (ЕФН).
Декларацијата, која беше поддржана и од Здружението на новинарите на Македонија и од Институтот РЕСИС, беше создадена по тридневната „Мисија за скрининг и застапување за професионалните и работничките права на новинарите и медиумските работници“ во Македонија, дел од проектот „Работнички права за независно новинарство“, поддржан од Европската Унија.
Декларацијата се базира на тоа дека професионалните новинари и медиумите треба да може да работат во слободна медиумска средина, без притисоци и закани, за да се гарантира функционирањето на демократските процеси во Македонија, како и од премисата дека само безбедни и добро платени новинари и медиумски работници може да продуцираат новинарство што го штити јавниот интерес.
Декларацијата беше презентирана од генералниот секретар на Меѓународната федерација на новинарите, Ентони Беланжер, дел од тимот на мисијата заедно со Нисрин Саламех од ЕФН и медиумскиот експерт и консултант, Деирдре Кевин.
По тридневните средби со надлежните институции за медиумската легислатива, како и со редакции и медиумски организации, мисијата се запозна со состојбата на слободата на медиумите во Македонија и со условите во кои работат новинарите.
„Никогаш не заборавајте дека новинарите работат во јавен интерес, никогаш не заборавајте дека новинарите работат во интерес на граѓаните на својата земја. Демократијата мора да брани слободен и независен печат. Демократијата мора да им овозможи на медиумите и на новинарите да работат во добри услови. Демократијата мора да обезбеди етичка и економска независност на своите новинари и медиумски плурализам“, рече Беланжер на прес-конференцијата.
Тој испрати и силна порака дека Законот за медиумите мора да ги зема предвид демократските стандарди, но и меѓународните документи и одлуки како на МФН така и на главните агенции на Обединетите нации.
Претседателот на ССНМ, Павле Беловски, се осврна на борбата за работничките и професионалните права, како и на важноста на поддршката од професионалните организации, како ЕФН.
„Оваа посета или мисија за нас е важна од повеќе аспекти, пред сè, многу ни значи поддршката што ја добиваме од Меѓународната федерација на новинарите, која претставува стотици илјади новинари од целиот свет, но е важна и поради искуството и знаењето што го имаат тие, како и од Деирдре Кевин, кога се работи за борбата за работничките права и застапувањето за нивно остварување како преку директна борба така и преку подобрување на законските решенија, кои се однесуваат на медиумите“, рече Беловски.
Експертот за медиумска легислатива, Деирдре Кевин, ја истакна потребата од развивање целосно нова легислатива за медиумите.
„Многу е важно да се проодлжи со процесот на подобрување на медиумската легислатива, особено усогласување со Европскиот закон за слобода на медиумите. Ова се однесува и на заштитата на условите за работа на новинарите. Секако, потребна е и транспарентност на финансирањето на медиумите. Преку ЕУ-проект во 2023 година веќе беа изработени низа анализи и препораки за нов закон за медиуми, со кои се подобруваат и заштитуваат работничките права на новинарите. Исто така, се препорачува и формирање фонд за медиумски плурализам и квалитетно новинарство“, рече Кевин.