Црногорската полиција објави соопштение по информацијата дека експремиерот Никола Груевски на патот кон Унгарија поминал низ Албанија, по што влегол во Црна Гора.

„По повод наводите што се објавени во медиумите, како и интересирањето на медиумите по ова прашање, а кои се однесуваат на тоа дали поранешниот премиер на Македонија, Никола Груевски, влегол во Црна Гора на 11 ноември 2018 година, поради вистинитоста на информирањето на јавноста го објавуваме следново: Никола Груевски ја напуштил Црна Гора истиот ден кога влегол во нашата земја. Црногорската полиција во целост ги испочитувала законските процедури“, се наведува во соопштението на управната полиција во Црна Гора.

Во соопштението нема детали од кој граничен премин Груевски заминал од земјата.

Претходно албанската полиција соопшти дека експремиерот Никола Груевски преку албанската граница заминал за Црна Гора на патот кон Будимпешта. Албанската полиција јави дека Груевски ја поминал границата преку преминот Хан Хоти-Муриќан, на албанско-црногорската граница, во возило во сопственост на унгарската амбасада во Тирана.

Албанската полиција додаде дека во периодот кога Груевски ја поминал границата немало издадено меѓународна потерница по него.

Најостро ја осудувам грубата и тенденциозна манипулација на порталот А1он, но и на други медиуми и портали кои ја пренесоа веста со наслов дека јас наводно сум рекол „Ако треба и ќе убиеме за Македонија”,  вели пратеникот Васил Пишев преку демант.

„Таа реченица никогаш и никаде не сум ја рекол, пишал или изјавил и е тотална невистина и лага. Моето пишување кое го пренесоа почесните медиуми во такви околности на неконтролиран влез на луѓе, јас пишав, ако треба и ќе умреме за Македонија. И тоа и денес го мислам, дека тоа е свето право на секој Македонец. Потенцирам, дека да умреш или да убиеш има огромна разлика дури и за малите деца“, се вели во демантот на Васил Пишев.

Со ништо не сум заслужил, вели тој,  моите чест и углед да бидат нарушени и тоа никогаш нема да го дозволам.

Поддржувачите на иницијативата „Македонија блокира“ вечерва се упатија во населбата Пржино, кон домот на поранешната министерка за култура Елизабета Канческа-Милевска, но не успеаја да стигнат до нејзината куќа бидејќи припадниците на МВР, кои беа поставени на почетокот на улицата, ги спречија.

Демонстрантите извикуваа „Македонија, Македонија“.

Лидерот на партијата Единствена Македонија, Јанко Бачев, ја повика поранешната министерка да излезе од својот дом и да се помири со граѓаните, а не со, како што кажа, оние во Собраниет бидејќи тие имаат единствена цел само да ја продадат Република Македонија.

„Излези Бети, излези, ако не поради нешто друго, барем поради тоа што си домаќинка. Излези со народот и прими го писмото од граѓаните“, рече Бачев.

Демонстрантите исто така го прочитаа писмото кое минатата недела го дадоа и на останатите пратеници кои гласаа за уставните измени во Собранието на Република Македонија, меѓу кои и Сашо Василевски, Љубен Арнаудов и Крсто Мукоски.

Виктор Јованов