Контакт

Македонија

Димитров: Голем е придонесот на граѓанските организации во креирањето на реформите за ЕУ-интеграција

Објавено пред

Заменик-претседателот на Владата задолжен за европски прашања учествуваше на онлајн-консултацијата со над 60 претставници на граѓански организации за нацрт-националната програма за усвојување на правото на ЕУ (НПАА) 2021-2025 година.

НПАА е клучниот стратешки и програмски документ на државата за насочување на процесот на европска интеграција, што ги дефинира приоритетите, динамиката и потребните ресурси за усогласување на националното законодавство со европското право, како и активностите за приспособување на националните институции кон европските административни структури, па оттаму е основа за нашата подготовка за билатералниот скрининг и за градење на идните преговарачки позиции.

Иницијативата за одржување на овие консултации по повеќе години е во светло на заложбите на СЕП за инклузивност и транспарентност во креирањето на јавните политики поврзани со процесот на европска интеграција. Во своето излагање вицепремиерот Димитров се осврна на важноста на НПАА, подготовката и механизмот за следење и известување и посочи дека станува збор за жив документ, кој и по усвојувањето, ќе биде предмет на повремено ажурирање со цел соодветно да се интегрираат новите обврски што ќе произлегуваат од процесот на интеграција.

„Првичната анализа на усогласеноста на националното законодавство со ЕУ acquis од објаснувачкиот скрининг содржано во повеќе од 3.600 акти покажа дека степеност на усогласеност изнесува 45 %, што е одлична почетна основа на почетокот на преговорите и за приоретизирање и развивање преговарачка стратегија базирана на докази поради што НПАА е приспособена и на новата методологија за пристапни преговори“, рече Димитров.

Покрај добрата подготвеност за почеток на преговорите, Димитров се осврна и на системската подготовка на националната верзија на европското законодавство и забрзаната динамика за превод на acquis-то на македонски јазик, што е исто така приоритет предвиден со НПАА, а заради обезбедување подобра координација и дигитализација на процесот се работи и на подготовка на интегрирана НПАА-платформа за управување со процесот на преговори со која ќе се надградат постојните бази и ќе се развијат нови функционалности и интероперабилни системи. Воедно, во тек се консултации за ревизија на актите за преговарачката структура, што е од голема важност и итност.

За крај, Димитров укажа на улогата на граѓанските организации во механизмите за следење на исполнувањето на планираните реформи и нивниот ефект и неопходноста од заемна соработка бидејќи станува збор за процес на европеизација на општеството што е заедничка одговорност.

„Придонесот во креирањето на реформите за ЕУ-интеграција и дефинирањето на приоритетите од вас како граѓански организации ни е особено значен, особено што во текот на годините во вашите редови има развиено експертиза за многу специфични области, затоа вашите предлози и укажувања соодветно ќе ги рефлектираме во НПАА. Секако, важна ни е и вашата улога во следењето на исполнувањето на планираните реформи и нивниот ефект и јас како заменик-претседател на Владата задолжен за европски прашања за ЕУ, но и службите ќе бидат достапни за сите ваши понатамошни сугестии“, истакна Димитров.

Македонија

Милошоски: Заев, Димитров и Османи да oбјаснат за кои дополнителни анекси се разговара со Бугарија

Објавено пред

Антонијо Милошоски од ВМРО-ДПМНЕ ги повика Заев, Димитров и Османи да се појават пред Собранието и да објаснат за кои дополнителни анекси се разговара по однос на Договорот со Бугарија.

„Денес протестот го одржуваме пред Министерството за надворешни работи затоа што ова надворешно-политичко прашање поврзано со можните дополнителни отстапки од Македонија кон Бугарија ги засега и министерот Бујар Османи и премиерот Заев и вицепремиерот Никол Димитров кои што беа личности што пред три години нѐ убедуваа дека сме почнале преговори со ЕУ, а гледаме дека и ден денес тоа не е случај“, рече Милошоски.

Истите тројца, додаде тој, беа промотори на референдумот на кој што ветуваа дека Македонија ќе стане членка на ЕУ, но, како што рече Милошоски, далеку сме од таквата ситуација.

„Затоа повикуваме до институциите особено до Заев, Димитров и Османи да се појават пред Собранието како дом каде што се наоѓаат народните избраници и таму на граѓаните преку пратениците и на јавноста да и објаснат за кои дополнителни анекси се разговара по однос на Договорот со Бугарија и зошто јавноста беше излажана во 2017 година дека Договорот со Бугарија ги решил сите македонско-бугарски спорови и го отвара патот за ЕУ. Гледаме дека тоа не е вистина и сметаме дека таа вистина Заев, Димитров и Бујар Османи им ја должат на граѓаните, на Собранието и на јавноста“, рече Милошоски.

Прикажи повеќе...

Македонија

Андоновска: Системот за вакцинирање со сериозен недостаток, ако се пријавите повеќе пати, се регистрира последното пријавување

Објавено пред

Ако веќе еднаш сте пријавени на vakcinacija.mk не се пријавувајте повторно, затоа што се евидентира само датата на вашата последна регистрација на сајтот, предупреди Марија Андоновска од ВМРО-ДПМНЕ.

Таа вели дека разговарала со одговорно лице за електронско пријавување за вакцинација и дека тоа што го дознала треба да им биде кажано и на граѓаните.

„ На барање на повеќе граѓани кои се над 60 години и покажале интерес за вакцинација, пријавувајќи се на vakcinacija.mk, се јавив во Министерство за здравство да добијам одговор зошто овие луѓе се уште немаат добиено термин за вакцинирање, а многу помлади кои не спаѓаат во приоритетни категории, веќе го имаат сторено тоа. Од таму ме препратија да се обратам на бројот 0215444 како компетентни лица кои можат да ми одговорат. После повеќе обиди успеав да ги добијам. Јас се преставив и ги поставив моите прашања.

Госпоѓата која ми се јави беше многу љубезна и културна, но одговорот воопшто не ми се допадна. Најпрво ми рече дека се направил пресек до 30.04.2021 и оние кој се пријавиле до таа дата добиваат термин за вакцинација.

Јас и реков дека има луѓе кои се над 60 години и не само што се имаат пријавено до 30 април, туку тоа го прават секој втори, трети ден со цел дека ќе добијат термин. Е тука го слушнав она што не ми се допадна.

Госпоѓата ми одговори дека не требало да се пријавуваат повеќе пати бидејќи системот го регистрира само последното пријавивање. Ова би значело дека многумина кои се пријавиле на vakcinacija.mk пред 30.04, а потоа повторно се пријавувале, регистрирана е последната дата.
И реков дека ова е сериозен недостаток на системот и ако е така како што таа ми тврди, тогаш граѓаните треба да се известени за ова, а тие како министерство да сторат нешто за проблемот да биде надминат“ напиша Андоновска.

Прикажи повеќе...

Македонија

Компанијата „Евротим“ од Кичево доби забрана за продажба на мазут

Објавено пред

Државниот пазарен инспекторат изрече забрана за продажба на мазутот кој е затекнат во складот на компанијата „Евротим“ од Кичево поради отстапки во кавлитетот.

„Државниот пазарен инспекторат ги доби резултатите од земените дополнителни мостри од складот за мазут во Ресен во сопственост на компанијата „Евротим ГДС ДООЕЛ Кичево“. Според анализите, констатирано е дека параметрите вода и седименти и содржина на пепел, се повисоки од граничните вредности пропишани со стандардот МКС Б.Х2.430. Поради констатираните отстапувања на квалитетот на производот, од страна на ДПИ е донесено решение за забрана за промет на производот мазут кој е затекнат во складот на економскиот оператор ‘ЕВРОТИМ ДООЕЛ Кичево’“, соопштија од Владата.

ДПИ уште при првичните контроли на компанијата „Евротим ДООЕЛ Кичево“ и изрече Решение за времена забрана за пуштање во промет на мазут, затоа што тогаш кај две цистерни на компанијата, беа утврдени отстапки од граничните вредности на мазутот, што оваа компанија го увезува. Тоа значи дека параметрите за квалитет на мазут не одговарале согласно Правилникот за кавлитет на течни горива. По задолжение од ДПИ, тогаш двете цистерни од кои се земаа мострите, беа вратени кај добавувачот, по што следуваа последните дополнителните анализи.

Од Владата додаваат дека целата документација, со сите наоди од надлежните институции, веќе се доставени во Основното јавно обвинителство Скопје, за понатамошно процесурирање и постапување согласно нивните надлежности.

Прикажи повеќе...

Најново

Македонија1 час

Андоновска: Системот за вакцинирање со сериозен недостаток, ако се пријавите повеќе пати, се регистрира последното пријавување

Ако веќе еднаш сте пријавени на vakcinacija.mk не се пријавувајте повторно, затоа што се евидентира само датата на вашата последна...

Македонија2 часа

Еко-активистите бараат увид во извештајот за состојбата на исечените дрвја, Богдановиќ тврди дека биле стари и суви

Еко-активистите изразија револтираност од, како што велат, масакрот на дрвјава на улицата „Орце Николов“ во Дебар Маало, направен вчера. Од...

Македонија2 часа

Македонски полицајци ќе се грижат за безбедноста на Европското фудбалско првенство

По повод Европското првенство во фудбал ЕУРО 2020, на кое првпат ќе учествува и македонската фудбалска репрезентација, Министерството за внатрешни...

Македонија3 часа

Продолжен притворот на Орце Камчев

Бизнисменот Орце Камчев останува во затворот во „Шутка“. Кривичниот совет му ја продолжи мерката за нови 30 дена. Судиите сметаат...

Македонија4 часа

САД со поддршка за почеток на преговорите на Македонија со ЕУ, без одложување

САД изразија поддршка за итен почеток на преговорите за Македонија и Албанија во ЕУ, објави портпаролот на американскиот Стејт департмент,...

Македонија4 часа

Во тек се двете трансплантации на бубрег од починатата донорка

Во моментов на Клиниката за урологија во тек се двете трансплантации на бубрег од 44-годишната пациентка која вчера беше дијагностицирана со...

Топ6 часа

Албански државјанин им дал мито на полицајците, кои во неговиот камион пронајдоа дрога вредна 200.000 евра

Албанскиот државјанин кој вчера беше фатен со голема количина дрога во камион со приколка на патот Прилеп-Градско, претходно им понудил...

Свет6 часа

Кина ја одобри вакцината на „Синофарм“ за деца постари од три години

Вакцината против Ковид-19 на кинеската компанија „Синофарм“, што ја направи Институтот за биолошки производи во Пекинг, доби одобрение за употреба...

Свет7 часа

(Видео) Бајден: Ќе донираме половина милијарда вакцини за сиромашните земји и нема да бараме против-услуга

Американскиот претседател Џо Бајден, кој најави дека САД ќе донираат половина милијарда вакцини против Ковид-19 во 92 земји кои се...

Македонија7 часа

Матурантите го полагаат вториот екстерен испит

Матурантите денеска од 10 часот ќе го полагаат вториот екстерен испит. Гимназијалците и оние од стручното образование, избираа помеѓу предметите...

Македонија8 часа

Успешно извршена четвртата трансплантација на срце

Рано утрово, срцето на 44 годишната пациентка чие семејство несебично ги донираше органите, почна повторно да чука. Министерот за здравство,...

Македонија8 часа

Макрон: Лично сум вклучен да се најде решение со Бугарија

Франција го поддржува процесот на интеграција на Северна Македонија во ЕУ, време е да се конкретизира без да се губи...

Спорт19 часа

Пандев: Знаеме дека сите навивачи живеат со нас!

Капитенот на македонската фудбалска репрезентација, Горан Пандев во интервју за МТВ пред стартот на Европското првенство, вели дека сите во...

Свет22 часа

Затворска казна за Французинот што му удри шлаканица на Макрон

Судот во Франција денеска го осуди 28-годишниот Дамиен Тарел, кој во вторникот му удри шлаканица на претседателот Емануел Макрон на...

Македонија1 ден

Нови 18 заболени и еден починат од Ковид-19

Во последните 24 часа се направени 2.411 тестирања, а регистрирани се 18 нови случаи на КОВИД-19 од: Скопје – 8,...

Регион1 ден

Европската комисија: Западен Балкан да се стрпи за слободно патување во ЕУ

Европската комисија го поздравува напредокот на земјите од Западен Балкан во однос на епидемиолошката состојба и вакцинацијата, но вели дека...

Македонија1 ден

РТС: Бајден со лидерите на ЕУ ќе разговара и за интеграциите на Македонија и Албанија

Западен Балкан ќе биде една од темите на средбата на американскиот претседател, Џо Бајден, со лидерите на ЕУ следната недела...

Македонија1 ден

Русија протера македонски дипломат од Москва

Русија прогласи дипломат од македонската амбасада во Москва за персона нон грата, во знак на одговор поради протерувањето на рускиот...

Македонија1 ден

Нема место за дивоградбите во Охридскиот Регион, порача евроамбасадорот Гир

Амбасадорот на ЕУ во земјата, Дејвид Гир, порача дека нема место за дивоградбите на крајбрежјето на Охридското Езеро и треба...

Македонија1 ден

Охрид му ја врати на српското собрание оградата од вила „Билјана“

Oградата од вилата „Билјана“ во Охрид денеска му е вратена на српското собрание, по повеќе од шест децении. На примопредавањето...

Досие