Македонија
Директорите на македонската и хрватската Царинска управа договорија унапредување на соработката во борбата против криминалот

Унапредување на соработката со Царинска управа на Република Хрватска сè со цел пожестока борба и сузбивање на организираниот прекуграничен криминал во регионот. Ова е договорено помеѓу директорите на двете Царински управи, Бобан Николовски и Марио Демировиќ, на настан одржан во Центарот за напредни обуки при Царинската управа на Република Хрватска.
„Нашата безбедност се потпира на нашите способности за жестока борба со криминалот и сузбивање на нелегалната трговија. Притоа унапредување на соработката со Царинските управи во регионот е од исклучителна важност за зголемување на безбедноста“, истакна директорот Николовски.
На настанот организиран по повод работната посета на директорот Николовски е договорено одржување на обуки со експерти од Хрватска, при што од наша страна ќе бидат пренесени искуствата во примената на системот за видео надзор и препознавање на регистарските таблички. Воедно договорено е унапредување на соработката во делот на размената на информации за цели на истраги.
Николовски потенцира дека унапредувањето на институционалните капацитети е клучно за поголема ефективност во наплатата на приходи и сузбивање на прекуграничниот организиран криминал. Притоа, како што рече, Царинската управа работи и на зајакнување на К9 единицата со нови кучиња и обуки коишто ќе се вршат во континуитет.
Во рамки на настанот во Центарот за напредни обуки при Царинската управа на Република Хрватска, царинските службеници извршија презентација на обуките што ги вршат во тамошниот центар со помош на опрема која служи како наставно помагало меѓу која и возила во кои е откриена разна криумчарена стока, од која најмногу наркотици. Воедно во тренинг центарот се наоѓа и К9 тренинг полигонот како и одгледувачница за идните службени кучиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пожар во околината на Битола

Од Центарот за управување со кризи инфморираат дека во Битола гори големо стрниште а екипите на ТППЕ Битола се на лице место.
Огнот од стрништето се пренел и на трската и останатата вегетација покрај реката Црна поради што е видлив од далеку, соопшти Стојанче Ангелов.
Како што појасни гаснењето е отежнато поради калливиот терен покрај реката Црна.
„Нема опасност по населени места. ТППЕ Битола се обидува да го изгасне“, вели Ангелов.
Македонија
Телефонски броеви и информации за семејствата на пациентите кои се лекуваат во странство, објави Муцунски

Преку социјалните мрежи министерот за надворешни работи Тимчо Муцунски објави како што пишува, важни информации за семејствата на пациентите кои се лекуваат во странство.
„Сите семејства на пациентите кои имаат потреба од превоз, сместување или дополнителна поддршка можат да се обратат на 070-270-370. Трошоците за оваа намена се целосно покриени од Владата.
Нашите дипломатско-конзуларни претставништва се на располагање за секоја неопходна помош, а за итни прашања достапни се и дежурните телефонски броеви: 075/273-732 и 075/268-736“, информира Муцунски.
Македонија
Сашо Стошевски назначен за нов директор на општата болница Куманово

Сашо Стошевски, досегашниот директор на подрачната единица на Фондот за здравствено осигурување е назначен за нов директор на општа болница Куманово.
На функцијата директор на кумановската болница доаѓа откако вчера министерот за здравство Арбен Таравари го разреши Стефан Трајановски.
Стошевски е вработен во Фондот за здравствено осигурување во Куманово, каде лани беше назначен и за директор.