Македонија

Дојде живот само за функционерите на СДСМ и ДУИ, велат од ВМРО-ДПМНЕ во образложението за интерпелација

Објавено пред

1 година

- 9 април, 2018

Од

Единствени проекти коишто ги спроведе Владата на СДСМ и ДУИ во изминатиов период се нагло партизирање на институциите и нивно деградирање, заробено судство, луксузирање на владините функционери со парите на граѓаните и политички реваншизам – ова е дел од образложението наведено во барањето за гласање доверба на Владата, кое вчера ВМРО-ДПМНЕ го достави до Собранието. Барањето е потпишано од 41 пратеник и се очекува да биде ставено на седница в среда.

„За да ја одржат својата коалиција СДСМ и ДУИ посегнале кон погазување на демократијата во државата, Уставот, законите и Деловникот за работа на Собранието. Против волјата на мнозинството граѓаните, насила изгласаа неуставен, неприменлив и штетен закон за двојазичност. Недозволиво е во една демократска држава која што претендира да биде дел од НАТО и ЕУ грубо да бидат погазени и прекршени сите процедури кои се наведени во Уставот и Деловникот на Собранието на Република Македонија“, додаваат од опозицијата во образложението.

Најголем дел од интерпелацијата е со критики на економската и социјалната политика, а забелешки има и за образованието и здравството. Меѓу неуспесите на Владата се забележува и тоа дека нема спроведено ниту една реформа.

„Владата која себеси се нарекува реформска досега нема спроведено ниту една реформа. Т.н. владин план „3-6-9“ доживеа тотален колапс и дебакл. Со своето неодговорно однесување и неработење, Владата под знак прашалник ја стави препораката за членство на државата во ЕУ, за што предупредија и дел од странските дипломати во земјава“, додаваат од ВМРО-ДПМНЕ.

Лидерот на ВМРО-ДПМНЕ Христијан Мицкоски вчера изјави дека очекува да се изгласа недоверба на Владата, и да се организираат предвремени парламентарни избори. Интерепелацијата Мицкоски ја најави уште минатата недела, како прв чекор што ќе го преземе опозицијата, кога партијата одлучи да се врати во Собранието.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

(Видео) Салон за мебел изгоре во пожар кај Василево

Претходно

Алијансата за Албанците: Нема да бидеме дел од некоја нова Влада без претходно одржани избори

Македонија

Антикорупциска бара да се раскине договорот за закуп и за Црвенковски

Објавено пред

3 часа

- 17 септември, 2019

Од

Макфакс

Барањето за раскинување на договорите за закуп се однесува на двајцата поранешни претседатели, информира Државната комисија за спречување на корупција.

,,Сакаме да ве известиме дека на денешната 22-ра седница на Државната комисија за спречување на корупција беше одлучувано по предмет отворен по сопствена иницијатива во врска со правата и привилегиите кои ги уживаат поранешни претседатели на државата. За потребите на јавноста сакаме да ве информираме и потенцираме дека денешните одлуки во врска со овој предмет се однесуваат на сите поранешни претседатели и барањето за раскинување на договорите за закуп се однесува на двајцата поранешни претседатели”, се вели во соопштението на Антикорупциската комисија.

И поранешниот претседател Ѓорге Иванов и неговиот претходник Бранко Црвенковски користат државни привилегии. Освен за кирија, Иванов и Црвенковски добиваат плати за тројца вработени, службено возило и возач.

Државната комисија за спречување на корупцијата (ДКСК) најави дека ќе побара од Службата за општи и заеднички работи при Владата (СОЗР) да го раскине договорот за закуп на просториите на поранешниот претседател на државата, Ѓорѓе Иванов, кои ги доби по истекот на мандатот.

Иванов тврди дека претседателката на ДКСК, Билјана Ивановска, манипулира со јавноста бидејќи, како што вели, просторот се изнајмува за 1.950 евра месечно, а не за 4.500 евра.

Прикажи повеќе...

Македонија

Владата донесе препораки за антикорупциска едукација на учениците

Објавено пред

4 часа

- 17 септември, 2019

Од

Макфакс

Владата ја донесе Информацијата за активностите во насока на имплементација на клучните мерки под димензијата Антикорупција од Стратегијата за Југоисточна Европа 2020 и го задолжи Министерството за образование и наука во соработка со Бирото за развој на образованието со писмен допис и оваа учебна година да ги извести сите основни училишта за потребата од планирање на антикорупциски содржини во своите годишни програми.

Согласно дописот, се очекува во учебната 2019/2020 година училиштата да ги реализираат планираните активности од нивните годишни програми за работа кои се однесуваат на активности поврзани со антикорупциската едукација на учениците.

Прикажи повеќе...

Македонија

Бутикофер: ЕУ да ги започне преговорите со Северна Македонија

Објавено пред

5 часа

- 17 септември, 2019

Од

Макфакс

Копретседавачот на Европската зелена партија, Рајнхард Бутикофер во својот твит во врска со посетата на Доналд Туск, изјави:,,Туск е во право кога повикува на почнување на преговорите на Северна Македонија со ЕУ. ЕУ мора да си го заврши својот дел од работата, бидејќи Северна Македонија си ја заврши својата”, соопшти ДОМ.