Контакт

Македонија

Експертите советуваа: Ниту државата ниту „Синохидро“ да не бара отштета за автопатот Кичево – Охрид, за нов краен рок да се преговара

Објавено пред

„Пријателско порамнување“ препорача експертот од ФИДИК (Меѓународна федерација на консултантските инженери), кој го анализира доцнењето на изградбата на автопатот Кичево – Охрид, и препорача кинеската „Синохидро“ да ја продолжи изградбата. Пријателското порамнување значи ниту државата како инвеститор ниту „Синохидро“ како изведувач да не бара отштета, компанијата да ја продолжи изградбата, а новиот прифатлив краен рок за завршување на патот заеднички да го утврдат.

dobivaj vesti na viber

Јавното претпријатие за државни патишта за „Макфакс“ откри дел од анализата на експертот врз основа која Владата одлучи да не го раскинува договорот со кинеската компанија иако премиерот Димитар Ковачевски, незадоволен од тоа што автопатот се гради десет години, најави можност да се раскине и да се избере нова компанија, која навистина ќе го доврши патот.

„Во дел од анализата стои: Во состојба кога во ревидираниот краен рок за завршување на работите, 31.12.2023 година, не може реално да се завршат работите од страна на изведувачот, а земајќи го во обѕир и фактот за висок степен на физички извршените работи, финансиската реализација на проектот, степенот на решени отворени прашања и обезбедените финансиски средства со дополнителниот заем, ви предлагаме да се пристапи кон пријателско порамнување, односно продолжување со работите со прифатлив  краен рок за двете страни земајќи ги предвид предложениот краен рок за завршување на работите од страна на изведувачот и потребното време за решавање на отворените прашања од страна на инвеститорот, без отштетни побарувања од страна на изведувачот и без пресметување отштета поради доцнење на градежните работи од страна на  инвеститорот“, велат од Јавното претпријатие за станбен и деловен простор за „Макфакс“.

Изградбата на автопатот Кичево – Охрид почна 2014 година со рок за завршување до 2018 година

Јавното претпријатие не ги откри другите наоди на експертот од ФИДИК, но нагласи дека Владата на 214. седница ги овласти Кабинетот на заменик-претседателот за економски прашања на Владата, Министерството за транспорт и врски и Јавното претпријатие за државни патишта да почнат преговори за склучување анекс за продолжување на рокот за завршување на патот и по задолжувањето е постапено, преговорите се почнати.

Од Јавното претпријатие не сакаа да откријат колкав рок овој пат ќе ѝ дадат на кинеската компанија за завршување на автопатот.

„За рок за завршување на автопатот сè уште не може да се зборува затоа што преговорите траат. Периодов, пак, имајќи предвид дека е зимска сезона, изведувачот работи на терен онолку колку што дозволуваат временските услови“, велат од Јавното претпријатие за државни патишта.

Премиерот Димитар Ковачевски и минатата недела не одговори на прашањата од медиумите дали новиот анекс на договорот со „Синохидро“ и новиот рок за изградба ќе значат и уште едно поскапување на патот за кој досега трошоците се искачија на 600 милиони евра наспроти првично планираните 340 илјади евра. Кусо одговори дека дополнителните средства зависат од анализите на експертите и од Собранието, кое треба да го одобри анексот на договорот. Премиерот и минатата недела посочи дека одговорност за десетгодишното градење на патот треба да се бара од проектантите кои пред два месеци ги спореди со сметководители со погрешни завршни сметки.

„На готови делови од автопатот пред Нова година имаше 11 свлечишта и цели ридови беа паднати врз автопатот. Треба да се прашаат проектантите како можеле да проектираат на свлечиште, кое веднаш паѓа на автопатот. Автопатот е готов 80 отсто, но свлечиштата мора да се регулираат. Од она што го гледав во проектот, кога тој е направен, една од косините е така направена што почнува од Кичево, а завршува во Албанија. Тој проект е направен на ‘Гугл мапс’“, рече премиерот Ковачевски.

На крајот на 2018 година ГИМ се пофали дека е пробиен најдолгиот тунел во земјата од 1.996 метри на автопатот Кичево – Охрид

„Макфакс“ од проектантите од Градежниот институт Македонија (ГИМ) побара објаснување дали се согласни со ставот на премиерот дека вината за доцнењето треба да се бара и кај нив, дали биле предвидени и дали можело да се предвидат свлечиштата што се појавија. Од таму не одговорија конкретно, туку наведоа дека се компанија која на поставените задачи пристапува со максимална посветеност и квалитет.

„ГИМ има изработено и проектна документација за докомплетирање на проектната документација (урбанистичка проектна документација, урбанистичка планска документација и измени и дополнувања на основните проекти) за автопатот Кичево – Охрид. Изработените проекти се однесуваат на сите подделници во согласност со потребите евидентирани во проектната програма од инвеститорот и консултантот. Целокупната документација е изработена навремено, во согласност со договорот и проектната програма и таа е позитивно ревидирана и прифатена од страна на консултантот. Мисијата на ГИМ е секогаш квалитетно, навремено и транспарентно да одговара на сите зададени задачи и одговорности“, одговорија од Градежниот институт Македонија за проблемите со патот Кичево – Охрид.

Автопатот Кичево – Охрид, долг 57 километри, почна да се гради во 2014 година, а првично требаше да биде завршен до 2018 година. Кога стана извесно дека нема да се изгради во предвидениот рок, изградбата беше пролонгирана до 30 јуни 2021 година, а потоа до 31 декември 2023 година. Рокот за сегашното пролонгирање допрва треба да биде утврден.

Македонија

Тошковски тврди дека не крие имот, Јанушев вели дека не постои никакво подарено земјиште туку имало погрешно внесени податоци

Објавено пред

Министерот за внатрешни работи Панче Тошковски и генералниот секретар на Владата Игор Јанушев тврдат дека не кријат имот, по обвинувањата на портпаролката на СДСМ Богданка Кузеска која рече дека имотот кој му бил подарен на Јанушев, вреден 325.000 евра, е составен дел од зграда во најстрогиот дел од центарот на Скопје каде имот има и министерот за внатрешни работи Панче Тошковски.

dobivaj vesti na viber

„Во однос на обвинувањата изнесени од Богданка Кузеска од СДСМ, сакам јавно да ги демантирам и да ја информирам јавноста дека уште на 04.07.2024 година, во законски утврдениот рок, до Државната комисија за спречување на корупцијата доставив изјава за имотна состојба. Сите податоци за мојот имот се јавно достапни на следниот линк: https://registar.dksk.mk/appointed-person/22221. Одговорно тврдам дека надвор од она што е наведено во изјавата за имотната состојба не поседувам ништо друго“, напиша Тошковски на неговиот Фејсбук профил.

Министерот ги повикува институциите детално да го проверат неговиот имот, но и имотот на секој актуелен и поранешен функционер, особено на оние кои целиот свој живот се на товар на државниот буџет.

И Јанушев се огласи на Фејсбук велејќи дека не постои никакво подарено земјиште туку има погрешно внесени податоци за што веќе е направена и корекција од негова страна.

„Ве пуштав да се излизгате… прво да изнесе лаги еден сдсовски сателит и советник на криминалното СЈО, во исто време шарен револуционер и познат лажен патриот, па потоа да се надоврзе една пара партиска структура и на крај да излезе изворот на таквите дезинформации, партијата која ја води неврохирургот на Заеви или како што во СДС го викаат малиот на Зоки, Венко Филипче. Па да ви одговорам по ред. Прво, СДС вели дека имотот на анкетниот лист е енормно зголемен. Тоа не е вистина и е комплетна лага. Не само што не е зголемен, туку е и двојно помал доколку се направи споредба со тој од 2017. година. Второ, не постои никакво подарено земјиште…има погрешно внесени податоци за што веќе е направена и корекција од моја страна. Истиот имот кој во моментов го поседувам, го поседував и во минатото и доколку било што беше проблематично владата на СДС и ДУИ имаше и повеќе од доволно време да постапува. Трето, 7 години бандитите на ДУИ и СДС беа на власт. 7 години водеа политички процес и хајка врз мене и тоа за непостоечки случај за набавка на автобуси, и кога можеа за тоа да водат случај, што мислите колку пати ќе бев затворен доколку е вистина она што сега го говорат?“, напиша Јанушев.

Според Јанушев, СДСМ ги фаќа страв затоа што секојдневно се откриваат нови злоупотреби и ќе треба да одговараат.

Kузсеска претходно обвини дека  Тошковски во зградата која е дел од шемата за поклонетиот имот на Јанушев имал имот од над 200 квадрати, стан од 146 метри кавдратни и деловни простории од 46 метри квадратни. Таа прапа како се поврзани подарокот на Јанушев од 325.000 евра и имотот на министерот Тошковски, како и каков заеднички бизнис имале двајцата.

Прикажи повеќе...

Македонија

Муцунски на средби со високи претставници на американските компании „Рамбл“, „Кантор Фицџералд“ и „Трамп корпорација за медиуми и технологија“

Објавено пред

Министерот за надворешни работи и надворешна трговија, Тимчо Муцунски, вчера и денес заедно со претседателот на Владата, Христијан Мицкоски, и претседателката Гордана Силјановска-Давкова, оствари средба со Крис Павловски, основач и извршен директор на интернационалната компанија „Рамбл“, Хауард Лутник, основач и извршен директор на една од водечките финансиски корпорации во САД, „Кантор Фицџералд“, и со Девин Нунес, поранешен конгресмен на Калифорнија и сегашен извршен директор на „Трамп корпорацијата за медиуми и технологија“.

dobivaj vesti na viber

На средбите се разговараше за можностите за соработка во дигиталниот сектор и дигиталните реформи, кои треба да ги спроведе нашата држава со цел да се подобрат услугите кон граѓаните и поедноставување на нивниот живот фокусирајќи се на дигиталната слобода и трансформација на македонското општество.

На нив беа разгледани и повеќе можности за унапредување на економската соработка и зајакнување на бизнис-врските меѓу двете земји. Воедно, беа презентирани и поволностите што земјата ги нуди за странски инвеститори, при што беше изразено заемно уверување дека бројот на инвестициите од САД во земјата ќе се зголемува.

Токму зајакнувањето на соработката во областа на економијата и привлекувањето инвестиции е на линија на приоритетите предвидени со стратешкиот дијалог со САД, на што земјата ќе работи во периодот што следува.

Прикажи повеќе...

Македонија

Полицаец од Скопје го оставил полициското куче еден и пол час во паркиран автомобил, животното се задушило

Објавено пред

Полицаец од Скопје го оставил полициското куче во паркиран автомобил, при што животното се задушило и пцовисало. Против него ќе биде поднесена кривична пријава, но и предлог за поведување постапка за утврдување дисциплинска и на материјална одговорност,

dobivaj vesti na viber

Од МВР велат дека станува збор за полициски службеник (Д. М.) кој работел како водич на службено куче, а кривичната пријава е за делото убивање и мачење животни.

Тој на 12 јуни во центарот на Скопје, по завршувањето на работните задачи, го сместил полициското куче од расата белгиски овчар во боксот за транспорт во службената „дачија“. Потоа го паркирал возилото со исклучени мотор и клима-уред, а вклучена вентилација, и го напуштил возилото на еден и пол час.

Кога се вратил назад, забележал дека кучето било во лоша здравствена состојба по што се упатил во ветеринарна станица, каде што било констатирано дека кучето веќе пцовисало. По извршената обдукција од страна на Факултетот за ветеринарство, било утврдено дека причина за пцовисувањето на кучето е задушување предизвикано од топлотен удар.

Прикажи повеќе...

Најново

Македонија8 минути

Тошковски тврди дека не крие имот, Јанушев вели дека не постои никакво подарено земјиште туку имало погрешно внесени податоци

Министерот за внатрешни работи Панче Тошковски и генералниот секретар на Владата Игор Јанушев тврдат дека не кријат имот, по обвинувањата...

Македонија2 часа

(Видео) „Немојте да го разочарате народот“ – Мицкоски за заменик-министрите вели дека се нови лица во политиката, кои може да донесат идеи и енергија

Наследивме опљачкана држава, но ќе победиме и ќе донесеме подобри денови за граѓаните, истакна премиерот Христијан Мицкоски, еден месец по...

Свет3 часа

„Те следам, малечка“: првата порака на Бајден до Камала Харис по повлекувањето од кампањата

Американскиот претседател Џо Бајден ѝ се обрати на Камала Харис преку конференциски повик за време на нејзиниот состанок со персоналот...

Топ4 часа

Џип со странски таблички усмрти велосипедист во Тетово, возачот побегнал

Шеесет и седумгодишен маж од Џепчиште, кој управувал велосипед, загина кога во него се забил џип со швајцарски регистерски ознаки...

Македонија4 часа

(Видео) Кузеска: Панче Тошковски и Игор Јанушев имаат станови во поклонетиот имот на Јанушев

Скандалот со подарокот од 325.000 евра за генералниот секретар на Владата, Игор Јанушев добива нови димензии, истакна на денешната прес-конференција...

Македонија5 часа

Од Скопје до Софија ќе се стигнува за два и пол часа, до Нова година готов експресниот пат Ранковце – Крива Паланка

Експресниот пат Ранковце – Крива Паланка, место наесен, како што најави претходната влада, ќе биде готов до Нова година. Денес,...

Македонија5 часа

Состојбата со издавање лични документи се стабилизира, управните служби ќе нудат брзи и квалитетни услуги, вели Тошковски

Министерот за внатрешни работи, Панче Тошковски, денеска, беше во посета на Одделот за граѓански работи, каде што одржа работен состанок...

Топ7 часа

Запленети возила, цигари, облека: Царинската управа спречи обиди за шверцување разна стока

Во текот на минатата седмица царинските службеници спречија повеќе обиди за шверцување разна стока, при што привремено се задржани цигари,...

Свет7 часа

Осуммина повредени од удар на гром, три деца се во животна опасност во Германија

Осум лица се повредени во удар на гром за време на силното невреме што вчера го погоди Делменхорст во Долна...

Македонија8 часа

Собранието ќе избира заменик-министри; „Влен“: Нашите кандидати се без дамка на корупција

Собранието, денеска, ќе ја одржи 11. седница, на која треба да бидат изгласани заменик-министрите во Владата за комплетирање на владиниот...

Македонија8 часа

(Видео) Активни пожарите на Серта и Огражден: гори во Кумановско, Велешко, Штипско, Битолско, Охридско

Регионалниот ЦУК Куманово, известува дека околу 12:00 часот започнат е пожар во атар на с.Алгуња, Маало Голиновци. Со пожарот е...

Македонија24 часа

Таравари нема да се слика со акцелераторот во „8 Септември“ пред да се пушти во употреба, како што правеа Филипче и Сали

Најмалку шест месеци ќе требаат за да биде ставен во употреба акцелераторот во ГОБ „8 Септември“  за зрачна терапија на...

Македонија1 ден

Најголема плата во Владата зема Мицкоски – 2.280 евра, а најмалата министерска плата е 1.880 евра, објавени платите на премиерот и министрите

Владата ги објави платите на претседателот на Владата и на министрите. Највисока нето-плата зема претседателот на Владата, Христијан Мицкоски –...

Македонија1 ден

Таравари: Вработувања во здравството ќе има, но покачување плати, да бидам искрен, тешко до крајот на годинава

Министерот за здравство, Арбен Таравари, ќе преговара со синдикатите за нивните барања за нови колективни договори во здравството, но она...

Македонија1 ден

Пандов: Затвореници влегуваат и излегуваат кога сакаат, седум години не е направена контрола

По моето назначување на функцијата, од повеќе страни дојдоа до мене информации дека во затворот „Скопје“ секојдневно отсуствуваат поголем број...

Македонија1 ден

Лоши хигиенски услови во кујните, храна со поминат рок: уништени 8,7 тони небезбедна храна по спроведените вонредни контроли во Дојран, Охрид, Струга и во Преспа

Инспекциски тимови на Агенцијата за храна и ветеринарство (АХВ) минатата недела (од 16 до 19 јули) спровеле вонредни заселени контроли...

Свет1 ден

„Тајм“ објави нова насловна по повлекувањето на Бајден, ѝ ја посвети на Камала

Магазинот „Тајм“ објави нова насловна страница по повлекувањето н Џо Бајден од трката за претседател на САД. Се чини дека...

Македонија1 ден

ВМРО-ДПМНЕ: Заев и функционерите на СДСМ се шетаа со хеликоптерот, а резултат од патувањата беше блокада на Македонија на сите полиња

Додека СДСМ беше на власт, а Зоран Заев премиер тој низ Македонија се возеше со хеликоптер. Истото го правеше и...

Свет1 ден

Зеленски: Ние сме му благодарни на Бајден и ја почитуваме неговата тешка, но силна одлука

Украинскиот претседател Володимир Зеленски денеска изјави дека Украина ја почитува тешката, но силна одлука на американскиот претседател Џозеф Бајден да...

Македонија1 ден

СДСМ: Скапи билети и бизнис-класи, Мицкоски и министрите душмански ги трошат народните пари

Според СДСМ, скандалот со луксузните патувања на Мицкоски и неговите министри, со бизнис класи и карти од речиси 20.000 евра...