Македонија

(Видео) Експресна средба – состанокот меѓу Заев и Иванов траеше шест минути

Објавено пред

2 години

- 13 јуни, 2018

Од

Само шест минути траеше средбата на која премиерот Зоран Заев и министерот за надворешни работи, Никола Димитров, го информираа претседателот Ѓорге Иванов за постигнатиот договор со Грција.

Како што информира репортерот на „Макфакс“, владиното возило со полициска придружба во претседателската резиденција пристигнало во 10.03 минути, а вилата „Водно“ ја напуштило во 10.09 минути по што портите биле затворени.

Според официјалните изјави на премиеритe на Македонија и Грција, Зоран Заев и Алексис Ципрас, договорено е новото име на Македонија – Република Северна Македонија (Republic of North Macedoniia), со превод на сите јазици, за севкупна употреба, и ќе се прецизира со амандман во Уставот.

Од друга страна, пак, Иванов инсистира на решение што нема да предизвика уставни промени. Македонскиот претседател во текот на вчерашниот ден оцени и дека несериозно и неодговорно е прашањето за името да се решава телефонски и по пат на личен договор меѓу премиерите на двете држави.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Исправи се ВМРО-ДПМНЕ – поддржи ја македонската иднина, повика СДСМ

Претходно

Судијката предупреди: Ова е последно одложување на судењето за „Тортура“

Македонија

Автобусите на ЈСП од денеска возат по вообичаениот зимски возен ред

Објавено пред

4 минути

- 21 јануари, 2020

Од

Макфакс

Од денеска автобусите од јавниот превоз сообраќаат по вообичаениот зимски возен ред, информираат од Јавното сообраќајно претпријатие.

Во изминативе три недели, поради ученичкиот зимски распуст, возниот ред беше редуциран.

Од денеска, автоматски продолжува и важноста на ученичките средношколски бесплатни билети за користење на јавен превоз.

Прикажи повеќе...

Македонија

За припадниците на српската заедница 27 јануари неработен ден

Објавено пред

28 минути

- 21 јануари, 2020

Од

Макфакс

Министерството за труд и социјална политика соопштува дека согласно со Законот за празниците на РМ („Службен весник на РМ„ бр.21/98 и 18/07), 27 јануари 2020 година (понеделник), Свети Сава е неработен ден за граѓаните припадници на српската заедница во Република Северна Македонија.

Истовремено, Министерството за труд и социјална политика на граѓаните припадници на српската заедница им го честита празникот Свети Сава.

Прикажи повеќе...

Македонија

Владата ќе одржи седница во Штип

Објавено пред

31 минута

- 21 јануари, 2020

Од

Макфакс

Како дел од агендата на редовната четврта седница на Владата на Северна Македонија што ќе се одржи во Штип, премиерот Спасовски и министрите во Владата ќе имаат серија активности што ќе се одржат во регионот.

Министерот за земјоделство, шумарство и водостопанство, Трајан Димковски како дел од неговите активности во пресрет на владината седница во 12:30 часот во Штип ќе изврши увид во работата на пречистителната станица Злетовица во населба Баби. После увидот се предвидени изјави за медиуми.

Во текот на денот и во рамките на овие теренски активности пред одржувањето на владината седница во Штип, заменичката претседателка во Владата и министерка за одбрана, Радмила Шекеринска, заедно со британскиот бригаден генерал, Хју Лојд Џонс ќе ја посетат Касарната „Јане Сандански“ во 13:30 часот, во Штип, во која се реализира обука под менторство на припадниците на вооружените сили на Обединетото Кралство.

Теничкиот премиер Оливер Спасовски во придружба на заменичката претседателка задолжена за координација со економските ресори, Мила Царовска, на дополнителната заменичка министерка за труд и социјална политика, Санела Шкријељ, и на директорката на УЈП, Сања Лукаревска, ќе ја посети текстилната компанија „Албатрос“ во Штип, каде што ќе оствари средба со менаџментот и вработените во фабриката во 14:00 часот. После средбата се предвидени изјави за медиуми. На оваа средба ќе присуствуваат градоначалникот на Општина Штип, Благој Бочваров и претставник на Организацијата на работодавачите, како и претставник на здружението „Гласен текстилец“.

Прикажи повеќе...