Контакт

Македонија

Заев го честита Денот на Армијата: Нашите војници покажуваат еднаквост во партнерството со нашите сојузници

Објавено пред

Со особена чест и задоволство го честитам денешниот празник, упатувајќи искрена благодарност за вашата континуирана посветеност, професионалност и несебичниот ангажман за заштита на територијалниот интегритет и безбедноста на нашата држава, премиерот Зоран Заев го честиташе Денот на Армијата.

„На денешен ден, во 1943 година на Славеј планина е формиран првиот партизански одред баталјонот „Мирче Ацев“, кој подоцна во Народно ослободителната војна (НОВ) прерасна во војска која ја ослободи територијата на нашата држава, пожртвувано оставајќи печат вграден во темелите и независноста на татковината.

Денеска, 76 години подоцна, нашата Армија на највисоко професионално ниво, заедно со војниците на земјите-членки на НАТО, дејствуваат согласно стандардите на Алијансата, учествуваат во меѓународни мировни мисии и даваат свој придонес во зачувување на глобалниот мир и безбедност.

Пораката за својата подготвеност, за што сме особено горди и благодарни, нашата Армија ја испрати и со учеството во најголемата воена вежба „Одлучен удар“, кога нашите војници со претставници на уште пет земји-членки на НАТО покажаа дека имаат капацитет за изведување комплексни теренски вежби.

Република Северна Македонија ќе биде идната, 30-та членка на НАТО алијансата, а нашите професионални војници и офицери покажаа дека се партнери со нашите сојузници, со способност заеднички да го гарантираат регионалниот и меѓународниот мир и стабилност.

Благодарам од мое лично име и од име на Владата на Република Северна Македонија, за сите заложби, за сите несебични ангажмани, да помогнете, да осигурате и обезбедите, заедно со сите граѓани, перспективна иднина за сегашните и идните генерации!

Нека ни е честит Денот на Армијата на Република Северна Македонија!“ порача Заев.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Пендаровски го почувствува пулсот на Куманово во рамките на проектот „Лице в лице со претседателот“

Објавено пред

Претседателот Стево Пендаровски, во рамките на проектот „Лице в лице со претседателот“, денеска беше во општина Куманово.

Пендаровски ја посети млекарницата „Бучен Козјак“, формирана 1983 година како прва приватна млекарница на територијата на нашата држава. Пред претседателот Пендаровски беа претставени производствениот процес во компанијата, пласманот на производите и идните планови на менаџментот на компанијата.

За време на престојот во Куманово, претседателот се сретна и со вработените во библиотеката „Тане Георгиевски“, која годинава одбележува 75 години од своето постоење.

Пендаровски беше запознаен со работата на библиотеката, која има книжевен фонд од над 226.000 книжевни единици. Во текот на 2019 година е продолжен трендот на пораст на читатели и корисници на услуги. Бројот на регистрирани посети е речиси 65.000 на годишно ниво.

Најмладиот член на библиотеката има една и пол година и за него на располагање библиотеката има сликовници и приказни, а највозрасниот член има 90-ина години.

Претседателот оствари средба и со претставници на невладини организации од Кумановскиот Регион, како и со локални новинари и дописници, кои го запознаа со нивната тековна работа и предизвиците во финансирањето и функционирањето. Медиумските работници на средбата со претседателот Пендаровски посочија дека во државата изумира дописништвото, но и дека локалните медиуми едвај опстојуваат.

Претходно, претседателот го посети Општинското основно училиште „Толи Зордумис“, каде што наставата се одржува на македонски и на албански јазик. Во него е имплементиран Нансен-моделот за интеркултурно образование, кој ги интегрира учениците, родителите и наставниците од разни етнички заедници преку современ воспитно-образовен процес.

Пендаровски во Куманово се сретна со докторката Нурие Алији, која повеќе од 20 години се грижи за здравјето на жените во овој град. Во моментот таа има 12 илјади пациентки. Авторка е на 23 научни труда и е носител на Ноемвриската награда на град Куманово.

На средбата таа истакна дека се гордее со своите постигнувања, а најголемо задоволство ѝ е да им помага на луѓето. И покрај обемната научна работа, нејзин приоритет се пациентите.

Претседателот посочи дека треба да се истакнуваат позитивните примери во општеството, како што е доктор Алији.

Пендаровски го посети и метеорологот Борис Секирарски, кој повеќе од три децении работи во Управата за хидрометеоролошки работи (УХМР) во Скопје, а е носител на повеќе домашни и меѓународни признанија за своите иновации.

Секирарски на средбата истакна дека во денешно време е вистинска вештина да се пронајде точен и релевантен извор на податоци и треба да се избере на кој извор ќе му верувате. Пред претседателот Пендаровски истакна дека целта му е неговите патенти да бидат од корист на граѓаните за навремено и точно следење на метеоролошките состојби.

Проектот „Лице в лице со претседателот“ е инициран во изборната програма на Пендаровски. Целта е преку посети на населените места во Северна Македонија претседателот да се сретне со што е можно повеќе граѓани и одблиску да ги чуе проблемите и предизвиците со кои се соочуваат граѓаните, како и идеите за нивно надминување.

 

Прикажи повеќе...

Македонија

Чулев во СВР Битола порача да се зајакнат мерките против активности што би го нарушиле изборниот процес

Објавено пред

Министерот за внатрешни работи, Наќе Чулев, оствари работен состанок со раководството на СВР Битола.

На состанокот беше запознаен со безбедносната состојба на подрачјето што го опфаќа секторот за внатрешни работи. Од страна на актуелното раководство на секторот беа презентирани последните статистички податоци за криминалитетот кој бележи тенденција на опаѓање.

Министерот ставил акцент на потребата од организирање и спроведување фер и демократски избори со посебен осврт на детектирање активности што би можеле да го нарушат изборниот процес.

Тој изразил надеж дека ваквите мерки ќе бидат во фокусот на полицските службеници во престојниот период.

Прикажи повеќе...

Македонија

Филипче: Вкупно 12 лица се во изолација во своите домови, се чекаат резултати за еден сомнителен случај

Објавено пред

Пациентката на Инфективната клиника, за која вчера беше објавено дека е заразена од коронавирус, се чувствува добро и нема критични знаци, но е во излоација, информира на прес-конференција министерот за здравство, Венко Филипче.

Тој нагласи дека во моментот се очекуваат резултати за уште еден сомнителен случај, лице што допатувало од Рим. Резултатите од тестот министерот најави дека ќе бидат објавени за приближно еден и пол час.

Двајаца пациенти, еден возач на товорно возило и една жена што допатувала од Рим, се негативини на коронавирус, додаде Филипче, повикувајќи се на извештаите што беа објавени утрово.

Тој посочи дека одлучено е состојбата на патниците од комбето во кое патувала заразената пациентка да се следи во наредните 14 дена. Тие се вкупно 12 лица, а меѓу нив има и две деца. Се наоѓаат во своите домови во Скопје и во Струмица. Станува збор за здрави луѓе, но сепак се изолирани од контакти со други лица.

Министерот објасни дека во комбето биле вкупно 9 лица, заразената и уште 8 други. Во карантин се 12 бидејќи 8-те патници во меѓувреме имале контакт со уште четворица други.

Утре ќе се направи проверка на здравствените капацитети во случај ако е потребно да се спроведе преместување од домашно сместување во карантин.

Филипче рече дека во моментот нема други што евентуално би биле подложени на тестирања за коронавирус.

Прикажи повеќе...

Најново

Македонија2 часа

Филипче: Вкупно 12 лица се во изолација во своите домови, се чекаат резултати за еден сомнителен случај

Пациентката на Инфективната клиника, за која вчера беше објавено дека е заразена од коронавирус, се чувствува добро и нема критични...

Македонија2 часа

Операторите од понеделник на полноќ ќе ја реемитуваат само МТВ

Здружението на информатичко-комуникациските технологии, кое ги обединува сите оператори, донесе заклучок да го прекине реемитувањето на сите домашни и странски...

Македонија4 часа

Двајца вработени во Град Скопје ставиле во џеб над три милиони денари, пари што граѓаните ги плаќале како данок

Двајца вработени во Град Скопје ставиле во џеб над три милиони денари, пари кои граѓаните ги плаќале како данок. Против...

Македонија5 часа

Вонредна дезинфекција на автобусите на ЈСП и на жичницата на Водно

ЈСП Скопје од денеска, 27 февруари, ќе почне со вонредна дезинфекција на автобусите, како и на кабините на жичницата на...

Македонија5 часа

Жената која допатува од Рим не е заразена со коронавирус

Министерството за здравство информира дека резултатите на пациентката кај која постоеше сомнеж за коронавирус, кои штотуку пристигнале, се негативни на...

Македонија6 часа

СДСМ и Беса заедно на изборите

Лидерите на СДСМ и движењето Беса, Зоран Заев и Биљал Касами, потпишаа Декларација за заеднички настап на изборите на 12...

Македонија6 часа

(Видео) Шилегов: Се одложуваат сите екскурзии на средношкоците во Италија

Градот Скопје во рамките на своите надлежности е целосно подготвен да ги преземе сите неопходни мерки за да се спречи...

Македонија7 часа

Граѓаните кои биле во регионите со коронавирус да се јават во ЦЈЗ и да не одат на работа и на училиште

Владата ги известува сите вработени во државните и локалните институции и претпријатија, вработените во основно, средно и високо образование, како...

Топ7 часа

Притвор за гевгеличанецот кој силувал малолетно девојче

Против 23-годишникот од Гевгелија кој силувал малолетно девојче поднесена е кривична пријава и определена му е мерка притвор во траење од...

Македонија8 часа

Мијалков не се сеќава на анализата за „Монструм“

Ексдиректорот на УБК Сашо Мијалков сведочеше на рочиштето за „Монструм”. Тој кажа дека откако било поднесено обвинение, биле правени анализи...

Македонија8 часа

Ветрот во Скопје со над 100 километри на час

Силниот ветер во Скопје на моменти достигна и над 100 километри на час, информираат од Управата за хидрометеоролошки работи. „Во...

Регион8 часа

Црногорци уапсени со пет тони кокаин на брод во Венецуела

На бродот „Ареса“ во Венецуела се запленети еден тон, а потоа уште четири тони кокаин и уапсени се црногорски државјани,...

Свет9 часа

Потврдени 433 нови случаи за еден ден, до сега се излекувани 32.495 луѓе во Кина

Во Кина вчера се регистрирани 433 нови потврдени случаи на заразени со коронавирус и 29 смртни случаи, соопштија од Националната...

Свет10 часа

(Видео) САД: Добил отказ во пиварница, се вратил со пиштол и убил петмина колеги

Поранешен вработен во пиварница на САД уби најмалку пет лица, а потоа се самоубил, јавуваат американските медиуми. Шестмина загинаа, вклучувајќи...

Европа10 часа

Петмина настрадаа во пожар во Стразбур

Пет лица настрадаа во пожар што избил во зграда во Стразбур, на североисточниот дел на Франција, соопштија локалните пожарникари. Истите...

Македонија10 часа

(Видео) Силниот ветер откорна дрвја и уриваше покриви во Скопје

Силниот ветер синоќа корнеше дрвја и уриваше покриви во главниот град. Десетици дрвја се паднати на  локации од невремето. Ветерот,...

Македонија20 часа

МОН: Дадени се препораки на образовните установи за заштита на учениците, студентите и вработените од коронавирусот

Согласно заклучоците донесени на вчерашната владина седница, а во врска со заштита на јавното здравје во услови на брзо ширење...

Македонија21 час

(Видео) Филипче: Познати сопатниците на жената заразена со коронавирус, ќе останат во излоација 14 дена

Идентификувани се сите патници кои се возеле во комбето со жената која е заразена од коронавирусот, а која утринава допатувала...

Регион22 часа

Во Хрватска потврден трет случај на коронавирус

Во Риека, Хрватска потврден е трет случај на коронавирус, пренесуваат хрватските медиуми. Како што се наведува, се работи за маж...

Македонија1 ден

Спасовски: Нема потреба од паника, сè е под контрола

Претседателот на Владата, Оливер Спасовски, на прес-конференција изјави дека нема потреба од паника во јавноста поради појавата на првиот случај...

Досие