Македонија
Заев за „Франсе прес“: Секое прашање на македонскиот идентитет е „црвена линија“
Свежата блокада на Бугарија за соништата на Северна Македонија за влез во Европската унија е спротивна на вредностите на блокот и предизвика „многу горчина кај нас“, изјави премиерот Зоран Заев во интервју за „Франс прес“.
Тој изрази жалење за „непријатното изненадување“ што го доживеа кога Бугарија употреби вето за стопирање на напредокот на преговорите за пристап во ЕУ.
Заев рече дека секое прашање на македонскиот идентитет е „црвена линија“.
„Тоа е прашање на самоопределување“, што е во срцето на европскиот проект, рече тој.
„Постои апсурдност на целиот проблем. Покажавме колку веруваме во европските вредности“ нагласи македонскиот премиер, повикувајќи се на болниот компромис со Грција за промената на името.
„ И сега, кога Европа требаше да ги покаже своите европски вредности — тие не беа таму“ порача Заев.
Заев рече дека верува оти на ваквите работи треба првенствено да работат „историчарите“, но дека е важно да се потенцираат и договорите што Комисијата ги постигна во некои области.
„ Создаден е голем гнев од обете страни, меѓу братски луѓе што живеат од двете страни на границата“, рече тој за АФП.
Но, тој инсистираше на тоа дека сепак верува дека е можен чекор напред.
„ Верувам многу во европските вредности, можеби многу повеќе од некои поединци во ЕУ“, заклучува Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Претрес и кај Иџет Мемети во случајот со барањето поткуп
Синоќа по наредба на судија на претходна постапка извршен е претрес во домот на членот на Советот на јавни обвинители Иџет Мемети во Тетово и претрес во службените простории на Советот на јавни обвинители.
Претресот е поради сомнеж дека Мемети заедно со врховниот судија, Наке Горгиев, имал влијание злоупотребувајќи ја позицијата член на Советот на јавни обвинители во случајот барање на мито за олеснителни околности.
Мемети е и поранешен министер за правда, уставен судија, државен советник во Владата и член на Државната изборна комисија.
Судијата Наке Георгиев вчера беше приведен, откако бил фатен со мито.
Македонија
Османи изрази задоволство за донесената одлука за отворање на Aмбасада на Казахстан во Скопје
Министерот за надворешни работи, Бујар Османи денес ги прими копиите од акредитивните писма на новоименуваниот вонреден и ополномоштен амбасадор на Република Казахстан во Република Северна Македонија, Сатибалди Буршаков.
Министерот Османи изрази задоволство за донесената одлука за отворање на Aмбасада на Казахстан во Скопје, при што беше констатирано дека ваквиот потег ќе придонесе кон продлабочување на односите меѓу двете земји.
Соговорниците го поздравија и досегашниот развој на билатералните односи и разговараа за потенцијалите за натамошно унапредување на севкупната соработка, со посебен акцент на можностите за зајакнување на соработката на полето на економијата, трговската размена, туризмот, културата и образованието.
Скопје
Дел од неколку скопски општини без струја
Регионалниот центар за управување со кризи на Град Скопје, по добиеното известување од ЕВН, ги известува граѓаните дека поради технички зафати во електро дистрибутивната мрежа без електрична енергија ќе останат:
· од 08:00 – 14:00 часот, корисниците од дел од с. Студеничани. (Општина Студеничани)
· од 09:00 – 14:00 часот, корисниците од дел од улиците: Ринхини и Езерци во нас. Влае. (Општина Карпош)
· од 10:00 – 12:00 часот, корисниците од ул. Пелистерска бр. 2, во нас. Карпош 3. (Општина Карпош)
· од 13:00 – 14:30 часот, корисниците од дел од ул. Миле Поп Јорданов, (објектите во околината на Градинката Пролет). (Општина Карпош)