Македонија
Заев на средба со пратенички од СИРИЗА: Договорот од Преспа го отвори нашиот пат кон ЕУ и НАТО
Претседателот на СДСМ, Зоран Заев, заедно со координаторката на Форумот на жените, Снежана Калеска-Ванчева, и пратеничката од редовите на СДСМ и коалицијата, Ивана Туфегџиќ, денеска се сретна со пратеничките Катерина Нотополу и Ирини Агатополу од партијата СИРИЗА од Република Грција.
На средбата претседателот Заев ја поздрави добрата соработка помеѓу двете левичарски партии, како и односите меѓу двете земји, кои бележат сериозно унапредување по постигнатиот договор од Преспа.
„Постигнатиот договор со Грција ги отвори перспективите кон НАТО и ЕУ и отвори ново поглавје во односите меѓу двете земји и севкупните односи во регионот. Граѓаните ги чувствуваат придобивките од придвижување на процесот на интеграција во ЕУ и НАТО. Сериозно е зголемен износот на странски инвестиции, економскиот раст е интензивен, има повеќе пари во државата, а тоа значи и повеќе пари кај граѓаните. Со постигнувањето на договорот се засили и економската соработка, што позитивно влијае врз економијата и животниот стандард на граѓаните во двете земји“, истакна претседателот Заев.
Претседателот Заев упати благодарност до СИРИЗА за поддршката на евроинтегративниот процес на Република Северна Македонија што грчката партија ѝ ја дава и изрази надеж дека набргу ќе се донесе позитивна одлука за почеток на преговорите на Северна Македонија со ЕУ, што ќе значи дополнителен поттик за интензивирање на реформските процеси.
Пратеничките од СИРИЗА, Нотополу и Агатополу, истакнаа дека нивната партија ја поддржува интеграцијата на Северна Македонија во ЕУ, особено преку нивниот ангажман во групата Европска обединета левица – Нордиска зелена левица во Европскиот парламент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Се запали куќа во Битола, на терен се пожарникари
Денеска избил пожар во куќа во Битола, а на терен веднаш излегле пожарникарите од ТППЕ Битола.
„Примена дојава во 11:55ч. за запалена куќа на ул.Љубојно. ТППЕ Битола интервенираше со 1 возило и 5 пожарникари. Брзата и навремена интервенција спречи пожарот да го зафати целиот објект и соседните куќи“, велат од ТППЕ Битола.
Македонија
Мицкоски ги повика граѓанските организации да учествуваат во градењето на поквалитетен национален образовен систем
Премиерот на Република Северна Македонија Христијан Мицкоски во соработка со ИРИ, како дел од проектот за дијалог со граѓанските организации оддржа средба со повеќе невладини организации.
„Образованието е столб на општеството и затоа е поставено високо меѓу владините приоритети. Без квалитетно образование, нема ниту квалитетни доктори, наставници, економисти и така натаму. Одлучни сме да направиме крупни промени и го повикувам граѓанскиот сектор активно да учествува во креирањето и спроведувањето. Заедничка обврска е да создадеме подобри услови за едукација на младите, а со тоа и подобра иднина во сопствената земја.“
Ова е пораката која премиерот Христијан Мицкоски ја испрати до младинските организации кои беа дел од денешниот настан во рамки на дијалогот помеѓу Владата и граѓанскиот сектор на тема образование и младинско учество, што го организираше Меѓународниот републикански институт.
„Жал ми е што морам да констатирам дека образованието во минатото ни е значително опаднато. Секоја идеја е добредојдена и затоа ги организираме овие тематски дискусии со граѓанскиот сектор“, рече Мицкоски.
Тој додаде дека Владата работи транспарентно и создава услови за услови за граѓанските организации уште поактивно да учествуваат во развојот на државата.
Повика да поддржат процес и заеднички да биде креирана стратегија за развој на државата, со временска рамка која ќе биде доволно голема, за како што рече, да можеме да трасираме пат и да оствариме резултати на тој пат по кој ќе одлучиме да се движиме.
За време на дебатата, дел од младинските организации изнесоа свои предлози за мерки, проекти и системски решенија со кои, како што рекоа, ќе се задржат младите во својата земја и тука ќе го градат и реализираат својот потенцијал.
Беа повикани и сите останати здруженија да достават свои иницијативи во одделението за соработка со граѓанскиот сектор при Владата, како и до надлежните министерства.
Обраќања имаа и министерката за образование и наука Весна Јаневска, министерот за социјална политика, демографија и млади Фатмир Лимани и министерот за локална самоуправа Златко Перински. Заеднички став е дека односите со граѓанскиот сектор се развиваат во добра насока и се очекува политиките кои се креираат преку меѓусебната соработка, да дадат позитивен исход.
Македонија
Фетаи повикува на создавање заеднички фронт против криминалот
Заменик претседателот на Владата задолжен за политики на добро владеење, Арбен Фетаи, денеска повика на создавање заеднички фронт против организираниот криминал и корупцијата. Зборувајќи на Стратешката работилница на меѓупартиска параламентарна група против корупција, организирана од НДИ во Скопје, Фетаи го повика Парламентот, граѓанското општество и меѓународните партнери да работат заедно со Владата за поуспешно справување со криминалот.
Тој рече дека реформската агенда, усвоена од Европската унија, е водилка во активностите на владата во борбата против криминалот и корупцијата. Во тој контекст, го спомна изготвувањето на Регистарот за евиденција на државниот имот и новата Стратегијаза јакнење на капацитетите за водење финансиски истраги и конфискација на имот за периодот 2024-2028
Стратегија за јакнење на капацитетите за водење финансиски истраги и конфискација на имот за периодот 2024-2028, кои треба да спречат злоупотреба на државниот имот и ефикасна конфискација на незаконски стекнат имот.
Зборувајќи за подобрувањето на транспарентоста на институциите, Фетаи најави брзи резултати во спроведување на Акцискиот план за транспаретност, изработка на веб страни за јавните институции и обука за персоналот за одржување на страниците. Според него, и измените на Законот за слободен пристап до информациите од јавен карактер одат во правец на зголемување на транспаретноста и отчетноста на институциите.
Фетаи истакна дека Владата е расположена активно дс го вклучи граѓанскиот сектор во процесот на донесување на одлуки. Како илустративен пример, го спомна именувањето на член од невладиниот сектор со право на глас во Меѓуресорското тело за координација на антикорциските активности.