Македонија
Заев: Од судските пресуди зависи како ќе врти бројчаникот на триумфалната капија
Од правосилните судски пресуди, а не од извршната власт, зависи колку ќе заврти бројчаникот на триумфалната капија, вели претседателот на СДСМ, Зоран Заев, според кого, како што ќе се инкасираат парите во буџетот, така ќе се испишува на уредот.
Одговарајќи на новинарско прашање, тој посочи дека бројчаникот треба веќе да заврти 18 милиони евра од судската постапка за „Трансмет“ за Сеад Кочан, а дополнително, ако Обвинителството докаже вина пред судовите, нови 11 милиони од запленетите пари од дијализите.
„Бројчаникот е поставен, го платив приватно. Тој зависи од правосилни судски пресуди и заплена на имот. Овој бројчаник треба да заврти 18 милиони евра од заплената на имотот на ‘Трансмет’, кој е завршена постапка. Се завршуваат правните процедури за да инкасира буџетот на државата со продажба на самиот имот. Милион евра од финансовата полиција се веќе завртени. Со сите пресуди, каде што ќе се утврди одговорност, се носат и пресудите за материјалното плаќање за обесштетување на државата. Бројчаникот зависи од судските пресуди, не од извршната власт. Од извршната власт значи оставање на процесот на правосудството на независен начин да ги утврдува сите овие постапки, со конечните права на жалба на секој граѓанин што ги има со Уставот. Знаете дека имаме постапка на заплена на пари од дијализите, кои се 3 милиони евра запленети во наши банки, 8 милиони евра во италијански банки, не знам каде се. Ако Обвинителството докаже дека е тоа така, преку судски постапки и тие 11 милиони евра ќе завршат на бројчаникот“, рече Заев.
Тој останува на ставот дека треба секој да одговара пред законите, почнувајќи од него, посочувајќи дека еден од постулатите на СДСМ и ДУИ ќе биде борбата со криминалот и корупцијата.
„Ако си дозволиме кој било, за кој има основани сомненија, докази и аргументи, да ја избегне правдата, сме ја уништиле комплетно државата. Ние имаме високи претставници од СДСМ и коалицијата кои се исправија пред судски процеси за да ја докажат својата невиност или да им се утврди вината и да понесат одговорност. Еден од постулатите во коалицијата меѓу СДСМ и ДУИ е борба против криминалот и корупцијата, владеење на правото и овде отстапки нема да има. Првата работа што ја чекаат оние тивки гласачи, кои останаа дома, е токму таа порака, одговорност пред законите и правда за сите, почнувајќи до мене како човек кој е мандатор за новата влада. Доминантно оваа влада ќе биде посветена дома на правото, здравството, образованието, екологијата“, рече Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На плоштадот во Скопје: Мицкоски за новогодишната ноќ во друштво на Ѓорѓиевски
Премиерот Христијан Мицкоски, заедно со градоначалникот на Град Скопје, Орце Ѓорѓиевски, Новата година ја дочекаа на плоштадот „Македонија“ во Скопје, во празнична атмосфера и во друштво на голем број граѓани.
„Заедно со нашиот народ на плоштадот Македонија да ја дочекаме Новата Година“, напиша Мицкоски во објавата на социјалните мрежи.
На граѓаните им посака здравје, и успеси.
„Да посакам добро здравје, разбирање и успеси за секој еден човек на нашата Македонија.
Среќна Нова Година“
Македонија
Првото родено бебе во 2026 е девојче
Првото новороденче во Македонија во Новата 2026 година е женско бебе.
– На ГАК се роди принцеза, соопштија на својата Фејсбук страница од Клиниката за гинекологија и акушерство.
Бебето е родено точно на полноќ на Универзитетската клиника за гинекологија и акушерство.
Македонија
Сообраќајот на државните патишта се одвива непречено, по претежно суви коловози, соопшти АМСМ
Сообраќајот на државните патишта се одвива непречено, по претежно суви коловози.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година. Повеќе информации може да прочитате на овој линк.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

