Македонија
(Видео) Неуспешните министри и директори ќе „летаат“ од Влада до крајот на април, најави Заев

Премиерот Зоран Заев најави до крајот на април завршување на рекострукцијата на Владата преку која ќе бидат променети министри и директори кои не постигнале успех во работењето во изминатиот период.
„Очекувам реконструкција да резултира со зголемување на парламентарното мнозинство и да се промени она што немало прогрес. Ако немало прогрес, нормално е да има промена на кадри. Сето тоа е анализа на органите. Штом ќе имам ставови, ќе ги соопштам“, изјави премиерот Зоран Заев по излегување од кривичниот суд, каде што се одржа рочиште за „Поткуп“.
Тој рече дека не е вистина дека СДСМ ќе го добие Министерството за правда во замена за Министерството за образование.
„За нас водилка е само профисионалниот аспект на личноста. Сите места кои се празни ќе се пополнат со реконструкцијата. До крајот на април ќе бидеме комплетни со пополнување на празните места и реконструкцијата на владата, а очекувам поддршка од Собранието“, рече Заев.
Според мое убедување, додаде тој, подобро ќе беше опозицијата да се вратеше во Собранието велејќи дека тоа е поради реформите, а не вака.
Премиерот Заев смета дека опозицијата во парламентот значи многу за граѓаните, но и за власта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
МВР: Не е вистина дека Вања е најдена во соседна држава

Министерството за внатрешни работи ги демантира дезинформациите објавени на „Курир“ дека 14-годишната В.Ѓ., за која на 27 овој месец беше пријавено дека исчезнала, наводно е пронајдена во соседна држава.
Од МВР преку допис до медиумите велат дека станува збор за комплетно лажна вест во која непознатиот автор се повикува на наводни „извори од истрагата“, а притоа со Одделот за односи со јавност при Министерството за внатрешни работи воопшто не била направена задолжителната проверка на наводите, и покрај бројните апели и од страна на полицијата, и од страна на родителите на малолетничката да не се пласираат дезинформации со кои само може да се наштети на истрагата.
„Како што МВР редовно информираше деновиве, за решавање на случајот и пронаоѓање на лицето е постапено веднаш по добиената пријава, вклучени се целосните капацитети на СВР Скопје на највисоко ниво, извршени се низа разговори со лица блиски на малолетничката, прегледани камери итн. Податоците за исчезнатото лице на 28.11.2023 во 13.00 часот се ставени на Стоп-листа на граничните премини, а на барање на Министерството за внатрешни работи распишана е меѓународна потерница за исчезнато лице од страна на Интерпол“, велат од МВР.
Се додава дека истрагата продолжува интензивно и се преземаат сите мерки и активности за пронаоѓање нз лицето.
Македонија
Левица: Со карти на Голема Албанија во основно училиште во Струга се навредуваат Македонците

Скандалозни фотографии со иредентистичка содржина се објавени на страната на ООУ ,,Браќа Миладиновци”. На слики од Голема Албанија се фотографираат наставниците покрај децата, што претставува отворен сепарационизам и понижување на македонскиот народ, велат од политичката партија Левица.
„Од фотографиите кои ги доби Левица, евидентно е дека ваквите скандалозни слики стојат со години во училниците. Во ова основно училиште, ВД директор е ЛАУРА ШАТЕ, за која постојат сомневања дека е незаконски назначена од страна на Рамиз Мерко.
Очаен е молкот на анти-македонската СДС, која е поданички поставена пред дивеењето на ДУИ. Левица бара итно разрешување на директорката Шате, како и отстранување на иредентистичките слики. Левица ќе поднесе и Претставка до Државниот просветен инспекторат, со цел да се санкционира ваквото скандалозно однесување, како и да се испита постапката на кој начин е поставена ВД директорката. На анти-македонското дивеење на ДУИ мора да му дојде крај!“, додаваат од патијата во допис до медиумите.
Македонија
Скопје преплавено со фотографиите на Вања, исчезна во најфреквентниот дел: за неа јавија и балканските медиуми

Во Македонија продолжува потрагата по 14-годишната Вања Ѓорчевска, која исчезна во Скопје на пат кон училиштето. Оттогаш таа е изгубена, а полицијата неуморно трага по девојчето. Градот е преплавен со нејзини фотографии, а за исчезнатата Вања јавија и балканските медиуми.
Според описот на полицијата, Вања е висока 175 сантиметри и тешка 58 килограми. Има темнокафеава коса, кафеави очи, носи фиксни протези и има бенка на десната страна од лицето.
Во моментот на исчезнувањето носела сина блуза, црна јакна, црни фармерки со странични џебови и бели патики со кафеави линии.
Девојчето излегло од дома со ранец, а со себе имала „ајфон“.
За многу кратко време телефонот ѝ бил исклучен. Одделението веднаш ја известило мајката дека девојчето не е на час по што таа веднаш го пријавила исчезнувањето во полиција.
Мобилниот телефон на Вања последен пат бил лоциран на „Партизанска“ кај кафе-барот „Броз“. Сепак, вработените во кафулето велат дека не виделе ништо, полицијата им ја зела снимката од камерите.
Како што соопшти МВР, интензивно се работи на пронаоѓање на девојчето. Се проверуваат сите блиски и далечни контакти, како и сите електронски уреди, за да се пронајдат какви било информации, кои би можеле да доведат до исчезнатото девојче.
„Се проверуваат информации, видеоматеријали и се преземаат мерки за расветлување на случајот“, изјави портпаролот на Министерството за внатрешни работи, Тони Ангеловски.
Во потрагата по Вања се вклучија и граѓани, дури и членови на Ловачкото друштво.