Државниот здравствен и санитарен инспекторат го заврши вонредниот инспекциски надзор и не констатира недостатоци во модуларните болниции, информира Министерството за здравство.

Инспекторат изврши вонредни инспекциски надзори во 18 модуларни болници во Скопје, Штип, Кочани, Струмица, Куманово, Прилеп, Гостивар, Битола, Ресен, Гевгелија, Струга, Охрид, Кавадарци, Велес, Кичево и Дебар.

Во извештајот се наведува дека по однос на санитарно-хигиенската состојба не се констатирани недостатоци.

ДЗСИ наведува дека во сите модуларни болници е истакнато на видно место дека е забранета посета и во моментот на надзор не е затекнато присуство на надворешни лица.

„Секаде има истакнат распоред на дежурства на здравствен персонал; лекари (специјалисти и специјализанти) и медицински сестри чија бројка е различна согласно капацитетот и бројот на хоспитализирани пациенти. Во модуларната болница на ЈЗУ УКИБФС –Скопје по принципот на ротација дежураат лекари – специјалисти интернисти од сите клиники на Универзитетскиот клинички центар. За нега на пациентите се грижат болничари или сестри за нега. За одржување на хигиената се грижат хигиеничари. Вработените во моуларните болници се имунизирани а дел имаат прележано Ковид-19“, пишува во извештајот.

Граѓанската oпција за Македонија-ГРОМ на овие локални избори одлучи да настапува самостојно во oпштина Карпош со претседателот на партијатија Стевчо Јакимовски како кандидат за градоначалник, додека во другите општини низ земјата ќе настапи во коалиција со ВМРО-ДПМНЕ.

Од партијата наведуваат дека изборната програма за oпштина Капрош е веќе готова, а пред карпошани Јакимовски ќе ја бара довербата со квалитетни решенија за нивните проблеми.

Формиран е и Централниот изборен штаб на ГРОМ.

„Извршниот oдбор на партијата го констатираше составот на Централниот изборен штаб за претстојните локални iзбори 2021 година. За шеф на Изборниот штаб е избран генералниот секретар, Крсте Петревски, а за заменик е избран Александар Трајановски, претседател на Градската организација на Скопје“, информираа од партијата.

Целокупната јавност и скопјани вчера имаа можност да видат како е наместен тендер во јавното претпријатие „Водовод“, во вредност од 300.000 евра, каде што фирмите КБК „Инженеринг„ и „Кодинг 2“, во јули 2020 година почнале реконструкција на водоводна мрежа на ул. Варшавска, во август ја завршиле, а целиот тој период фирмата КБК „Инженеринг“ и „Кодинг 2“ работеле без договор, односно без да има најповолен понудувач, изјави денеска на прес-конференција портпаролот на ВМРО-ДПМНЕ, Димче Арсовски.

„Вчера јавното претпријатие ‘Водовод’ и директорот Весковски признаа кривично дело, со тоа што во документите што ги пратија самите за избор на најповолен понудувач се гледа дека изборот е вршен на 1.10.2020 година. Целата реконструкција на водоводната мрежа е завршена месец ипол претходно. Фирмата КБК ‘Инженеринг’ најверојатно во непосреден договор со ЈП ‘Водовод’ и градските власти договориле да отпочнат и да сработат, што само по себе е кривично дело, да се заврши реконструкција на водоводна мрежа, а дури потоа да има избор на најповолен понудувач и баш тоа да е фирмата која што ја завршила работата претходно“, додаде Арсовски.

Денеска, како што рече ќе изнесе ,нови докази дека е работено без договор за најповолен понудувач.

„На 24 јули 2020 година јавното претпријатие бара надзор над изградба конкретно за реконструкција на постоечки водовод од ул. Варшавска. На барањето за надзор јасно пишува дека изведувач на работите ќе биде фирмата ‘Кодинг 2’ ДООЕЛ Скопје. Поголем доказ од ова дека си избрале во јули месец самите меѓу себе која фирма ќе работи, нема и не може да има. На 24 јули во писмен официјален документ на јавното претпријатие пратен до друга институција кажуваат која фирма ќе работи, односно веќе работи, без да има избор на најповолен понудувач помеѓу петте фирми коишто го добиле тендерот, односно ја потпишале рамковната спогодба во април 2020 година“, објасни Арсовски.

Доказ број 2, како што рече, е евидентниот лист за хлорирање од 24 јули, кој го потпишал раководителот на секторот за технички работи и развој на ЈП „Водовод“, каде што пишува дека мрежата може да се хлорира. Се хлорира секоја мрежа веднаш по одредена реконструкција на истата водоводна мрежа.

Доказ број 3, според портпаролот на ВМРО-ДПМНЕ, е извештајот од тестирање квалитет, односно дезинфекција на мрежа, од 29 септември, каде што се врши испитување дека водата е питка и може да се пие, што повторно потврдува дека реконструкцијата е завршена пред да биде изборот за најповолен понудувач.

„Ова е на 29 септември, а изборот за најповолен понудувач се случил електронски на први октомври 2020 година. Како е можно баш фирмата КБК и Кодинг 2 да имаат најниска цена на први октомври, откако е завршена целата работа, а другите четири фирми да немаат забелешки и жалби по основ на самиот тендер? Очигледно е дека на двоецот на Шилегов – Весковски заедно со КБК ‘Инженеринг’ и ‘Кодинг 2’ им било претходно договорено фирмата да изработи за потоа да го добие тендерот којшто јасно се гледа согласно вчерашната прес-конференција, согласно денешните три докази коишто ги покажавме дека тендерот за избор на најповолен понудувач помеѓу петте фирми од рамковната спогодба е наместен“, посочи Арсовски.