Контакт

Македонија

За расипани пилиња и полутки, државата 11 години не може да наплати 20 милиони евра

Објавено пред

Поради нерешен судски спор кој трае повеќе од 11 години, државата не може да наплати штета од над 20 милиони евра од обвинети за противзаконско работење при купување свински полутки, смрзнати пилиња, шеќер, тутун и пченица за пополнување на стоковите резерви.  Обвинетите префрлале пари на сметки на домашни и странски фирми, иако стоката не била целосно испорачувана.

Обвинителка Драгица Михајлоска, која е во пензија, во март 2005 година до кривичниот суд во Скопје поднела обвинение за злоупотреба на службената положба и овластување против тогашниот директор на Бирото за стокови резерви, Ванчо Пеловски, и против Димитар Марковски, директор на ТД „Рудине“, како и против Методија Смиленски, кој тогаш не им бил достапен на органите на прогонот. Според обвинението, Пеловски и Марковски им овозможиле на странски и домашни фирми  од 1999 година до крајот на 2002 година противзаконски да заработат приближно 1 милијарда и 200 милиони евра.

Дури две години откако обвинението било поднесено, пред 11 години, започнува судскиот процес. Судењето го води судијката Џенета Бегтовиќ, која ги одложувала рочиштата и закажувала нови. Бегтовиќ ги суди двата предмета на СЈО, каде што е обвинет Сашо Мијалков. Таа не им дозволи на медиумите да направат снимки во судницата од Мијалков и покрај уредно добиените дозволи од Врховниот суд.

Во обвинението пишува дека во 1999 година првообвинетиот Пеловски донираната хуманитарна помош – смрзнати пилиња од Грција во Македонија во количина од 1500 тони, која Бирото требало да ја дистрибуира, ја продал на фирмата ТД „Рудине“ по принципот „видено-продадено“. Откако Димитар Марковски, директорот на ТД „Рудине“, му доставил записници за извршена контрола, бил избришан долгот кон Бирото за стокови резерви, за пилињата кои биле пријавени како расипани. Во одбраната, Пеловски тврдел дека било пракса да не се вршат проверки дали е примена целата количина месо.

Според обвинението во 2001 година, обвинетиот Пеловски без одлука на Владата, склучил и договор за набавка на пченица со фирма од Кипар во количина од 36,5 милиони тони. Со „Експорт импорт банка“ склучил договор за кредит за купување на пченицата, кој бил префрлен на фирмата „Гимекс лимитед“ од Никозија, иако обвинетиот знаел дека стоката не е набавена.

Истата година Пеловски, без да обезбеди гаранција дека австриска фирма ќе ја исполни обврската, склучил договор со фирмата „Дон традинг“ за отстапување на побарувањето, што тогаш Бирото за стокови резерви го имала од „Жито Битола“. Обвинетиот склучил договор со „Жито Битола“, со што ја намалил обврската на фирмата кон Бирото за стокови резерви. Методија Смиленски, кој имал парично побарување од „Жито Битола“, поради неможност да го наплати, издејствувал да влезе со основачки капитал и да купи 38% од акциите во „Жито Битола“, а испораката на пченица не ја извршил. Првообвинетиот Пеловски ја признал вината за ова кривично дело.

Во серијата од 6 точки на обвинението, во 2002 година Пеловски склучил договор со австриска фирма за набавка на 1000 тони смрзанти свински полутки за потребите на Бирото за стокови резерви. Биле склучени дополнителни договори според кои исплатата се врши директно до добавувачот. Обвинетиот уплатил аванс на австриската фирма, но биле испорачани само 467 килограми свинско место, а до Бирото биле доставени фактури за целата авансно платена количина месо. За неа, во светиниколската фирма „Фриго-Мак“ биле сочинети фиктивни приемници. Пеловски дал налог да се исплати целиот износ, иако фирмата ја нема испорачано целата количина свинско месо.

Првообвинетиот Пеловски за „Макфакс“ не сакаше да коментира ништо за судскиот процес. Изјави дека се смениле многу судии и обвинители и дека додека не биде донесена правосилна судска пресуда, не сака да коментира. Случајот до денеска нема судска разрешница. Кривичното дело застарува следната, 2019 година, а предметот сега е во рацете на судијката Оља Ристова. Првото следно рочиште е закажно за 3 јули.

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Се преврте македонски автобус во Србија – тројца загинаа, 30 повредени

Објавено пред

Најмалку тројца луѓе загинаа, а 30 се повредени во тешка сообраќајна несреќа која се случи на автопатот кај Лесковац во 1 часот и 40 минути по полноќ, јави РТС. Автобусот кој патувал од Скопје кон Белград се превртел откако возачот не успеал да воспостави контрола на лизгавиот автопат. Според РТС, станува збор за прилепски автобус, кој патувал кон Виена, но оваа информација не е официјално потврдена.

Екипи на брза помош од Лесковац и Ниш пристигнале на местото на несреќата. Повредените патници се пренесени во болниците во овие два града, а сите повредени, од кои некои потешко, се надвор од животна опсаност.

Во болницата во Лесковац се пренесени 28 лица, додека четири со посериозни повреди се хоспитализирани во болницата во Ниш.

Од нив, на хирургија завршиле четири пациенти со тешки телесни повреди, но тие се надвор од состојба опасна по живот, пренесува РТС.

На самото место, екипите затекнале стравотна глетка на автобус превртен во снежната лапавица. Очевидци за српските медиуми изјавиле дека автобусот бил превртен на страна, а тројца патници биле затекнати без знаци на живот. Тимовите за брза помош од Лесковац, кои први пристигнале на местото на настанот, им помогнале на повредените и извршиле пребарување. Имало и патници кои биле заробени во автобусот. Тие биле извлечени од припадници на единицата за спасување.

 

Полициски екипи излегле на местото на несреќата, каде е направен увид, но уште не се соопштени причините за овој сообраќаен инцидент.

Како што информираат српските медиуми, во Лесковац вчера врнело дожд, а од полноќ непрекинато почнал да паѓа сенг, па се претпоставува дека можна причина за несреќата е лизгавиот коловоз.

Прикажи повеќе...

Македонија

Џафери: Стојаноски замина ненадејно и прерано, Охрид загуби голем заштитник

Објавено пред

Претседателот на Собранието, Талат Џафери, упати сочувство до семејството на ненадејно и прерано починатиот градоначалник на Охрид, Јован Стојаноски.

„Дозволете ми од мое лично име и од име на пратениците во Собранието на Република Македонија да изразам искрено и длабоко сочувство до вас, неговото најблиско семејство, до пријателите, соработниците во општина Охрид, колегите и студентите од Факултетот за туризам и угостителство, до сопартијците и граѓаните на град Охрид“, посочува Џафери.

Тој додава дека заминувањето од овој свет на човек со таков интелектуален капацитет е тажна и болна загуба.

„Замина висок професионалец во секоја сфера во која даде свој придонес, човек во полна смисла на зборот, одговорен татко и заштитник на градот, а тоа е тажна и болна загуба за граѓаните на градот Охрид, за сите што некогаш споделиле само миг или споделиле цел живот со него, меѓутоа е и огромна загуба за нашето општество“, истакнува претседателот на Собранието во телеграмата.

 

Прикажи повеќе...

Македонија

МАН му го честита изборот на Чадиковски за претседател на ЗНМ

Објавено пред

Македонската асоцијација на новинари (МАН) му го честита изборот на Младен Чадиковски за претседател на Здружението на новинари на Македонија (ЗНМ).

„Се надеваме дека со новото раководство ЗНМ ќе се фокусира на вистински реформи во медиумската сфера, заштита на новинарите од притисоци и подигнување на новинарските стандарди во работењето, што досега не беше случај“, стои во соопштението на Македонската асоцијација на новинари.

Од таму изразуваат и жалење поради тоа што, како што велат, секое изборно Собрание на ЗНМ минува со интерни обвинувања за забрани, за притисоци, скандали, за сомнителни пребројувања и сомнителни резултати.

 

 

Прикажи повеќе...

Најново

Македонија33 минути

Се преврте македонски автобус во Србија – тројца загинаа, 30 повредени

Најмалку тројца луѓе загинаа, а 30 се повредени во тешка сообраќајна несреќа која се случи на автопатот кај Лесковац во...

Регион14 часа

Јеремиќ: Вучиќ и Тачи го имаат договорено формирањето на косовската војска

Претседателот на српската Народна партија, Вук Јеремиќ, за српските медиуми изјави дека формирањето на војската на Косово е скандалозно и...

Македонија15 часа

(Видео) Спасовски на Пониква ги посети кандидатите за полициски специјалци

Министерот за внатрешни работи, Оливер Спасовски и дел од раководството на МВР денеска го посетија зимскиот рекреативен центар „Пониква“ во Кочани,...

Топ17 часа

Злетовец голтнал прашок за да го скрие од полицијата по што починал

На Граничниот премин Делчево за влез во државава, во вечерните часови на 14. декември се пријавил 32-годишен злетовец. Тој управувал...

Македонија18 часа

За палење петарди и ракети казни од 200 до 500 евра

Министерството за внатрешни работи ги известува граѓаните дека неовластената употреба на пиротехнички средства е казнива согласно Законот за прекршоци против...

Македонија19 часа

Георгиев: Се согласивме со Бугарите дека имаат поеднакво право на Прличев како нас

Се согласивме дека и Бугарите имаат поеднакво право на делото на Глигор Прличев,тој е дел од заедничката историја и не...

Афера „Банки“20 часа

(Видео) Банки свртеле 1 милион евра во еден ден преку сметката на бизнисменот Исиров

Бизнисменот и сопственик на фирмата за трговија „Еуротрејд“, Ефтим Исиров, на лист хартија се потпиша за да докаже дека со...

Регион21 час

Мицотакис: Никогаш нема да го ратификуваме Договорот од Преспа

Повторувам од овде, од нашиот 12-ти Конгрес дека Нова демократија нема да го ратификува Договорот од Преспа. Ниту сега, ниту...

Македонија21 час

Почина градоначалникот на Охрид, Јован Стојаноски

На 48-годишна возраст утринава почина градоначалникот на општина Охрид, Јован Стојаноски. Неофицијално причината за смртта е инфаркт. Стојаноски починал додека...

Македонија21 час

Операцијата во Германија успешно заврши, Сара Настеска се чувствува добро

Успешно заврши трансплантацијата на коскена срцевина на 15-годишната охриѓанка  Сара Настеска во Германија. ,,Добри вести стигнуваат од Германија. Успешно е...

Топ22 часа

Автоматско оружје, пригушувач и куршуми пронајдени кај двајца велешани

Автоматско оружје, пригушувач и куршуми се пронајдени при извршен претрес кај двајца велешани. Полицијата информира дека вчера во периодот од...

Македонија23 часа

Мицкоски: Заев како опозиционер се перчеше, а сега не сака да излезе на дебата

Претседателот на ВМРО-ДПМНЕ Христијан Мицкоски, вчера вечер оствари средба со голем број на членови и симпатизери на Општинскиот комитет на...

Македонија24 часа

Намалена видливост поради магла на Ѓавато, Буково и Плетвар

Сообраќајот на автопатот Гевгелија-Скопје, после наплатната рампа Градско, е целосно нормализиран , информираат од АМСМ. Сообраќајот на државните патишта се...

Македонија24 часа

ЗНМ бира претседател – во трка Чадиковски и Наумов

ЗНМ денеска бира нов претседател. Изборното собрание на ЗНМ ќе се одржи во со почеток во 10 часот во спортската...

Европа1 ден

(Видео) Макрон им оддаде почит на жртвите од нападот во Стразбур

Францускиот претседател, Емануел Макрон, вечерва, за време на посетата на Стразбур, изјави дека властите работат на разјаснување како напаѓачот од Стразбур,...

Македонија2 дена

Обвинение за скопјанец што му нанел телесни повреди на својот татко

Надлежен јавен обвинител од Основното јавно обвинителство достави обвинителен предлог против едно лице за сторено кривично дело телесна повреда од...

Европа2 дена

Кнајсл: Мирот не се постигнува со формирање војска

Министерката за надворешни работи на Австрија, земјата што претседава со ЕУ, Карин Кнајсл, оцени дека денешната одлука за трансформација на...

Македонија2 дена

(Видео) Дебата: Невладините се судрија со власта – „План има, пари нема, помина и оваа зима во чад и задушување“

Во дебатната емисија на „Макфакс“, на која се говореше за проблемот со аерозагадувањето, претставници на невладиниот сектор се судрија со...

Македонија2 дена

Амнестијата ќе донесе и помали затворски казни, дали ќе се менува обвинението?

Кој сè ќе може да побара амнестија од учесниците во настаните на 27 април, најверојатно, ќе биде познато в понеделник,...

Македонија2 дена

(Видео) Јанакиевски: Животните што се хранат од медицинскиот отпад од македонските депонии се поголема закана од фабриката за преработка

По реакциите во врска со највата за изградба на фабрика за преработка на медицински отпад  на земјиштето во дворот на...

Досие