Контакт

Македонија

Иванов не го дава мандатот на „човек што преговара за туѓи платформи“

Објавено пред

 

Претседателот Ѓорге Иванов во своето обраќање до јавноста, образложи дека нема да го даде мандатот на никој кој преговара за формирање Влада преку уцени за Македонија со постизборни туѓи реформи.

„По изборите бевме непријатно изненадени од една Платформа изработена во туѓа држава. Со неа Македонија е уценета, а нејзината сувереност и унитарност е загрозена. Поради оваа платформа заглавуваме во уште поголема криза. Очекував дека одредени политички партии ќе одбијат да зборуваат за таква постизборна туѓа платформа, но, за жал, се заговараше за разнебитување на Македонија’, рече Иванов.

Тој појасни дека преговарањето за платформа од туѓа држава е противуставно и е казниво, оти претставува закана за Македонија.

Од меѓународната заедница побара да ја осуди таквата туѓа платформа, нешто што се случувало за други држави, но „за жал во случајот со Македонија такво јавно осудување немаше“.

„Штом меѓународната заедница се воздржуваше од осуда, треба да се воздржи и од наметнување решение“, рече Иванов.

Претседателот рече дека совеста, законите и Уставот на земјата не му дозволуваат да го даде мандатот на секој оној што ќе ја доведе Македонија во потчинетост и зависност од друга држава.

„Туѓи постизборни реформи не можат да бидат основа за формирање Влада“, рече Иванов.

Платформата на албанските партии во Македонија беше донесена по средба на челниците на ДУИ, БЕСА и Алијанса за Албанците, со албанскиот премиер Еди Рама и со косовскиот претседател Хашим Тачи.

„Постигнување целосна јазична еднаквост, употребата на албанскиот јазик на сите нивоа на власта и гаранција за неговата примена како фундаментално и уставно право. Уставот на Република Македонија треба да утврди дека македонскиот јазик и неговото кирилско писмо и албанскиот јазик со неговото писмо се официјални јазици во Република Македонија. Сеопфатна дебата за знамето, химната и државниот грб на Република Македонија, со цел државните симболи да ги рефлектираат општествената мултиетничност и етничката рамноправност“, пишува во албанската платформа.

Од Иванов се очекуваше да го даде мандатот на Зоран Заев, лидер на опозициската СДСМ, кој успеа во минатиот период да обезбеди потребни потписи од мнозинство пратеници, услов поставен токму од претседателот, откако првиот мандатар, по одржаните избори на 11 декември, Никола Груевски, лидер на ВМРО-ДПМНЕ, не успеа да состави влада во законски определените 20 дена.

Заев ги доби потписите од пратениците на ДУИ, БЕСА и Алијанса на Албанците, за да го добие мандатот, а ДУИ чекаше тоа да се случи за да свика Централно претседателство, на кое ќе одлучи дали ќе влезе во Владата на Заев или ќе делува од опозиција.

Попладнево, медиумите јавија дека лидерот на ДУИ, Али Ахмети, е на средба со лидерот на СДСМ, Зоран Заев, во седиштето на партијата на социјалдемократите./крај/мф

Македонија

Палмер: Важно е да се забрза пристапувањето на Северна Македонија во ЕУ

Објавено пред

Важно е да се забрза пристапувањето на Северна Македонија во Европската Унија, изјави заменик помошникот државен секретар за европски и евроазиски прашања Метју Палмер на видео конференција за евро-атланска интеграција на Балканот, во организација од „Грчки дом Давос“.

Како што објавиja медиумите во регионот, Палмер истакнал дека Соединетите Американски Држави се стремат кон мирен, стабилен и просперитетен Западен Балкан во ЕУ и дека САД и ЕУ се партнери во промовирање стабилност и борба против корупцијата во регионот.

Палмер ја истакнал важноста на продлабочување на односите меѓу Србија и Косово и забрзување на пристапот на Северна Македонија во ЕУ, потенцирајќи ја важноста на Грција како регионален играч, но и во поширокиот медитерански регион.

Покрај другите регионални лидери и амбасадори, на тркалезната маса присуствуваше и министерот за надворешни работи на Црна Гора, Ѓорѓе Радуловиќ, кој истакна дека нема иднина за регионот освен европската, пренесуваат медиумите.

Според пишувањата на тркалезната маса присуствувал и косовскиот премиер Албин Курти, кој ја пофалил грчката демократија.

Учесниците, исто така, разговарале за потребата од зголемена политичка одговорност по пандемијата, заштита на независноста на судството и зголемување на учеството на младите во политиката.

Прикажи повеќе...

Македонија

Денеска сончево и многу топло со температури до 38 степени

Објавено пред

Денеска ќе биде сончево и многу топло со мала до умерена облачност. Попладне ќе има ретка појава на пороен дожд и грмежи, претежно во планинските подрачја. Ќе дува слаб до умерен северозападен, а во западните делови повремено и засилен западен ветер. Минималната температура ќе биде во интервал од 11 до 20, а максималната ќе достигне од 31 до 38 степени. УВ=9

Во Скопје, ќе биде сончево со мала до умерена облачност и со слаб до умерен северозападен ветер. Минималната температура ќе се спушти до 17, а максималната ќе достигне до 36 степени.

Под влијание на топла воздушна маса од југ, времето во наредните денови ќе биде многу топло со натпросечни температури за овој период од годината. Температурите на повеќе места ќе бидат над 35 степени, а најтопло се очекува да биде во четврток и петок кога на места ќе го надминуваат и 40-тиот степен.

Прикажи повеќе...

Македонија

Без струја делови од Скопје

Објавено пред

Од „ЕВН Македонија АД“ информираат дека денеска без електрична енергија ќе останат одредени делови од главниот град.

Според информации од „ЕВН Македонија“ во периодот од 07.30 до 15.30 часот, без струја ќе бидат објектите лоцирани во индустриската зона Марино, Гранд Експорт, Текспорт, Хавел, Тосама Трејд, Розенберг, Пламтекс, Метал Солушн, Монмар, стамбените објекти на Унија Клуб со околните куќи, објектот на Два Брата Градители лоциран на ул.534, објектите на КАМ Маркет, Спортската сала, модуларното училиште и градинката, како и корисниците од улиците бр.501, 502, 503, 505, 506, 508, 509, 510, 517, 526, 528, 529, 531, 532, 533, 534, 535 и 537 од општина Илинден.

Во периодот од 08.00 до 15.00 часот, корисниците од ул. 163 и ул. 164 во населба Крњево, општина Центар.

Во периодот од 09.00 до 12.00 часот, без струја ќе бидат и корисниците од улиците Филип Кљајиќ и Малешевска општина Кисела Вода.

Безнапонска состојба во периодот од 09.00 до 14.00 часот и за корисниците од улиците Корушка и Драгутин Аврамовски Гуте, како и дел од корисниците од ул. Иван Цанкар во општина Ѓорче Петров.

А во периодот од 09.00 до 15.00 часот, без струја ќе бидат и корисниците од ул. Сердарот како и дел од корисниците од ул. Нагоричанска во општина Кисела Вода, како и корисниците од ул. Букурешка од бр.30 до бр.57 во општина Карпош.

Прикажи повеќе...

Најново

Свет47 минути

(Видео) Предградие во Чикаго погодено од торнадо

Торнадо погоди густо предградие на Чикаго, оштетувајќи повеќе од 100 куќи. Невремето собори десетици дрвја, а на некои места електричната...

Македонија2 часа

Палмер: Важно е да се забрза пристапувањето на Северна Македонија во ЕУ

Важно е да се забрза пристапувањето на Северна Македонија во Европската Унија, изјави заменик помошникот државен секретар за европски и...

Свет2 часа

СЗО: Половина од сиромашните земји немаат доволно вакцини

Повеќе од половина од посиромашните земји во светот кои примаат вакцини против коронавирус преку програмата за размена „Ковакс“ немаат доволно...

Спорт14 часа

Пандев: Не може ништо да се спореди со овој свет дрес

Горан Пандев заминува од македонската репрезентација, како рекордер со 122 настапи и 38 гола, со остварено ветување за пласман на...

Спорт15 часа

ЕУРО 2020 заврши за Македонија, Холандија и Австрија во осминафиналето

Македонија со 0:3 пораз од Холандија го заврши историскиот настап на ЕУРО 2020, во меч кој носеше големи емоции за...

Спорт15 часа

Моменти за солзи – цела Амстердам арена со поздрав за Пандев

Горан Пандев имаше емотивно збогување со националниот дрес, откако селекторот Игор Ангеловски реши да го повлече од игра во 68....

Македонија21 час

Нема најава за нови рестрикции по вториот случај на индиски вид во Македонија

Во текот на вчерашниот ден во Македонија беше детектиран и вториот случај на индискиот вид на коронавирусот, но засега нема...

Економија22 часа

Се зголемуваат цените на горивата

Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати...

Европа22 часа

Рекорден дневен број на заразени со Ковид-19 во Москва

Бројот на новоинфицирани oд коронавирус во руската престолнина Москва и нејзината област во изминатите 24 часа достигнал 1.800, што е...

Македонија23 часа

Сојузот на средношколци: Да се објават извештаите за училиштата кои наплаќаа свидетелства

Сојузот на средношколци бара од државниот просветен инспекторат јавно да ги објави извештаите за спроведените инспекции во четирите средни училишта...

Топ24 часа

МВР со детали за сообраќајната несреќа во која загинаа две лица

Две лица загинаа вчера во сообраќајната несреќа што се случи на експресниот пат Штип-Кочани, во близина на населбата „Три чешми“. Според...

Македонија1 ден

По отповикувањето, Азески на Црна Гора ѝ посака брз развој и просперитет

Бранко Азески се огласи со коментар по одлуката на Владата во Црна Гора, да го отповика како почесен конзул на...

Свет1 ден

(Видео) Американската морнарица во океан детонираше бомба, предизвикан земјотрес

Експлозија изведена од американската морнарица, предизвика земјотрес. Бомбата тешка 18.143 килограми била активирана крај брегот на Флорида. Експлозијата била извршена...

Македонија1 ден

Владата во Црна Гора го отповика почесниот конзул во Македонија, Бранко Азески

Владата во Црна Гора ваквиот потег го објасни со изјава дека отповиканиот амбасадор се обидел да ги омаловажи и да...

Свет1 ден

САД со ултиматум до Кина, или нова истрага за Ковид-19, или изолација

Џејк Саливан, советник за безбедност на американскиот претседател Џозеф Бајден, рече дека Кина има уште еден избор или да дозволи...

Спорт1 ден

Пандев последен пат ќе ја предводи Македонија

Фудбалската репрезентација на Македонија, вечерва, ќе го одигра последниот натпревар на Европското првенство. Натпреварот против Холандија, на стадионот што го...

Европа1 ден

ЕУ: Црна кутија, задолжителна во автомобилите од следната година

Од следната година, задолжително во сите нови автомобили во ЕУ ќе биде поседувањето т.н Црна Кутија, а од 2024 година,...

Македонија2 дена

За шест часа, казнети 66 возачи за брзо возење на автопатот Скопје-Велес и скопската обиколница

Полицијата за шест часа казни 66 возачи за брзо возење на автопатот Скопје-Велес и скопската обиколница, соопшти Министерството за внатрешни...

Спорт2 дена

„Гранде“ Пандев потврди дека утре го игра последниот меч за Македонија!

Легендарниот македонски капитен Горан Пандев, потврди дека утре против Холандија ќе го одигра својот последен меч за македонската репрезентација, заминувајќи...

Регион2 дена

Џамбаски: Македонија е бугарска, од двете страни на границата Деве Баир живее една нација

Една нација живее на двете страни од границата Деве Баир, а тоа е бугарската, ова го напиша бугарскиот европратеник, Ангел...

Досие