Контакт

Македонија

Илија Димовски бара одлагање на „Талир“, две поротнички имале по 60 години

Објавено пред

Обвинетиот Илија Димивски во предметот „Талир“ на почетокот на судењето рече дека две од поротничките навршувале 60 години старост и дека тоа е основа за престанок на функцијата, со што судењето би почнало од почеток.

„Со достојно извинување на двата члена од судечкиот совет, во Законот за судовите, во членот 80, еден од основите за престанок на функцијата судија поротник е навршување 60 години старост. Во овој совет двајца од судиите поротници го исполнуваат овој услов“, рече Димовски и побара одлагање на рочиштето за да се надмине, како што рече, оваа ситуација. Тој рече дека неговите адвокати формално ќе го информираат претседателот на судот, Иван Џолев, а барањето било во насока на економичност на судската постапка.

„Џолев е надлежен да постапи и да го извести Судскиот совет по службена должност“, рече Димовски и дополни дека ова би била повреда на постапката од апсолутен карактер.

Судијата Осман Шабани рече дека овие околности не се во доменот на надлежност на овој судечки совет и за тоа сметка треба да го води Судскиот совет, па расправата продолжи.

Обвинението за незаконско финансирање на ВМРО-ДПМНЕ ги опфаќа екслидерот на партијата Никола Груевски, и самата партија, како и Кирил Божиновски, Миле Јанакиески, Илија Димовски и Леко Ристоски. Обвинетата Елизабета Чингаровска призна вина и доби условна казна затвор.

Груевски е обвинет дека во периодот од 2009 до 2015 година обезбедил пари за партијата од анонимни и незаконски извори. Нему, според СЈО, му помогнале Кирил Божиновски и поранешниот министер Миле Јанакиески, кои вршеле притисок врз фирмите што добивале тендери за да обезбедат готовина за потребите на ВМРО-ДПМНЕ. На ваков начин партијата добила најмалку 4,6 милиони евра.

Обвинителството тврди дека Илија Димовски, Миле Јанакиески, Леко Ристоски и Елизабета Чингаровска како потписници на партиските сметки ги пуштиле овие пари во оптек иако знаеле дека се стекнати нелегално. Првото рочиште за предметот се одржа на 18 февруари, а главната расправа речиси 10 месеци не може да почне.

Македонија

Мицкоски: Пакетот на Владата е недоволен и задоцнет, не чека тешка економска криза

Објавено пред

Ова денес што го говорам не е за политички поени или дека по автоматизам треба да се критикува се она што доаѓа од Владата. Туку дека според објективни параметри ова нема да ја залечи економијата, а кризата ќе се позадлабочува. Мерките за стопанството и граѓаните кои ги донесе Владата се причина за огромна и сериозна загриженост дека не чека црна и тешка економска криза. Помошта која ја дава Владата не само што е задоцнета, туку и недоволна. Пакетот мерки е огромно разочарување за граѓаните и бизнисот, по вторпат. Ова е далеку од доволно. Кога состојбата не била трагична сигурно некој ќе каже дека Владата се шегува со вакви мерки за стопанството. Не викам дека нема поединечни мерки кои не се добри, и нема да помогнат. Но ви викам, ви тврдам дека целиот пакет за помош не е вистински и не е доволна помош која му треба на стопанството и граѓаните“, изјави лидерот на ВМРО-ДПМНЕ, Христијан Мицкоски.

Според него, овој пакет нема споредба со она што го нудат државите од регионот. Србија помошта од 5 милијарди евра ја понуди кон граѓаните и бизнисот. Словенија 3 милијарди евра, Грција 6.8 милијарди евра и итн. Во Словенија сите само вработени од погодените бизниси ќе добијат помош од 700 евра. А, државата ќе им ги плати придонесите, 150 евра ќе добијат и сите редовни студенти во Словенија. Додаток на плата од 100 евра ќе добијат и семејствата со три или повеќе деца. А, оние кои ќе имаат дури и повеќе од три ќе добијат помош од 200 евра месечно.
Србија најави помош од 100 евра за секој возрасен граѓанин. Тоа се околу 520 милиони евра. А, со цела минимална плата ќе ги помогнат индивидуалните бизниси.

ВМРО-ДПМНЕ во наредните денови најави дека ќе достави уредби со сила на закон за мерките кои што ги предлага. „Да се отвори дебата на самата владина седница за да може претставникот кој што ќе биде таму и кој што е дел од техничката Влада да ги брани тие мерки. Првата мерка која што ќе ја доставиме е да бидат покриени до 50 проценти од трошоците по основ на бруто плата и за сето тоа ќе доставиме методологија. И тоа не само за месеците мај и април кој што ќе бидат исплатени во мај и во јуни, туку тоа ќе важи и за месеците март, април, мај и јуни, а потоа соодветно на ситуацијата ќе предлагаме нови мерки.

Втората мерка која што ја повторуваме по трет пат е веднаш да се интервенира во вториот задолжителен приватен пензиски фонд и средствата кои што во висина од 10 милијарди денари биле предвидени за оваа година, а веќе во првите два месеци јануари и февруари 1 и половина милијарда се уплатени во задолжителниот приватен пензиски столб да бидат веднаш со уредба со сила на закон пренасочени во единствениот државен задолжителен пензиски столб. На тој начин ќе се обезбедат дополнителни осум ипол до 10 милијарди денари“, рече Мицкоски.

Тој предлага веднаш да се организира состанок кој ќе го води премиерот на Владата, вицепремиерот задолжен за економски прашања, министерката за финансии, претставници на највисокото ниво на македонските банки, финансиски институции, гувернерот на кој што ќе се разговара за мек трансфер на средства од благајнички записи во државни хартии од вредност. Да може Народната банка најпрво да ја намали каматната стапка од 1.75 на 1.5 или 1.25 да станат помалку тие атрактивни на сметка на тоа да бидат запишувани државни хартии од вредност преку министерството за финансии. Кои што можат доколку постои доверба кај банкарските и финансиски институции да бидат насочени за поддршка на бизнисот, поддршка на буџетот и конечно за поддршка на граѓаните во процесот за справување со пандемијата на корона вирусот.

„Веднаш состанок на кој што овие стерилизирани средства, оваа ликвидност од банките полека на мек начин ќе биде пренасочувана од Народната банка кон државата, односно министерството за финансии.Понатаму робустна, агресивна акција за испорачување на капиталните инвестиции. Мора капиталните инвестиции да се реализираат за да може да имаме паричен тек. Мора капиталните инвестиции робустно, масовно да бидат реализирани и испорачани, а со тоа да бидат повлечени сите кредитни линии кои што се поврзани со инфраструктурните капитални инвестиции.
Замрзнување на ануитетите во банките на граѓаните и правните лица. Не вака, не со определена корекција и не со репрограмирање туку веднаш замрзнување на ануитетите за отплата на главнината и каматата на граѓаните и правните лица во банките во период од 3 до 6 месеци. Веднаш со уредба со сила на закон.

Намалување на трошоците во буџетот. Ги поздравуваме сите оние намалувања на трошоците во буџетот како што се намалување на платата на избраните и именуваните функционери на минималец од 14.500 денари за месеците април и мај. Го поздравуваме укинувањето на додатокот на членовите на совети, на членовите на надзорни одбори на членовите на управни одбори се додека кризата не заврши. Но истовремено апелираме за намалување и целосна пренамена на средствата кои што се користат за партиски вработувања од времен карактер, за репрезентации, трошоци со договорни услуги. Веднаш рационализација на буџетските трошења. На тој начин ќе обезбедите неколку милијарди денари кои потоа можете да ги користите за поддршка на буџетот и за поддршка на стопанството. Сето ова кое што ВМРО-ДПМНЕ изминатиот го предлагаше нека биде ваш предлог. Заборавете дека ВМРО-ДПМНЕ го предложило и дека Христијан Мицкоски го предложил. Јас сум свесен дека поради вашата надменост тешко ќе си признаете дека ова е вистинскиот пат, но барем еднаш во вашиот живот ставете го пред партискиот интерес, државниот интерес и интересот на граѓаните. Прифатете ги овие мерки, прифатете за добрата и стабилна иднина на нашата држава и нашите граѓани“, додаде Мицкоски.

Прикажи повеќе...

Македонија

Кумановец и дебарчанец починаа од коронавирус, за еден ден регистрирани 44 заразени

Објавено пред

Министерството за здравство информира дека на Клиниката за инфективни болести од коронавирус починале двајца мажи, едниот на возраст од 45 години од Куманово, другиот на возраст од 78 години од Дебар.

Починатиот од Куманово имал дијабет и обезност, додека починатиот од Дебар имал Хронично обструктивен бронхит и хипертензија и примал терапија за двете хронични заболувања.

Со ова вкупната бројка на смртни случаи од Ковид-19 во земјава се искачи на 9.

Во изминатите 24 часа направени се 392 тестирања, а потврдени 44 нови случаи на коронавирус во земјата, што е најголема бројка на заразени во еден ден, од почетокот на пандемијата.

Од новозаразените најмногу се Куманово – 23, 12 од Скопје, 2 од Тетово, 3 од Битола, 2 од Струга и по еден од Штип и Прилеп.

Со ова, вкупната бројка на дијагностицира и пациенти со Ковид-19 денеска изнесува 329 лица.

Според местото на живеење, досега случаи на коронавируис се регистрирани во Скопје (176), Дебар (47), Куманово (47), Штип (15), Тетово (8), Прилеп (10), Струга (7), Велес (6), Битола (4), Охрид (3), Кавадарци (2), Гостивар (1), Крива Паланка (1), Струмица (1), Гевгелија (1).

Прикажи повеќе...

Македонија

Дескоска испрати писмо до судовите со инструкции како ќе се работи за време на вонредната состојба во земјата

Објавено пред

Почитувани судии и јавни обвинители, адвокати, вработени и други претставници на правосудниот сектор, во овие исклучително тешки времиња за граѓаните дозволете најпрвин да ви посакам на сите добро здравје и надеж за брзо нормализирање и справување со оваа состојба. Воедно, би сакала да ви го честитам и Денот на македонското правосудство и да посакам успешна имплементација на реформите во правосудството, се вели во писмото што министерката за правда, Рената Дескоска, го испрати до правосудниот сектор.

Таа ги информира дека со утврдувањето постоење вонредна состојба во земјата се јавила потреба од донесување уредба со законска сила за роковите во судските постапки за време на вонредната состојба и постапувањата на судовите и јавните обвинителства.

„Оваа уредба се донесе за заштита на здравјето на сите учесници во постапките пред судовите и обвинителствата, без да биде нарушено правилното спроведување на правдата. Во неа е уредено не само прашањето за запирање на течењето на роковите туку и се овозможува одржување расправи и сите дејства на постапките преку интернет со употреба на електронски средства.

Законските и преклузивните рокови за поднесување тужба во парнична постапка, приватна тужба во кривична постапка, предлог за кривично гонење, предлог за поведување вонпарнична постапка, поднесување барање за присилно извршување, постапка за обезбедување на побарувањата, тужба за поведување управен спор, иницирање постапка пред Уставниот суд или иницирање и поведување друга судска постапка, престануваат да течат во моментот на стапување во сила на оваа уредба сè до престанување на вонредната состојба. Роковите за застарување за кривично гонење, поведување и водење прекршочна постапка, за извршување на кривичните и прекршочните санкции престануваат да течат од денот на стапување во сила на оваа уредба, па сè до завршување на вонредната состојба. Во кривичните и прекршочните постапки роковите за изјавување жалба или приговор на одлуките со кои постапката завршува, како и за изјавување на вонредните правни лекови, престануваат да течат од денот на стапување во сила на оваа уредба, па сè до завршување на вонредната состојба“, вели Дескоска.

Исто така, се наведува дека издавањето на упатните акти за изречена казна затвор до три години се одложува до 1 септември 2020 година, освен за предмети каде што постои опасност за застарување на извршувањето на казната. На судиите поротници, на кои мандатот им истекува за време на траењето на вонредната состојба, по сила на оваа уредба мандатот им се продолжува сè до завршување на постапката по судскиот предмет. Доколку некој суд или негово одделение, поради преземени мерки за спречување на ширење на вирусот Ковид-19 (изолација на судии и сл.), не може да постапува по итни предмети, се предвидува дека Судскиот совет ќе определи да постапува друг стварно надлежен суд од ист степен.

Судскиот совет може да донесе одлука и да пропише начин за одржување расправи и преземање на сите други дејства на постапката со користење електронски технички средства, кои обезбедуваат двонасочна комуникација, без заедничко физичко присуство на учесниците во постапката.

„На крајот, апелираме сите судови и јавни обвинителства да се придржуваат на одлуките на Судскиот совет на Република Северна Македонија за постапување на судовите во Република Северна Македонија во услови на зголемена опасност од вирусот Ковид-19 и на задолжителните упатства на Јавното обвинителство на Република Северна Македонија донесени во врска со вирусот Ковид-19, како и на препораките на Министерството за здравство. На сите ви посакувам, пред сè, добро здравје. Заедно и солидарно да ги надминеме опасностите од епидемијата и така со заеднички сили да ги почнеме преговорите со ЕУ. Од сега натаму од сите нас зависи“, се додава во писмото на Дескоска.

Прикажи повеќе...

Најново

Македонија2 часа

Кумановец и дебарчанец починаа од коронавирус, за еден ден регистрирани 44 заразени

Министерството за здравство информира дека на Клиниката за инфективни болести од коронавирус починале двајца мажи, едниот на возраст од 45...

Економија2 часа

Спасовски: Се одложуваат наплатите за закуп на станови

Пратениците, претседателот на Собранието, директорите и министрите ќе земаат минимална плата од 14.500 денари наместо досегашните над илјада евра за...

Свет2 часа

Светот собори уште еден мрачен рекорд со Ковид-19: повеќе од 800.000 заразени

Бројот на заразени со новиот коронавирус Ковид-19 во светот денеска надмина 800.000 потврдени случаи, посочува Ресурсниот центар за коронавирус „Џон Хопкинс“,...

Македонија3 часа

Владимир Талески осуден на 8 години затвор за проневера на 360 илјади евра

Судечкиот совет во случајот „Транспортер“ донесе пресуда со која го осуди ексградоначалникот на Битола, Владимир Талески, на 8 години затвор...

Свет4 часа

(Видео) Индија и Пакистан ги претвораат возовите во мобилни болници

Националната железница во Пакистан ги претвори сите вагони од бизнис-класата во подвижни одделенија за пациенти со Ковид-19 додавајќи илјадници болнички...

Свет6 часа

Речиси 50 милиони Американци би можеле да останат без работа

Милиони Американци веќе ги загубија своите работни места како резултат на кризата од коронавирусот, а најголемата штета допрва претстои, според...

Македонија7 часа

Тестирањето за Ковид-19 го закажува матичниот лекар и по протокол го следи лекувањето на пациентот

Министерството за здравство информира дека секој матичен лекар, кој преку „Мој термин“ му закажува на својот пациент тестирање на Ковид-19,...

Свет7 часа

Конјунктивитисот може да биде симптом на зараза со коронавирус

Американското друштво на офталмолозите ги предупредува своите членови да водат сметка за тоа дека и конјунктивитисот, познат како црвено око,...

Свет8 часа

СЗО: Не носете маска за лице, освен ако не сте заразени

Претставници на Светската здравствена организација сè уште им препорачуваат на луѓето да не носат маски за лице, освен ако не...

Свет8 часа

Во светот бројот на заболени од коронавирус достигна речиси 800.000

Во светот утрово регистрирани се вкупно 785.807 случаи на заболени од коронавирус, починале 37.820 луѓе, а се излекувале 165.659, покажуваат...

Македонија8 часа

Претседателот свика седница на Советот за безбедност

Денеска, со почеток во 14 часот, во кабинетот на претседателот Стево Пендаровски ќе се одржи седница на Советот за безбедност...

Македонија19 часа

Затворите ќе примаат нови осуденици од септември

Владата ја усвои уредбата со законска сила за роковите во судските постапки за време на вонредната состојба за постапувањето на...

Македонија19 часа

ЕУ ќе издвои 38 милиони евра за медицинска опрема за земјите од Западен Балкан

Европската комисија донесе одлука да им додели 38 милиони евра на земјите од Западен Балкан за помош со заштитна опрема...

Македонија20 часа

Ученичките и студентските домови ќе бидат ставени на располагање на време на епидемијата со коронавирус

На денешната владина седница е усвоена и Уредбата со законска сила за примена на Законот за здравствената заштита за време...

Македонија21 час

(Видео) МВР најави кривична пријава: Место да седи во изолација заразил повеќемина

МВР ќе поднесе кривична пријава против Ф.К. коj се однесувал спротивно од одлуките на Владата, ги прекршил мерките за самоизолација...

Македонија22 часа

Се затвора Заводот за рехабилитација во Козле, 8 вработени и двајца пациенти имаат коронавирус

Заводот за рехабилитација во Козле ќе се затвори, откако тестовите на 8 медицински лица покажале позитивни наоди на Ковид-19, информираше...

Македонија22 часа

(Видео) Филипче: Пациентка која починала во струшката болница е тестирана за коронавирус

Викендов во струшката општа болница за коронавирус била тестирана пациентка откако починала. Министерот за здравство, Венко Филипче, извести дека пациентката...

Свет24 часа

Нетанјаху во самоизолација, негов соработник има коронавирус

Израелскиот премиер Бенјамин Нетанјаху се наоѓа во самоизолација бидејќи негов соработник, пратеник, е позитивен на коронавирусот. Нетанјаху до утре треба...

Македонија1 ден

(Видео) Македонското знаме се развиори пред седиштето на НАТО

На свечена церемонија пред седиштето на НАТО во Брисел денеска беше развиорено македонското знаме кога земјата и официјално стана 30....

Македонија1 ден

Уште една жртва на коронавирусот, 26 нови заразени и девет излекувани

Министерството за здравство информира дека утрово на Клиниката за инфективни болести и фебрилни состојби во Скопје почина еден пациент на...

Досие