Македонија
И по речиси една година, обвинителството сè уште собира докази за злоупотребите во УЈП
![](https://makfax.com.mk/wp-content/uploads/2017/11/UJP.jpg)
„Предметите за кои покажувате интерес се во предистражна постапка и надлежните јавни обвинители од Основното јавно обвинителство за гонење организиран криминал и корупција активно постапуваат во насока на обезбедување материјални докази“. Ова е одговорот од Обвинителството на прашањето на „Макфакс“ во која фаза е истрагата за предметот за неплаќање милионски долгови за данок на добивка, случај за кој УЈП информираше лани во август.
Од Обвинителството велат дека станува збор за предистражна постапка и затоа не обелоденуваат детали. „По комплетирањето на доказниот материјал ќе биде донесена соодветна јавнообвинителска одлука“, пишува во одговорот.
Случајот лани го обелодени директорката на УЈП, Сања Лукаревска, и рече дека според интерната истрага која ја спровеле, двајца вработени во УЈП во 2015 и 2016 година им помогнале на 37 компании да не платат данок на добивка.
Лукаревска тогаш појасни дека сите 37 фирми биле ставени во привилегирана позиција. Во електронскиот систем на УЈП за данок на добивка овозможиле посебна програма за забрана за печатење опомени за долгови за данок на добивка, која овозможувала приближно две години даночните обврзници да бидат изземени од постапки за присилна наплата на милионски долгови.
Од Обвинителството испратија ист одговор и на прашањето во која фаза е истрагата за злоупотребата на 30 милиони евра од МВР, отворена годинава во февруари. Станува збор за предистражна постапка за злоупотреба на државни пари од службени картички за гориво и за други потреби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.