Контакт

Македонија

(Видео) Камчев: Алчноста на Катица за пари беше клучна во оваа работа

Објавено пред

Бизнисменот Орце Камчев по денешното сведочење за случајот „Рекет“ откако излезе од судот уште еднаш потенцираше дека Бојан Јовановски, Катица Јанева, но и обвинителката од СЈО Лиле Стефанова и братот на судијката Весна Димишкова, Васил, се дел од злосторничко здружение кое изнудува пари. Тој рече дека секоја реклама што одела на „1ТВ“ била од рекетирани пари и дека нема да дозволи „неговото лице, лицето на неговите деца и семејство да го гаѓаат накази како Бојан Јовановски и Катица Јанева“.

Тој најави дека ќе поднесе повеќе тужби, и за тоа дека бил жртва на рекет, но и граѓанска постапка против Јанева и Јовановски со која ќе си ги бара назад 1.5 милиони евра што им ги дал.

За тоа дали Катица Јанева е „мозокот“ на целата операција за изнуда на пари, Камчев вели дека тоа најдобро ќе се види и чуе од снимените материјали. Тој нема сознанија за вмешаност на политичари во овој процес.

„Јовановски и Јанева беа исклучително блиски. Веројатно ако се пуштат сите материјали во постапката, тоа ќе го чуете и видите. Таму е најголемиот проблем, што алчноста на Катица за пари беше клучна во оваа работа. Телевизијата беше алатка како потоа да ја зголеми моќта секојдневно повикувајќи функционери, судии, обвинители. Јовановски ги продаваше на бизнисмените сите тие луѓе како негови блиски пријатели, за да излобира, да не гони некого. Мислам дека, да не грешам душа, 99 посто, моќта на Катица беше огромна, а Бојан е исклучително интелигентен човек и успеа тоа да го изменаџира, спакува и да ни го продаде тоа на нас“, рече Камчев.

Сепак, како што кажа и на денешното сведочење, тој не може да ја обвини Јанева дека му нудела спогодба ниту, пак, својство на заштитен сведок.

„Ми нудеше Бојан Јовановски. Јас ја слушав Катица Јанева, дека таа со него разговара на телефон. Сум слушнал и за многу луѓе дека дале рекет. Отворете видете кој се се рекламирал на „1ТВ“ со по 200 илјади платена реклама, што за Бојан Јовановски се нормални реклами, ќе ви стане јасно дека сите тие биле рекетирани, жртви на ова злосторничко здружение. Сите тие што платиле реклама на ‘1ТВ’, сите тие биле на некој начин гонети од Јовановски и Јанева“, рече Камчев.

Според него, случајот „Империја“, за кој тој е осомничен, е класичен случај за перење пари и од него е произлезен и случајот „Рекет“.

„Јас сакам да докажам дека сум чист, ако утре има судски процес за ‘Империја’. Сакам да нагласам дека тоа е случај отворен за изнуда на пари. Тоа го кажувам бидејќи и со начелното правно мислење на Врховниот суд СЈО не биле овластени тужители, бидејќи тоа се преземени предмети стари 18 години и затворени со обвинителски резулуции. Доколку сум сторил криминал, сигурно ќе излезам да одговорам пред јавноста“, одговори Камчев на прашањето дали случајот „Империја“ е лага.

На прашањето како поранешната обвинителка од СЈО Лиле Стефанова е инволвирана во наводниот рекет, Камчев вели:

„Катица Јанева ѝ давала наредби. Доколку тие биле противзаконски, зошто Лиле Стефанова не ја пријавила Катица Јанева кај Љубомир Јовевски и да го испочитува Законот за јавно обвнителство? Ајде објаснете ми. Доколку тие наредби на Катица Јанева биле противзаконски и јас присилувала Лиле Стефанова да го прави тоа што го правела – зошто не го пријавила кај надлежниот обвинител?“, рече Камчев.

За инволвираноста на судијката на претходна постапка Весна Димишкова, пак, Камчев вели дека според него, ПИ-мерките кои му биле понудени од нејзиниот брат ги предала токму таа.

„Улогата на судијката Димишкова е многу јасна.  Од кого се добиени ПИ-мерките кои ми беа продадени од братот на судијката? Мене ми понуди спогодба братот на мојата истражна судијка, за тоа има докази во Обвинителството. Со исти бројки, кои потоа ми ги нудеа Бојан Јовановски и Катица Јанева. Има посебни истражни мерки во копија и ви нуди спогодба дека доколку дојде до процес истите ќе бидат изменаџирани по скала на плаќање. Да сакав да поткупувам и рекетирам тоа ќе платев на почетокот и немаше да има процес. Јас верував дека немам вина“, додаде Камчев.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Филипче: Исполнети се 50 отсто од капацитетот на Клиниката за инфективни болести

Објавено пред

Министерот за здравство, Венко Филипче, кажа дека сè уште има слободен капацитет на Клиниката за инфективни болести, имајќи предвид дека исполнетоста е 50 проценти и во тек е надополнувањето со кадри од Клиниката за анестезиологија, медицински сестри од другите клиники, согласно планот за ротација и поддршка на персоналот кој работи на Инфективната клиника.

Според Филипче, на Клиниката во овој момент се лекуваат 54 пациенти од кои четворица пациенти се критични, а 20 пациенти имаат потреба само од кислородна маска, покрај редовната терапија. Останатите пациенти се со лесна клиничка слика, без потреба од поддршка на дишењето во смисла на дополнителен довод со кислород.

Министерот изјави дека веќе е во функција пунктот во поликлиниката „Чаир“, а утре се отвора и пунктот во поликлиниката „Млин Балкан“, со што капацитетот на пунктови во Скопје практично се дуплира, а до крајот на неделата почнуваат со работа и останатите пунктови ширум државата во здравствените домови, што всушност ќе значи трикратно зголемување на пунктовите, согласно големината на градот, кои веќе функционираат во Центрите за јавно здравје.

Во врска со мобилната болница до Инфективната клиника, министерот информираше дека таа е при крај, во тек е поставувањето кревети, завршен е доводот со воздух, греењето и ладењето и во текот на утрешниот ден практично ќе биде во функција, а целосно се очекува да биде готова до крајот на неделата.

Во рамки на прес-конференцијата, министерот за здравство информираше за Институтот за физикална медицина и рехабилитација во Скопје, кој практично престанува со работа и не прима повеќе пациенти. Двајца од овде дијагностицираните се префрлени на Клиниката за инфективни болести, а се чекаат резултатите во текот на денот на 16 пациенти, кои се тестирани, односно е земен материјал во изминатите денови. Министерот Филипче додаде дека сите пациенти на кои им е потребна оваа медицинска дејност, здравствена услуга можат да добијат во амбулантскиот дел во ГОБ „8 Септември“.

„Во однос на Градската општа болница ‘8 Септември’, во текот на утринскиот состанок на Комисијата за заразни болести, разговаравме за моделот со кој може да се забрзаат резултатите со оглед на тоа што огромен број пациенти доаѓаат и за друга здравствена услуга, како и директно заради сомневање поради воспаление на белите дробови и еден дел од тие мобилни тимови ќе биде посветен токму на земање анализи од болницата ‘8 Септември’. Другиот мобилен тим, кој го најавивме во текот на минатата недела, ќе работи преку системот за закажување и Институтот за јавно здравје, пред сè за повозрасните граѓани, а со цел тие да не излегуваат од дома и брис и материјал да им се земе во домашни услови“ информираше министерот.

Тој кажа дека сè уште не е завршено тестирањето за двајца пациенти, во врска со информацијата за пациентот од Битола и жената од Лабуништа, која е почината вчера. Материјали се земени кај двајцата, непосредно пост мортум. „Веднаш кога ќе бидат готови резултатите ќе и ги соопштиме на јавноста“, истакна министерот.

Во однос на прашањето кое беше поставено во текот на вчерашниот ден за пациентот кој почина на 31-годишна возраст, министерот појасни дека во анамнезата и документацијата на Клиниката за инфективни болести не било наведено дека укажал на претходни заболувања, иако кај специјалистите кај кои претходно правел консултации укажал дека има некои претходни здравствени состојби, но во историјата на Клиниката нема наведено никакво друго заболување.

Вкупниот број тестови направени во нашата земја, од почетокот на пандемијата, досега изнесува 3.518 тестови.

Вкупната бројка на дијагностицирани пациенти со Ковид-19 денеска изнесува 329 лица. Девет пациенти починаа, а 12 се излекувани.

Прикажи повеќе...

Македонија

Пендаровски: Нема потреба од воведување на поригорозни мерки

Објавено пред

Не се разгледува воведување на 24 часа траење на полицискиот час односно ограничување на движењето, а пак, распуштеното собрание блокира пренамена на буџетот на државата, како и задолжување за кое мора да има измена или носење на закони. Претседателот Стево Пендаровски рече дека не се знае кога ќе биде пикот со најмногу заболени од коронавирус и се се сведува на предвидувања.

„Дилемата за да се воспостави кризна состојба по вонредната состојба, ја надминавме минатиот пат на претходните седници кога се дебатираше дали е неопходно да се воведе кризна состојба на целата територија или на одредени. Заклучокот беше дека не е потребно воведување на кризна состојба на цела територија, поради економските индикатори кои покажуваа нагло влошување или можности за нагло влошување. Собранието е распуштено, нема можност да се свика и во таква ситуација вие не можете да направите пренамена ако треба, а треба, на одредени буџетски ставки, ниту можете да одите со задолжување од надвор, бидејќи за тоа е потребно измена на закони или носење на нови, а тоа е невозможно кога немате парламент, односно функционален парламент. Во таква ситуација беше заклучено дека што се однесува до безбедносните институции, тие си ја вршат таа работа“, додаде Пендаровски.

Тој вели дека ниту Владата не ја разгледувала мерката за воведување на деноноќен полициски час, а според заклучоците на Советот за безбедност, нашата држава е статистички понапред во позитивна смисла во однос на земјите од соседството.

„Не разгледувавме воведување на 24 часовен полициски час на онаа седница, а како што знам ниту главниот штаб лоциран во Владата не разгледувал таква мерка. Се цени дека нема потреба од воведување на поригорозни мерки во однос на ограничувањето на движењето на нашите граѓани. Се смета дека со ова ниво, зборам за денес, се постигнуваат задоволителни ефекти. Според компаративните статистички показатели, нашата земја, во однос на досега заразените, починатите, тестираните, односно сите индикатори, не е под нивото на земјите од Европската Унија. По некои од тие статистички индикатори е и понапред во позитивна смисла во земјите од нашето опкружување“, посочи Пендаровски.

Тој посочи дека ја поддржува мерката за функционерите да зимаат минимална плата до 14.500 денари во време на вонредната состојба, но не поддржа сите вработени во државната администрација да земаат минимална плата. Пендаровски рече дека е спремен да се откаже и целосно од неговата плата, ако Владата предложи таква мерка.

Прикажи повеќе...

Македонија

(Видео) Пендаровски: Ситуацијата со коронавирусот останува сложена

Објавено пред

Претседателот Стево Пендаровски по седницата на Советот за безбедност посочи дека ситуацијата останува сложена бидејќи не се знае колку долго ќе трае епидемијата.

Советот посочил дека мерките се спроведуваат ефикасно и се ефективни, што придонесува до тоа да се спречи ширењето на коронавирусот.

„Советот заклучи дека ситуацијата останува сложена. Сите сценарија за идниот развој на настаните се оптоварени од главната непозната, а тоа е колку долго ќе трае епидемијата. Притоа, едногласно беше заклучено дека досега имаме адекватна поставеност на државата и ефективна соработка меѓу надлежните служби. Имаме стриктно спроведување на препораките од СЗО и со мали исклучоци имаме навистина одговорно однесување на нашите граѓани“, рече Пендаровски.

Тој додава дека затворањето на границите и ограниченoто движење е проблем за економијата.

„Сведоци сме дека и најразвиените земји тешко се соочуваат со овој сегмент. Ни следува тежок период. Потребни се серија мерки и одговорни одлуки за да се намалат штетите на екомијата. Советот за безбедност ќе ја следи работата на сите институции во овој период. До истекот на вонредната состојба ќе свикам најмалку уште една седница, пред евентуално продолжување на истата“, додаде Пендаровски.

Претседателот ги повика сите граѓани да ги почитуваат мерките, да останат смирени, рационални, одговорни и солидарни, за со заеднички напори да се победи епидемијата.

Прикажи повеќе...

Најново

Македонија11 час

(Видео) Пендаровски: Ситуацијата со коронавирусот останува сложена

Претседателот Стево Пендаровски по седницата на Советот за безбедност посочи дека ситуацијата останува сложена бидејќи не се знае колку долго...

Македонија11 час

Филипче: Зголемувањето на бројот на пациенти е очекувано, таквиот тренд ќе продолжи до крајот на април

Според министерот за здравство, Венко Филипче, зголемувањето на бројот на пациенти во овој период е очекувано од страна на епидемиолозите,...

Македонија12 часа

Филипче: Инспекторатот утврди пропуст кај охридската болница

Министерот за здравство, Венко Филипче, посочи дека сè уште се чекаат резултатите на 16 пациeнти од Заводот за рехабилитација во...

Македонија12 часа

Седум македонски граѓани од Перу преку Португалија ќе се вратат во државава

Министерството за надворешни работи информира дека уште седум македонски граѓани се вратени од Лима, Перу на европско тло. Утрово авионот...

Македонија13 часа

(Видео) Владата го донесе вториот пакет економски мерки – платите на функционерите скратени на 14.500 денари

Владата ја одржа 32. седница на која беше разгледан и усвоен вториот пакет економски мерки за справување кризата. Деталите за...

Македонија14 часа

Кумановец и дебаранец починаа од коронавирусот, за еден ден регистрирани 44 заразени

Министерството за здравство информира дека на Клиниката за инфективни болести од коронавирусот починале двајца мажи, едниот на возраст од 45...

Економија15 часа

Спасовски: Се одложуваат наплатите за закуп на станови

Пратениците, претседателот на Собранието, директорите и министрите ќе земаат минимална плата од 14.500 денари наместо досегашните над илјада евра за...

Свет15 часа

Светот собори уште еден мрачен рекорд со Ковид-19: повеќе од 800.000 заразени

Бројот на заразени со новиот коронавирус Ковид-19 во светот денеска надмина 800.000 потврдени случаи, посочува Ресурсниот центар за коронавирус „Џон Хопкинс“,...

Македонија16 часа

Владимир Талески осуден на 8 години затвор за проневера на 360 илјади евра

Судечкиот совет во случајот „Транспортер“ донесе пресуда со која го осуди ексградоначалникот на Битола, Владимир Талески, на 8 години затвор...

Свет17 часа

(Видео) Индија и Пакистан ги претвораат возовите во мобилни болници

Националната железница во Пакистан ги претвори сите вагони од бизнис-класата во подвижни одделенија за пациенти со Ковид-19 додавајќи илјадници болнички...

Свет19 часа

Речиси 50 милиони Американци би можеле да останат без работа

Милиони Американци веќе ги загубија своите работни места како резултат на кризата од коронавирусот, а најголемата штета допрва претстои, според...

Македонија19 часа

Тестирањето за Ковид-19 го закажува матичниот лекар и по протокол го следи лекувањето на пациентот

Министерството за здравство информира дека секој матичен лекар, кој преку „Мој термин“ му закажува на својот пациент тестирање на Ковид-19,...

Свет20 часа

Конјунктивитисот може да биде симптом на зараза со коронавирус

Американското друштво на офталмолозите ги предупредува своите членови да водат сметка за тоа дека и конјунктивитисот, познат како црвено око,...

Свет20 часа

СЗО: Не носете маска за лице, освен ако не сте заразени

Претставници на Светската здравствена организација сè уште им препорачуваат на луѓето да не носат маски за лице, освен ако не...

Свет21 час

Во светот бројот на заболени од коронавирус достигна речиси 800.000

Во светот утрово регистрирани се вкупно 785.807 случаи на заболени од коронавирус, починале 37.820 луѓе, а се излекувале 165.659, покажуваат...

Македонија21 час

Претседателот свика седница на Советот за безбедност

Денеска, со почеток во 14 часот, во кабинетот на претседателот Стево Пендаровски ќе се одржи седница на Советот за безбедност...

Македонија1 ден

Затворите ќе примаат нови осуденици од септември

Владата ја усвои уредбата со законска сила за роковите во судските постапки за време на вонредната состојба за постапувањето на...

Македонија1 ден

ЕУ ќе издвои 38 милиони евра за медицинска опрема за земјите од Западен Балкан

Европската комисија донесе одлука да им додели 38 милиони евра на земјите од Западен Балкан за помош со заштитна опрема...

Македонија1 ден

Ученичките и студентските домови ќе бидат ставени на располагање на време на епидемијата со коронавирус

На денешната владина седница е усвоена и Уредбата со законска сила за примена на Законот за здравствената заштита за време...

Македонија1 ден

(Видео) МВР најави кривична пријава: Место да седи во изолација заразил повеќемина

МВР ќе поднесе кривична пријава против Ф.К. коj се однесувал спротивно од одлуките на Владата, ги прекршил мерките за самоизолација...

Досие