Контакт

Македонија

Карванот за информирање и вакцинација против Ковид-19 почна од Шуто Оризари, опфатени се 14 локални заедници

Објавено пред

Министерот за здравство, Беким Сали, амбасадорката на САД, Кејт Брнз, претставници од СЗО и претставничката на УНИЦЕФ, Патриција ди Џовани, ја посетија првата од 14-те локални заедници, каде што ќе помине карванот за вакцинација против Ковид-19 во следните две недели. Карванот ќе патува низ целата држава за да им ги приближи информациите за вакцините и самите вакцини на граѓаните од избраните локални заедници.

dobivaj vesti na viber

„Уште еднаш сакам да потенцирам дека одлуката за вакцинирање не треба да се одложува. Како држава обезбедуваме доволно количини вакцини, кои се сигурни и безбедни и им се достапни на сите граѓани во државата. Сите заинтересирани граѓани може да се вакцинираат на 14-те локации од организираниот карван, а секој работен ден и во најблискиот здравствен дом. Вакцините се побезбеден начин за развивање имунитет кон Ковид-19 отколку заразување со вирусот и докажано нудат посигурна заштита од природниот имунитет. Исто така, вакцинирањето е многу важно во контекст на олабавување на заштитните превентивни мерки – колку повеќе луѓе се вакцинираат, толку ќе бидеме подобро заштитени како заедница“, изјави министерот за здравство, Беким Сали.

Со вакцини против Ковид-19 досега безбедно се вакцинираа милијарди луѓе во светот. Сите вакцини поминуваат низ ригорозни проверки и независни процени, со цел да се осигури нивната безбедност и делотворност.

„Јас се вакцинирав против Ковид-19 затоа што вакцините се безбедни и ефикасни. Научните факти јасно докажуваат. Како што рече министерот, пандемијата не е завршена и мора да продолжиме да го комунираме ова. Затоа ми е многу драго што сме партнери на овој проект. Овој карван не само што ќе помогне да ги донесеме вакцините во заедниците, поблиску до луѓето на кои им се потребни, на најраниливите и на оние што се во поголем ризик, туку ќе ги направи попристапни и информациите што им се потребни“, рече амбасадорката на САД, Кејт Брнз.

Омикрон-сојот навидум предизвикува полесни симптоми во споредба со делта, особено кај оние што се вакцинирани, но не треба да се потценува. Луѓето заразени со омикрон може да завршат во болница, а има и смртни случаи. Се очекува дека луѓето што биле заразени исто така може да развијат т.н. долг Ковид. Бустер-дозите може да обезбедат континуирана заштита од тешка форма на болеста Ковид-19 и од смрт, како и да помогнат луѓето да развијат максимална заштита од сите варијанти на вирусот познати во моментот.

„Најголемиот број лица што се хоспитализирани или умираат поради Ковид-19 се невакцинирани или нецелосно вакцинирани – за овие лица Ковид-19 останува болест опасна за животот. Со овој карван сакаме да допреме до луѓето, да ги обезбедиме информациите што им се потребни, да ги слушнат од луѓе на кои им веруваат и да се погрижиме вакцините против Ковид-19 да бидат лесно достапни. Зошто да го ризикувате својот живот кога се потребни само неколку минути за да си го спасите? Вакцинирајте се кога карванот ќе дојде во вашата заедница“, рече д-р Ане Јохансен, специјален претставник на СЗО Европа за Северна Македонија и шефица на Канцеларијата на СЗО во Скопје.

Пандемијата е далеку од завршена. Ова значи продолжување на мерките за јавно здравје и лична заштита за кои знаеме дека функционираат, вклучително и вакцинација против Ковид-19. Вакцините се направени да спречат тешка болест и смрт и тие се многу ефикасни во тоа.

„Настаните како овој ни помагаат да ги доближиме вакцините и информациите за нив до локалните заедници. Вакцините се од суштествено значење во спасувањето животи. Тие се безбедни и делотворни и значително го намалуваат ризикот од тешка форма на болест и смрт. Вакцинирајте се за да се заштитите себеси, децата и вашите заедници. Примете и бустер-доза за да обезбедите континуирана заштита од сите варијанти на вирусот“, рече Патриција ди Џовани, претставник на УНИЦЕФ во Северна Македонија.

Освен настаните организирани како дел од карванот, граѓаните исто така може да се вакцинираат во најблискиот здравствен дом секој работен ден од 8 до 14 часот. Вакциналниот пункт во Поликлиниката „Букурешт“ во Скопје е отворен до 20 часот од понеделник до петок.

Министерството за здравство го почна карванот против Ковид-19 со поддршка од Агенцијата на САД за меѓународен развој (УСАИД), Светската здравствена организација (СЗО) и Фондот за деца на Обединетите нации (УНИЦЕФ). Во продолжение следува листата со точно време и локации што ќе бидат посетени во државата:

21 март, 11-15 ч – плоштадот во Шуто Оризари
22 март, 12-16 ч – плоштадот во Кратово
23 март, 12-16 ч – плоштадот во Радовиш
24 март, 12-16 ч – плоштадот во Струмица
25 март, 12-16 ч – пазарот во Ново Село (Струмица)
26 март, 11-15 ч – Скопје, ТЦ „Ист гејт“
27 март, 11-15 ч – плоштадот во Куманово
28 март, 12-16 ч – општина Липково, паркингот во село Матејче
29 март, 12-16 ч – поштата во Арачиново
30 март, 12-16 ч – општина Чучер Сандево, ОЈУ Партизански дом во село Сандево
31 март, 12-16 ч – Зелениково, основно училиште „Марко Цепенков“
1 април, 12-16 ч – општина Врапчиште, Центарот за култура во село Неготино
2 април, 11-15 ч – Кичево, Центарот за култура
3 април, 11-15 ч – Струга, новото шеталиште

Македонија

ВМРО-ДПМНЕ за „криминални парцели“: Лицето кое се спомнува никогаш не било во работен однос во партијата

Објавено пред

И вака оркестрирано обвинителство од СДСМ не можеше да најде ништо спорно кај претседателот Мицкоски, лицето кое се спомнува никогаш не било во работен однос во партијата, реагира ВМРО-ДПМНЕ по обвинувањата на владејачката партија дека во случајот „криминални парцели” вмешани се соработници на Мицкоски.

dobivaj vesti na viber

„Со новите кривични пријави на органите на прогон излезе на површина и виделина дека и вака оркестрираното обвинителство не можеше да најде ништо спорно кај лидерот на ВМРО ДПМНЕ Христијан Мицкоски, наспроти невистините диригирани од центрите под контрола на СДС.

Да потсетиме, СДСМ е партија која е осуден за клевета и лажни вести.

СДСМ според пресудата на Основниот суд треба да му се извини на претседателот Мицкоски за тоа што шири лажни вести и невистини.

Доколку имаше и најмал сомнеж, партиските обвинители и инспектори кои работат исклучиво по нарачка на СДС ќе направеа голем скандал од случајот. Наспроти тоа се докажа дека со месеци наназад центрите на СДСМ ја лажеа јавноста за што не е прв пат, исто како што нема да биде прв пат потребата да се извинуваат поради тоа.

Посоченото лице во случајот никогаш немал работен однос во ВМРО ДПМНЕ, а другото претставува фабрикувана и злонамерна лага од СДСМ да се одвлече вниманието од инфлацијата, поскапените производи, сиромаштијата, неуспесите на владата.

За разлика од СДСМ јасно кажуваме дека секој кој се огрешил прес законот треба да одговара низ законита и транспарентна постапка“, наведе ВМРО-ДПМНЕ во реакцијата.

Прикажи повеќе...

Македонија

СДСМ: Случајот ,,Криминални парцели” со кривични пријави, вмешани соработници на Мицкоски

Објавено пред

„Криминалиот случај со препродажба на парцели во Делчевско за кои јавноста беше информирана пред локалните избори добива епилог.

dobivaj vesti na viber

Поднесени се кривични пријави против седум лица, дел од нив функционери на ВМРО-ДПМНЕ и блиски соработници на Христијан Мицкоски.

Сите тие се сомничат дека со однапред договорена зделка противправно се стекнале со 1,5 милиони евра.

Аферата криминални плацеви води директно до Мицкоски и Белиот дворец.

Надлежните институции мора до крај да го расчистат овој криминал а одговорните да бидат соодветно санкционирани.

Денес пред законите сите се еднакви, секој кој сторил какво било криминално дело мора да одговара за своите постапки“.

Соопштение на СДСМ

Прикажи повеќе...

Македонија

Ковачевски: Автокефалноста на МПЦ-ОА е уште една афирмација на македонскиот идентитет

Објавено пред

Претседателот на Владата, Димитар Ковачевски, на седницата за пратенички прашања во парламентот во однос на одлуката за автокефалноста на МПЦ-ОА оцени дека иако сме секуларна држава, оваа одлука како историски факт има огромни импликации за иднината на нашата држава.

dobivaj vesti na viber

Тој истакна дека ова мислење го споделил и со архиепископот на православната црква, г. г. Стефан, на нивната средба бидејќи, како што рече, со ваквата одлука се затвори последното идентитетско прашање и се оствари историското заслужено и природно право православните верници во нашата земја да имаат канонски признаена и прифатена црква од заедниците во целиот православен свет.

„Оваа канонски исправна одлука со голема радост, што можеше да се види од сите верници, ја дочекавме на заедничка служба на претставниците на СПЦ и МПЦ како две рамноправни сестрински цркви. Македонските граѓани и македонските владици и целото општество со децении беа трпеливи, меѓутоа и истрајни да дојдеме до денот кога практично беше објавен почетокот на постапката за остварување на автокефалноста на нашата православна црква“, рече Ковачевски.

Тој констатира дека во историскиот чин за прифаќањето на МПЦ-ОА како канонска и автокефална црква се вградени и големите дела и на светите Кирил и Методиј, на свети Климент, меѓутоа и на сите историски црковни достојници, кои ја претставувале нашата црква пред граѓаните.

Тој изрази признание дека во донесувањето на оваа одлука учествуваа и редица наши истакнати дејци во историјата и во нашето современие, кои учествуваа во решението на идентитетското финално прашање на македонскиот православен народ.

„Од духовните плодови и придонесите што нашите големци во историската низа на нашиот континуитет го правеле, денес Македонците и македонскиот јазик се впишани во ризницата на светските народи и јазици и никој нема повеќе дилеми и никој повеќе тоа не го оспорува“, додаде Ковачевски.

„На оваа одлука, посочи Ковачевски, исто така гледам и како на унапредување на традиционалното добрососедство со Република Србија и со српскиот народ. Тоа е и гест на уште една подадена рака за заеднички просперитет на нашите земји, нашите држави, на нашите граѓани и чин што покажува како треба да се градат односи во регионот на држави и граѓани што одат напред“, потенцира претседателот на Владата, Димитар Ковачевски.

Прикажи повеќе...

Најново

Свет9 часа

Лавров: Испораката на оружје способно да погоди руска територија е чекор кон неприфатлива ескалација

Рускиот министер за надворешни работи Сергеј Лавров предупреди дека „испораката на оружје за Украина способно да ја погоди руската територија...

Економија10 часа

Ковачевски: Во ребалансот на буџетот направиме намалување на непродуктивните трошоци, нè oчекува тешка зима

„Ребалансот на буџетот е насочен главно кон справување со економската криза, ревидирање на фискалните проекции, реконструирање на буџетските расходи, зачувување...

Спорт11 час

РК Вардар го прегази Тиквеш и го потврди 15. шампионски пехар (ФОТО)

Македонскиот ракометен првак Вардар ја освои двојната круна оваа сезона, откако денеска со триумфот против Тиквеш (37:25) го потврди и...

Економија13 часа

Путин: Санкциите против Русија му се вратија на Западот како бумеранг

Рускиот претседател Владимир Путин денеска оцени дека антируските санкции се вратиле како бумеранг за оние што ги применувале бидејќи, како...

Македонија14 часа

Кривични пријави за двајца управители во ЕВН и за петмина други за продажбата на парцели во Делчево

Управата за финансиска полиција поднесе кривична пријава против седум лица за продажбата на парцели на ЕВН во Делчево за изградба...

Македонија15 часа

Собранието: Деловникот дозволува можност за затворање на вратите на салата на барање на претседателот

Проѕирна е намерата на опозицијата, која сите овие години ја опструира работата на законодавниот дом и оневозможува донесување битни закони...

Топ16 часа

Дете загина во тешка сообраќајна несреќа на автопатот Скопје – Велес

Едно дете загина, а две лица се тешко повредени во сообраќајна несреќа на автопатот Скопје – Велес. Според информациите од...

Македонија18 часа

ВМРО-ДПМНЕ и коалицијата ќе поднесат интерпелација за Талат Џафери

Пратеничката група на ВМРО-ДПМНЕ и коалицијата „Обнова за Македонија“ ќе поднесат интерпелација на претседателот на Собранието, Талат Џафери, најави координаторот...

Европа21 час

Кадиров ѝ се заканува на Полска: Ако добиеме наредба, за шест секунди ќе ви покажеме на што сме способни

Чеченскиот лидер Рамзан Кадиров ѝ се закани на Полска. Тој на својот канал на „Телеграм“ објави видео во кое вели...

Европа21 час

И по неколкучасовните разговори на делегациите, Турција продолжува да се противи на членството на Шведска и Финска во НАТО

Шведски и фински дипломати вчера имаа повеќечасовни разговори со турските колеги, меѓутоа, како што јавуваат агенциите, не е постигнат договор...

Европа21 час

Путин првпат ги посети ранетите руски војници

Рускиот претседател Владимир Путин вчера првпат ги посети војниците во болница во Москва, три месеци по почетокот на офанзивата на...

Македонија1 ден

Џафери ги заклучи вратите на салата во Собранието и ги исклучи микрофоните

Собранискиот спикер Талат Џафери побара да се заклучат собраниските врати од салата за да службите пребројуваат пратеници, а пратениците на...

Македонија1 ден

Ковачевски – Дендијас: Фокусирани сме на зајакнување на стратешкото партнерство меѓу Македонија и Грција

Претседателот на Владата денеска го прими министерот за надворешни работи на Република Грција Никос Дендијас, кој е во еднодневна посета...

Свет1 ден

Вартоломеј: Руската православна црква нѐ разочара, патријархот Кирил треба да му се спротивстави на Путин

Вселенскиот патријарх Вартоломеј денеска изјави дека Руската православна црква ги предала отците на православната црква поддржувајќи го нападот врз Украина....

Македонија1 ден

Повисоки плати ќе добијат судиите и обвинителите

Владата денеска ги прифати и измените и дополнувањата на Законот за плати на јавните обвинители. Со предложените одредби, како што...

Свет2 дена

Нови детали за хоророт во Тексас: сите деца биле убиени во една училница

Објавени се нови детали за страшното масовно убиство што се случи вчера во Основното училиште во Тексас. Во нападот на...

Македонија2 дена

(Интервју) Вангелов: Решение е можно ако Бугарите немаат разорно токсични изјави

Членот на мешовитата Комисија за историски и образовни прашања меѓу Македонија и Бугарија, Огнен Вангелов, во интервју за „Макфакс“ вели...

Македонија2 дена

Се преговара за набавка на посебни ПЦР-тестови за дијагностицирање мајмунски сипаници

Здравствениот систем се подготвува за евентуална појава на мајмунски сипаници и кај нас, извести денес Комисијата за заразни болести. Доктор...

Македонија2 дена

Османи: Императив е во јуни да се почне со долго задоцнетиот пристапен процес

Императив е да се почне со веќе долго задоцнетиот пристапен процес на Македонија и Албанија сега во јуни, порача денеска...

Македонија2 дена

Руската православна црква го поздрави признавањето на автокефалноста на МПЦ-ОА

Признавањето на автокефалноста на црквата во Северна Македонија од страна на Српската православна црква е радосен настан, изјави заменик-претседателот на...