Од ЕВН Македонија известуваат дека на без електрична енергија ќе останат делови на Аеродром, Ѓорче Петров и Карпош.

Од 8:30 до 12:00 часот без струја ќе бидат корисниците од делови од улиците Петар Ацев, Анастас Митрев, Иван Горан Ковачиќ и улиците што се во нивна непосредна близина ( општина Аеродром), од 9:00 до 13:30 часот, корисниците од ул. Алекса Демниевски ул.23 и околните улички (општина Ѓорче Петров) и од 9:00 до 12:00 часот, потрошувачите од ул. 59 с. Волково (општина Ѓорче Петров).

Од 9:00 до 12:30 часот струја ќе немаат и корисниците од дел од ул. Козле кај Макпетрол кај бр.93 (општина Карпош), од 11:00 до 15:30 часот, корисниците од булевар Видое Смилевски Бато, делот позади Боксер (општина Аеродром) и од 12:00 до 14:30 часот, корисниците од дел од потрошувачите во с.Бардовци кај зградите на Машинац (општина Карпош).

Премиерот Зоран Заев денеска беше домаќин на холандскиот амбасадор, Дирк Јан Коп.

Како што информираат од владината прес-служба, на средбата било оценето дека добрососедските односи се вредност и за нашата земја и за регионот и дека постои релаксирачка клима во државата за посветена работа на внатрешен план.

Посочено било и дека во наредниот период треба да се посвети посебно внимание на владеењето на правото и борбата против криминалот и корупцијата.

Заев објаснил дека Владата е силно посветена на овие приоритети.

„Сега е време за резултати на планот на економијата, владеењето на правото и борбата против корупцијата. Решени сме да воспоставиме функционална правда за ефикасна борба со криминалот и корупцијата и за развој на економијата. По решавањето на билатералните прашања со соседите, како што покажа и средбата во Атина, отворивме шанси за поинтензивна економска соработка и на регионално ниво, што ќе донесе економски бенефити за граѓаните на нашите држави“, рекол премиерот.

На состанокот било разговарано и за можностите за помош и поддршка од Холандија во важните области во евроинтеграцискиот процес, како и за интензивирање на билатералната соработка во областа на економијата.

Мизрахи ја загрози македонската европерспектива или преведено – Евреите се опасност за Европа, како изваден цитат од говорите на Гебелс и неговиот фирер Хитлер.

Со ваква објава реагира на социјалните мрежи претставничката на ВМРО-ДПМНЕ кога портпаролката на СДСМ, Богданка Кузеска, денеска оцени дека со изборот на Мизрахи во извршниот комитет, Мицкоски ја потврдил антиевропската матрица на ВМРО-ДПМНЕ.

„Мицкоски ја избра токму Рашела Мизрахи да го брани пред своите, пред членовите на ВМРО-ДПМНЕ, истата  таа што како министерка во техничката Влада ги спроведуваше деструктивните политики на Мицкоски, со што го прекрши Уставот и постоеше опасност да го загрози евроинтегративниот процес на земјата“, рече портпаролката на СДСМ.

Мизрахи, пак, вели дека ова се срамни изјави од страна на владејачката партија.

„Очекувам во следната ваква изјава на СДС да бидам нацртана како карикатура со огромен нос и очила“, напиша Мизрахи алудирајќи на нацистичките стереотипи за Евреите, додавајќи – знам дека нематe срам, но Македонија се срами од вас.