Контакт

Македонија

(Видео) Комисијата предложи да му се одземе мандатот на Груевски

Објавено пред

Со пет гласа „за“ и ниту еден „против“ и „воздржан“ Комисијата за мандатно-имунитетни прашања го утврди предлогот за одземање на мандатот на експремиерот и пратеник Никола Груевски поради неоправдано отсуство во работата на Собранието повеќе од шест месеци.

Предлогот од комисијата ќе биде ставен на дневен ред на наредната пленарна седница каде по расправата ќе се гласа за мандатот на пратеникот Никола Груевски. Според деловникот, потребно е двотретинско мнозинство, односно 80 пратеници за да се одземе мандатот.

Пред гласањето на мандатно-имунитетната комисија по предлогот да се одземе мандатот на Груевски, се отвори мала расправа помеѓу пратениците од ВМРО-ДПМНЕ и пратениците од владејачкото мнозинство.

Пратеничката од ВМРО-ДПМНЕ, Невенка Стаменковска, се повика на Уставот на РСМ, во кој се гарантираат основните човекови права и рече дека согласно ова, добиениот азил на Груевски не може да се смета како неоправдано отсуство.

„Деловникот дозволува пријавување на отсуство на пратениците, но вие со вашите репресивни мерки не дозволивте Груевски да се пријави како отсутен. Тој не ги исполнува целосно условите за одземање на мандатот. Да ги потсетам СДСМ и коалицијата дека Груевски не е бегалец, како што милуваат да го наречат, туку лице кое има добиено политички азил од страна на земја членка на ЕУ во која повеќе се почитуваат човековите права отколку овде“, рече Стаменковска.

На ова одговори заменик-претседателката на комисијата, Снежана Калевска-Ванчева, која кажа дека добро е што пратениците на ВМРО-ДПМНЕ се повикуваат на Уставот и членот 65, кој вели дека на пратеникот треба да му се одземе мандатот доколку е осуден за кривично дело или е неоправдано отсутен шест месеци.

„Јас навистина не знам како имаме различно толкување на овој член. Изминаа шест месеци откако Груевски е отсутен во Собранието. Ниту еден државен орган, ниту институција не го натера да отиде во Унгарија и да бара азил. Дали азилот се толкува како оправдано отсуство, тоа ќе се остави на совеста на секој пратеник во Собранието. Фактите за неоправдано отсуство се повеќе од очигледни“, рече Снежана Калевска-Ванчева.

Пред гласањето на самиот старт на денешната седница на комисијата, членовите се расправаа дали да се додаде уште една точка на дневниот ред која се однесува на оставката на пратеникот Павле Богоевски. Овој предлог не беше прифатен, по што комисијата расправаше само за мандатот на Никола Груевски.

Претседателот на Собранието, Талат Џафери, на 15 мај упати известување до комисијата за неоправдано отсуство на Груевски. Џафери констатирал дека експремиерот е отсутен од работата на Собранието од 14 ноември минатата година до 14 мај оваа година по што комисијата почна да расправа по ова прашање. Во меѓувреме претседателот на комисијата, Павле Богоевски, најави оставка од пратеничката функција па наместо тој со комисијата заседаваше заменик-претседателката Снежана Калевска-Ванчева.

Македонија

Одбележан Светскиот ден на борба против дијабетесот

Објавено пред

„Дијабетесот не е само инсулин и боцкање. Дијабетесот е главна причина за срцеви заболувања, инфаркти, слепило, откажување на работата на бубрезите и ампутација на долните екстремитети. Еден од двајца заболени од дијабетес е недијагностициран. Раната дијагностика и лекување се клучни моменти во спречувањето или одложувањето на животнозагрижувачките компликации.“

Ова се само мал дел од заклучоците што се донесоа на денешното одбележување на Светскиот ден на дијабетесот, во организација на Сојузот на здруженија на дијабетичари, со поддршка од Министерство за здравство, здруженија, институции и компании. Настанот се одржа во Деканатот на Медицинскиот факултет во присуство на голем број директори на здравствени установи, медицински лица и поддржувачи на заболените од дијабетес.

„Веќе немаме инсулинска криза, имаме и најнови генерации инсулин, имаме игли со различни димензии, кои, за жал, несоодветно се распределуваат низ инсулинските аптеки. Ова мора да го решиме. Воведовме нови ГЛП-1 агопнисти и ДПП-4 инхибитори. Очекуваме да се прошири листата на орални антидијабетици со нови терапии, како превенција од дијабетес. Добивме зголемен број инсулински пумпи, но немаме доволно обучен медицински кадар за истите пумпи да ги вградат на пациентите. Светските статистики велат дека еден од пет здравствени работници не се доедуцирани за дијабетес. Листата на пациенти што чекаат инсулински пумпи е огромна. И тоа не само деца, пумпи заслужуваат и малку повозрасните, како и оние што планираат да формираат семејства, а имаат потреба од инсулинска пумпа и сензори. Најголем проблем и понатаму ни остануваат глукометрите. Се обидовме заеднички да ги дефинираме стандардите и критериумите за глукометрите. Нема да се откажам од борбата додека не добијам глукометар што навистина ќе ги задоволува светските стандарди, кои се движат во правец на дигитална самоконтрола во домашни услови, преку која ќе им се олесни работата и на нашите доктори“, се осврна на проблематиката Бојан Киров, претседател на Сојузот на здруженија на дијабетичари на Македонија.

Како признание за континуираната поддршка на лицата со дијабетес и придонесот кон унапредување на квалитетот и достапноста на третманот, пациенти кои живеат со дијабетес цели педесет години му доделија посебна Плакета со благодарност за континуирана поддршка за лицата со дијабетес на министерот за здравство, доц. д-р Венко Филипче.

Тој во своето кратко обраќање потенцираше дека Министерството за здравство е целосно посветено на обезбедување најквалитетен третман за сите пациенти со дијабетес мелитус и сите лица на инсулинска терапија се соодветно снабдени со инсулин, нагласувајќи дека грижата за лицата со дијабетес и обезбедувањето соодветна инсулинска терапија е врвен приоритет на Министерството за здравство.

„Ова е еден значен сегмент од нашиот здравствен систем. Ние во овој изминат период се обидовме да започнеме да имплементираме процеси кои ќе значат превенција, рано откривање, соодветно третирање на дијагнозите, согласно светските здруженија. Еден сегмент од реформата во здравството, во периодот што следи, како дел од обврските на матичните лекари, што ќе им биде вметнат дури и во договорите, е рано препознавање на симптоми кај деца, доколку има сериозна индикација и дијагностички постапки за рано откривање на дијабет. А во следните нивоа на лекување. Мислам дека навистина заеднички постигнавме многу во изминатиот период, посебно со оригиналните инсулини, ги нема веќе тие проблеми за контролата на гликемијата, на компликациите што произлегуваа од дијабетесот. Се зголеми буџетот на програмата и се донесоа три нови инсулини, два нови анализи, значајно е подобрена контролата на третманот кај дијабетот како болест. Сега веќе зборуваме за поставување европски стандарди, нешто што не беше претходно замисливо. Во таа насока се водевме и при изработувањето на Стратегијата за дијабет. Планираме да почнеме со ревитализација на сите центри за дијабет ширум државата, со огромна поддршка од фармацевтскиот сектор“, потенцираше министерот Филипче.

Меѓу присутните беа и претставници од Клиниките за ендокринологија, Очни болести, Кардиологија, Нефрологија, како и претставници на повеќе агенции за лекови и медицински помагала.

„За дијабетесот кажани се многу вистини, но крајниот заклучок е дека сите ние, целата заедница, треба да се ангажира и да делува превентивно од најрана возраст на нашите деца, преку различните начини на превенција, посебно во начинот на исхрана и во начинот на живеење, преку многу физички активности. Соработката на Фондот за здравствено осигурување и ‘Малмед’ и секако лекарите кои го поврзуваат овој синџир, може да ги даде посакуваните резултати“, изјави Висара Риза, директорка на Агенцијата за лекови и медицински помагала „Малмед“ – Скопје, добитничка на специјална благодарница за поддршката и посветеноста во обидите за унапредување третманот на лицата со ова заболување.

Сериозните прашања отворени на оваа манифестација своето заокружување го имаа со еден сосема симпатичен гест, кога човек од публиката стана и изјави дека со децении живее со дијабетес, а потоа со прстен ја побара за сопруга  својата партнерка, која педесет години живее со оваа состојба.

Овогодишните активности, покрај централниот настан вклучија и рекреативен сегмент во кој лицата со дијабаетес, но и многу пријатели и поддржувачи се вклучија и беа дел од рекреативното искачување до средно Водно.

(ПР текст)

Прикажи повеќе...

Македонија

(Видео) Анѓушев од самитот во Солун: Остануваме посветени на евро-атлантските интеграции

Објавено пред

Заменик претседателот на Владата задолжен за економски прашања Кочо Анѓушев, учествуваше на панелот „Југоисточна Европа, предизвици и перспективи“, во рамките на Самитот кој се одржа во Солун.Тој посочи дека Владата на Република Северна Македонија останува посветена на реформите поврзани со датумот за отворањето на преговори со Европската Унија, и покрај неодамнешната одлука на ЕУ, како и на членството во НАТО, пред се за обезбедување на владеењето на правото, стабилноста и економскиот развој на земјата и подобар живот на граѓаните.

„Република Северна Македонија ги направи сите потребни чекори за добивање на датум за отворање на преговорите, сепак ЕУ донесе одлука која е делумно разочарувачка, а е поврзана со процеси кои се случуваат во самата Унија. Ние остануваме посветени кон евро-атлантските интеграции за кои сметаме дека носат стабилност и просперитет. Членството во НАТО е веќе извесно и се надеваме дека ќе биде овозможено на почетокот на 2020 година, кога очекуваме парламентот во Кралството Шпанија да го ратификува протоколот за пристапување на Северна Македонија во НАТО“, посочи Анѓушев.

Тој додаде дека во насока на побрз регионален развој, потребна е потполна посветеност и вклученост, особено во европските интеграции на сите земји од регионот. Договорите на Република Северна Македонија со Грција и Бугарија, Вицепремиерот ги оцени како добар пример на надминување на отворени билатерални прашања и посочи дека делуваат позитивно на економската соработка.

„Економската соработка помеѓу Република Северна Македонија и Република Грција, како и со Република Бугарија, изразена преку трговската размена, бележи позитивни резултати, особено во првата година по потпишување на договорите со овие две земји. Како резултат на овие договори трговската размена со Грција во 2018 година се зголеми за над 20%, додека со Бугарија за над 15%, а одреден пораст на соработката е забележан и во 2019 година. Зајакнувањето на политичката соработка, носи и економски бенефити за регионот“, истакна вицепремиерот.

Прикажи повеќе...

Македонија

(Видео) Мицкоски до наставниците: Заев не ви додава, туку ви одзема од платите кои чесно ги заработувате

Објавено пред

„Почитувани наставници и професори, драги колеги и пријатели, вие сте луѓето коишто ја образуваат нашата нација и од мене ја имате целата почит. Дозволете ми да ја разобличам лагата која Зоран Заев сака да ви ја сервира, лажно прикажувајќи дека наводно ќе ви ја зголемел платата, и тоа сака да го продаде како негова голема широкоградост.Вистината е дека ова зголемување кое ви се ветува е задоцнето и премало“, порача лидерот на ВМРО-ДПМНЕ во видеообраќање на социјалната мрежа „Фејсбук“.

Според него, уште поголемата вистина е дека Заев наместо да даде, одзема од нивните плати кои чесно ги заработуваат и кои им се гарантирани со Закон за минимална плата и Колективен договор во образованието.

„Согласно потпишаниот Колективен договор, кој има сила на закон, и Законот за минимална плата на наставниците и професорите платата се пресметува како резултат на минималната плата која се исплаќа во државата помножена со коефициентот на сложеност за вашето работно место кој во моментот изнесува 2,533.

Поточно, ако знаеме дека согласно Закон за минималната плата, минималната плата во државата изнесува 12.500 денари, и ако оваа сума се помножи со коефицинетот 2,533, ќе дојдеме до сумата од 31.660 денари, сума која треба да биде просечна плата во образованието, односно ваша плата. Да повторам, 31.660 денари! Доколку ако ја земеме најавата за нова минимална плата, која треба да изнесува 14.500 денари, вашата плата согласно Колективниот договор и Законот за минимална плата треба да биде 36.800 денари, да повторам 36.800 денари.

Што прави Заев деновиве соочен со својот политички крај и извесен изборен пораз? Тој се обидува да ви продаде лажна слика дека наводно ви ја зголемува платата со најавеното покачување од 10%.Просечната плата во образованието, која изнесува 23.680 денари, ветува дека ќе ја зголеми за 10% или апсолутно за 2.360 денари, и таа вашата просечна плата ќе достигне ниво од 26.000 денари. Доаѓаме до вистината, По закон просечната плата во образованието денеска треба да изнесува 31.662 денари или доколку постоечката минимална плата се зголеми на нивото од 14.500 денари тогаш по закон вашата плата треба да изнесува 36.800 денари, согласно најавата на новата минимална плата.

А Заев дава 26.000 денари, Заев не ја зголемува вашата плата, Заев ви одзема од вашата плата која ви е гарантирана со закон и Колективниот договор во образованието. Заев просечно ви одзема по 5.600 денари месечно согласно старата, односно речиси 11.000 денари согласно најавената минимална плата! Тоа е срамот и тоа е Заев, човек кој говори измами и кој не ја почитува вистината!Драги пријатели, ви ветувам дека по победата на претстојните избори од страна на ВМРО-ДПМНЕ, јас како предводник и човек на којшто вие сте му ја дале довербата и ваш колега во образованието, во целост и комплетно ќе го испочитувам Колективниот договор и Законот за минимална плата кој ви гарантира заслужена заработувачка!Доаѓа обнова на Македонија! Доаѓа обнова на Македонија за сите“, порачува Мицкоски.

Прикажи повеќе...

Најново

Македонија1 час

(Видео) Мицкоски до наставниците: Заев не ви додава, туку ви одзема од платите кои чесно ги заработувате

„Почитувани наставници и професори, драги колеги и пријатели, вие сте луѓето коишто ја образуваат нашата нација и од мене ја...

Култура2 часа

Дорфулија од „Медена земја“ меѓу десетте најатрактивни европски локации за филм

Дорфулија од „Медена земја“ се најде меѓу десетте најатрактивни европски локации за филм. Изборот за најдобра локација сè уште трае...

Економија2 часа

Собранието изгласа минималната плата да биде 14.500 денари

Со 59 гласови ЗА, пратениците попладнево ги изгласаа измените во Законот за минимална плата, со што дадоа зелено светло таа...

Регион3 часа

Хан: Вучиќ ми кажа дека е демотивиран по блокадата на преговорите со Северна Македонија и Албанија

Европскиот комесар за проширување во заминување, Јоханес Хан, вели дека српскиот претседател Александар Вучиќ му кажал дека по блокирањето на...

Македонија6 часа

Обвинителството: Случајот со катната гаража на „Никофон“ е во предистражна постапка

Случајот за кривичната пријава во врска со катната гаража, што „Никофон“ треба да ја гради кај „Аутомакедонија“, сè уште е...

Свет8 часа

Од Лондон до Сиднеј за 19 часа: се реализира најдолгиот лет во историјата

Водечката австралиска авиокомпанија „Кантас“ по еден месец од рекордно долгиот лет меѓу Њујорк и Сиднеј, планира пробен 19-часовен непрекинат лет...

Македонија9 часа

Нападнати двајца новинари во близина на угостителски објект во Скопје

Двајца новинари синоќа биле физички нападнати од страна на неколку 20-годишни лица. Од МВР информираа дека нападот се случил на...

Македонија9 часа

Сведочење на полицаец: Проверив 78 луѓе од Избирачкиот список, ниту еден не беше на пријавената адреса

Полицаецот Агрон Кранлиевски од Ресен во предметот „Титаник“ на СЈО сведочеше дека во 2012 година правел проверки на живеалишта на...

Македонија10 часа

Контрола на автобуси и комбиња во Тетово – 14 возеле патници со неисправни сопирачки, 8 без технички преглед

Вчера, во Тетово, била спроведена акциска контрола за техничка исправност на возилата што вршат јавен превоз на патници, најмногу автобуси...

Македонија10 часа

Заев заедно со Мицотакис и Борисов учествува на самит во Солун

Претседателот на Владата, Зоран Заев, денеска учествува на годинашниот самит во Солун, кој е под покровителство на претседателот на Република...

Свет10 часа

Насилството во Хонгконг ескалира: демонстрантите со стрели ги гаѓаат полицајците

Полицијата во Хонгконг соопшти денеска дека демонстрантите со стрели ги гаѓале полицајците што патролирале во близина на Политехничкиот универзитет, а...

Европа11 час

(Видео) Вонредна состојба во Венеција

Италијанската влада денеска ќе прогласи вонредна состојба поради поплавата во Венеција со цел што побргу да се мобилизираат средства за...

Македонија12 часа

Едно од девет возрасни лица во Северна Македонија има дијабетес

Во Северна Македонија едно од девет возрасни лица има дијабетес или околу 175 илјади луѓе, објави Асоцијацијата за детски дијабетес на...

Регион22 часа

Полициско куче откри рекордна количина хероин во Словенија, вредна речиси 90 милиони евра

Словенечката полиција и цариниците заплениле 730 килограми хероин во пристаништето Копер, што е најголема количина хероин запленета во историјата на...

Свет23 часа

(Видео) Трамп: Се обидуваат да ме спречат

Ова е најголема измама во историјата на американската историја, порача американскиот претседател Доналд Трамп, во врска со почетокот на јавните...

Македонија23 часа

(Видео) Пендаровски: Реформите се потребни за да ја вратиме довербата на граѓаните

Функционалната правна држава е основен услов за опстанок на поредокот и неговиот одржлив развој. Реформите во сферата на владеењето на...

Регион1 ден

Страшна сообраќајна несреќа во Словачка, најмалку 12 загинати и 20 повредени

Најмалку 12 лица, од кои четири деца, загинаа денеска во судир на автобус и камион во западниот дел на Словачка....

Македонија1 ден

(Видео) Заев-Мас: Да се изнајде начин што побрзо до позитивна одлука за Северна Македонија

Претседателот на Владата, Зоран Заев и министерот за надворешни работи на СР Германија, Хајко Мас изразија жалење за одлуката на...

Македонија1 ден

„Никофон“ платил 1.800 место 5.000 денари за квадрат за гаражата кај „Аутомакедонија“, Центар бара раскинување на договорот

Заедно со граѓаните до крај ќе се бориме кај „Аутомакедонија“ да не се изгради катна гаража, туку парцелата да им...

Македонија1 ден

(Видео) Зеќир Рамчиловиќ изгласан за потпретседател на Собранието

Со 62 гласа „за“, 16 „против“ и без воздржани, пратеникот Зеќир Рамчиловиќ е изгласан за потпретседател на Собранието. За оваа...

Досие