Додека гледаме како партиски инсталираниот Директор на киднапирана Агенција за национална безбедност, Бојан Христовски е назначен и за асистент на Факултет, за скандалот околу неговиот избор молчат и Јавното обвинителство и Државната комисија за спречување на корупцијата. Што се чека? До каде е предметот што го оформи Јавното обвинителство? Зошто молчи Државната комисија за спречување на корупција?, вели Богданка Кузеска, портпаролка на СДСМ.

„Поминаа два месеци откако изби скандалот. Доказите, фактите и аргументите кои се објавија и веќе се јавно достапни. Се оспоруваат условите за именување на Директор на АНБ, сомнежи има за работниот стаж, образованието, искуството и јазичниот сертификат од Бугарија од непостоечка агенција. Прашањето е дали воопшто ги исполнува условите да биде на оваа висока позиција. Како што јавно соопшти ДКСК предметот за Христовски е отворен на 22-ри октомври. Еве го сме декември, речиси два месеци поминаа а разрешница нема. Побара ли ДКСК од Просветниот инспекторат информации за факултетската диплома на Христовски од Универзитетот за менаџмент и туризам? Бидејќи законскиот рок од 15 дена за одговор е поминат јавноста очекува ДКСК да ги соопшти сите наоди и сите детали за овој скандал. Не сакаме да веруваме дека се прават обиди да се заташка овој случај. Јавното обвинителство пак на 1 ноември соопшти дека отворило предмет за Христовски. Помина повеќе од од еден месец, нема никаква информација. Да не треба некој како Мицкоски да ги прозива обвинителите дека добиваат главоболка, покачена температура, грчеви во стомак, дијареа?“, вели Кузеска и додава:

„СДСМ бара од Јавното обвинителство и од Државната комисија за спречување на корупцијата да ја информираат јавноста за предметите за овој скандал. Клучната безбедносна агенција стана партиска испотава на ДПМНЕ кога наместо професионалец власта ја киднапираше АНБ со поставување претседател на Градскиот комитет за директор. Јавноста чека разрешница за лажните сертификати за познавање англиски јазик, за стажот, за образованието, дали е сторено кривично дело, кој ќе понесе одговорност? Обвинителство и ДКСК должат одговор на клучното прашање: Дали воопшто Христовски ги исполнува условите пропушани со закон за да биде на оваа позиција? Ги повикуваме Јавното обвинителство ДКСК да излезат пред јавноста и да соопштат што досега е преземено и до каде е случајот за скандалот со Христовски“.

Сообраќајот на државните патишта се одвива тековно во зимски услови по наместа влажни коловози.

Намалена видливост поради магла до 50 метри има на планинскиот превој Плетвар.

Сите патни правци во државата се проодни, без забрани и ограничувања.

Од 15.11.2024 година почна законската обврска за задолжително поседување зимска опрема во возилата, без оглед на моментната временска состојба. Оваа обврска ќе трае до 15.3.2025 година.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Во организација на Здружението на граѓаните „Одбор за традиционална прослава на Бадник“, во месноста Краста, на падините на Водно, ќе се одржи собир, на кој кумот и здравичарот на Бадник 2025 ќе ги засечат бадниковите гранчиња. Новиот здравичар за 2025 година е Атанас Петков, а новиот кум Радомир Макеларски.

„Наше задоволство е веќе трета година да учествуваме во организација на овој настан. Ги повикуваме сите граѓани на 22 декември на падините на Водно заедно да береме бадникови гранчиња, а потоа на 6 јануари свечено пред Соборниот храм“, рече градоначалникот на Центар, Горан Герасимовски.

„На 22 декември, од 12 часот, ќе почне општонародната граѓанска веселба на јужните падини на Водно. На 6 јануари кај Соборниот храм да го одбележиме овој голем празник на скопското бадникување, веќе сè е спремно и сметаме дека сè што ни е зацртано ќе го реализираме“, посочија од Здружението на граѓанитре „Одбор за традиционална прослава на Бадник“.

„Чувството е убаво, возбудата е голема, радоста е уште поголема“, рече новиот здравичар за 2025 година, Атанас Петков.

Петков е дипломиран архитект, роден 1955 година и живее во Скопје.

„Тоа ќе биде и убава можност за дружење и запознавање со членовите на одборот, кои ги прават завршните подготовки за 33. средба на 6 јануари 2025 година на платото пред Соборниот храм ‘Свети Климент Охридски’. Поканети се и кумовите и здравичарите од изминатите манифестации, што наидоа на општа симпатија и одобрување кај скопјани, како и долгогодишни спонзори и симпатизери на традиционалното скопско бадникување“, информира одборот за традиционална прослава на Бадник во Скопје.