Македонија
(Видео) ,,Македонија блокира” ја блокираше границата со Грција

,,Ние сме Македонци свои на своето, нема да дозволиме некој што не е Македонец да менува име. Нека си го менува своето. Нема да дозволиме. Ние сме Македонци и тоа ќе останеме. Нема да дозволиме макар да ги дадеме своите животи, порачаа од ,,Македонија блокира”, кои предводени од Јанко Бачев од Единствена Македонија вечерва протестираат на граничниот премин со Грција.
Тие го попречија патот со автомобил, а дојдоа придружувани со полициско возило.
На границата има шетмина полицајци кои на почетокот не дозволуваа да се блокира границата за влез од Грција во Македонија.
Присутните извикуваат ,,Македонија, Македонија” и порачуваат дека ,,ова е наша земја ќе застанеме секаде каде сакаме”. ,,Не може Оливер ни некој друг да не сопре”, велат присутните граѓани.
,,Или ние ќе застанеме во одбрана или тие ќе го направат она што го наумиле. Јас на Пешевски јасно му кажав дека јас нема да преговарам со предавници. Јасно повикувам на 1 септември во 12 часот пред Собрание да се собереме и да не се тегнеме додека Зоран Заев не замине од власт, порача Страшо Олумчев.
Од ,,Македонија блокира” која е составена од повеќе организации, порачаа дека тука се дојдени за да се слушне нивниот глас од граничниот премин Богородица.
,,Ја продолжуваме нашата битка. Одиме пред домовите кај пратениците. Ова е светска битка, оти сакаат да не избришат”, велат присутните.
Тие упатија повик до полицијата : ,,Не пишувате пријави, не ги малтретирајте граѓаните, бидејќи ова е за вас. Не ја слушајте марионетската власт. Ова е само загревање. Одиме пред Собрание каде ќе останеме до конечна битка”.
,,Овде сме на преминот на двете држави. Доста беше. Овој терор и тиранија не можеме да ја издржиме повеќе. Од овој момент почува семакедонскиот отпор се до тргањето на оваа влада. Сите ќе бараме да поднесат неотповиклива оставка”, порача Ристо Мијаковски.
- Протест на границата со Грција
- Протест на границата со Грција
- Протест на границата со Грција
- Протест на границата со Грција
- Протест на границата со Грција
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Огромен објект никнува во Охридската чаршија, секој прави што сака, алармира Охрид СОС

Чаршијата во Охрид го губи својот лик. Иако е дел од Старото градско јадро, за кое важи посебен закон, односно Закон за прогласување на Старото градско јадро на Охрид за културно наследство од особено значење, чаршијата е препуштена на стихијата и тука секој прави она што сака, без никаква регулатива, алармираат од Граѓанската иницијатива Охрид СОС.
„Ако некогаш важеше за специфичен дел на градот, исполнет со занаетчиски дуќани и стари градби, денеска оваа улица скоро сосема го изгубила својот лик и значење. Иако е дел од Старото градско јадро, за кое важи посебен закон, односно Закон за прогласување на Старото градско јадро на Охрид за културно наследство од особено значење, чаршијата е препуштена на стихијата и тука секој прави она што сака, без никаква регулатива. На прстите од една рака се бројат старите градби кои му одолеваат на времето. Денеска тука доминираат ресторани и угостителски објекти кои ја окупирале улицата и за минувачите и велосипедистите оставиле само еден тесен премин. И наместо институциите да диктираат што и како може да се гради, сведоци сме изминативе децении дека тука веќе почнаа да се градат високи објекти со нетипичен стил. Не се применува нити онаа омилена за Завод за заштита на спомениците на културата и Музеј-Охрид факсимилна реконструкција“, велат од таму.
Додека „стручната фела“ замижува и се прави наудрена, велат од Охрид СОС, деновиве кон крајот на чаршијата се подигнува еден огромен објект, кој според обемот и големината отскокнува од околните објекти.
„Минатата година, за да започнат градежни работи на овој дел, службите на Општина Охрид исекоа неколку децениски стебла, а од механизацијата е оштетено и партерното уредување. Но ништо од тоа не е важно, ако се знае дека институциите на прво место го ставаат интересот на поединците, наместо јавниот интерес. Објектот е видлив и од страната на паркингот. Додека се предлага градот да формира стручно тело кое ќе комуницира со УНЕСКО, „еден Борд кој ќе го сочинуваат архитекти и други професионалци“ неповратно го губиме културното наследство и специфичните градски четврти“, алармираат од Охрид СОС.
Македонија
Викендов многу топло време, со локален дожд

Во деновите од викендов ќе се задржи многу топло време, информира УХРМ.
Утре ќе има изолирана појава на нестабилност со пороен дожд и грмежи.
Од понеделник ќе дува умерен до засилен северен ветер, а дневната температура ќе опадне за 3 до 5 степени.
Кон средината на седмицата ќе има локална нестабилност со пороен дожд и грмежи.
Македонија
ЗНАМ конституира Градска организација: „Скопје не смее да биде ничија колатарелна штета“

Официјално се конституира Градската организација на Движењето ЗНАМ за Наша Македонија – Скопје. Од Движењето велат дека овој чекор не е само формалност туку е почеток на една сериозна, силна и решителна политичка борба.
„Ова е гласна порака, од срцето на државата, од главниот град Скопје, дека промената што ја бараат луѓето насекаде низ Македонија, веќе добива своја форма, своја структура и своја сила. За претседател едногласно е избран Мирослав Лабудовиќ, Магистер по електротрехника и информациски технологии дипломиран електро инженер, актуелен заменик министер во Министерството за енергетика, рударство и минерални суровини, со претходно долгогодишно искуство на разни менаџерски позиции во автомобилската индустрија и електро енергетиката“, велат од ЗНАМ.
Дел од Градската организација се професори, архитекти, лекари, уметници, спортисти, претприемачи, активисти…
„Совеста, знаењето и духот на Скопје – овие граѓани на нашиот град – ја избраа вистинската промена со Движењето ЗНАМ. Овие храбри и одважни луѓе не се партиски послушници ниту политички марионети. Тие не се функционери по задача, ниту сенки на некои центри на моќ. Ова се личности со непобитен кредибилитет, со изграден авторитет и биографии кои вредат многу повеќе од празните изборни ветувања. Тие се оние што долго време беа разочарани, отуѓени и тивки“, велат од ЗНАМ.
Од таму велат дека потиснат од алчност, поделби и тивка диктатура, Скопје го изгубило сјајот, но не и силата.
„Скопје не смее да биде ничија колатарелна штета ниту пак заложник на тајни коалиции во политичкиот театар на елитите. Од денес, Градската организација на ЗНАМ – Скопје станува бастион на слободата, креативноста и урбаната визија. Ќе бидеме платформа за секој кој има идеја, решение и љубов кон својот град. Ќе проодолжиме да бидеме чувари на јавниот интерес. Ќе им го вратиме градот на неговите жители – без елитизам, без поделби и без скриени агенди“, велат од ЗНАМ.