Контакт

Македонија

Македонско друштво „Илинден“: УКИМ да не ги поткопува изучувањето на македонскиот јазик на Универзитетот во Тирана

Објавено пред

Македонското друштво „Илинден“ од Тирана ги повика институциите да ги штитат националните и државните интереси, апелирајќи УКИМ да не ги поткопува изучувањето на македонскиот јазик и развојот на македонистиката на Универзитетот во Тирана.

dobivaj vesti na viber

Нивниот став го пренесуваме во целост:

„Од формирањето на нашето Друштво во 2009 година, ние, Македонците од Албанија водиме борба за статусот на македонскиот јазик на Факултетот за странски јазици на Универзитетот во Тирана. По 14 години залагања и барања, оваа година, за првпат во историјата се доби работно место за лектор по македонски јазик на Универзитетот во Тирана и прашањето за македонистиката во Албанија стана официјален македонски државен приоритет. Низ годините се обраќавме до многу македонски институции, на највиско ниво, но конкретен резултат немаше. Успехот се постигна откако на крајот на минатата година, со иницијатива за реактивирање на Лекторатот по македонски јазик, за првпат се обративме до Меѓународниот семинар за македонски јазик, литература и култура. И тоа се постигна само за неколку месеци, благодарение на секојдневните големи залагања на тогашната директорка на Семинарот, проф. Весна Мојсова-Чепишевска и на тогашниот тим на Семинарот, со поддршка од тогашниот ректор на УКИМ, проф. Никола Јанкуловски и со волјата на надлежните државни институции. Денес, истиот УКИМ, но воден од новата ректорка, проф. Биљана Ангелова и Семинарот воден од новата директорка, проф. Кристина Николовска, со она што го прават можат да го поткопаат изучувањето на македонскиот јазик и развојот на македонистиката во Тирана, и притоа воопшто не одговараат на нашите досегашни молби, барања и укажувања, иако станува збор за прашање што е од државен интерес.

Ова ни се случува во период кога и ние, македонското малцинство во Албанија и нашата матична македонска држава, овде се соочуваме и со засилени обиди за антимакедонски влијанија и пропаганди од субјекти од трети страни. За жал, сегашното постапување на УКИМ и Семинарот може да се искористи во прилог на таквите влијанија и пропаганди, спротивно и на македонските национални интереси и ние мораме да алармираме.

Откако без некакво образложение, по назначувањето на Кристина Николовска за директорка, УКИМ и Семинарот во целост ја прекинаа комуникацијата и соработката со нас коишто ја покренавме иницијативата и битката за Лекторатот ја водиме со години, шансата за првпат во историјата да се распише конкурс за лектор по македонски јазик во Тирана, тие не ја искористија за да се избере македонистички кадар што ќе може да ја развива македонистиката во Албанија. Се очекуваше да се внимава каков кадар ќе се избере поради вжноста на овој Лекторат. Но, УКИМ за лектор во Тирана има избрано лице што нема ни студирано македонски јазик или македонска литература и што досега нема држено настава по македонски јазик. За такво лице, воопшто не знаеме дали ќе може да ја работи работата во Лекторатот. Со тоа се доведува во прашање функционирањето на Лекторатот што очекувавме да прерасне и во Катедра за македонски јазик во Тирана. По 14 години борба, откако се случи историски успех, ние, Македонците од Албанија, нема да дозволиме поткопување на постигнатото за македонскиот јазик и за развојот на македонистиката во Тирана, зад кое како приоритет, сега стои и македонската држава! Затоа, реагираме и денес, кога се чествува делото на големиот Блаже Конески и пред големиот празник Свети Климент, затоа што мора да се заштити нешто што веќе е и официјален македонски државен интерес, а се однесува на нашиот македонски јазик.

Нашите барања за државно ангажирање за македонскиот јазик на Универзитетот во Тирана почнаа уште пред десетина години, со наши обраќања до поранешниот македонски претседател, Ѓорге Иванов. Тогаш се настојуваше да се постигне резултат. Но се случи Лекторатот што работеше кратко време, во меѓувреме да се затвори, бидејќи УКИМ, тогаш не се заложи да се добие работно место т.е. конкурс за лектор по македонски јазик во Тирана. Во годините наназад, нашето барање за ангажирање на државата беше покренато официјално и пред Министерството за надворешни работи, во 2017 година, на состанок со Виктор Димовски кој тогаш беше државен секретар во МНР, како и пред Минитерството за образование и наука, во 2018 година, на состанок со тогашната министерка, Рената Дескоска. И тогаш со идеја за Лекторат што ќе стане и Катедра, затоа што во Албанија има интерес за македонскиот јазик. Објективно, ангажирањето на македонската држава се забрза пред точно една година, кога на 5 декември 2022 година одржавме состанок и со претходната директорка на Семинарот, по што конечно се направија сите потребни чекори за повторно отворање на Лекторатот, до распишување конкурс за избор на лектор. За сето ова постои обемна документација што покажува дека прашањето за македонистиката во Тирана било и е наш приоритет со години. Затоа и денес, повторно реагираме. Затоа што од огромна важност за нас, како второ по бројност малцинство во Албанија и за нашата матична македонска држава е овој Лекторат успешно да работи и еден ден да се оствари и идејата за Катедра за македонски јазик во Тирана.

До пред неколку месеци и бевме убедени дека ќе биде така. Затоа што уште во мај оваа година, на состанокот во Тирана меѓу раководството на Факултетот за странски јазици, тогашната директорка на Семинарот при УКИМ, Весна Мојсова-Чепишевска и македонскиот амбасадор, Данчо Марковски, како што официјално извести македонската амбасада, успешно беше договорено согласно со развојот на интересот да се зголемува програмата по македонистика со вклучување на македонски јазик и култура. За тоа беше известен и ректорот на Универзитетот во Тирана. А тоа најверојатно ќе беше и чекор понатаму кон Катедра во иднина. Но, денес, стравуваме дека тоа нема да се случи поради ваквиот однос и ваквото постапување од УКИМ и Семинарот со новото раководство. Стравуваме дека тоа може да доведе дури и до повторно затворање на Лекторатот, а не до развивање на студиите по македонски јазик. Без соодветен македонистички кадар овозможен од нашата матична држава, според строгите критериуми на Универзитетот во Тирана, убедени сме дека за жал не може ни да се размислува за позначајно развивање на студиите, а не пак за Катедра. Веруваме дека нашата матична македонска држава тоа нема да го дозволи. И затоа отворено нагласуваме – нашата реакција не е за да се проблематизира, туку за Лекторатот да постои и да се развива, а ние и сега и секогаш понатаму ќе сториме сè што можеме да биде така.

Уште еднаш мораме да нагласиме дека ние бевме и сме подготвени со сите наши сили да придонесеме Лекторатот по македонски јазик да се популаризира и да има што повеќе студенти. Но, откако од за нас непознати причини, Семинарот има нова директорка, Кристина Николовска, тоа не можеме да го направиме, затоа што од тој момент и Семинарот, и УКИМ немаат соработка и комуникација со нас, иако за успешно остварување на вакви иницијативи во Албанија, нужно е да се има тесна соработка со своето малцинство. И ректорката, проф. Биљана Ангелова не одговори на нашето барање за средба. Иако, претходно, уште на средината на септември, официјално, со допис од претстедателот на Друштвото ја информиравме: „Ние како Друштво сме подготвени да помогнеме и со кампањи, настапи и поддршка во активностите со кои студентите ќе се информираат дека Лекторатот запонува со работа и дека можат да студираат/учат македонски јазик. Но за тоа е неопходно да знаеме дека наставата веќе ќе може да почне. Според дописот што го добивме од Факултетот за странски јазици, натамошните активности зависат најмногу од УКИМ и затоа Ве замолувам да не ја пропуштиме оваа шанса.“ За жал, по начинот на кој УКИМ и Семинарот со новото раководство ги спроведуваат активностите во врска со Лекторатот, во отсуство на каква и да е видлива активност за развој на македонистиката во странство и посебно важно со ваков избор на лектор за кој дознаваме само преку фотографии на социјалните мрежи, стравуваме дека шансата може да се пропушти, и покрај нашата силна желба и решеност. УКИМ го игнорираше и нашето претходно јавно обраќање.

Затоа, поаѓајќи од тоа дека за првпат, државата веќе има застанато зад Лекторатот по македонски јазик во Тирана, јавно апелираме, во функција на заштита и на македонските државни и национални интереси, сите надлежни македонски институции да се заинтересираат и да се заложат да се исправат пропустите и да не се дозволи да се доведе во прашање неговото постоење и развивање. Овој апел го упатуваме и до претседателот на државата, и до Владата за реакција и преку ресорните министерства, пред сè Министерството за образование и наука, како и до Државниот просветен инспекторат, но и до сите општествени и политички субјекти и фактори во државата што се залагаат за заштита на македонските национални и државни интереси. Да застанеме на линијата за развој на македонистиката во Албанија. Наш приоритет со години беше и останува да се развиваат студиите по македонски јазик во Тирана и веруваме дека заеднички со македонската држава ќе успееме во тоа“.

Македонија

Тошковски во посета на Полициското одделение Сарај и Единицата за внатрешни работи Ѓорче Петров: во фокусот недостатокот на полициски службеници

Објавено пред

Министерот Панче Тошковски денеска беше во работна посета на Полициското одделение Сарај и Единицата за внатрешни работи Ѓорче Петров.

dobivaj vesti na viber

Од страна на раководството на ПО Сарај министерот беше запознаен со нивните тековни активности и структурата на тереност кој го покриваат при што заедничкиот заклучок е дека во оваа организациска единица во најкус можен рок треба да се систематизираат повеќе полициски службеници кои ќе одговорат на динамиката на работа, од причина што на ова подрачје има 24 села и повеќе од 40.000 жители.

„Единицата за внатрешни работи Ѓорче Петров се соочува со недостаток на униформирани полициски службеници, а од аспект на прекршувања на јавниот ред и мир и извршени кривични дела во однос на другите Единици на територија на Град Скопје има помал обем на деликти. Како позначаен настан го издвоија лишувањето од слобода утринава на еден од осомничените за разбојништвото кое неодамна се случи во Куманово“, образложи министерот Тошковски.

Прикажи повеќе...

Македонија

Бочварски: Инвестираме 1 милион евра за развој на патната инфраструктура во Кочани

Објавено пред

Источниот регион доби нов лик, буквално нема патен правец кој не е реконструиран изминативе години. Министерството за транспорт и врски во континуитет работи на модернизација на регионалната, но и локалната патна инфраструктура во сите општини, истакна министерот за транспорт и врски, Благој Бочварски, кој  беше во работна посета на општина Кочани.

dobivaj vesti na viber

Министерот Бочварски изврши увид во реконструкција на локалната улица Борис Трајковски, која се реализира со проектот за поврзување со локални улици и патишта преку Министерството за транспорт и врски за која се инвестираат 12 милиони денари.

Во општина Кочани преку Министерството за транспорт и врски се инвестира 1 милион евра за реконструкција на пет локални улици.

„Нашите одлуки носат посакувани резултати за граѓаните, а тоа се подобри услови за живот и подобар животен стандард. Тука во Кочани инвестираме 1 милион евра за подобрување на локалната патна инфраструктура, а денеска извршивме увид во улицата Борис Трајковски каде инвестираме 12 милиони евра. Сакам да најавам дека веднаш по завршување на оваа улица, продолжуваме и со реконструкција на улицата Гоце Делчев, тука во централното градско јадро, инвестиција од 15 милиони денари. Претходно во Кочани ги реконструиравме улиците Тодосија Паунов, Гошо Викентиев и Радо Кратовче со што значително ги подобривме сообраќајните решенија и улици низ градот. Покажавме подотвеност и одговоривме на барањата на граѓаните од Кочани. Тука сме да даваме поддршка и да ја оправдаме довербата која токму тие ни ја даваат.“ – изјави министерот Бочварски.

Преку овој проект Министерството за транспорт и врски директно инвестира средства во висина од 70 милиони евра во општините, а до сега реконструиравме над 180 локални улици и патишта во преку 60 општини низ државата.

При денешната посета на општина Кочани, министерот изврши увид и во социјалната зграда од каде најави распределување веднаш после изборниот процес.

Прикажи повеќе...

Македонија

Со низа активности Општина Аеродром одбележува 19 години постоење

Објавено пред

Аеродром е општина што инвестира во децата и младите. Преку низа проекти и инвестиции во изминатиот период Општината покажа грижа за нив и овозможи подобри услови за спорт, рекреација и едукација, информираат од Општината.

dobivaj vesti na viber

„Токму во духот на младост и радоста, со неколку настани и разни спортски и музички активности, денес се одбележа 19. роденден на општината. Во нив учество зедоа учениците од основните училишта и детските градинки, а Аеродром уште еднаш покажа дека е најубавата, најурбана и најспортска средина, а аеродромци се учат да ја чуваат и негуваат уште од најмала возраст“, се истакнува во пишаниот допис.

Градоначалникот Тимчо Муцунски преку социјалните мрежи го честита јубилејот, притоа упати благодарност до сите што учествува во активностите и го направија овој ден посебен.

Додаваат дека пораките изработени од учениците од основните училишта и градинките, а кои се однесуваат на желбата за поубава, позелена и почиста општина, ќе останат највисоко во приоритетите на Општина Аеродром.

Прикажи повеќе...

Најново

Македонија31 минута

Универзалната сала не изгоре, изгоре тоа што требаше да биде дислоцирано, вели Арсовски

Надзорниците на изградбата на Универзална сала, објект што во вторникот пламна во пожар, по денешниот брифинг со медиумите, рекоа дека...

Македонија60 минути

Постојан приход на родителите е решение на проблемот со децата питачи, омбудсманот алармира дека сегашните мерки не даваат резултат

Досегашните мерки за згрижување на децата од улица и работата со нив не го даваат посакуваниот резултат, вели Васка Бајрамовска-Мустафа...

Македонија1 час

(Видео) Господ ми даде сила, ја фатив за уши и успеав да ја турнам, раскажа сточарот кој беше нападнат од мечка

Директорот на ЦУК, Стојанче Ангелов, се сретна и разговара со повредениот Цане Србиновски, 61-годишник, жител на село Дреновци во општина...

Македонија3 часа

Грција реагира за употребата на името Македонија во кампањата, а сѐ уште ги нема ратификувано меморандумите поврзани со преспанскиот договор

Грчките медиуми пишуваат дека Атина одблиску ги следи политичките изјави поврзани со преспанскиот договор и употребата на името Македонија во...

Топ3 часа

МВР со детали: Непознато лице пукало од автомобил во движење во семејната куќа во Тетово

Непознато лице од автомобил во движење пукало во семејната куќа во Тетово. МВР се огласи по инцидентот што синоќа ги...

Македонија4 часа

(Видео) Пендаровски заигра оро во Кавадарци, Силјановска со коментар: „Ни се случува ‘Тешкото’“

Кандидатот за претседател од СДСМ, Стево Пендаровски, повторно се фати за оро за време на митинзите. Во Кавадарци му се...

Регион5 часа

Братот на убиецот закопан, мештаните револтирани: За неговиот гроб се знае, но каде е на Данка?“

Далибор Драгијевиќ (40) од Злот, брат на Дејан Драгијевиќ (50), кој е осомничен дека на 26 март ја уби малата...

Свет5 часа

Најтешките поплави во последните децении во Русија, евакуации и во Казахстан – „Целиот град ни е под вода“

Русија соопшти дека ситуацијата е многу напната бидејќи нивото на водата продолжи да расте во градот Оренбург и околните области....

Свет5 часа

Америка предупредува: Очекуваме ирански напад врз Израел

САД очекуваат дека ќе има напад од Иран врз Израел, но тој нема да биде од толку голем обем за...

Регион6 часа

(Видео) Голем пожар кај Нови Сад, повеќе од 10 возила на противпожарната служба се на терен

Голем пожар утрово околу 4.30 часот ја зафати населбата Бангладеш кај Нови Сад. На терен има повеќе од десет противпожарни...

Македонија6 часа

Пендаровски: Јас сум првиот претседател што постави жена за аѓутант во Армијата, прва во историјата на нашата држава

Пред граѓаните на Гевгелија, кандидатот за претседател Стево Пендаровски даде коментар на обвинувањата од страна на ВМРО-ДПМНЕ и Христијан Мицкоски...

Македонија21 час

По завршување на истрагата, ќе продолжи реконструкцијата на Универзална, да не се шират шпекулации, рече министерката Костадиновска-Стојчевска

Министерката за култура, Бисера Костадиновска-Стојчевска, по пожарот што ја зафати Универзална сала, денеска изјави дека Министерството за култура ги чека...

Македонија22 часа

Во затворот „Идризово“ се извршија претреси на повеќе простории, извести МВР

Министерството за внатрешни работи извести дека денеска под координација на ОЈО Скопје и по барање на КПУ „Идризово“, даде асистенција...

Топ1 ден

Велосипедист загина по удар од комбе во Скопје – МВР со детали за несреќата

Шеесет и осумгодишен велосипедист загина во сообраќајна несреќа во Скопје. Според информациите од МВР, несреќата се случила вчера околу 11...

Економија1 ден

Тутунопроизводителите да си ги проверат сметките, денес исплатени 1,5 милијарда денари за субвенции, порача Николовски

Денеска, на сметките на речиси 14.300 тутунопроизводители се исплатени субвенциите за реколтата од 2023 година во вредност од речиси една...

Македонија1 ден

Министерството за здравство: Поради дефект на компресорите, беа одложени елективните програми, а не итните случаи

Министерството за здравство информира дека поради дефект на еден од компресорите, во текот на два дена беше одложен елективниот програм,...

Топ1 ден

Во тек е голема полициска акција во затворот „Идризово“, извршени претреси

Во тек е голема полициска акција во затворот „Идризово“. Се вршат претреси, а од Обвинителството ја потврдуваат акцијата. „Во акција...

Македонија1 ден

Цикличен хибрид – Македонија назадува во правото и борбата против корупцијата, нотира извештајот на „Фридом хаус“

Назадување во владеењето на правото и борбата против корупцијата во Северна Македонија бележи најновиот извештај „Државите во транзиција“ (Nations in...

Регион1 ден

Телото на Данка од Србија се бара во бунари, септички јами, шахти – осомничените дале 20 погрешни локации

По исчезнувањето на девојчето Данка Илиќ (2) од Бор, припадниците на српското МВР активно трагаа по неа. Полицијата веќе во...

Македонија1 ден

Пендаровски: Мицкоски сака во исто време да биде и претседател и премиер

Кандидатот за претседател Стево Пендаровски синоќа од Квадарци порача дека 24 април ќе биде клучен датум и дека токму во...