Контакт

Македонија

Маричиќ: Време е да се реформира ЕУ и да се примат нови земји членки, 2030 реален датум за тоа

Објавено пред

Вицепремиерот за европски прашања Бојан Маричиќ во интервјуто за Балканс Дебриф рече дека сега за нас е вистинска шанса за брзо членство во ЕУ, но исто така и за Европската Унија да направи промени кои не ги направила од Лисабонскиот договор, во 2009 и после Брегзит.

dobivaj vesti na viber

-Мислам дека е вистинско време да се реформира ЕУ и да се примат нови земји членки, и седум години од денес мислам дека е реална временска рамка тоа да се направи, рече Маричиќ, додавајќи дека немање временски план за членство во ЕУ во некои земји од регионот, а и во Северна Македонија носи пад на јавната поддршка за ЕУ и дека 2030 година очекува да биде мотивација плус за да чекориме напред.

Според Маричиќ она што дава поттик и причина и со самодоверба да се гледа на 2030 како реална временска рамка за членство е неодамнешната изјава и говор на претседателот Шарл Мишел, на Бледскиот стратешки Форум, каде за прв пат, после зачленувањето на Хрватска, еден официјален претставник на Европската Унија ја предвидува 2030 година како реален датум за членство во Европската Унија.

– Колку е реално ова? Мислам дека зависи од 2 работи. Колку ќе биде успешен преговарачкиот процес со земјите кандидати и земјите кои веќе преговараат, а очекувам Молдавија и Украина брзо да се вклучат во оваа група, а на друга страна како Европската Унија ќе се справи со реформите на системот на Европската Унија за да може да апсорбира нови земји членки, објасни Маричиќ.

Тој смета дека ова е остварливо само доколку се работи паралелно на двата процеси т.е реформи во ЕУ и преговарачкиот процес на земјите кандидати. Во таа насока Маричиќ се повика на говорите на францускиот претседател Макрон и претседателот на Европскиот парламент, Мишел и рече дека три прашања се важни и тоа: Како ќе може европскиот буџет да ги покрие трошоците на Унијата за нови членки, потоа се институционалните предизвици т.е како би се калкулирала институционалната застапеност во Брисел со повеќе земји членки на Унијата, и трето е како може процесот на одлучување да стане поефикасен со повеќе земји членки.

На прашањето дали очекуваме официјализирање од Брисел на 2030 година како година на идно проширување на ЕУ, Маричиќ кажа дека очекува ова да стане реален план и заложба на институциите, што не би значело неусловена временска референца за членство, туку спротивно, условен реформски процес во ЕУ и успешен преговарачки процес со земјите членки.

– Оваа есен ќе имаме неколку прилики на кои Европската Комисија и Европската Унија ќе треба да им се обратат на земјите од Западен Балкан со конкретни пораки и конкретни точки. Ја имаме турнејата на претседателката на Европската Комисија Фон дер Лејн во октомври во сите земји во регионот, и таа вети дека ќе го претстави планот за раст за Западниот Балкан, како може да придобиеме некои од бенефитите и инструментите на заедничкиот пазар и пред членство во ЕУ, т.е како да ја направиме таа забрзана интеграција реална можност. Тоа беше најавено исто така и од комесарот Вархеји, дека овој октомври ќе слушнеме повеќе за идното проширување до 2030 година, изјави Маричиќ.

Вицепремиерот напомена дека забрзаната интеграција е многу добра можност за напредок, но не смее да се третира како замена за полноправното членство, бидејќи досега преговарачкиот процес трае предолго, подолго од претходните бранови на зачленување, и дека ова на некој начин го руши ентузијазмот и мотивацијата на институциите дека членството е остварливо.

– Затоа ценам дека би било добро ако ни се овозможи пристап до некои бенефити, пред да станеме полноправна членка на ЕУ, како што се на пример земјоделскиот пазар на ЕУ, политики за развој на туризмот, некои европски фондови кои се достапни само за земјите-членки, но, исто така, да речеме, роаминг програмата која е достапна за земјите-членки, признавањето на дипломите и квалификациите, и ова се само некои мали нешта кои ништо нема да ја чинат Европската Унија, а ви значеле многу за луѓето од Западен Балкан, нагласи Маричиќ во интервјуто за „Балканс Дебриф“.

#BalkansDebrief е поткаст, кој го води новинарката Илва Таре, во рамки на Центарот за Европа на Атлантскиот совет.

Македонија

Дали велешкото езеро е пред еколошка катастрофа – партијата Левица ги повика институциите да објаснат што се случува

Објавено пред

Негрижата на институциите може да ја доведе во прашање безбедноста на користење на Езерото Младост, предупредува политичката партија Левица.

dobivaj vesti na viber

Од тука го начнаа прашањето дали велешкото езеро е пред еколошка катастрофа и дали му се заканува негово уништување.

Советниците на Левица – Велес денес го посетија Езерото Младост, кое повеќе од две недели е прекриено со непозната материја чиј состав сè уште не е утврден.

„Бараме од надлежните институции, Центар за јавно здравје, Републички инспекторат за животна средина, Општина Велес, Институт за јавно здравје, да ја информираат јавноста која е причината за ваквата состојба на Езерото Младост; да потврдат дали водата на Езерото е безбедна за негово користење, како и да преземат мерки со кои би се подобриле квалитетот и изгледот на водата во Езерото“, повика партијата.

Прикажи повеќе...

Скопје

Машинскиот факултет го прослави 65-годишниот јубилеј со голем настан

Објавено пред

На 19.06.2024 Машинскиот факултет при Универзитетот „Св. Кирил и Методиј“ го прослави 65-годишниот јубилеј со голем настан кој ја истакна неговата богата историја и придонес во оваа област.

dobivaj vesti na viber

Ректорката на Универзитетот „Св. Кирил и Методиј“ заедно со проректорите, професорите на Машинскиот факултет и останатите вработени на факултетот, како и партнери од индустријата се собраа да го одбележат овој јубилеј размислувајќи за децениската академска извонредност и придонес во научната област во Република Северна Македонија. Прославата имаше клучни говори од истакнати алумни и индустриски лидери, а настанот, исто така, послужи како платформа за откривање на идните иницијативи насочени кон одржување на наследството на извонредност на факултетот и поттикнување на следната генерација инженери.

Како дел од одбележувањето на јубилејот, тимот од студенти од Машинскиот факултет направија промоција на проектот „Формула студент“ под името MES Racing кој е основан првенствено на Машинскиот факултет, а моментално вклучува и членови од Факултетот за електротехника и информациски технологии. Тим од амбициозни студенти од Машинскиот факултет го започнаа овој проект за дизајнирање на болид за Формула 1, покажувајќи ја нивната инженерска моќ и иновативност. Проектот не само што ги предизвикува нивните технички вештини, туку и ги поттикнува способностите за тимска работа, решавање проблеми и управување со проекти. Овој потфат, поддржан од професорскиот кадар како и индустриски советници, претставува значаен чекор во нивното образовно патување. Овој храбар проект е доказ за посветеноста на студентите и посветеноста на факултетот за негување на иновативни таленти.Меѓудругото, во рамки на прославата, се одржа и промоцијата на дипломирани и магистрирани машински инженери од претходната учебна 2022/2024 година, како и доделувањето на наградите на првите 10 дипломирани студенти со најдобар просечен успех.

На ден 19.06.2024 во Новата зграда на Машинскиот факултет се одржа иновативниот студентски натпревар под името Team3Win спонзориран од престижната автомобилска компанија ADAC Automotive. Со цел инспиративна соработка помеѓу индустријата и академијата, ова спонзорство има за цел да го премости јазот помеѓу теоретското знаење и практичната примена, обезбедувајќи им на студентите непроценливо искуство преку решавање на реални проблеми од индустријата. Преку оваа иницијатива, на студентите од Машинскиот факултет (МФС) и Факултетот за информатички технологии (ФИНКИ) им се дава пристап до напредни ресурси, менторство од искусни професионалци и финансиска поддршка за развој на најсовремени проекти кои се движат од одржливи дизајни на возила. Ова партнерство не само што го подобрува образовното искуство на студентите, туку го поттикнува и духот на иновативноста и претприемништвото, подготвувајќи ја следната генерација инженери да се справат со предизвиците на автомобилската индустрија. Посветеноста на компанијата за поддршка на образованието и поттикнување на нови таленти ја нагласува нејзината посветеност на технолошкиот напредок и развојот на заедницата, создавајќи динамична синергија која им користи и на студентите и на поширокото инженерско поле.

На овој ден, Европското здружение на студенти по индустриско инженерство и менаџмент ESTIEM LG Skopje во соработка со PwC North Macedonia организираа обука во чест на 65 годишното постоење на Машинскиот Факултет во Скопје, со наслов: “ИТ ревизија, Кибернетичка безбедност и Вештачка Интелигенција+Важноста на внатрешната контрола“.

Прикажи повеќе...

Македонија

Деспотовски: Не ни требаат готови туку чесни кадровски решенија

Објавено пред

Кој ќе биде во тимот со кој ќе работи Јован Деспотовски, кандидат за претседател на СДСМ беше една од темите во фокусот на онлајн сесијата во живо, каде ја презентираше програмата Нов почеток, Нов СДСМ.

dobivaj vesti na viber

Деспотовски предлага заедно со членството да се дефинираат идните носители на клучни функции во партијата.

„Време е заедно да го креираме новиот тим на СДСМ. Пред да зборуваме за имиња заедно да дефинираме какви луѓе ни се потребни. Се фокусираме на тоа какви профили на луѓе ни требаат за највисоките партиски функции, со какви особини, образование, искуство, биографија. Не кој туку каков. Да не ги прилагодуваме политиките на луѓето, туку луѓето и мерките да ги бираме според политиките кои треба да се спроведат. На СДСМ и државата не и требаат готови, туку чесни и успешни кадровски решенија,“ порача Деспотовски.

Во однос на регионалната распределба на клучните места Деспотовски нуди едноставно решение дека ако претседателот доаѓа од изборна единица 1, останатите клучни 5 функции на потпретседатели, генерален и организациски секретар да дојдат од сите останати изборни единици.

„Воведуваме култура на почитување на различни мислења и промовирање на професионален развој, обезбедуваме секој глас да биде слушнат и ценет. Во овој контекст ќе го споменам поранешниот претседател Бранко Црвенковски од кој научив многу. И покрај тоа што имаше изграден став за доста прашања, беше доволно отворен да ги слуша сите на масата од млади, до универзитетски професори, луѓе од цела Македонија. И веројатно имаше доволно трпение и мудрост за да ги сослуша сите и на крај некако низ таков разговор и да го модификува својот став. Клучниот принцип по кој се водам и јас е дека не може една глава да мисли подобро од 50. И не, нема да се опкружам со луѓе кои викаат браво и климаат со глава, туку мислат со своја глава и дават свој придонес,“ рече Деспотовски.

Тој нагласи дека на следните локални избори ќе се случи и практична реализација на еден од основните столбови на програмата а тоа е „Лојалност кон луѓето, не кон лидерот“.

“Кога кандидатите за градоначалници на следните избори ќе ги избере членството преку непосредни избори во самата партија, тогаш тој точно ќе знае каде ќе треба да ја насочи својата лојалност – кон базата во која сите се крстиме. Бидејќи базата е таа која му го дала мандатот а не лидерот во Скопје,“ вели Деспотовски кој е “убеден дека доколку членовите имаа можност да зборуваат отворено и да ги определат кандидатите за пратеници и носителите, и кандидатските листи ќе беа поразлични и можеби немаше да победиме ама сигурно немаше да доживееме ваков дебакл.“

За Деспотовски изборите на 30 јуни се своевиден референдум за тоа дали членството сака да продолжи по старо или сака радикален дисконтинуитет и обединување.

„Доминацијата на струите во партијата, односно доминација на една струја со наметнување на едно решение се случи во 2021 и не мислам дека треба тоа сега да го повторуваме. И затоа отворено излегувам и зборувам и се борам против тоа. Мислам и дека изборите на 30 јуни ќе бидат одреден референдум, дали сакаме континуитет на таков тип на практикување политика каде еден центар кажува се или ќе почнеме да ги слушаме луѓето од кои патем речено зависиме. На овие избори имаме соочување на различни концепти. Концепт на кој почивал еден стар СДСМ и кој сега треба да се претвори во нов почеток и нов СДСМ, и концепт кој се појави во меѓувреме а којшто почива на волјата на два тројца,“ рече Деспотовски и додаде дека “партијата и порано во други тешки моменти била обединета, така што обединувањето сега треба да се случи со сите членови, особено со оние кои моментов се демотивирани, разочарани, гневни, бесни, а не да се случува на ниво на Скопје, посебно не меѓу кандидатите за претседател.“

Деспотовски го повика членството што помасовно да се регистрира и да гласа на 30 јуни за да “за да не остават некој друг да ја крои СДСМ по свој терк“.

“Одлучете сами, за да не одлучи некој друг во ваше име,“ порача Деспотовски.

Прикажи повеќе...

Најново

Спорт27 минути

ФФМ од Даку побара да и се извини на македонската држава, а од УЕФА да го казни албанскиот репрезентативец

Фудбалската федерација на Македонија се огласи по повод навредите кои од теренот на стадионот во Хамбург, ги испрати албанскиот репрезентативец...

Македонија1 час

Сè повеќе повици за присуство на змии во Македонија, ЦУК со апел за внимателно движење во природа

На секои неколку дена има пријава за змии и во населени места. Центарот за управување со кризи информира дека во...

Македонија3 часа

25-годишен војник почина на Криволак, му се слошило за време на марш

Дваесет и петгодишен професионален војник почина на полигонот Криволак за време на марш кога му се слошило. Се работи за...

Спорт3 часа

(Видео) Албанскиот репрезентативец Даку ги пцуеше Македонците по мечот со Хрватска

Албанија и Хрватска, вчера во Хамбург, одиграа одличен натпревар. Заврши 2:2, откако Хрватска направи пресврт по водството на Албанија, а...

Свет3 часа

Семејствата на жртвите бараат од „Боинг“ отштета од рекордни 25 милијарди долари

Семејствата на жртвите на двете несреќи на „боинг 737 макс“ побараа повторно судење и отштета од 24,8 милијарди долари за...

Македонија4 часа

Елфете Исмаили oд Алијансата е кандидат за заменик-министер за одбрана, а Флакрон Беџети за заменик-министер за земјоделство

Крилото на Арбен Таравари од Алијансата за Албанците одржа состанок, на кој се разговараше за изборот на кадрите за идната...

Македонија5 часа

Сончево и многу топло време со температура до 40 степени

Времето денес ќе биде претежно сончево и многу топло со слаб до умерен, а по должината на Повардарието повремено засилен...

Топ15 часа

Исчезнаа седум Непалци кои работеле во скопски фирми

Седум лица од Непал исчезнаа во текот на вчерашниот ден. Според информациите, тие работеле во две скопски фирми, а им...

Македонија19 часа

Вонреден наздор во битолската болница и детската клиника по смртта на бебето

Заменичката-министерка за здравство, Маја Манолева испратила наредба до Државниот санитарен и здравствен инспекторат (ДСЗИ) веднаш да спроведе вонреден инспекциски надзор...

Економија19 часа

Мицкоски: По формирање на владата ќе ја разгледаме можноста за враќање на цената на електричната енергија, дури и за намалување

Ние веднаш по формирањето на владата ќе седнеме ќе ги видиме законските можности кои ни стојат на располагање, ќе ги...

Економија1 ден

Бислимоски: Во однос на регионот, Македонија е една од земјите со највисоки загуби на вода

Претседателот на РКЕ, Марко Бислимоски кажа дека загубите на вода во Македонија се некаде околу 62 проценти на ниво на...

Топ1 ден

Тешка сообраќајна несреќа на патот Куманово – Липково, загина 19-годишник

Вчера во 17.20 часот во СВР Куманово било пријавено дека на регионалниот пат Куманово – Липково, во село Оризаре, липковско,...

Македонија1 ден

Прегазена мечка на патниот правец Гостивар – Охрид

Регионалниот ЦУК Тетово известува, дека на Единствениот повикувачки број за итни случаи 112 во ЦУК е добиена пријава за сообраќајна...

Македонија1 ден

Петмина осомничени за насилството во дворот на Клиничкиот центар: со клоци и тупаници, со метални шипки, дрвени палки претепале едно лице

Основното јавно обвинителство Скопје донесе наредба за спроведување истражна постапка против пет лица, кои се осомничени дека заедно сториле кривично...

Регион1 ден

Три земјотреси за неколку минути го погодија Крит

Три земјотреси со јачина од 3, 3,4 и 3 степени според Рихтеровата скала се случија во раните утрински часови во...

Европа1 ден

(Видео) Руски нуклеарни подморници лансираа проектили, целта била оддалечена 170 километри

Подморници на руската северна флота со нуклеарен погон лансираа крстосувачки ракети кон морските цели како дел од вежбите во Баренцовото...

Свет1 ден

Путин го нападна Западот во разговорот со Ким, лидерот на Северна Кореја порача: Ова е историски момент

Рускиот претседател Владимир Путин пристигна синоќа во својата прва посета на Северна Кореја по 24 години, ветувајќи дека ќе ги...

Европа1 ден

Американски војник осуден во Русија на речиси четири години затвор

Руски суд осуди американски војник на три години и девет месеци затвор под обвинение за кражба и закана со убиство,...

Свет1 ден

Шефот на НАТО за посетата на Путин на Северна Кореја: Загрижени сме

НАТО е загрижен за поддршката што Русија би можела да ја даде на севернокорејската ракетна и нуклеарна програма, изјави шефот...

Македонија2 дена

Топлотен бран во Македонија: Бремените и лицата над 60 години да се ослободат од работа, децата да не излегуваат на отворено до 17 часот

Владата на барање на Министерството за здравство, одржа вонредна седница, поради најавите за топлотен бран во државата и донесе соодветни...