Македонија
Маричиќ по средбата со Лајчак: ЕУ помага да се забрза пристапниот процес, преземените обврски да се исполнат навремено

Вицепремиерот за европски прашања Бојан Маричиќ после средбата со Мирослав Лајчак, специјалниот претставник на ЕУ за дијалогот Белград-Приштина и други прашања на Западен Балкан, на својот Фејсбук профил напиша дека Европската Унија работи на планот за забрзување на евроинтеграцијата на регионот и дека преземените обврски мора да се исполнат, бидејќи е важно пристапните преговори со ЕУ да завршат побрзо.
– Позитивна е атмосферата во Брисел за проширувањето и државите членки на ЕУ ја поддржуваат нашата евроинтеграција, политички момент кој мораме да го искористиме со поголема самодоверба и силна одлучност од сите. Државен геополитички интерес и наша главна цел е членството во ЕУ, затоа наша должност е да останеме на патот по кој веќе успешно чекориме, вели Маричиќ.
Од страна на Лајчак било потврдено дека ЕУ помага да се забрза и достигне членството и затоа ние мораме поскоро да донесеме одлука во наша корист и да не дозволиме да се плашиме за својата иднина, поради внатрешни фактори.
Посебен акцент на средбата бил ставен на преговарачкиот процес на Северна Македонија и следниот чекор кој води кон нов напредок и целосно навлегување во преговорите по Кластери, што како што вели Маричиќ ќе наметне и ново темпо на реформите.
– Владата има волја да ги исполни своите задачи, нашите европски партнери и граѓаните очекуваат секоја институција да преземе одговорност за позиционирање на Северна Македонија на мапата на ЕУ, порача Маричиќ.
На средбата, која се одржа во рамки на посетата на Њујорк, владината делегација предводена од премиерот Ковачевски со специјалниот претставник на ЕУ за дијалогот Белград-Приштина и други прашања на Западен Балкан, Лајчак разговараа и за планот за забрзување на интеграцијата во ЕУ на целиот регион и активностите кои следуваат на тој план, како и за важни политички теми од регионот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Ахмети и Џафери да ја кажат вистината за содржината на УСБ-то и пликото кои што им биле дадени

При денешната посета на општина Брвеница претседателот на ВМРО-ДПМНЕ, Христијан Мицкоски одговарајќи на новинарско прашање во однос на споменатите информации УСБ и плико со документи што биле дадени на Џафери и Ахмети истакна дека треба Џафери и Ахмети да ја кажат вистината за содржината на УСБ и пликото кои што им било дадено.
„Па еве ќе ги прашате и Талат Џафери и Али Ахмети за содржината на тоа УСБ, на тоа плико и каков документ имало во тоа плико и јас ќе ги следам внимателно нивните изјави и внимателно ќе следам дали ќе ја кажат вистината. Еве да оставиме тие да ја кажат вистината, бидејќи ти ги добиле два од трите документи“, нагласи Мицкоски.
Македонија
Пожарот кај Милетино се гасне и од воздух – гори борова шума

Центарот за управување со кризи (ЦУК), известува дека полета еден авион на ДЗС, а втор авион се подготвува, за дејствување на реактивираниот пожар на тешко пристапни места кај селото Милетино во Општина Брвеница, каде што пожарот зафати борова шума.
Инаку, Регионалниот ЦУК Тетово информира дека врз пожарот на терен, од разденување, утрово интервенираат 15 лица вработени во ЈП „Македонски Шуми“ подружница „Лешница“, три пожарникари од Територијалната противпожарна единица (ТППЕ) Тетово со едно специјализирано 4Х4 противпожарно возило – џип и со една цистерна за дотур на вода, а и два полициски службеника.
Македонија
Георгиевски: Над 50 милиони евра поддршка преку ИПАРД и „Млад земјоделец“

Младите земјоделци во фокусот, над 50 милиони евра поддршка преку ИПАРД и „Млад земјоделец“, изјави на прес-конференција, Гоце Георгиевски од Комисијата за земјоделство, шумарство и водостопанство на СДСМ.
Тој рече дека младите земјоделци се во фокусот на развојните мерки, програми и политики на СДСМ.
„На располагање се над 50 милиони евра од ИПАРД програмата како и мерката „Млади земјоделец“. Огромна можност, огромен потенцијал за развој, огромна шанса за успех. Во тек е нов повик за млади земјоделци за поддршка од 10.000 евра по корисник, од Националната програма за рурален развој. За прв пат од оваа година, авансна исплата во износ од 40% за младите кои ќе добијат грант за мерката “Млад земјоделец” и тоа веднаш по потпишувањето на договорот. Во тек е и програмата ИПАРД 3 која нуди дури до 70% кофинасирање во инвестиции“, рече Георгиевски.
Ги повика сите млади земјоделци да аплицираат и да ги искористат средствата.