Македонија
МВР дозволува да си го побарате одземениот пасош доколку мора да патувате додека го чекате тој со новото име
![](https://makfax.com.mk/wp-content/uploads/2023/08/pasosi-metez.jpg)
Граѓаните што успеале да се фотографираат за нов пасош, иако сегашниот им е сè уште важечки, во моментот кога ќе го поднесат барањето, остануваат без овој документот оти службите на МВР се обврзани да им го одземат. Поради огромниот интерес за нови документи, постапката до издавање на новиот пасош трае повеќе од предвидените петнаесет дена, па граѓаните се жалат дека остануваат и по неколку недели без пасош.
„Макфакс“ побара објаснување од МВР како да постапуваат граѓаните што останале без пасош оти се фотографирале за нов, а мора да патуваат.
„При замена на пасош, кој е сè уште во важност, тој се одзема од страна на службеникот сè до одобрување на новиот документ. Но, доколку граѓанинот има потреба од патување, може да си го подигне стариот пасош сè до моментот на издавањето на новиот документ“, велат од МВР.
Оние што успале да се фотографираат за пасош со новото име на државата, многумина ги сметаат за среќници оти последните два месеца огромен е бројот на граѓани што се жалат дека не успеваат да остварат врска на телефонските броеви за да добијат термин. Наспроти искуствата на граѓаните, министерот за внатрешни работи постојано уверува дека линиите се континуирано во функција и термини се закажуваат.
„Телефонските линии за закажување 0800 192 92 и 072 929 292 се континуирано во функција и граѓаните може да закажат термин. Не постои застој во нормалното функционирање – ниту на економскиот оператор, кој за сметка на МВР го сервисира повикувачкиот центар, односно неговите 12 повикувачки линии, ниту во организациските единици при Одделот за граѓански работи, кои на дневна основа примаат повеќе стотици апликации од граѓани за разните видови лични документи. Факт е дека во овој летен период се зголемува обемот на барања за вадење лични документи“, велат од МВР.
Рокот за замена на сите документи што го немаат името Република Северна Македонија е февруари 2024 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.