Контакт

Македонија

„Меѓаши“ предлага форми на образование надвор од традиционалниот систем на училиштето

Објавено пред

По последните настани во врска со уписите и почетокот на тековната учебна година, Првата детска амбасада во светот „Меѓаши“ – Република Македонија изразува загриженост поради фактот што денес има деца што би требало да бидат прво одделение, а сè уште се надвор од образовниот систем поради непримени вакцини во согласност со календарот за имунизација.

Првата детска амбасада „Меѓаши“ апелира до Владата да го преиспита заклучокот донесен на 135. седница оддржана на 14 мај 2019 година, каде што во точка 32 заклучува: „(1) Во кое било училиште може да се запишат исклучиво деца што се вакцинирани и за тоа имаат соодветен документ/потврда“, понатаму: „(2) Во сите училишта да се примаат пријавите за упис во училиштата и на оние деца што не се вакцинирани, но да не се врши упис на истите сè додека не биде приложен соодветен документ/потврда за вакцинација“.

„Детската амбасада ‘Меѓаши’ укажува дека со горенаведените заклучоци, а особено со првиот заклучок цитриран погоре, врши и поттикнува директна дискриминација по основ на Законот за основното образование, каде што децидно е забележано во член 5: „(1) Во основното воспитание и образование се забранува секоја директна или индиректна дискриминација, повикување и поттикнување на дискриминација и помагање во дискриминаторско постапување по основ на пол, раса, боја на кожа, национално или етничко потекло, попреченост, род, сексуална ориентација, родов идентитет, државјанство, социјално потекло, образование, религија или верско уверување, политичко уверување, други видови уверувања, возраст, семејна или брачна состојба, имотен статус, здравствена состојба и општествен статус или која било друга основа која е предвидена со закон или со меѓународен договор ратификуван во согласност со Уставот, во остварување на правата од основното образование“.

Понатаму, со заклучокот број 2, донесен на гореспоменатата седница, создава услови на конфузија помеѓу образовната управа задолжена да постапува по пријави за упис на деца во градинка и училиште, како и меѓу родителите“, се вели во соопштението на Детската амбасада „Меѓаши“.

Заклучокот, според Детската амбасада, е нејасен и како таков дозволува слободно толкување од страна на воспитно-образовната управа при постапување по индивидуалните пријави за упис на деца, што, како што велат, е евидентна состојба денес, каде што имаме деца што се невакцинарни и запишани и деца што се сè уште незапишани во училиште/градинка.

„Како резултат на последното македонското општество се соочува со голем број деца и надвор од предучилишните установи – градинки, а неодамна и со немил настан, каде што дете – првоодделенче беше директен сведок на употреба на сила при неговото отстранување од училишниот простор заедно со својот родител исклучиво поради конфузијата што е предизвикана како дејство поттикнато од втората точка на заклучокот на горенаведената владина седница“, се наведува од Детската амбасада.

Детската амбасада „Меѓаши“, покрај овој апел, укажува дека во светот веќе со години постојат и функционираат форми на образование надвор од традиционалниот систем на институција – училиште. Според Детската амбасада, денешните можности што ги нуди комуникациската технологија дозволуваат децата што имаат, пред сè, право на образование, тоа да го добијат на друг и веќе користен начин во развиените земји.

„Ја поттикнуваме Владата, со цел почитување на правото на најдобар интерес на детето, да ги разгледа опциите, како што се: учење од дома (homeschool), учење на далечина (distance learning) и други форми на образование актуелни во светот, кои и тоа како ќе им олеснат и ќе обезбедат соодветно образование признаено во светски рамки за деца и младинци што имаат потреба од нетрадиционална форма на образование.

„Меѓаши“ стои на располагање за соработка со Владата и надлежните институции, прашањето за алтернативните начини на образование да се актуализира на ниво достојно на важноста на темата – право на најдобар интерес на детето и правото на образование“, се додава во соопштението.

Македонија

Следува променливо време со дожд и грмежи

Објавено пред

Времето утре ќе биде променливо облачно со сончеви периоди. Попладне ќе има локална појава на нестабилност со краткотраен дожд и ретки грмежи. Ќе дува слаб до умерен ветер од јужен правец. Минималната температура ќе биде во интервал од 7 до 14, а максималната ќе достигне од 23 до 29 степени.

Во Скопје променливо облачно со сончеви периоди. Попладне во делови од Скопската Котлина ќе има услови за краткотраен дожд и ретки грмежи. Ќе дува слаб до умерен ветер од јужен правец. Минималната температура ќе се спушти до 11, а максималната ќе достигне 26 степени.

В четврток ќе преовладува променливо облачно време со попладневна нестабилност и услови за изолирана појава на краткотраен дожд и ретки грмежи. Преодно стабилизирање на времето ќе има в петок. Под влијание на влажен бран за време на викендот, особено в сабота, на повеќе места ќе биде нестабилно со пороен дожд, грмежи и засилен ветер. Во следните денови ќе дува умерен до засилен јужен ветер, поинтензивен в сабота.

Прикажи повеќе...

Македонија

Кината и театрите може да работат според протоколите за организирање настани

Објавено пред

Владата на денешната седница донесе одлука да се отворат културните институции.

Во однос на работата на кината, театрите, оперските претстави, балетските претстави, другите манифестации со филмски проекции, мултимедиумските проекти, фестивалите и други манифестации од дејноста на културата, Владата го прифати мислењето на Комисијата за заразни болести во согласност со што за овие дејности ќе важи веќе донесениот протокол за организирање настани.

Прикажи повеќе...

Македонија

Во 169 основни и 4 средни училишта ќе се следи настава со физичко присуство

Објавено пред

Во 169 основни и четири средни училишта ќе се одвива настава со физичко присуство. Ваквата одлука доаѓа откако попладнево Владата на седница го усвои извештајот за работата на Комисијата за разгледување на поднесените барања од страна на основачот на училиштето за организирање настава со физичко присуство за периодот од 2 септември до 14 септември.

Во однос на основните училишта, шест државни училишта за деца со посебни образовни потреби, едно приватно средно училиште со одобрение за експериментална настава во основно училиште, 15 централни општински основни училишта и 147 подрачни основни училишта ќе добијат дозвола за настава со физичко присуство, а услови за настава со физичко присуство не исполнувале 32 централни општински основни училишта, 11 подрачни и 2 приватни училишта.

„Според извештајот, за организирање настава со физичко присуство во средните училишта биле доставени вкупно 66 барања, од кои Комисијата предлага согласност да добијат 4 училишта, од кои: 2 државни училишта за деца со посебни образовни потреби, 1 приватно средно училиште, 1 општинско средно училиште. Делумна согласност за реализација само на стручните предмети и практичната настава да добијат 10 училишта (5 уметнички, 4 општински училишта и 1 државно училиште – Спортската академија)“, стои во соопштението на Владата.

По предлог на Комисијата за заразни болести, денеска усвоен е и протоколот за работа на едукативните центри, музичките училишта и центрите/училиштата за странски јазици во услови на епидемија на Ковид-19.

Градинките, училиштата и факултетите беа затворени со одлука на Владата, која беше донесена на 10 март годинава поради коронавирусот.

Прикажи повеќе...

Најново

Македонија3 часа

Во 169 основни и 4 средни училишта ќе се следи настава со физичко присуство

Во 169 основни и четири средни училишта ќе се одвива настава со физичко присуство. Ваквата одлука доаѓа откако попладнево Владата...

Македонија4 часа

Јанакиески ќе бара да биде додаден во листата на оштетени во предметот „Таргет-Тврдина“

Миле Јанакиески ќе достави барање до Кривичниот суд за да биде додаден во листата на оштетени во предметот „Таргет-Тврдина“ за...

Македонија4 часа

„Водовод“ не најде бактерии во градската мрежа во Скопје по паниката што се прошири на социјалните мрежи

Водата од градскиот водовод во скопски Бутел нема бактерии и исправна е за пиење, а веста што се прошири на...

Свет5 часа

Одложен самитот на ЕУ – претседателот на Европскиот совет ставен во карантин

Состанокот на ЕУ, кој требаше да се одржи на 24 и 25 септември, е одложен за 1 и 2 октомври,...

Македонија9 часа

Пет лица починаа од коронавирус, потврдени се 88 нови случаи во Македонија

Министерството за здравство информира дека во последните 24 часа се направени 1.618 тестирања, а регистрирани се 88 нови случаи на...

Македонија9 часа

(Видео) Филипче: Состојбата со вирусот повторно се влошува, ако е потребно ќе има рестрикции

Министерот за здравство, Венко Филипче, на денешната прес-конференција најави дека за есенва се размислува за воведување на повеќе мерки како...

Македонија11 час

Мицкоски ги повика граѓаните утре да излезат на протест против неправдата и мафијата

Лидерот на ВМРО-ДПМНЕ, Христијан Мицкоски, повика на нов протест што ќе се одржи утре во 18.30 часот. Како што порача...

Економија11 час

(Видео) Бектеши: Субвенциите за етнички вработувања се дел од изгласаната владина програма

Вработувањата кои ќе поттикнат добри меѓуетнички односи се вметнати во Владината програма која е изгласана од Собранието, изјави министерот за...

Свет12 часа

Русија очекува до 15 октомври да регистрира втора вакцина против коронавирус

Русија очекува до 15 октомври да регистрира уште една, втора по ред, потенцијална вакцина против коронавирус, јави агенцијата ТАСС повикувајќи...

Европа13 часа

Шведска нема да ги вакцинира децата против коронавирусот

Шведската влада нема да препорача вакцина против коронавирусот за деца на возраст под 18 години. Според шведските експерти, децата го...

Спорт14 часа

Италијански судија убиен во својот дом

Италијанскиот фудбалски судија Даниеле Де Сантис (33) и неговата девојка Елеонора Манта (30) биле убиени во домот на судијата во...

Македонија14 часа

Училишниот час ќе трае пократко од 40 минути, постои можност и учебната година да заврши порано

Собранието вчера вечерта ги изгласа измените на Законите за основно и средно образование со кои се обезбедува непречено организирање на...

Македонија14 часа

Од почетокот на пандемијата во Македонија починаа 700 лица

Од почетокот на пандемијата досега починаа 700 лица, откако вчера беше потврдена смртта на уште 7 пациенти. Меѓу починатите вчера...

Свет15 часа

„Сите мораме да соработуваме“, порачаа светските лидери на годишнината на Обединетите нации

Светските лидери за време на специјалната сесија на ООН посветена на 75-годишнината од основањето на таа организација се согласија дека...

Македонија15 часа

Собраниска седница за избор на заменик-министри во Владата

Собранието денеска треба да ја одржи 13-тата седница на чиј дневен ред е предлогот за именување на заменик-министри во Владата....

Македонија15 часа

Пендаровски: Неопходни се силни Обединети нации, реформирани и прилагодени на новата реалност

Претседателот Стево Пендаровски преку видеопорака се обрати на настанот на високо ниво, што по повод 75-годишнината од формирањето на Организацијата...

Македонија17 часа

Димитров во прва работна посета на Брисел од формирањето на новата Влада

Заменик-претседателот на Владата задолжен за европски прашања, Никола Димитров, денеска ќе престојува во работна посета на Брисел, што всушност е...

Македонија1 ден

Игор Јанушев се повлече од функцијата

Централниот комитет на ВМРО-ДПМНЕ вечерва избра нови членови на Извршниот комитет на партијата. Генералниот секретар на партијата, Игор Јанушев, се...

Македонија1 ден

(Видео) Мицкоски: Предложив вонреден конгрес на кој јас нема да бидам претседател, но предлогот беше одбиен

Лидерот на ВМРО-ДПМНЕ, Христијан Мицкоски, предложил вонреден конгрес за избор на нов лидер, каде што тој нема да се кандидира,...

Македонија1 ден

Седум лица починаа од коронавирус, потврдени се 45 нови случаи

Министерството за здравство информира дека во последните 24 часа се направени 552 тестирања, а регистрирани се 45 нови случаи на...

Досие