Македонија
(Видео) Мизрахи: Има сомнежи дека и денес се заработува на грбот на болните од рак, бараме да се продолжи рокот за работа на анкетната комисија
Поради сомневањата дека основаните сомнежи за заработка на грбот на пациентите и несоодветниот третман на болните од рак се случуваат денес, претседателката на анкетната комисија за скандалот на Онкологија во Собранието, Рашела Мизрахи, најави дека денес, откога ќе ги сослушаат последните сведоци, ќе побараат проширување на надлежностите и работата на комисијата.
Таа наведе дека во случајот со Онкологија има нови сознанија, од кои, според неа, јасни се три работи, односно дека Фондот нарачал и изготвил извештај, кој остава сомнеж дека и денес болните имаат несоодветен третман, дека и денес се набавуваат лекови за суми изразени во милиони евра и покрај складираните количини и лековите им се даваат на пациентите во торбиче, а се фактурира како да ги аплицирала Клиниката.
„Овие нови сознанија за случувањата на Онкологија ја наметнува потребата да се испитаат сите нови информации и да се продолжи рокот на работата на комисијата и да се прошири опфатот на периодот на кој таа се однесува, вклучително и тековниот период од април 2023 година, на кој се однесува извештајот на ФЗО. Вистината за канцер-мафијата мора да се знае. Одговорност за дивото месо во здравството ќе има, со име и презиме. Во текот на денешниот ден имаме свикано сведоци. Во текот на денешниот ден ќе бидат господинот Оливер Спасовски, господинот Јовевски, Никола Васев и Стево Крстевски, ексдиректор на ФЗОМ како присутни, а понатаму ќе се достави барањето до пленумот за проширување на надлежностите и работата на анкетната комисија“, рече пратеничката Мизрахи.
Таа извести дека денес е последниот ден за сослушување сведоци и експерти за скандалот на Онкологија. Досега се сослушани 49 сведоци и експерти, а десетмина не се појавиле иако биле уредно поканети.
Јавното обвинителство вчера соопшти дека обвинувањата за Онкологија, што вчера ги изнесе ВМРО-ДПМНЕ, вклучително давањето лекови во торба, се погрешни и може да ја вознемират јавноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одронот е исчистен, сообраќајот на автопатот Скопје – Велес се одвива нормално
Во 20:38 часот на патниот правец Скопје-Велес, тунел Бадар, одронот е исчистен и сообраќајот се одвива нормално, информира АМСМ.
Претходно, од таму информираа дека сообраќајот се одвива по една лента поради одрон во тунелот.
Македонија
ВМРО-ДПМНЕ: Одлуката за домашен притвор на Груби е на обвинителството со 2 отсто доверба
Правда мора да има и таа мора да биде неселективна и конечна. Одлуката за домашен притвор е на обвинителството. Истото она со 2 посто доверба и за кое СДС се бореше да биде несменето до последниот здив. Сите забелешки може да ги испратат до таа адреса, и до омилените на Венко обвинители, велат од ВМРО-ДПМНЕ, по одлуката на скопското обвинителството да побара замена на мерката притвор со куќен притвор за Артан Груби.
„СДС треба да се договори со себе бидејќи се исклучително недоследни. Изутрина тврдат дека ДУИ одработува за ВМРО-ДПМНЕ, а сега дека е обратно. А всушност СДС се вистински во паника затоа што нивниот криминоген другар Артан Груби може да проговори за сите ортачки криминали на владите на Зоран и Вице, на Венко и Ковачевски, за бизнисите на Зечевиќ. Зошто врхушката на СДС денес заседаваше и “вртеше” телефони интересирајќи се за исказот на Артан Груби во обвинителство. Ова е и причината зошто СДС во случајот со Груби се однесува по логиката иста на онаа: “лопов вели држете го лоповот”. Црната кутија за криминалите на СДС и ДУИ падна. Прашање на време е кога “исплашените” од СДС ќе му прават на судските клупи друштво на Артан Груби“, велат од ВМРО-ДПМНЕ.
Македонија
Куќниот притвор за Груби е потврда дека сè е договорено, велат од СДСМ
Одредувањето куќен притвор за Груби е потврда дека сè е договорено, сметаат од СДСМ. Според партијата, затоа судството и обвинителството се ставени под директна контрола на Мицкоски и ВМРО-ОКГ.
„Дилот ВМРО–ДУИ се спроведува пред очите на јавноста. Прво со договореното враќање и режираното снимање на граничниот премин. Не работеа камерите кога Груби си замина преку граница, слободно, со пасош, иако бил на стоп-листата. Но, за договореното враќање на Груби камери има на секој чекор – од граница, пречек, па сè до Обвинителството и Судот. Потоа следуваше веќе подготвената кампања по медиумите под контрола на Орбан, а сега и одлуките за куќен притвор. Ако некој еднаш избегал од државата, зошто му се одредува куќен притвор?“, прашуваат од СДСМ.
Од таму велат дека ништо не е случајно и останува само да видиме која е цената.
„Пеш преминал преку граница и побегнал. А бил на стоп-листа. Сега, после 14 месеци бегство – се враќа и му се одредува куќен притвор. На кого уште не му е јасно ова сценарио? Ништо не е случајно. Ова е дел од договорот меѓу ДУИ и ВМРО-ОКГ. Останува само да видиме која е цената“, велат од СДСМ.

