Контакт

Македонија

Мицкоски: Прво нова Влада, па спроведување на предвремените избори заедно со локалните

Објавено пред

Предвремените парламентарни избори и се потребни на Македонија и единствен логичен термин е заедно со локалните избори, истакна претседателот на ВМРО-ДПМНЕ, Христијан Мицкоски, одговарајќи на новинарско прашање дали може да се очекува предвремени парламентарни избори, како и дали има преговори со други партии.

Мицкоски рече дека разговорите се во тек и со опозициони и со партии од власта кои треба да размислат дали сакаат да бидат дел од најкорумпираната и најкриминална власт. Претседателот на ВМРО-ДПМНЕ е дециден дека предвремените парламентарни избори и се потребни на земјава, но претходно треба да дојде Влада која ќе подготви рамен терен за тие избори за да се случат.

„Предвремени парламентарни избори и се потребни на Македонија и единствен логичен термин да не правиме дополнителни трошоци се и локалните избори. Мислам дека тоа треба да се случи и работиме на тоа да се случи, а претходно треба да дојде една влада која што ќе подготви рамен терен за тие предвремени парламентарни, локални избори, а не ваква корумпирана криминална и неспособна влада бидејќи морам да кажам дека не ги бива за работа не ги бива за проекти но затоа пак се светски шампиони според криминалот, корупцијата и би рекол матните идеи како да лажираат и поткупуваат за време на избори. Затоа е многу важно да дојдат луѓе кој што тој процес ќе го одработат така како што е потребно односно како што велат законите и процедурата. Да! ВМРО-ДПМНЕ води разговори и со парламентарни опозициони партии, но и со парламентарни партии кои што се дел од власта, така што кога ќе имаме мнозинство во рамките на парламентот тогаш ќе излеземе во јавноста и тоа мнозинство ќе го презентираме. Но, повторно ќе кажам секој оној кој што му мисли добро на македонскиот народ на граѓаните на Македонија на Македонија под итно треба да си го стави прстот на глава и да размисли дали неговата иднина е заедно со овие најкорумпирани и најкриминални политичари во историјата на Македонија или пак да бидат заедно на страната на народот, на чесната страна и да си ја спасиме државата. Тоа е она што јас можам да го кажам по тоа прашање“, изјави Мицкоски.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Рисови има и надвор од Маврово, обележан првиот мажјак во резерватот „Јасен“

Објавено пред

Македонското еколошко друштво (МЕД) во соработка со вработените од резерватот „Јасен“ на крајот на февруари со ГПС околувратник успешно обележале млад мажјак од загрозениот вид балкански рис.

„За присуството на балкански рис во Јасен имавме податоци подолго време, но досега немавме среќа да поставиме ГПС околувратник на рис. Ова е првиот рис што ќе го следиме надвор од Маврово и околината, како подрачје каде што досега имаме потврда дека се размножува рисот. Се надеваме дека оваа единка ќе ни даде интересни информации за неговото хранење и движење во Јасен“, изјави Диме Меловски од МЕД.

Тој додава дека рисот бил обележан од страна на тројца членови на тимот на МЕД со поддршка на еден ловочувар од „Јасен“ и двајца стажанти од Германија и Франција.

Обележувањето на овој рис е дел од сесија за поставување на фотозамки која покажала и присуство на уште една единка на рис како и присуство на лисици, куни, јазовци, елени, срни, диви кози, диви мачки, волци и мечки.

Активностите за воспоставување на мониторинг на рисот во „Јасен“ се спроведуваат во рамки на проектот „Подобрување на управувањето со заштитените подрачја“ во соработка со тимот на заштитеното подрачје, којшто е финансиски поддржан од Европската Унија, а спроведен од УНДП со поддршка на Министерството за животна средина.

Прикажи повеќе...

Македонија

(Видео) Oрганизаторите на настани протестираа пред Владата: Наместо да пуштаме гласна музика, една година сме тивки

Објавено пред

Под мотото „ПОМЕН – една година тишина“, со транспаренти во рацете “Спасете ја ивент индустријата”, вработените во продукциските компании за организирање настани се собраа пред Владата со поставени кутии за опрема и со едночасовен молк го изразија својот револт, бидејќи една година не се гласни и не си ја работат својата работа.

Велат тука се со порака дека без поддршка од државата, не ќе можат да опстанат и дека е можно над 20.000 луѓе од оваа индустрија да останат на улица .

Како што изјави Маја Бабиќ, претседател на Асоцијацијата на ивент индустријата (ИВАП) која го организира протестот, компаниите од оваа дејност бараат помош во неповратни грантови, како што добија ноќните клубови, за да може додека се затворени да опстанат бројните уметници, продуценти и останати работници кои ја опслужуваат оваа дејност.

“Проценките се дека падот на приходите во ивент индустријата се повеќе од 50 отсто, што значи дека во догледно време ќе значи дека ќе ставиме клуч на врата. Цела година не работиме и не сме препознаени од власта, односно препознаени сме на еден чуден начин. Треба да седнеме да разговараме веднаш за спас на ивент индустријата. Донесоа мерки кои не се разбирливи за нас, а ние треба да опстанеме. Преку 40 компании се загрижени, рентал фирми за опрема, видео и аудио продукции, компании за осветлување, бина, звучници и останати. Ние секогаш сме гласни во нашата работа, но, не сакаме овој пат да бидеме такви, сакаме на тивок начин да го решиме проблемот“, изјави Маја Бабиќ, од ИВАП.

Како што објасни таа, претставниците на оваа асоцијација разговарале со вицепремиерот за економски прашања Фатмир Битиќи уште во јануари и тогаш му понудиле решение за нивната индустрија но, иако добиле ветување, нивното барање не било земено предвид.

Се донеле мерки кои според нив ниту се соодветни, ниту разбирливи. Затоа бараат повторна средба со претставник од Владата за да најдат заедничко прифатливо решение за двете страни.

Прикажи повеќе...

Македонија

Љубчо Георгиевски: Плукачи колку сакаш, а никој нема храброст да ме покани на јавна дебата

Објавено пред

Лидерот на ВМРО-НП, Љубчо Георгиевски, деновиве се најде во центарот на вниманието на политичката јавност, поради неговиот план во пет чекори за решавање на спорот со Бугарија.

Неговиот предлог наиде на критики oд многу страни, па долгогодишниот политичар и поранешен премиер денеска повторно упати порака преку социјалните мрежи, барајќи можност своите ставови да ги презенира преку јавна дебата.

„Чудна работа плукачи колку сакаш! А досега ниту еден патриотски новинар или тандем на новинари не ме покани да ме распарчи во јавна дебата. А со задоволство би прифатил и доктор на науки по историја. Па еве ви кукавици отворена понуда за дуел“, напиша Георгиевски.

Чудна работа плукачи колку сакаш! А досега ниту еден патриотски новинар или тандем на новинари не ме покани да ме…

Posted by Ljubco Georgievski on Понеделник, 01 март 2021

Лидерот на ВМРО-НП викендов изнесе план во пет чекори за решавање на спорот со Бугарија.

Тој предложи Македонија да даде гаранции дека нема претензии кон Источна Македонија и нема да го помага македонското малцинство во Бугарија.

Понатаму, бугарскиот парламент во декларација да изјави дека под поимот македонска нација и македонски јазик подразбира само нација и јазик кои се формирани после 1944 година.

Како четврта точка, Георгиевски се залага за промена на стратегијата на историските комисии, а последно тој предлага македонската страна да ја даде под концесија железничката пруга на бугарските железници со пресметан екстра профит да ја доградат.

Прикажи повеќе...

Најново

Македонија49 минути

(Видео) Oрганизаторите на настани протестираа пред Владата: Наместо да пуштаме гласна музика, една година сме тивки

Под мотото „ПОМЕН – една година тишина“, со транспаренти во рацете “Спасете ја ивент индустријата”, вработените во продукциските компании за...

Македонија1 час

Од мај почнува реконструкцијата на Универзалната сала, идејното решение е донација од архитектот

Универзалната сала во Скопје ќе биде реконструирана во постојниот облик и габарит, задржувајќи го својот автентичен изглед со цел и...

Регион3 часа

Во Хрватска помалку од 100 новозаразени од коронавирус, од денес попуштање на мерките

Во последните 24 часа во Хрватска се регистрирани 91 нов случај на зараза со вирусот САРС-КоВ-2, а бројот на активни...

Македонија4 часа

Шекеринска: Можевме да не кажеме дека ни е вратен капарот за кинеската вакцина

Министерката за одбрана, Радмила Шекеринска, вели дека, доколку сакале, можеле да скријат дека кинеската компанија за производство на вакцини ни...

Европа4 часа

Германија ги попушта мерките, се отвораат фризерските салони

Фризерите во Германија од денес ги отвораат салоните по двомесечна забрана, што е уште еден претпазлив чекор кон отворање на...

Свет5 часа

„Модерна“ почнува да ја испитува вакцината против јужноафриканскиот вид коронавирус

Испитувањата на вакцината што ја разви лабораторијата на „Модерна“ против јужноафриканскиот вид ќе почнат во средината на март во САД,...

Топ6 часа

Во Струмичко растурена свадба со 300 гости, МВР подготвува кривични пријави

Струмичката полиција на 28 февруари добила дојава по што службеници извршиле контрола во селото Банско, каде што била организирана свадба,...

Свет6 часа

Нетанјаху: Иран е нашиот најголем непријател, јас сум решен да го запрам и ќе удриме во целиот регион

Премиерот на Израел, Бенјамин Нетанјаху, денес го обвини Иран дека стои зад експлозијата што се случи минатата недела во израелски...

Македонија7 часа

Почнува попишувањето на иселениците, дипломатите, затворениците и бездомниците

Од денеска почнува првата фаза на пописот, со која ќе бидат опфатени дијаспората, армијата, дипломатските претставништва, бездомниците и затворениците. Попишувањето...

Свет16 часа

(Видео) Израел повторно ја гранатира Сирија

Израел повторно ја гранатира Сирија, соопшти сириската државна агенција. Израел ги гранатира иранските позиции во близина на Дамаск. Како што...

Регион18 часа

Карантин за Подгорица и уште неколку градови во Црна Гора 

Комисијата за заштита на населението од Ковид-19 на предлог на Институтот за јавно здравје, денеска донесе нови мерки. Според нив,...

Македонија21 час

Пратеник направил скандал на Блаце: „Никаде не чекам ред, нема ни тука да чекам“

Пратеникот Абдула Салиу од Алијансата на Албанците, на враќање од Косово направил скандал на граничниот премин Блаце. Тој бил со...

Македонија22 часа

Повлечен e авансот за кинеските вакцини, од Министерството за здравство велат дека договорот не е откажан

Министерството за здравство потврди дека го повлекло авансот што беше уплатен за набавка на кинеските вакцини од „Синофарм“. Оттука сепак...

Македонија23 часа

Регистрирани 305 нови случаи на Ковид-19, починаа 11 лицa

Согласно податоците од Институтот за јавно здравје во последните 24 часа се направени 2.533 тестирања, а регистрирани се 305 нови...

Топ1 ден

Девојка загина во сообраќајна несреќа кај Пониква

Триесет и едногодишна девојка од селото Прибачево, Кочанско, загина во сообраќајна несреќа што се случи доцна синоќа на регионалниот пат Кочани-Пониква....

Македонија1 ден

Георгиевски објави план во пет чекори за решавање на спорот со Бугарија

Експремиерот и претседател на ВМРО-Народна, Љубчо Георгиевски, на социјалните мрежи објави акциски план за излез од, како што вели, ќориот-сокак...

Регион1 ден

Во Србија денеска ќе пристигнат уште 100.000 дози од руската вакцина

Вечерва 100.000 нови руски вакцини „Спутник В“ ќе пристигнат во Србија и тие ќе бидат пренесени од аеродромот „Никола Тесла“...

Свет1 ден

(Видео) Немири на улиците во Даблин поради карантинот

Стотици луѓе излегоа на улиците на Даблин, вчера, во знак на протест против мерките за затворање и избувна насилство. Полицијата...

Свет2 дена

(Видео) На Антарктикот се отцепи санта мраз поголема од Лондон

Санта мраз, поголема од Лондон, се отцепи од Антарктикот, на дваесетина километри од британската истражувачка опсерваторија на јужниот пол. Вкупната...

Македонија2 дена

Над 80.000 членови на СДСМ ќе гласаат за нов претседател, Заев е единствениот кандидат

Зоран Заев е кандидат за нов претседател на СДСМ, а над 80.000 членови со право на глас ќе можат да...

Досие