Македонија
Мијалков ниту следел, ниту слушал разговори, тврди неговиот адвокат

Сашо Мијалков ниту ги следел комуникациите, ниту ги слушал нелегално прислушуваните разговори во неговата канцеларија во УБК, вели адвокатот Миле Петровски во завршните зборови.
Тој во одбрана на ексдиректорот Мијалков кажа дека Обвинителството не успеало ниту со сведоците да потврди дека Мијалков со уснена или писмена наредба наложил да се прислушуваат броеви без судска наредба.
Адвокатот Петровски посочи: „Судот да го ослободи Сашо Мијалков од обвинението во целост. Тој не ги сторил дејствијата кои му се ставаат на товар“
„Во постапката не е изведен доказ дека Мијалков ги пречекорил своите овластувања и наложил прислушкување на граѓани. Со ниту еден од сведоците не се потврди, дека ниту писмено, ниту уснено, дека наложил на вработени да внесуваат телефонски броеви за кои нема налози од судови. Клучниот сведок, Ѕвонко Костовски не кажа дека Мијалков му наложил да прави нешто во системот. Дека Мијалков слушал од својата канцеларија и компјутер слушал разговори е само претпоставка бидејќи не се знае кога и колку разговори слушал. Со тоа уште еднаш се потврди дека со кажувањето на тој сведок, судот не може да му поклони верба. Мијалков на никому не дал налог за маркирање на броеви. Сведокот Костовски вешто манипулирал со податоците кои ги добивал, што е причина судот да не му даде верба“, рече адвокатот Петровски.
Тој како одбрана на Мијалков, посочи дека не може да се тврди ниту дека незаконски снимените разговори се генерирани од системите за прислушување во УБК.
„Со податоци добиени надвор од УБК се прикажува дека нелегалните разговори се снимени во УБК. Нема доказ дека и за тоа дека доказите се веродостојни бидејќи се преснимен материјал. Верушевски кажа дека податоците кои ги примил од Костовски самиот ги систематизирал и анализирал додека не бил лишен од слобода. Податоците во нив доживеале модификација и компромитирање. Сите податоци кои се користат како докази, не се ниту сигурен, ниту веродостоен доказ. Тој тврди дека не може да се тврди дека се генерирани преку системот за следење на комуникации од УБК. Факт е дека тој сведок предложен од обвинителот, кажа дека според него тие записи доаѓаат од надвор од границите од нашата држава и лица меѓу кои не е Сашо Мијалков. Неспорно е потврдено дека по налог на Мијалков не било овозможено снимање на електронските и други комуникации на граѓаните преку системите за следење комуникации на УБК. Не е потврдено дека наводно извлечените разговори во СЈО се од УБК“, додаде Петровски.
Петровски посочи дека и сведочењето на Зоран Верушевски говори за тоа дека снимената содржина е менувана и модифицирана, а таквите снимки не можат да се доказ. Тој даде осврт на сведочењето од Ѕвонко Костовски за кој кажа дека имал најголем мотив за снимање и следење на комуникациите.
„Нема доказ дека предадениот материјал во СЈО е содржина која не е менувана од никого. Потврдено е дека податоците кои се извлечени било можно да се менуваат од секого и во секое време. Бројот на следени комуникации е неточен. Исто како што е неточно дека тоа го правел Мијалков. Фактот што има телефонски броеви за кои СЈО тврди дека се следени без судски наредби и ги нема во ИПС-системот, односно дека маркирање не е вршено во системите на УБК, туку од системи кои не се во УБК. Фактите покажуваат дека е точно тврдењето на Верушевски дека тој што вршел следење на комуникациите од толку голем обем, не е меѓу обвинетите. Најмногу прислушкувани се тогашни функционери и министри, а тоа потврдува дека е нелогично дека прислушување се вршело преку системите за следење на комуникации, на кои е прислушуван и наводниот организатор на прислушувањето. Не е тешко да се заклучи дека следењето од толку голем обем не е можно преку тие системи“, рече Петровски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево и ветровито време со температура до 15 степени

Времето претплaдне ќе биде сончево со мала до умерена облачност, од пладне облачноста ќе се намали и преку денот времето ќе биде сончево и посвежо.
Ќе дува умерен, а вдолж Повардарието повремено засилен северен ветер. Минималната температура ќе биде во интервал од -2 до 5, а максималната ќе достигне од 9 до 15 степени.
Во Скопје, претпладне сончево со мала до умерена облачност, од пладне облачноста ќе се намали и ќе преовладува сончево време. Ќе дува умерен до засилен северен ветер. Минималната температура ќе се спушти до 2, а максималната ќе достигне до 13 степени.
Во следните денови ќе преовладува сончево време со мала до умерена локална облачност. Денеска и во понеделник ќе дува умерен, вдолж Повардарието повремено засилен северен ветер што ќе предизвика опаѓање на дневните температури за 7 до 10 степени. Утринските температури од понеделник на повеќе места ќе се спуштат под нулата, а дневните од среда ќе бидат во постепен пораст.
Македонија
Ангелов: Скандирањето „УЧК“ и каменувањето на полицајците не водат кон помирување

Скандирањето „УЧК“, „Етничка Албанија“, мавтањето со мапи на „Голема Албанија“ како и каменувањето на полицајците кои само си ја вршеа својата работа, за време на вчерашниот протест за Монструм, не одат во прилог на процесот на помирување за кој толку многу зборуваме и се залагаме, истакна директорот на Центарот за управување со кризи, Стојанче Ангелов.
Тој е дециден дека таквите појави треба да бидат цел на силна општествена осуда од сите значајни општествени фактори.
„Иако правото на протест е неприкосновено, сепак иритира фактот дека вчера се протестираше против судски пресуди со кои за виновни се прогласени убијци и помагачи на убијци на 5 лица од кои 4 деца. И сетоа тоа без трошка сочувство кон семејствата на убиените деца“, вели Ангелов.
Тој нагласи дека сето ова е штетно е за кревкиот процес на меѓуетничко помирување бидејки вистинското помирување е двонасочен процес во кој активно и внимателно треба да бидат вклучени двете страни.
Македонија
Владата нема конкретен датум за пристигнувањето на кинеската и руската вакцина

Министерот за здравство, Венко Филипче, изјави дека во следните неколку дена би можел точно да каже кога ќе пристигнат кинеските и руските вакцини во земјата.
„Не би сакал да шпекулирам“, рече министерот Филипче, пршан кога овие вакцини ќе ни бидат доставени.
Тој нагласи дека продолжуваат интензивните разговори со производителите.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Свет4 недели
Поради примање мито во Кина погубен поранешен државен функционер