Македонија
Наградени 32 првенци на генерација од 23 средни училишта во Скопје
На 32 матуранти – првенци на генерацијата 2016 – 2020 и 2017 – 2020 од 23 скопски средни училишта – денеска во Град Скопје им беа доделени специјални признанија и парични награди на традиционалната манифестација „Средба на првиот со најдобрите“, што се одржа во Куршумли ан.
„Годинава наградуваме 32 првенци на генерација од 23 средни училишта во Скопје. Да се биде првенец на генерацијата значи дека си на пат да ги реализираш своите соништа. Јас навистина посакувам вашите соништа да ги реализирате овде, а соништата за вашата иднина да бидат врзани за нашата земја. Затоа што сме земја во подем, затоа што сме град што се менува, зашто сме општество што се менува и многу дилеми што сте ги имале во текот на средношколските денови полека ќе почнеме заедно со вас да ги надминуваме. Вие во многу блиска иднина ќе бидете моторот на општеството, на градот и на државата, ќе бидете оние што ќе треба да ги менуваат работите. Многумина од вас ќе станат лекари, инженери, правници, економисти, а јас ви пожелувам да станете и останете, пред сè, луѓе. Само човек што има знаење и личен интегритет е човек што ги движи и менува работите“, им порача градоначалникот Шилегов на матурантите.
Матурантите добитници на годинешните награди и признанија се:
Ана Марија Атанасовска – СУГС Гимназија „Раде Јовчевски Корчагин“
Давид Стојкоски – СУГС Гимназија „Никола Карев“
Теодора Поповиќ – СУГС „Георги Димитров“
Коста Аризанов – СУГС „Георги Димитров“
Ивана Стојановска – СМУГС „Д-р Панче Караѓозов“
Стефан Митиќ – СУГС Гимназија „Орце Николов“
Лиле Стефановска – СУГС Гимназија „Јосип Броз Тито“
Анастасија Накова – СУГС „Димитар Влахов“
Кадире Бајрами – СУГС „Марија Кири Склодовска“
Ајсер Синани – СУГС „Марија Кири Склодовска“
Никола Иванчов – СЕТУГС „Михајло Пупин“
Јована Николоска – СЕТУГС „Михајло Пупин“
Лука Тасевски – СУГС Гимназија „Панче Арсовски“
Филип Николоски – АСУЦ „Боро Петрушевски“
Викторија Младеновска – АСУЦ „Боро Петрушевски“
Рина Османи – СГГУ ГС „Здравко Цветковски“
Исра Зеќири – СУГС „Зеф Љуш Марку“
Бисера Шегмановиќ – СЕПУГС „Васил Антевски Дрен“
Никола Јовановски – СУГС „Лазар Танев“
Викторија Филипова – СУГС „Лазар Танев“
Борјан Јовановски – СУГС „Лазар Танев“
Ердуан Дуроски – ЕМУЦ „8 Септември”“
Борче Данчевски – ЕМУЦ „8 Септември“
Емеле Мемиши – СЕПУГС „Арсени Јовков“
Љејла Биљаљи – СЕПУГС „Арсени Јовков“
Ангела Несторовска – СУГС „Кочо Рацин“
Александар Мишовски – СУГС „Владо Тасевски“
Аделиса Арифи – СУГС „Шаип Јусуф“
Атин Неџиповиќ – СУГС „Шаип Јусуф“
Арзије Исмаиловска – СУГС „Сарај“
Сара Идар – СУГС „Цветан Димов“
Александар Симоновски – СУГС „Браќа Миладиновци“
Традиционалната манифестација „Средба на првиот со најдобрите“ е под покровителство на градоначалникот Петре Шилегов и во организација на Дирекцијата за култура и уметност, а е поддржана од Делегацијата на Европската Унија во нашата земја. Преку неа Град Скопје секоја година го афирмира училишниот успех на првенците на генерација во средните училишта и на тој начин им оддава јавно признание за постигнатите резултати.
На денешното доделување на признанијата на матурантите првенци присуствуваше и евроамбасадорот Самуел Жбогар, кој им честита на учениците на постигнатиот успех, на нивните родители, но и на професорите што ги поддржале и помогнале да се надгради нивниот талент.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Здружението на судии загрижено за изјавите за Управниот суд: со нив се врши притисок врз судиите и судиското одлучуваљње
Здружението на судии во врска со реакцијата на Управниот суд на РСМ, ја искажува својата загриженост за изјавите на поединци со кои, како што се истакнува во соопштението, директно или индиректно се врши притисок врз судиите и судиското постапување и одлучување.
Како што велат, припадноста кон одредена политичка партија и можноста за идно владеење односно учество во извршната власт, не смее да се користи за коментирање, заканување или влијание врз судиското одлучување.
Оценуваат дека таквите изјави се штетни пред се за политичките субјекти кои ги пласираат во јавноста, а истовремено може да се разберат и како обид да се поткопа непристрасноста и интегритетот на судиите.
„Во однос на неоснованите обвинувања кои беа упатени на адреса на Претседателот на Управниот суд на РСМ, како Здружение на судии даваме целосна поддршка на колегите од именуваниот суд и напоменуваме дека секој избран судија е независен во своето одлучување и таа независност му е Уставно загарантирана. Па во тој правец и при најмал сомнеж за евентуален обид за притисок или влијание врз неговата работа, без разлика од кого доаѓа, е должен да ги извести надлежните судиски инстанци. Воедно, сите останати општествени чинители, а особено претставниците на политичките партии се должни да ја почитуваат загарантираната судиска независност што е во духот и на демократскиот развој и Европскиот просперитет на земјата“, потенцираат од ова здружение.
Македонија
Одбиена тужбата на „Европскиот фронт“ за избирачкото место во Долнени
Управниот суд ја одби како неоснована тужбата од Коалицијата „Европски фронт“ на решението на Државната изборна комисија (ДИК) за прифаќање на приговорот од Коалицијата „Твоја Македонија” за избирачкото место 1470 во Долнени на Парламентарните избори 2024.
„Европскиот фронт“ поднесе седум тужби против решенија на ДИК на Парламентарните избори 2024.
Досега Управниот суд ja одби како неоснована и тужбата за избирачкото место 1194, во Општина Крушево.
Македонија
Мицотакис со предупредување: Ако некои веруваат дека можат да го игнорираат Договорот, треба да разберат дека нивниот пат кон Европа ќе остане затворен
Грчкиот премиер Киријакос Мицотакис уште еднаш ја предупредува Македонија дека прекршувањето на Договорот од Преспа, со кој се реши долгогодишниот спор за името меѓу двата соседа, ќе ги загрози амбициите на балканската земја за членство во ЕУ, пишува грчки „Катимерини“
Говорејќи од градот Верија во северна Грција за време на неговата кампања пред изборите за Европскиот парламент во јуни, Мицотакис изјави дека трите меморандуми за разбирање поврзани со договорот од 2018 година нема да бидат ратификувани од Парламентот се додека новото раководство во Скопје продолжи со прекршување на договорот.
„Ако некои веруваат дека можат да го игнорираат договорот, треба да разберат дека нивниот пат кон Европа ќе остане затворен, а меморандумите нема да бидат ратификувани освен ако не се почитува она што го предвидува договорот“, рече тој.