Контакт

Македонија

Намалувањето на 1.260 функционерски плати нема да им ги зголеми платите на 135.000 административци, за Битиќи – тоа е погрешна слика

Објавено пред

Работната група сè уште нема предлог како да се намалат функционерските плати, но вицепремиерот за економски прашања, Фатмир Битиќи, вели дека во јавноста се создава погрешна слика дека намалувањето на функционерските плати ќе им ги зголеми платите на другите. Вицепремиерот Битиќи објасни дека намалувањето кај функционерите, кои со одлука од март годинава добиваат 78 % повисоки плати, нема да биде доволно за покачување на платите на административците.

dobivaj vesti na viber

„Реално, создадена е погрешна слика. Намалувањето на платите не значи покачување на платите за другите бидејќи нивото на евентуалното намалување кај 1.260 избрани и именувани лица не е доволно за 135.000 вработени во јавниот сектор. Тоа може да биде игра што сегашната опозиција сака да ја прави, но фактички е лажно ветување како што сме се навикнале и во минатото да гледаме од актуелната опозиција кога беше на власт“, рече вицепремиерот Битиќи.

На кој начин ќе се намалат, сè уште не е извесно, но Битиќи вели дека е веќе извесно оти функционерските плати нема да бидат зголемени во март в година.
Нагласи дека усогласувањето седум закони за да се намалат функционерските плати воопшто не е лесен модел, но најави дека работната група набргу ќе ги изготви предлозите и ќе ги достави до Владата.

„Работната група сè уште се обидува да ги хармонизира предлозите со сите засегнати страни затоа што, како што сме укажале, намалувањето или интервенциите кај платите на избрани и именувани лица се прави преку 7 законски решенија. Моето очекување е дека набргу ќе дојдеме со предлог до Владата, па потоа останува Владата соодветно да ги одобри предлозите или да ги одбие“, вели вицепремиерот Битиќи.

Тој очекува предлогот што ќе го достави Владата веднаш да биде изгласан во Собранието оти се работи за закон од општествен интерес.

Премиерот Димитар Ковачевски неколкупати досега рече дека пари за зголемените плати на функционерите во буџетот за 2024 година не се предвидени.

Нешто повеќе од еден месец останува за изготвување и за гласање на предлогот во Собранието за намалување на функционерските плати.

Македонија

Апасиев и Ванковска ја поднесоа иницијативата за собирање потписи до ДИК

Објавено пред

Денес, претседателот на Левица, Димитар Апасиев и Билјана Ванковска и официјално ја поднесоа Иницијативата за собирање потписи за кандидатура за Претседателските избори 2024 година до ДИК.

dobivaj vesti na viber

Рокот за собирање потписи започнува во петок (23-ти февруари) и завршува на 8-ми март (петок).

„Поддршката за кандидатурата на Ванковска е одговор на новите историски текови за Македонија, кои се наметнуваат како излез од безалтернативноста во кои е заглавена Републиката од страна на партиите на естаблишментот.

Преку Левица, не само што народот ја изразува својата волја, туку и вистински учествува во демократскиот процес преку реална народна партиципативност. Ги повикуваме сите мотивирани, свесни и неуценети граѓани да ни се придружат во борбата“, велат од Левица.

Прикажи повеќе...

Македонија

Џафери-Дир: Украина секогаш може да гледа во Северна Македонија пријател, партнер и поддржувач

Објавено пред

Премиерот Талат Џафери денеска се сретна со амбасадорката на Украина во Република Северна Македонија, Лариса Дир.

dobivaj vesti na viber

На состанокот беше изразена постојаната силна поддршка која Северна Македонија ја покажува кон Украина, во услови на тешки моменти за украинскиот народ, кој веќе две години храбро се бори за својата слобода.

Џафери нагласи дека, Република Северна Македонија и нејзините граѓани, стојат цврсто покрај Украина и ќе продолжат да го прават тоа сѐ додека е потребно, во нејзината борба за суверенитетот и територијалниот интегритет на Украина.

Украина ја има поддршката и за интеграциските аспирации во демократските сојузи на држави, и во таа насока, Северна Македонија ја поздравува одлуката на Европскиот Совет да отвори пристапни преговори со неа. Воедно, премиерот Џафери нагласи дека, освен формирањето на Советот НАТО-Украина, како членка сојузничка, Северна Македонија е дел од пакетот на проширена политичка и практична поддршка на Украина, продолжувајќи со поддршката на политиката на отворени врати на НАТО.

Џафери потврди дека Владата стои на располагање за споделување искуства во делот на понатамошната интеграција на Украина во меѓународните демократски сојузи.

Амбасадорката Дир му честиташе на премиерот за стапувањето на функцијата и изрази надеж дека ќе продолжи да манифестира иста силна поддршка кон Украина и на новата функција. Амбасадорката се заблагодари за сета досегашна помош дадена од Република Северна Македонија на Украина, како и на изнесената подготвеност за продолжување на истата, при што нагласи дека Украина тоа високо го цени и нема никогаш да го заборави. Дир ја поздрави подготвеноста на Северна Македонија за споделување искуства и знаења во евро-атлантските интеграциски процеси со Украина.

Прикажи повеќе...

Македонија

Граѓаните се затворени во државата, апелирам на разум кај пратениците на СДСМ и ДУИ, порача Милошоски

Објавено пред

Пратеникот на ВМРО-ДПМНЕ, Антонијо Милошоски, со апел до парламентарното мнозинство да не ја одолговлекува темата за измена и дополнување на пасошите.

dobivaj vesti na viber

Потсети дека на 12-ти февруари неговата пратеничка група има поднесено Предлог на Закон за измена на важењето на патните исправи со Република Македонија кои што се валидни и се бара смена само на еден датум. Датумот 12.02.2024 година да се замени со датумот 31.12.2024 година.

„Овој хаос кој што е создаден со пасошите намерно или случајно од претходниот министер Оливер Спасовски станува преголем товар за граѓаните, чии што слободи и права за движење се драстично повредени, но исто така се повредени и нивните потреби за посета во странство, лекување, образование, семејни обврски и слично.

650 илјади граѓани на Република Македонија се затворени во Република Македонија, без право да излезат од државата со што се прекршува членот 27 од Уставот на Република Македонија кој што гарантира слободно излегување од Република Македонија и се прекршува Европската конвенција за човекови права и слободи, членот 2 кој што ја дава истата гаранција. Овие правни акти се со повисока правна важност од Законот кој што бараме да се смени“, вели пратеникот на ВМРО-ДПМНЕ.

Апелира на разум до пратениците од СДСМ и ДУИ, овој проблем кој што го креираа и секој ден станува се поголем, како што вели, да бидат човечни, да се надмине „со една мала, но многу битна измена на Законот за пасоши исто како што го направивме со возачките дозволи и им го олеснивме животот на граѓаните кој што претходно беше загрозен со некои несовесни законски решенија“.

„Она што ни е кажано од Собранието е дека овој Предлог закон поднесен од ВМРО-ДПМНЕ пред 10 дена се уште е на превод, но навистина сме зачудени што има толку да се преведува во преведувањето на датумите. Ние бараме датумот 12.02.2024 година да биде заменет со датумот 31.12.2024 година. Се гледа дека и сегашниот Претседател на Собранието не одлучува сам,
веројатно во негово име одлучуваат Талат Џафери и Бујар Османи кои што се против решавање на овој проблем кој што го имаат граѓаните.
Затоа, апелирам и преку Вас медиумите, ова законско решение што побрзо да се најде на собраниска седница, имаме Барање за итна седница, има закажано седница на 28-ми февруари, кога и да сметаат дека е згодно, но што е можно побрзо, да го решиме овој секојдневно растечки проблем“, порача Милошоски.

Прикажи повеќе...

Најново

Македонија54 минути

Цените за катастарските услуги удрија по џебот на граѓаните: поскапувањето не е за 300, туку за 90 отсто

Според претседателот на Комората на трговски друштва за геодетски работи, Никола Рибароски најновите поскапувања на тарифниците на Агенцијата за катастар...

Македонија1 час

Вкупно 56 потврдени случаи на голема кашлица, во следните недели се очекува зголемен број кај повозрасните

По денешниот редовен состанок на Комисијата за заразни болести, претседателот Александар Петличковски кажа дека состојбата со големата кашлица е под...

Македонија2 часа

Ковачевски се извини: Ги прифаќам сите реакции, не сакам да дојде време да се случува она што се случуваше до 2016

Лидерот на СДСМ, Димитар Ковачевски, присуствуваше на почетокот на градежните работи на објектот Универзална сала, каде повторно им се извини...

Македонија4 часа

„Мицкоски опкружен со луѓе поврзани со скандали со дрога“, велат СДСМ

„Мицкоски постојано е опкружен со луѓе поврзани со скандали со дрога. Пред неколку месеци претседателот на ДПМНЕ Христијан Мицкоски и...

Македонија5 часа

„И во последните денови од владеењето власта е брутална, сега си играат со судбината на Леонид“, вели ВМРО-ДПМНЕ

„Со СДС и ДУИ секојдневно тоне се, а цената дури и на последните денови од нивното владеење е висока, чини...

Свет6 часа

Кина остро ги критикува САД поради ставеното вето на резолуцијата за прекин на огнот во Газа

Кина остро ги критикуваше САД дека ставија вето на резолуцијата на Советот за безбедност на ОН со која се бара...

Европа7 часа

Западните лидери го обвинија Путин за смртта на Навални, Трамп не: „Можеше да остане настрана“

Поранешниот американски претседател Доналд Трамп вчера изјави дека Алексеј Навални бил многу храбар човек кој веројатно не требало да се...

Свет7 часа

Ники Хејли: Трамп е премногу стар

Кандидатката за републиканска номинација Ники Хејли вети дека ќе ја продолжи својата претседателска кампања, велејќи дека нема намера да се...

Регион7 часа

(Видео) Протест во Албанија, фрлени „молотови коктели“ врз зградата на владата: „Го рушиме режимот на Рама“

Демонстрантите од опозицијата вчера фрлаа молотови коктели и камења врз зградата на албанската влада, обвинувајќи ги владините претставници за вмешаност...

Европа17 часа

Лукашенко: Десетици илјади војници на НАТО се распоредени во близина на Белорусија и Русија

Претседателот на Белорусија, Александар Лукашенко, изјави дека загриженоста за можниот почеток на Третата светска војна е целосно оправдана, пренесува руската...

Македонија18 часа

ЗНАМ в четврток ќе избере лидер на партијата и кандидат за претседател на Македонија

Партијата Движење ЗНАМ-За наша Македонија на денешната прес конференција го најави првиот Конгрес, што ќе се одржи на 22 февруари...

Македонија19 часа

„Леонид не е на лекување во странство, туку на рехабилитација, затоа се одби барањето“, велат од ФЗО

„Барањето на осигуреното лице Б.И. од Скопје, за неговото дете Л.И. за упатување на лекување во странство се одби како...

Топ21 час

Скопјанка почина на паркинг во Кисела Вода, телото е дадено на обдукција

Вчера околу 11.30 часот во СВР Скопје било пријавено дека на паркинг на подрачје на Кисела Вода во Скопје починала...

Македонија23 часа

(Видео) Поради ставот „да прооди, да прозборува, па ќе го вакцинираме“, ни се заканува и епидемија на морбили

Лекарите се едногласни во ставот дека одлагањето на вакцините е причина за сегашната епидемија на голема кашлица и предупредуваат дека...

Економија23 часа

На четиричлено семејство му се потребни приближно 1.000 евра за да го преживее февруари

Минималните трошоци на едно семејство во февруари изнесуваат 57.476 денари, што претставува зголемување од 313 денари во однос на јануари, покажуваат...

Македонија24 часа

Бојмацалиев: Стигнати се 20.000 обрасци за пасошите, до крајот на месецот се очекува поголема пратка

Во Министерството за внатрешни работи стигнати се 20.000 обрасци, а до крајот на месецот се очекува да стигне дополнителна поголема...

Македонија1 ден

Ахмети нема да прифати да биде претседател на држава, не му е приоритет да се натпреварува за било која функција, вели Џафери

Ахмети има мисија а не е претендент за функција, истакна техничкиот премиер Талат Џафери одговарајќи на новинарско прашање за можноста,...

Македонија1 ден

Убиен млад Македонец во Германија: го претепале до смрт со пивско шише

32-годишен маж од Македонија е убиен во германскиот град Есен, а како што пренесуваат локалните медиуми, младиот Македонец бил претепан...

Свет1 ден

Ким Џонг-ун доби подарок автомобил од Путин

Севернокорејскиот лидер Ким Џонг-ун доби подарок автомобил од рускиот претседател Владимир Путин „за лична употреба“, објавија државните медиуми, што претставува...

Македонија1 ден

Власта во заминување во очај и паника дава 46 милиони евра на омилената фирма „Марковски“, ЈО веднаш да отвори истрага, велат од ВМРО-ДПМНЕ

„46 милиони евра одат во џебот на фирмата ‘Марковски’ за ископ на јаглен во РЕК ‘Битола’, која важи за блиска...