„Вечери на женски права“ е настан кој од 2010 година традиционално се организира на различни локации во Скопје и нуди алтернатива за прославувањето на Меѓународниот ден на жената – 8ми Март.

Преку уметност, филм и музика, „Вечерите“ поттикнуваат жените и мажите да размислуваат критички за родовата нееднаквост и да оддадат почит на досегашните достигнувања. Оваа година, „Вечерите“ се организираат под глобалната тема за одбележување на 8 Март: „Жени во лидерство: остварување еднаква иднина во свет на ковид-19“.

12-тото издание на „Вечерите на женски права“ ќе се одржи од 6 до 8 март 2021 во Младинскиот културен центар – МКЦ, Културно информативниот центар – КИЦ и на VOD платформата Cinesquare, како и на крајот на мај во Кинотеката на С. Македонија.

Овогодинешното издание на „Вечерите на женски права“ е организирано од страна на Институтот за човекови права и Авард филм и видео, со поддршка на Град Скопје и канцеларијата на UN Women во Скопје.

Коалицијата Алтернатива – Алијанса на Албанците ја обвини Владата дека е неспособна да им обезбеди вакцини на граѓаните.

„Деновиве, кога сите земји во регионот продолжуваат да ги имунизираат граѓаните со вакцини против Ковид-19 и кои се гордеат со конкретни бројки за вакцинирање по глава на жител, Владата на Република Северна Македонија не успева, по сите обиди, да обезбеди вакцини. Сите сме сведоци дека на овој мозаик на неуспеси му беше додаден и неспособноста да се обезбеди кинеската вакцина. Звучи изненадувачки, но земји како Црна Гора и Унгарија, успеаја да ги набават планираните вакцини од контингентот на овие вакцини, додека граѓаните на Северна Македонија уште еднаш слушнаа само празни зборови и ветувања“, велат од Коалицијата.

Ова бесконечно пролонгирање на имунизацијата на населението, додаваат од таму, покрај тоа што директно ги загрозува животите на граѓаните, сега кога се појавува и третиот бран на пандемијата, исто така крајно ги намалува надежите за постепено отворање на нашата држава и домашната економија.

Од Коалицијата велат дека театарот со гласање на доверба на Владата во Собрание не ги покрива загубите на десетици животи на граѓаните..

Засега нема потреба од нови рестриктивни мерки, но не ја исклучувам можноста за тоа, изјави министерот за здравство, Венко Филипче.

Тој рече дека се анализираат зголемените бројки во текот на оваа недела и согласно тоа од понеделник здравствените власти ќе го кажат својот став дали ќе има нови мерки или не.

„Ги следиме бројките и на почетокот на следната недела ќе излеземе со став. Засега во ниеден град не се исполнети условите да треба да има ограничување на движењето“, рече Филипче.

Тој додаде дека над 70 отсто од новите случаи се заболени со британскиот вид на коронавирусот. Исто така, информира дека болничките капацитети не се загрозени и дека има доволно болнички кревети за прием на пациенти со Ковид-19.