Македонија
Неловски: УМС не ги организира протестите на „За заедничка Македонија”

Претседателот на градскиот комитет на ВМРО-ДПМНЕ, Владимир Неловски, посочи дека на протестите на „За заедничка Македонија“ имало и членови на Унијата на млади сили на ВМРО-ДПМНЕ сведочејќи на рочиштето за организаторите на „27 април“.
Според Неловски, учеството на членови на тие и другите протести организирани во тој период е нормално, исто како што членови на СДСМ биле на протестите на шарената револуција.
„Во тој период додека бев претседател на Унијата на млади сили, имаше разни протести. Од нашата Унија имаше членови што присуствуваа на протестите не само на оние од ‘За заедничка Македонија’, нашата партија е демократска, тоа е нормлано. Ние сме демократска земја, можевме да видиме дека и на шарената револуција членови на СДСМ и јавни личности, така и симпатизери на ВМРО-ДПМНЕ, маршираа на протестите на ‘За заедничка Македонија’“, рече Неловски.
Според него, Извршниот комитет на ВМРО-ДПМНЕ немал донесено одлука да се организираат протести.
„Нема одлука од Извршниот комитет за организирање протести. Дека се разговарало за случувањата – да, за самите протести на ‘За заедничка Македонија’, но нема одлука за организирање. Не сум запознаен, односно ниту Јанакиески ниту Ристовски не ме контактирал, ниту разговарал со мене за протестите“, рече Неловски.
„Да сме разговарале за спорт и фудбал – да, а за да разговараме за ова, потребни се одлука на Извршниот комитет на Унијата на млади сили и записник“, одговори Неловски запрашан дали Унијата на млади сили добивала насоки поврзани со протестите од Јанакиески и Ристовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
И утре променливо облачно со дожд и снег

Времето утре претпладне ќе биде прoменливо облачно, попладне почнувајќи од запад со врнежи од дожд, на планините од снег. Во вечерните и ноќните часови врнежите ќе се прошират насекаде и ќе се интензивираат, особено во западните делови (над 25л/м2) каде на места ќе бидат поројни и проследени со повремено силен југозападен ветер.
На планините снежната покривка значително ќе се зголеми, а поради ветерот ќе има услови за појава на снежни наноси. Минималната температура ќе биде во интервал од 2 до 8, а максималната ќе достигне од 7 до 14 степени.
Во Скопје ќе биде прoменливо облачно, кон крајот на денот и во текот на ноќта со врнежи од дожд кои повремено ќе бидат со умерен интензитет. Ќе дува умерен до засилен ветер од југоисточен правец. Минималната температура ќе се спушти до 3, а максималната ќе достигне до 10 степени.
Во понеделник во текот на денот ќе преовладува сончево време со умерена облачност и со умерен до засилен југозападен ветер. Кон крајот на денот и во текот на ноќта ќе има врнежи од дожд, на планините од снег, пообилни во западните делови. Поради продор на студена воздушна маса врнежите ќе преминат во снег и на некои од повисоките места. Снежната покривка дополнително ќе се зголеми, а поради засилениот ветер ќе има услови за појава на снежни наноси. Во вторник и среда ќе преовладува студено време со засилен северозападен ветер и со повремени врнежи претежно од снег.
Македонија
На инфективните одделенија во земјава се лекуваат 584 пациенти

Во изминатите 24 часа во ковид центрите во болниците низ земјава е пријавено дека се лекуваат вкупно 584 пациенти позитивни и суспектен на коронвирусот.
По извештаите на болниците кои пристигнуваат во Министерството за здравство на дневна основа, во инфективните оддели во главниот град се лекуваат вкупно 310 пациенти позитивни и суспектен на коронвирусот. Во болницата во Битола се хоспитализирани 32 пациенти позитивни и суспектни на КОВИД-19. Во болницата во Штип се хоспитализирани 28 пациенти. На инфективното одделение во Тетово има 15 пациенти, во Велес се лекуваат 20 болни, а во Куманово 45 пациенти позитивни и суспектни на КОВИД 19. Во ковид центарот во Охрид има хоспитализирано 40 пациенти, во Прилеп 29 во ковид центарот во Гостивар 17, а во Струга 16 болни. Во болницата во Струмица хоспитализирани се 21 пациенти, во Кочани 1 во Кичево 15, Кавадарци 17, во Гевгелија 3 лица, а во Дебар 11 позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти.
Во главниот град и во болниците низ земјава има околу 590 празни болнички кревети. Во тек на денот се прават и исписи на оздравени пациенти со што ќе се ослободат дополнителни легла.
Инаку, сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени.
Македонија
Полицијата приведе 50 илегалци кои работеле како градежници кај Стара железничка

Полицијата откри 50 градежници, странци без регулиран престој, на градилиштето зад „Рамстор“ кај Стара железничка во Скопје. Сите педесетмина се приведени.
„Денеска во Скопје, полициски службеници од Регионалниот центар за гранични работи Север при БЈБ – МВР спроведоа контрола на градежни објекти на странска фирма помеѓу булеварот ’Кирил и Методиј’ и улицата ’Јордан Мијаклов’ поради сомнение дека повеќе странски државјани непријавени работат на објектите и незаконски престојуваат во Република Северна Македонија. Притоа, на објектите биле затекнати околу 50 странски државјани кои немаат регулиран престој и кои работат непријавени. Тие биле приведени и по целосно документирање на случајот ќе бидат поднесени соодветни пријави“, велат до МВР.
Нагласуваат дека ова се првичните информации, а на случајот сѐ уште се работи. Од МВР не прецизираат во која градежна компанија работеле градежниците и велат дека сѐ уште се работи на утврдување на деталите.
Најголемото градилиште во овој дел на Скопје е на турската компанија „Лимак“ која се претставува како една од најголемите градежни компании во светот, а кај Стара желеничка треба да изгради подземна сообраќајница и голем станбено – деловен комплекс со четири дваесеткатници.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот