Во Основниот суд во Струга продолжи расправата во судскиот процес против тројцата струшки лекари, гинекологот Мухамед Асани, неговиот син, доктор Блертон Асани, и доктор Лилјана Јованоска, кои на пациентката Јилидиз Веапоска од Дебар при породување ѝ извадија матка, јајчник и бубрег. Имаше вкрстено испрашување на вештакот, професор доктор Драге Дабески, кој на барање на обвинетите го изработи вештиот наод за отстранувањето на матката, јајчникот и бубрегот по породувањето со царски рез на Јилдз Веапоска од Дебар.
Македонија
Нема вина кај лекарите за случајот на Веапоска според вештачењето побарано од одбраната на обвинетите
![](https://makfax.com.mk/wp-content/uploads/2023/03/jlldiz-veaposka-750x430-1.jpg)
Според вештакот, обвинетите лекари не направиле пропуст при лекувањето на родилката, туку спасиле млад живот.
Тоа вештачење е спротивно на првото изработено од Судска медицина и бранителот на оштетената не го признава.
„Вештачењето на Судска медицина укажува дека се пропуштени многу работи при операцијата и речиси е невозможно поинаку да размислуваме. Обвинетите ќе мора да одговараат за дејствата што ги презеле, односно што не ги презеле. Верувам дека и судот е заинтересиран да се утврди правата вистина во поглед на тоа како е возможно бремена жена да влезе здрава права во операциона сала, а потоа да излезе без три органи. Тоа е мистерија“, изјави по рочиштето адвокатот на Веапоска, Сашо Јанев.
Оштетената Веапоска, пак, прашѓува како лекарите во болницата во Струга ѝ го спасиле животот кога во кома била пренесена на скопските клиники, каде што подлежела на нов хирушки зафат.
„Вештакот појаснува дека обвинетите доктори ми го спасиле животот со тоа што ги извадиле моите органи и ме направиле половина човек, но како ми го спасиле животот кога мене ме пратиле во Скопје и повоторно сум била принудена да влезам во операциона сала да се прави ревизија на скопските клиники. Мојата битка траеше 14 дена во кома. Потоа не знам како застанав на нозе, но јас за мојот живот што ми го спасиле сум им благодарна на докторите на Клиниката во Скопје и на докторот Скендер Саиди. Овие доктори овде не ми го спасија животот, овие доктори ми го упропастија животот, ме направија инвaлид, не можам повеќе да раѓам и не можам повеќе да имам деца“, изјави Веапоска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.