Контакт

Македонија

(Видео) Николовски: СДСМ води во Скопје и уште во најмалку 25 општини

Објавено пред

СДСМ победува во Скопје и води во првиот круг од локалните избори, изјави Љупчо Николовски, генерален секретар на партијата и шеф на централниот изборен штаб.

„Петре Шилегов ќе биде новиот градоначалник бидејќи води уште во првиот круг пред Данела Арсовска“, рече тој.

Тој нагласи дека во најмалку 25 општини води коалицијата предводена од СДСМ, меѓу кои Струмица, Крива Паланка, Делчево, Крушево, Ресен, Дојран, Берово, Богданци, Кочани, Карпош, Центар, Пробиштип…

Водство, според Николовски, СДСМ има и во Маврово, Македонска Каменица, Чашка, Росоман, Ново Село, Лозово и на ниво на Град Скопје.

„Тоа што ВМРО-ДПМНЕ нерационално се обидува да конструира е лажна еуфорија е порака за политичката неукост на Мицкоски. Ова не е арена за навивање, ова е натпревар за подобар живот на народот во секоја општина. Локалните избори секогаш имаат втор круг. Затоа, кочи Мицко. Граѓаните знаат, СДСМ го има најголемиот коалиционен капацитет на политичката сцена“, рече Николовски.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Мицкоски: Разочаран сум што власта донесувањето на телата на 45 починати ја проследија како некаков спектакл

Објавено пред

Добив многу пораки на згрозување од страна на граѓани кои со неверување ја проследија најавата од официјални лица од владата, небаре станува збор за некаков спектакл. Навистина сум разочаран од тоа што велеа дека ја слушнале пораката од граѓаните, но тие се уште се во политичката кал, рече лидерот на ВМРО-ДПМНЕ, Христијан Мицкоски при денешната посета на Прилеп коментирајќи го пристигнувањето на телата на жртвите од несреќата во Бугарија.

Според него не требало да се дозволи тоа, ниту луѓето кои се виновни што не се почитуваат правилата, се уште да одлучуваат.

„Прашањето е како дозволивме како општество, држава покрај тоа што ни се случи во модуларната болница во Тетово и 14 луѓе живи да горат, а сега да се случи ова во катастрофа да загинат 45 лица и како е дозволено толку пати да ја мине границата тој автобус, и како некој толерира да нема ниту морална одговорност. Затоа се потребни нови луѓе кои ќе го напуштат принципот на неказнивост, туку и ќе го засилат“, кажа Мицкоски.

Зачуден сум, додаде тој, што на овој настан му се даде димензија каква што не треба и што тие луѓе се таму каде што се и одлучуваат, наместо да заминат од власта и функциите, додаде тој.

Прикажи повеќе...

Македонија

Од 10 декември почнува украсувањето на Скопје за Нова година

Објавено пред

Од Град Скопје соопштија дека новогодишното украсување на Скопје ќе почне на 10 декември.

„На повикот на градоначалничката на Скопје, Данела Арсовска, до компаниите да покажат општествена одговорност за време на здравствено-економска и енергетска криза, се јавија компании заинтересирани да помогнат“, истакнуваат од оваа институција.

Ова е време кога, како што додаваат од таму, работите треба да се менуваат.

„Ова е време кога треба да покажеме дека заедно можеме повеќе за нашиот град. На мојот повик се јавија компании кои ја покажаа својата општествена одговорност, а една од нив најави дека ќе го украси градот Скопје за Нова година без финансиски импликации по градот“, изјави градоначалничката Арсовска по средбата со компанијата „Линк медиа“.

Од компанијата најавиле дека со украсување ќе почнат на 10 декември.

„Град Скопје и ‘Линк медиа’ спогодбено го раскинаа договорот за новогодишно украсување на Скопје, што беше склучен во месец октомври оваа година“, потенцираат во соопштението од Град Скопје.

Прикажи повеќе...

Македонија

Продлабочување на меѓународна соработка помеѓу земјите од регионот и пошироко, за сузбивање на тероризмот

Објавено пред

„Насилниот екстремизам претставува најексплоатираната база за терористичко делување. Затоа од огромна важност е воочување на потребите и причините што можат да доведат до оваа појава, бидејќи ваквите состојби претставуваат закана за просперитетот, владеењето на правото, развојот на модерното општество и севкупната регионална стабилност. Предизвиците со коишто Министерството за внатрешни работи се соочува, во насока на сузбивање на транснационалниот организиран криминал, од година во година стануваат сè покомплексни и наложуваат продлабочување на меѓународна соработка помеѓу земјите од регионот, но и пошироко, особено во делот на меѓународната правна помош“, ова го истакна министерот за внатрешни работи, Оливер Спасовски, во своето видеообраќање на денешната меѓународна конференција на тема „Сеопфатен пристап во борбата против транснационалниот тероризам: глобални предизвици и одговори на тероризмот“, којашто ја организираше Американскиот универзитет на Европа – ФОН, заедно со Корот на карабинерите, како дел од активностите за имплементација на твининг-проектот на Европската Унија, којшто се однесува на зајакнување на капацитетите за координација во спречувањето на насилниот екстремизам и борбата против тероризам.

Целта на твининг-проектот е зајакнување на ефикасноста и ефективноста на националните органи за гранична контрола, управување со миграциските текови, борба против тероризмот и организираниот криминал, а негов специфичен фокус е зајакнување на техничките и административни капацитети за откривање, истрага и спречување  тероризам.

„Потребен е сеопфатен пристап за борба против терористичките напади. Мораме да го прекинеме циклусот со рано откривање на потенцијалните закани со тоа што ќе знаеме какви активности да преземеме за да се бориме против споменатите напади и ќе сфатиме дека сите ние имаме голем удел во борбата против тероризмот“, истакна во своето обраќање Паоло Воленте, претставник од Корот на карабинерите.

Зборувајќи на темата „Интелигенција со отворен код“ Франческо Ди Џузепе од Корот на карабинерите истакна дека интернетот стана главниот систем кој криминалците и тероризмот го користитат за комуникација и пренесување информации, како и материјална поддршка за планирани терористички акти, од кои сите бараат специфични технички знаења за ефективна истрага за овие дела. Во овој контекст, според Џузепе исклучително се важни подготовките на работната средина (оперативен систем,
иртуелни машини, виртуелни приватни мрежи, прелистувачи итн.), и главните алатки и процедури за враќање на добиените податоци.

Генералниот директор на АЕУ – ФОН, Сефер Цаноски, на почетокот на конференцијата изрази жалење за загинатите сограѓани во сообраќајната несреќа во Република Бугарија, при што заедно со останатите присутни изразија почит кон настраданите со едноминутно молчење.

„Теодор Рузвел рекол – направете што можете, со она што го имате, каде што се. Во овие тешки времиња на пандемијата и во овој свет на брзи промени во кој денеска живееме, ние универзитетите имаме обврска да ја задржиме не само вековната улога која ја имаме да креираме и да пренесуваме знаење, туку и да ги подготвиме нашата професорска, студентска и општествена заедница за новите предизвици кои ги носи денешното време на дигитализација и глобализација. Да одиме напред базирани на најдобриот учител – науката. Научните собири на универзитетите биле и ќе останат најдобрите места за тоа“, истакна во своето обраќање Цаноски.

Ректорот на Американскиот универзитет на Европа – ФОН, Мирко Трипуноски, потенцираше дека Универзитетот со денешната конференција дава конкретен придонес во развојот на капацитетите на националните безбедносни служби и вештините за борба против организиран криминал и тероризам, како и во развојот и примената на алатките кои се неопходни за решавање на меѓународните безбедносни предизвици под покровителство и во соработка со ОН, НАТО, ЕУ и ОБСЕ.

Конференцијата на тема „Сеопфатен пристап во борбата против транснационалниот тероризам: глобални предизвици и одговори на тероризмот“, Американскиот универзитет на Европа – ФОН ја реализираше заедно со Корот на карабинери од Република Италија, која претставува модерна национална полициска сила со воен статус во постојан сервис на јавната безбедност, а со финансиска поддршка од Европската Унија.

На конференција која се одвиваше на хибриден начин, со физичко присуство и онлајн заради ковид-протоколите кои ги наметна пандемијата, учествуваа околу триесетина учесници, од седум држави и девет државни и приватни универзитети, пред сè истражувачи и експерти во референтните области од Италија, Грција, Шпанија, Бугарија, Хрватска, Србија, од нашата земја и се разбира од АУЕ ФОН Универзитетот, кој има долгогодишно академско искуство во адресирањето на сите најсуштински проблеми во областа, стекнато низ наставните и научни активности до повеќе факултети.

 

Прикажи повеќе...

Најново

Македонија1 час

342 нови случаи на Ковид-19 и седум починати за 24 часа

Министерството за здравство информира дека во последните 24 часа направени се 2.349 тестирања, а регистрирани се 342 нови случаи на...

Македонија2 часа

Димитров: Токму европската интеграција е процес во кој гледам шанса за обединување

Заменик претседателот на Владата задолжен за европски прашања Никола Димитров како член на Националниот совет за европски интеграции при Собранието,...

Македонија2 часа

Јован Деспотовски поднесе кандидатура за претседател на СДСМ

Денеска во седиштето на СДСМ, кандидатура за внатрепартиските непосредни избори поднесе Јован Деспотовски, информираат од владејачкиот СДСМ. „До Централната изборна...

Македонија4 часа

(Видео) Со највисоки државни почести преземени телата на загинатите – семејствата во тага и неверување

Со највисоки државни почести беа преземени телата на 45 македонски државјани кои трагично го загубија својот живот во автобуската несреќа...

Македонија4 часа

(Видео) Пристигнаа останките од трагично загинатите во автобуската несреќа

На Меѓународниот аеродром во Скопје пристигнаа двата авиона со останките од трагично загинатите патници во автобуската несреќа во Бугарија. Полетувањето...

Забава6 часа

Алек Болдвин навестува крај на кариерата по фаталното пукање

Алек Болдвин откри дека неговата актерска кариера најверојатно е завршена по фаталниот инцидент во кој загина снимателката Халина Хачинс на...

Свет6 часа

По Шаленберг, оставка најави и министерот за финансии на Австрија

Австрискиот министер за финансии, Гернот Блимел, најави оставка. Неговата оставка следи откако лидерот на Народната партија на Австрија (ОВП), Себастијан...

Свет7 часа

Стапија на сила санкциите на САД, ЕУ, Британија и Канада кон Белорусија

САД, Европската Унија, Велика Британија и Канада воведоа нови санкции за белоруски физички и правни лица. САД воведоа ограничувања за...

Свет17 часа

Омикрон има способност да избегне имунитет од претходна инфекција со коронавирус, предупредуваат научници

Омикрон има значителна способност да избегне имунитет од претходна инфекција со ковид, покажува првата вистинска студија во светот за ефектот...

Европа20 часа

Британија со речиси 54 илјади нови случаи во еден ден, највисока бројка по Европското фудбалско првенство

Велика Британија забележа 53.945 нови случаи на коронавирус – највисока дневна бројка од средината на јули по Европското фудбалско првенство....

Регион20 часа

Бугарските истражители: Познати причините за пожарот во автобусот во кој загинаа 45 луѓе

Познати се причините за пожарот во автобусот што се запали на автопатот „Струма“ во Бугарија. Ова го соопштија обвинителот Бисер...

Свет21 час

Maж облечен како нинџа со меч нападна две полицајки во Франција

Маж облечен како нинџа нападнал со меч и повредил две полицајки во францускиот град Шербур, а досегашните податоци не укажуваат...

Македонија24 часа

333 нови случаи на Ковид-19 и 16 починати за 24 часа

Министерството за здравство информира дека во последните 24 часа направени се 2.440 тестирања, а регистрирани се 333 нови случаи на...

Европа1 ден

Курц се повлекува од политиката: Не сум ниту светец, ниту злосторник

Поранешниот австриски канцелар Себастијан Курц се повлекува од политичкиот живот, објавија австриските медиуми. Курц денеска излезе пред новинарите и најави...

Економија1 ден

Цената на кесите да се зголемува постепено, примената на законот да се одложи, бараат стопанските комори

Заштитата на животната средина и одржливо располагање со ресурсите е важен општествен приоритет, но за оваа цел да биде реализирана...

Македонија1 ден

Јовески: Oбвинителите и судиите да работат непристрасно и професионално

Предизвикот на обвинителите и судиите во битката за обезбедување на владеењето на правото и еднаков пристап до правдата е секојдневен....

Европа1 ден

Зголемени тензиите на Западен Балкан, предупредува Столтенберг

Тензиите на Западен Балкан се зголемени , вклучително и во БиХ и Косово, изјави генералниот секретар на НАТО, Јенс Столтенберг....

Македонија1 ден

Сарафов: Идентификувани се сите 45 жртви од автобуската несреќа на автопатот Струма

Заменик-главниот обвинител и директор на Националната истражна служба Борислав Сарафов за БТА изјави дека веќе се идентификувани сите 45 жртви...

Свет1 ден

Гутереш: Затворањето на африканските граници поради омикрон е неправедно

Генералниот секретар на ООН, Антонио Гутереш, рече дека затворањето на границите поради новиот сој на коронавирус омикрон е многу неправедно,...

Македонија2 дена

(Видео) Во СДСМ и во Алтернативата неделава партиски консултации за преговорите помеѓу Заев и Гаши

Се очекува до крајот на оваа недела да се обезбеди усогласување за влез на Алтернативата во Владата. Партиските тела на...

Досие