Македонија
Нов мандат за обвинителите што и досега гонеа организиран криминал и корупција
Обвинителите што и досега гонеа организиран криминал и корупција добија нови мандати.
Советот на јавните обвинители одлучи дека Ивана Трајчева, Сузана Мирческа-Кузмановска, Марија Ѓоргиева, Енѓелуше Кадриу-Леши и Валентина Бислимовска ги исполнуваат условите и добро си ја работеле работата за да останат во Обвинителството за гонење организиран криминал и корупција. Иако шефицата Вилма Русковска првин даде негативна оценка за работата на Бислимовска, таа ја коригирала. Па, така, Советот беше убеден дека таа може и натаму да гони организиран криминал.
Марија Ѓоргева е реизбрана, a била стручен соработник во Кривичниот суд, па виш соработник во друг суд и била оценета од Русковска со 24 бода. Валентина Бислимовска, исто така реизбрана, била приправник во Граѓанскиот суд, па приправник, по што станала обвинител во скопското Обвинителство.
„Бислимовска беше оценета негативно, па потоа беше реоценета и доби 18 бода. Енѓелуше Кадриу-Леши имаше 24 бода, Ивана Трајчева добила 25 бода. Сузана Мичевска-Кузмановска доби 18 бода“, изјави Антонио Јолевски, претседател на Советот.
Иџет Мемети објаснуваше за зошто се менувало оценувањето: „Образложението не соодејствуваше со оценката. Образложението кај сите кандидати беше добро, а оценките негативни. Имавме нелогичности во оценувањето, а на крајот и несоодветно образложение“.
Републичкиот јавен обвинител, Љубомир Јовески, рече дека ги поддржува сите обвинители кои и досега работеле: „Тоа се професионални обвинители што ги извршуваат своите работи, постапуваат по сложени предмето, а неизбирањето ќе биде пролонгирање на постапките“.
И членот Љупчо Ивановски рече: „Јас ќе им дадам поддршка на обвинителите што си ја вршат функцијата“.
Иџет Мемети потенцира: „Имам причина да сум склон кон тимот што и досега работел“.
По овие коментари, претседателот Антонио Јолески рече дека треба да се внесуваат нови кадри.
Енѓелуше Кадриу-Леши, која има продолжен мандат, волонтирала во Академијата за судии и јавни обвинители, а во 2012 година првпат била избрана за обвинител. И нејзината колешка Ивана Трајчева била стручен соработник, па обвинител во скопското Обвинителство, по што доби и мандат во Обвинителството за гонење организиран криминал и корупција. Сузана Мирчевска-Кузмановска е реизбрана, а работела исто така во скопското Обвинителство, по што од 2012 година до денеска работи во Обвинителството за гонење за организиран криминал.
Неизбраниот Арсим Адеми оценет со 25 бода останува во гостиварското Обвинителство, а заедно со него и Елизабета Јосифовска од поранешното СЈО со 24 бода. Наташа Сарамандова си остана во скопското Обвинителство и добила 25 бода од вишиот јавен обвинител во Скопје. На Златко Биковски не му беше укажано доверба да добие функција во ОЈО ГОКК, иако тој имаше два мандата во ова Обвинителство. Тој има 25 бода.
Позитивни оценки од Вилма Русковска добиле обвинителите Сузана Мирческа-Кузмановска, која ја води истрагата за злоупотребите во Националната агенција за европски образовни програми и мобилност, каде што обвинета е разрешената директорка Лидија Димова. Потоа и обвинителката Марија Ѓоргиева, во јавноста позната како внука на порашениот претседател на Советот на јавните обвинители, Коле Штерјев. За да добие нов мандат, позитивни оценки добила и Енѓелуше Кадриу-Леши, која е дел од полициското одделение. Последна во низата што бара нов мандат и Русковска смета дека го заслужува е Ивана Трајчева, која е застапник на обвинението за Меѓународниот сојуз, а го гони и ексгенералниот секретар Драги Рашковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Мицкоски намерно не праќа барање за екстрадиција на Груевски
Владата на Христијан Мицкоски намерно го одолговлекува процесот и се уште нема пратено барање за екстрадиција на избеганиот осуденик и криминалец Никола Груевски од Унгарија, велат од СДСМ.
„Уште патувале документите од МВР, од Јавното обвинителство и од Основниот кривичен суд Скопје, до Министерството за правда иако се на неколку стотини метри оддалеченост.
Полска не чекаше, ескпресно постапи и веднаш упати нови барања за екстрадиција на нивните политичари од Унгарија, само Владата на Мицкоски не.
Мицкоски повторно излажа, рече дека поранешните полски функционери немаат добиено азил и затоа Полска можела да бара екстрадиција а тоа не е точно, имаат добиено азил. Исто како што лажеше за името, за Преспанскиот договор, сега лаже повторно.
Ова е јасен доказ дека Мицкоски нема намера да го врати својот политички ментор Груевски пред лицето на правдата туку намерно да одолговлекува и да му купува време за ново бегство.
СДСМ бара владата на Мицкоски веднаш да постапи и да побара екстрадиција на Никола Груевски“, велат од опозициската партија.
Македонија
Спасен живот на пациент со трансплантација на црн дроб
Во најтешкиот момент, едно семејство донесе одлука што значи живот. Со нивната хуманост и несебичност, спасен е човечки живот преку трансплантиран црн дроб на 67 годишен пациент, а на уште една пациентка на 51 годишна возраст и е подарена нова шанса за поквалитетен живот со трансплантација на бубрег. Пациентите се во добра општа состојба и се пуштени на домашно лекување.
– Овие медицински интервенции се воедно и приказни за надеж, за солидарност, за највисок чин на алтруизам. Нема поголем чин од тоа во момент на болка да подарите живот. Ова семејство покажа што значи вистинска хуманост, нивната одлука ќе живее преку тие на кои им е дадена нова шанса. Огромна благодарност на семејството на донорот за овој хуман чин, по загуба на нивен член од семејството, вели министерот за здравство, Азир Алиу.
Националната координаторка за трансплантација, проф. д-р Билјана Кузмановска изразува „огромна благодарност за семејството без чија согласност немаше да биде можно да се извршат овие трансплантации. Зад секоја трансплантација стои човечка приказна. Овој пат е приказна за храброст и дарување живот. Тоа е највисокиот чин на солидарност што едно општество може да го има“.
Воедно се заблагодаруваме на координаторите за трансплантација и сите медицински екипи од Клиниката за анестезија, реанимација и интензивно лекување, Клиниката за дигестивна хирургија, Клиниката за урологија, Клиниката за гастроентерохепатологија, Клиниката за нефрологија и Институтот за трансфузиологија за нивната посветена и неуморна работа.
Македонија
СДСМ: Бараме локален референдум за рудникот со антимон и исполнување на клучни услови
СДСМ бара за најавата за отворање рудник со антимон во кривопаланечко Луке да има поширока јавна дебата и директно изјаснување на граѓаните преку локален референдум.
Од партијата посочуваат дека станува збор за сериозно прашање кое се однесува на тоа како државата одлучува за своите ресурси, за здравјето на граѓаните и за иднината на локалните заедници.
„Особено што на пример, старото еколошко жариште Лојане со децении стои нерешено, а во исто време се најавува нов рудник за антимон“, се наведува во соопштението.
СДСМ нагласува дека не е против инвестиции, но дека моделите не смеат да бидат насочени исклучиво кон профитот, со висок ризик по здравјето на граѓаните.
„Не може да се зборува само за економска корист која не е сигурна. А при тоа никој да не зборува за загадувањето и опасноста по луѓето, за цената на загадена вода, за цената на заболени луѓе и за цената на уништено земјоделие. Тоа не се бројки во извештаи, тоа се последици кои траат со генерации“, велат од партијата.
Оттаму додаваат дека доколку државата не може да го реши Лојане, „нема кредибилитет да отвора нови рудници“.
СДСМ бара граѓаните да бидат вклучени во процесот на одлучување преку јавни расправи со реално влијание, локален референдум и учество на стручната и локалната јавност.
Партијата наведува дека за вакви проекти мора да бидат исполнети неколку клучни услови:
Владата итно да ги реши постојните еколошки жаришта, Целосна транспарентност – јавно објавување на договори, економски параметри и студии, Детални информации за фирмите вклучени во проектот, Затворен еколошки систем без испуштање во почва, вода или воздух, Финансиска гаранција однапред обезбедена од инвеститорот, Независен мониторинг со јавни податоци во реално време, Директен локален бенефит за општината и граѓаните, Континуирана здравствена заштита финансирана од инвеститорот.
„Доколку овие услови не се исполнат, тогаш подобро е да нема рудник“, се додава во соопштението на СДСМ.
СДСМ: Мицкоски намерно не праќа барање за екстрадиција на Груевски
Владата на Христијан Мицкоски намерно го одолговлекува процесот и се уште нема пратено барање за екстрадиција на избеганиот осуденик и...
Спасен живот на пациент со трансплантација на црн дроб
Во најтешкиот момент, едно семејство донесе одлука што значи живот. Со нивната хуманост и несебичност, спасен е човечки живот преку...
СДСМ: Бараме локален референдум за рудникот со антимон и исполнување на клучни услови
СДСМ бара за најавата за отворање рудник со антимон во кривопаланечко Луке да има поширока јавна дебата и директно изјаснување...
„Го вовлече Трамп во конфликт со Иран“: Харис со остра критика до Нетанјаху
Во говор на настан во Детроит, во американската сојузна држава Мичиген, поранешната кандидатка за претседателка на САД, Камала Харис изјави...
Русија подготвена да го отстрани збогатениот ураниум од Иран
Една од клучните точки на несогласување меѓу САД и Иран се однесува на ураниумот. Американскиот претседател Доналд Трамп изјави дека...
Бугарија во нов изборен круг: Осми избори за пет години, Радев се смета за фаворит
Бугарите денес излегуваат на осми парламентарни избори во последните пет години, а се очекува коалицијата на поранешниот претседател Румен Радев...
„Храбар и лојален сојузник“: Трамп го фали Израел, а индиректно ги напаѓа другите партнери
Претседателот на САД, Доналд Трамп, го пофали Израел како голем сојузник, истовремено критикувајќи други, неименувани земји. Во објава на „Трут...
Иран: Сè уште сме далеку од конечен договор со САД
Главниот ирански преговарач и претседател на парламентот, Мохамад Багер Галбаф, изјави дека во преговорите со САД, кои се водат преку...
И денес сончево време, од утре дожд и пад на температурите
Времето денес сончево и релативно топло со мала до умерена локална облачност. Ќе дува слаб до умерен ветер од северен...