Македонија

Обнова на Европа во ЕП: Задача на новата влада е продолжување на реформите на патот до ЕУ

Објавено пред

4 недели

- 31 август, 2020

Од

Политичката група Обнова на Европа во Европскиот парламент го поздравува формирањето на новата влада во Северна Македонија и со тоа порача дека на државата ѝ треба политичка стабилност со цел да ги оствари реформите преку проевропска влада која ќе подготви патоказ за пристапување на ЕУ.

„Република Северна Македонија спроведе фер и легитимни избори во екстремно тешка ситуација на глобална пандемија. Тоа е позитивен знак да се види дека спротивно од многу очекувања, договор да се формира нова влада се најде во многу краток период, но и во точни временски рокови.

„Продолжувањето на реформите во патот на оваа држава до Европската Унија, како и борбата со корупција и организиран криминал се први приоритети на новата влада на Зоран Заев. Верувам дека една од првите задачи на новата влада е да подготви патоказ за пристапување на ЕУ со основа на широк политички консензус во државата. Во меѓувреме, Советот на ЕУ треба да го присвои последниот текст од рамката за преговори без одложување за да може да се свика првата меѓувладина конференција колку што е можно поскоро“, вели членот на Обнова на Европа, Илхан Ќучук, од Движење за права и слободи, Бугарија, а воедно и известувач за Северна Македонија во Европскиот парламент.

Претседателот на Обнова на Европа, Дачијан Чолош (ПЛУС Романија), со позитивни сигнали и недвосмислена поддршка за перспектива на земјава и на Западен Балкан.

„Добри се вестите дека новата влада во Скопје, предводена од Зоран Заев, сега ги има на располагање инструментите да го продолжи напредокот достигнат на патот за Европа од Северна Македонија во претходните неколку години, како и да се бори против пандемијата на Ковид-19 и социо-економските последици што ги донесе истата. Уверен сум дека владата целосно ќе се ангажира со преговорите за пристапување на ЕУ преку отворено и транспарентно вклучување на сите засегнати страни и дека Обнова на Европа веќе ја има искажано нивната недвосмислена поддршка на европската перспектива на Западниот Балкан, особено за Северна Македонија. Ние ќе продолжиме да го поддржуваме процесот на проширување изграден преку меѓусебна доверба, како и јасни критериуми и ангажман“, истакнува претседателот на Обнова на Европа, Дачијан Чолош.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:топ-тема

Следно

Санкционирани 321 лице за неносење маски

Претходно

ВМРО-ДПМНЕ: Македонија доби влада за продолжување на криминалот, корупцијата и агонијата

Македонија

ГРЕКО цени дека Македонија напредува во борбата со корупцијата

Објавено пред

22 минути

- 25 септември, 2020

Од

Искра Манојлоска

Новиот извештај на ГРЕКО нотира напредок во борбата со корупцијата во Македонија.

„Ја напуштивме групата на глобално незадоволителни држави. Ова е голем упех за нас како држава и Влада“, рече вицепремиерот Љупчо Николовски.

Тој заедно со министерот за правда, Бојан Маричиќ, на заедничка прес-конференција објаснија што значи новата оценка на ГРЕКО.

„Телото на Советот за Европа, ГРЕКО, на вчерашната пленарна седница нотираше значаен и суштински напредок во делот на исполнување на препораките во четвртиот круг на евалуација.

Станува збор за 19 препораки кои беа објавени во 2014 година и се однесуваат на спречување корупција во Парламентот, судството и обвинителството“, рече Николовски.

Според Маричиќ, сега Македонија е чекор поблиску до ЕУ, но сепак работата не завршува тука.

„ГРЕКО го констатира фактот дека во последните два мандата, министрите за правда не присуствуваат на седниците на Судскиот совет, како и со новиот Закон за Судски совет, правото на глас на министерот за правда во ова тело е одземено. Сепак, ГРЕКО остана на ставот дека оваа препорака ќе се смета за исполнета кога ќе се измени Уставот, каде што е утврдено дека министерот за правда учествува во работата на Судскиот совет“, рече Маричиќ.

Прикажи повеќе...

Македонија

Маричиќ не поддржува бирање државен јавен обвинител со политички договор

Објавено пред

26 минути

- 25 септември, 2020

Од

Искра Манојлоска

Не веруваме дека е добар начин на избор на обвинител со политички договор меѓу партиите, рече министерот за правда, Бојан Маричиќ, одговарајќи на новинарско прашање за барањето на ВМРО-ДПМНЕ државниот јавен обвинител да биде предложен од нивната партија.

„Имавме едно искуство пред неколку години со СЈО, што потоа опозицијата го критикуваше“, рече Маричиќ.

Тој појасни дека изборот на државен јавен обвинител е уставна категорија и за да се промени, потребна е промена на Уставот.

„Не верувам дека во овој момент тоа е приоритет. Имаме добар државен јавен обвинител, мислам дека тој може да си ја заврши задачата законски предвидена и без промена на Уставот и без промена на државниот јавен обвинител“, рече Маричиќ.

Прикажи повеќе...

Македонија

Приведени девет лица барани со потерница за издржување затворска казна

Објавено пред

44 минути

- 25 септември, 2020

Од

Макфакс

Во текот на вчерашниот ден (24.09) полициски службеници од Секторот за внатрешни работи приведоа девет лица кои со потерница се барааа за издржување затворска казна и тие се спроведени до казнено-поправните институции.

Приведени се И.Т. (37), Д.Б. (34), А.Љ. (43), Т.С. (60) , Г.Ш. (37), О.С. (24) Љ.Г. (61), А.Н. (34) и Ф.Џ (32) за издржување затворски казни во различно време траење, до три години.

Прикажи повеќе...