Контакт

Македонија

Од Градот Скопје тврдат дека потрошиле околу 2 100 евра за „Скопска прес-дружба“

Објавено пред

За организацијата на настанот „Скопска прес-дружба“, единствениот трошок е во вид на репрезентација и кетеринг, услуга што чини 128 000 денари, средства издвоени од буџетот на Град Скопје, велат од Град Скопје за „Макфакс“.

Настанот  предизвика серија реакции во јавноста, како и критики дека градската администрација наместо да се зафати со решавање на проблемите во главниот град, се шегува со нив.

„Макфакс“ испрати прашања до градската администрација за тоа колку средства биле потрошени за „Скопска прес-дружба“, од кој буџет се подмирени трошоците, по кој основ, дали говорниците на настанот добиле хонорари, како е избрана локацијата каде што ќе се одржува и според кои критериуми, како се бирани гостите, како и преглед на буџетот наменет за настанот.

Не добивме преглед на буџетот потрошен за дружбата, но од Град Скопје тврдат дека единствените трошоци кои биле направени биле тие за репрезентација и кетерингот за гостите на настанот.

Според нив, самите водители и говорници на настанот биле поканети од Град Скопје и истите ја прифатиле поканата. За нивното учество велат дека не биле исплатени никакви хонорари. Нема официјална информација од Градот дали биле потрошени средства за објектот за изнајмување на настанот.

„На самиот настан беа поканети претставници на медиуми, пред сè уредниците и новинарите кои соработуваат со Град Скопје, базирани на нашите евиденции од листите за присуство на настаните. Тука беа поканети сите медиуми, уредници и новинари од т.н. ‘скопски рубрики’ на медиумите, како и соработниците на Градот.

Градот Скопје и во иднина ќе организира вакви и слични настани, на различни локации, додека за локацијата на конкретниот настан се одлучивме поради фактот што истата беше соодветна и приспособена за вакви средби, со соодветна аудио и видеоопрема и сценска поддршка“, велат од Град Скопје.

На граѓаните не им е дојдено до шеги за проблемите

За негативните реакции во јавноста за организацијата на овој настан, комуниколот Петар Арсовски вели дека не е страшно што градоначалникот Петре Шилегов организирал дружба со новинарите, што е можно почесто треба да се дружи со новинарите, но тоа не смее да биде замена за неговата работа.

„Преку дружбата со новинарите не треба да сокрива недостатоци на неговото работење и истовремено треба да се обидува да ги решува проблемите на граѓаните. Луѓето се соочуваат со големи проблеми и не гледаат дека градските власти сериозно се зафаќаат со решавање на истите, затоа и доживуваат една ваква можеби позитивна иницијатива на негативен начин. Затоа што не гледаат дека се решаваат приоритетите. Кога ќе се исчистат тротоарите, кога ќе се собира редовно ѓубрето, кога луѓето ќе почуствуваат дека се прават вистински мерки за загадувањето, кога сè ‘ќе му крцка’ во градот никој нема да се налути што се шегува на своја сметка, но проблемот е што работите му стојат, а тој се шегува и затоа има негативни реакции. Едноставно најмалку им дошло до шегување на луѓето во овие моменти“, вели Арсовски.

Кристина Озимец

Македонија

Заев и Саливан телефонски разговараа за договорот од Преспа и напредокот кон НАТО

Објавено пред

Премиерот Зоран Заев, денеска, оствари телефонски разговор со заменик-државниот секретар на Соединетите Американски Држави, Џон Саливан. Заев во разговорот ја изрази благодарноста на Владата за силната поддршка на САД за време на целиот процес на спроведување на договорот од Преспа и го запозна со активностите во врска со спроведувањето на обврските од конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации, односно од договорот со Грција, соопшти Владата.

Двајцата соговорници за време на телефонскиот разговор се согласиле дека успешниот епилог на договорот од Преспа, како и постапката на ратификацијата на протоколот за пристапување на Република Северна Македонија во НАТО, е од исклучително значење за двете земји, но и за регионот.

,,Премиерот Заев истакна дека Република Северна Македонија останува на својот долгорочен и стратешки интерес за дополнително развивање и проширување на односите меѓу двете земји, особено во делот на економските релации.

Заев и заменик-државниот секретар на Соединетите Американски Држави, Џон Саливан, ги споделија заемниот интерес и определбата двете земји да останат посветени на прашањата за мирот и стабилноста на земјата и на регионот и во таа насока заменик-државниот секретар на САД, Саливан, ја изрази својата постојана поддршка за преспанскиот договор и истакна дека со нетрпение чека да ѝ посака добредојде на Северна Македонија како 30-та членка на НАТО“, се додава во соопштението.

Прикажи повеќе...

Македонија

Нов предлог-закон за инспекциски надзор

Објавено пред

Владата на денешната седница, по предлог на Министерство за информатичко општество и администрација, го разгледа и усвои предлог-законот за инспекциски надзор, кој има цел надминување на неконзистентноста и детектираните слабости во применувањето на сегашниот Закон за инспекцискиот надзор и воведување нов концепт на инспекциски надзор преку планирање врз основа на процена на ризик и изедначено вршење на инспекцискиот надзор, со што ќе се постигне поголема транспарентност, предвидливост и правна сигурност за субјектите на надзор.

Како специфични цели на овој предлог на законот, меѓу другото, се предвидуваат превентивниот пред репресивниот аспект на инспекцискиот надзор, преку воведување опомена како примарна инспекциска мерка; зголемена сигурност и предвидливост за субјектите на надзор, со задолжителноста на листите на процена и степенувањето на ризикот, како и подобрување на ефективноста на инспекцискиот совет преку појасно и попрецизно определување на неговата улога и надлежност.

Прикажи повеќе...

Македонија

Ќе се формира посебно тело за координација на безбедносно-разузнавачката заедница

Објавено пред

На денешната владина седница е утврден и новиот текст на предлог-законот за координација на безбедносно-разузнавачката заедница во Република Северна Македонија.

Со предлог-законот за координација на безбедносно-разузнавачката заедница се предвидува формирање посебно тело за координација на безбедносно-разузнавачката заедница со точно утврден делокруг на работа, состав, начин на работа и донесување одлуки, како и конкретни аспекти во врска со неговата работа кои се предвидуваат во функција на спроведување ефикасна координација на безбедносно-разузнавачката заедница.

Предлог-законот за координација на безбедносно-разузнавачката заедница произлегува од усвоените заклучоци од Советот на Европската Унија од 26.6.2018 година, а потврдени од Европскиот совет на 28.6.2018 година, во чии рамки е нагласена важноста да продолжи напредокот во имплементацијата на итните реформски приоритети и испорачувањето дополнителни одржливи резултати во областа на: правосудството, безбедносните и разузнавачките служби, реформата на јавната администрација и борбата против организираниот криминал и корупција.

На денешната седница Владата ги разгледа и утврди предлог-законот за изменување на Законот за следење на комуникациите, како и предлог-законот за изменување на Законот за внатрешните работи поради усогласување со предлог-законите за агенција за национална безбедност и предлог-законот за координација на безбедносно-разузнавачката заедница.

Прикажи повеќе...

Најново

Свет6 часа

Седум деца на сириски бегалци изгореа во пожар во Канада

Седум деца од исто семејство загинаа во пожар кој зафати куќа во источниот град Халифакс во Канада, соопшти полицијата. Words...

Европа6 часа

(Видео) Полицијата во Марсеј застрела маж што избол четири лица на улица

Француската полиција застрела маж во центарот на Марсеј кога тој пробол четири лица на прометна улица во градот. Нападот, според...

Македонија7 часа

Ѝ се слоши на обвинетата Стефановска – судењето за „Титаник 2“ одложено

Од 11 до 18.30 часот, со две паузи, траеше денешното рочиште за предметот на СЈО, „Титаник 2“. Денеска требаше да...

Сеад Кочан Трансмет, Труст, СЈО Сеад Кочан Трансмет, Труст, СЈО
Македонија8 часа

Апелација в четврток ќе одлучува за затворот на Кочан и Авировиќ

Апелациониот суд в четврток на јавна седница ќе одлучува за затворските казни на бизнисменот Сеад Кочан и управителот на фирмата...

Македонија8 часа

(Видео) Заев: Имаме четири до шест кандидати, ама не сакаме да се истрчуваме

Премирот и претседател на СДСМ, Зоран Заев, рече дека сѐ уште е рано по средбите со Африм Гаши од Беса...

Крвав четврток10 часа

Игор Југ: За да си ги спасат своите задници и банкарски сметки, наместија невини луѓе да спијат во затвор

Политичките елити што беа директни и индиректни творци на 27 април се осмелија да одредуваат за вината на обвинетите во...

Македонија10 часа

Ставот на Адеми појак од оној на Заев: Ќе се преиспитуваат само одбиените проекти од скандалозниот конкурс за култура

По обелоденувањето на скандалозниот конкурс на Министерството за култура, каде што бројни проекти кои со години наназад ја обележувале македонската...

Македонија10 часа

Мијалков: Секој ден сме на судење

Несогласување и високи тонови помеѓу обвинетите и обвинителите на СЈО за тоа дали денеска да продолжи судењето на случајот „Титаник...

Македонија11 час

Првиот братучед на градоначалникот Наумоски вработен во Централен регистар

Мирослав Наумоски, прв братучед на градоначалникот на Ѓорче Петров, Александар Наумоски, пред 2 месеца бил вработен во Централен регистар на...

Македонија12 часа

(Видео) Мајката на Костадинов ќе се повлече од работното место

Портпаролот на СДСМ и пратеник, Костадин Костадинов, изјави дека неговата мајка се повлекува од работното место. Тој вели дека нејзиното...

Македонија13 часа

Заев на средби со Гаши и Тачи, ќе бараат заеднички кандидат за претседател

Претседателот на СДСМ, Зоран Заев, во име на коалицијата, ги продолжува разговорите и консултациите со партиите околу можностите да се...

Македонија13 часа

Самка Ибраимовски: На претседателските избори одиме сами

Самка Ибраимовски од Партијата за целосна еманципација на Ромите изјави дека на претстојните претседателски избори ќе настапат сами. Ибраимовски на...

Македонија14 часа

Адвокатот на Тачи и Ибраими се повика на аболицијата на Иванов и мислењето на Врховниот суд

Адвокатот на обвинетите Мендух Тачи и Бедредин Ибраими, Елвер Исени, во завршниот збор за предметот „Титаник 2“ на СЈО побара...

Крвав четврток14 часа

Ченто: Ми понудија да бидам заштитен сведок за 27 април и лажно да сведочам

Јане Ченто, обвинет за случувањата во Собранието на Република Македонија од 27 април, во своите завршни зборови рече дека од...

Крвав четврток15 часа

Пепиќ: Во Собранието бев како разузнавач, а не да напаѓам пратеници

Разузнавачот Мунир Пепиќ обвинет за насилниот упад во Собранието, односно вршење насилство врз пратеникот Зијадин Села, во завршните зборови истакна...

Топ15 часа

Почина градежен работник, врз него паднала железна арматура

На објект во изградба на улицата Лондонска во Скопје, кој го гради тетовска фирма сопственост на Г.Х.(54) од село Мала...

Свет16 часа

„Ќе изгубите сѐ“ – Трамп со ултиматум до венецуелската војска

Претседателот на САД, Доналд Трамп, предложи венецуелската војска да ја поддржи опозицијата во земјата, да го пропушти хуманитарниот конвој или...

Македонија16 часа

АВМУ: Сопствениците на медиуми и нивните блиски не смеат да им се закануваат на новинари

Агенцијата за аудио и аудиовизуелни медиумски услуги го осуди однесувањето на синот на сопственикот на „1ТВ“, Бојан Јовановски, кој вербално ѝ...

Свет16 часа

Четири лица убиени во пукање во американската држава Мичиген

Четири лица беа убиени како резултат на пукањето во округот Кент во северната американска држава Мичиген, објави локалната полиција, пренесува „Спутник“....

Свет17 часа

Мадуро: Русија ќе испорача 300 тони хуманитарна помош за Венецуела

Русија ќе достави 300 тони хуманитарна помош за главниот град на Венецуела, Каракас, в среда, рече претседателот на Венецуела, Николас...

Досие