Македонија
Од утре на полноќ ќе биде затворен Меѓународниот аеродром „Скопје“
![](https://makfax.com.mk/wp-content/uploads/2019/06/61687322_445675249327708_7524282772693712896_n-1.jpg)
Во согласност со одлуката на Владата за спречување внесување и ширење на коронавирусот, „ТАВ Македонија“ сака да ги информира сите патници и јавноста дека Меѓународниот Аеродром „Скопје“ ќе биде затворен утре, 18 март, од полноќ, за патнички летови, сè до следното известување.
„Како аеродромски оператор ги информиравме сите авиокомпании и засегнати страни за оваа одлука, а М-НАВ ја објави во НОТАМ – авијациски документ што ги информира сите авиопревозници за важни и итни пораки. Во престојниот период на Меѓународниот аеродром ‘Скопје’ нема да има патнички летови, освен државни, воени, хуманитарни, медицински, санитарни и карго-летови. До затворањето авиосообраќајот ќе се одвива според распоредот на летови што патниците може да го проверат на нашата веб-страница, но со оглед на тоа што ситуацијата со коронавирусот се менува многу бргу, ве замолуваме да ги следите последните објави за вашите летови на веб-страниците на авиокомпаниите и да се јавите во нивните оддели за клиенти“, велат од компанијата.
За сите евентуални натамошни промени во работењето на Меѓународниот аеродром „Скопје“ и аеродромот „Свети апостол Павле“ во Охрид, кој беше затворен во неделата, на 15 март 2020, исто така врз основа на одлука на Владата, патниците и јавноста ќе бидат известени во согласност со информациите и одлуките на Владата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.