Од „ЕВН Македонија“ информираат дека поради технички зафати во дистрибутивната електромрежа, без електрична енергија ќе останат корисниците од Сопиште, Кисела Вода, Ѓорче Петров и Карпош.

Во периодот од 8.30 до 15.30 часот без струја ќе бидат корисниците од дел од с. Долно Соње. (општина Сопиште), од 8.30 до 15.30 часот корисниците од делови од улицата Востаничка, од броевите 98 до 134 и од броевите 61 до 77 (општина Кисела Вода), од 9 до 11 часот корисниците од објектите кон Болница „Бардовци“ (општина Ѓорче Петров) и во периодот од 12 до 15 часот корисниците од булеварот 8 Септември бр. 14, „Руѓер Бошковиќ“, броевите 15, 17 и 19 и улицата Шекспирова бр. 7, влез 3 и влез 4 (општина Карпош).

Времето денеска ќе биде сончево со умерена облачност и со слаб, долж Повардарието ќе дува умерен ветер од северен правец, информира УХМР.

Минималната температура ќе биде помеѓу 9 и 18, а максималната ќе достигне од 24 до 31 степен. Вредноста на УВ-индексот ќе биде 8.

Во Скопје, сончево со умерена облачност и со слаб, повремено умерен ветер од северен правец. Температурата ќе се движи од 15 до 28 степени.

Во следните денови ќе преовладува стабилно време со пораст на температурите. Во петок и сабота во попладневните часови ќе има локален пороен дожд и грмежи.

Земјотрес со јачина од 2,8 степени според Рихтеровата скала вечерва во 21 и 17 минути бил почувствуван во Струмица, Валандово и околината, соопшти Сеизмолошка опсерваторија
при Природно-математичкиот факултет во Скопје.

Епицентарот на земјотресот бил на 120 километри југоисточно од Скопје и потекнува од епицентралното подрачје Струмица.