Контакт

Македонија

Отфрлена кривичната пријава на Ременски против Гордана Јанкулоска

Објавено пред

Скопското Обвинителство ја отфрли кривичната пријава што пратеничката Фросина Ташевска-Ременски  ја поднесе против ексминистерката за внатрешни работи, Гордана Јанкулоска, и за заменик-директор на Управата за безбедност и контраразузнавање, Силјан Аврамовски, за злоупотреба на службената положба и несовесно работење во службата.

Пријавата првично беше поднесена против две лица, а потоа со дополнително доставен поднесок беше проширена за уште едно лице.

Во пријавата се наведува дека во периодот од 22 мај 2014 година до 29 април 2015 година првопријавената во својство министер во Министерството за внатрешни работи со пречекорување на границите на своето овластување и спротивно на Законот за внатрешните работи му прибавила корист на второпријавениот, кој во наведениот период бил заменик-директор на Управата за безбедност и контраразузнавање. Имено, таа овозможила и по исполнување на условите за старосна пензија, второпријавениот да остане во работен однос и месечно да прима плата. За третопријавената, помошник-министер за правни работи и човечки ресурси во Министерството, се наведува дека во периодот од 22 мај 2014 година до крајот на месец мај 2017 година спротивно на законот свесно пропуштила да го извести министерот дека барањата за продолжување на работниот однос поднесени од второпријавениот се недозволени и сочинила решенија за продолжување на неговиот работен однос.

Јавниот обвинител, постапувајќи по пријавата, со две последователни наредби од Министерството за внатрешни работи обезбеди податоци за работниот ангажман на второпријавениот, правните акти на кои се засновал, висината на паричниот износ што месечно му бил исплаќан и други околности.

„Од материјалната документација, прилозите кон пријавата и писмените известувања обезбедени од МВР произлезе дека првопријавената како министер за внатрешни работи на 14.4.2014 година донела решение со кое констатирала дека на 31.4.2014 година ќе настапи прекин на работниот однос на второпријавениот заменик-директор на УБК поради исполнување на условите за остварување старосна пензија – 40 години пензиски стаж. По барање поднесено од второпријавениот, одобрено од директорот на Управата, да му се дозволи да ги спроведе веќе почнатите опреативни активности под негово раководство, првопријавената на 22.5.2014 година го поништила решението, а второпријавениот на 26.8.2014 година поднел изјава за продолжување на работниот однос. Постапувајќи по барањето, првопријавената донела решение, изготвено од третопријавената, со кое го продолжила работниот однос на второпријавениот за период од една година, заклучно со мај 2015 година. Решението било донесено врз основа на Законот за изменувањето и дополнувањето на Законот за внатрешните работи, кој влегол во сила на 13.8.2019 година и бил со одложена примена од 12.3.2015 година, со кој се предвидувала можност за продолжување на работниот однос до 45 години пензиски стаж.

На сличен начин, на 29.4.2015 година, по претходно барање од второпријавениот, првопријавената донела ново решение, со кое работниот однос му го продолжила за уште една година, заклучно со мај 2016 година. Кога со нов акт за систематизација на работни места во Управата, второпријавениот бил прераспореден, тој поднел уште две барања врз основа на кои со решение на министерот за внатрешни работи неговиот работен однос бил продолжен до октомври 2017 година кога исполнил 45 години пензиски стаж и остварил право на старосна пензија. Во периодот од ноември 2017 година до ноември 2019 година второпријавениот и натаму бил работно ангажиран за потребите на Министерството за внатрешни работи со договор на дело.

Врз основа на ваквите податоци, како и на прибраните вербални докази, надлежниот јавен обвинител процени дека во дејствата на пријавените не се содржани битни обележја на наведените кривични дела. Имено, пропустите по однос на основот за работниот ангажман на второпријавениот во Управата не се на линија на неправо во кривично-правна смисла, туку единствено може да претставуваат неправилност при примена на норми со кои се регулираат работните односи. Особено што постапувањето се базирало на процена на безбедносните ризици, запазување на континуитетот на класифицирани оперативни проекти и заштита на интересите на државната безбедност.

Притоа, за првопријавената јавниот обвинител оцени дека не може да се утврди дека дејствувала со умисла да му прибави имотна корист на второпријавениот, а на штета на Министерството. Второпријавениот, пак, единствено истакнувал барања за продолжување на работниот однос за кои постоела можност да бидат прифатени или одбиени. Дејствата на третопријавената се исцрпуваат со изготвување решенија, кои ги потпишувал и ги ставал во правна сила ресорниот министер“, велат од Обвинителството.

Македонија

Владата ќе набавува софтвер за кодификација на правото

Објавено пред

Владата на Република Северна Македонија ја разгледа и усвои Информацијата за отпочнување на процес на Кодификација на правото во Република Северна Македонија и го задолжи Генералниот секретаријат на Владата да спроведе постапка за јавна набавка на софтвер и софтверско решение со кој што ќе се изврши кодификација на правото во Република Северна Македонија.

За оваа цел, Владата ги задолжи Министерство за правда, Канцеларијата на претседателот на Владата и генералниот секретаријат на Владата, а се препорачува на Собранието, државните универзитети, Универзитет “Св.Кирил и Методиј“, Универзитет “Св.Климент Охридски“, Универзитет “Гоце Делчев“ и Државен универзитет во Тетово, од областа на правото -во рамки на своите Правни факултети, во рок од 5 дена да номинираат по еден претставник до Министерсто за правда, со цел формирање на оперативна работна група.

Прикажи повеќе...

Македонија

За дијабетичарите ќе се обезбеди инсулин до декември 2022 година

Објавено пред

Владата на денешната седница ја разгледа и усвои Информацијата за спроведување на јавна набавка на инсулин, глукагон, инсулински игли и ленти за мерење шеќер и инсулински пумпи со потрошен материјал за периодот декември 2020 – декември 2022 за потребите на населението на Република Северна Македонија.

Владата денеска го утврди текстот на Предлог-законот за Агенцијата за разузнавање. Целта на Законот за Агенција за разузнавање е да се направи јасна дистинкција меѓу АНБ чија надлежност се поклопува со надлежноста на Агенција за разузнавање, согласно постојниот закон. Во новиот закон за Агенцијата за разузнавање, јасно е дефинирана надлежноста на Агенцијата да собира, обработува, анализира, разменува, чува и штити податоци и информации од странство, кои се од значење за безбедноста, одбраната, надворешно – политичките интереси на Република Северна Македонија.

На оваа своја седница Владата ја разгледа и усвои Информацијата за подготовка на Мастер план на Република Северна Македонија во рамките на регионалниот ИПА проект „Регионална поддршка за управувањето со сензитивната миграција во делот на Западен Балкан и Турција – фаза 2“, и ги овласти министерот за внатрешни работи, Оливер Спасовски и заменик претседателот на Владата задолжен за европски прашања, Никола Димитров, веднаш да го потпишат писмото до Европската Комисија со кое што ќе се изрази интерес за започнување на фаза 2, насочена конкретно кон Република Северна Македонија и со изразена посветеност да се продолжи кон фаза 3, т.е операционализација на ИТ системот.

Прикажи повеќе...

Македонија

Владата разреши и постави нови директори на повеќе институции

Објавено пред

Владата денеска на седница донесе повеќе кадровски решенија. Па така, Амет Аџиу е разрешен од должноста в.д. директор на Јавната установа Национален парк Пелистер- Битола.Осман Шукриу е именуван за директор на Јавната установа Национален парк Пелистер- Битола. (На 23.11.2020 г. НП Пелистер достави Одлука бр. 02-212/4 од 17.11.2020 година на Управниот одбор, кој во постапка спроведена по објавен јавен оглас за директор е избран Осман Шукриу).

Трајче Ангеловски е разрешен од должноста член на Советот за јавно приватно партнерство, на негово барање поради постоење на состојба на судир на интереси. Елпида Младеновска е разрешена од должноста член на Надзорниот одбор за контрола на материјално – финансиското работење на ЈП за стопанисување со државните шуми „Национални Шуми”- П.О. Скопје, на нејзино барање (вработена во УЈП подрачно одделение Крива Паланка).

Ѓоко Талевски е разрешен од должноста член на Управниот одбор претставник на основачот на ЈЗУ Клиничка болница „д-р Трифун Пановски“ – Битола, на негово барање (поради судир на интереси именуван за државен правобранител за подрачје Битола). Дејана Николова е разрешена од должноста член на Управниот одбор на ЈУ Меѓуопштински центар за социјална работа Свети Николе стручeн работник од центарот за социјална работа, на нејзино барање, а за член на Управниот одбор на ЈУ Меѓуопштински центар за социјална работа Свети Николе – стручeн работник од центарот за социјална работа да ја именува Катерина Сенева Конева.

Никола Камчев е разрешен од должноста член на Управниот одбор на ЈЗУ Здравствен дом – Радовиш, на негово барање (избран за нотар).Веселин Стојчевски е именуван за член на Управниот одбор на ЈЗУ Здравствен дом „Д-р Хаим Абраванел“ Битола-претставник на основачот (членот на УО Весна Грамосли е почината).

Ристо Пецов е именуван за член на Надзорниот одбор за контрола на материјално – финансиското работење на ЈП за стопанисување со државните шуми „Национални Шуми”- П.О. Скопје.Еран Куртиш е именуван за в.д. директор на Агенцијата за остварување на правата на заедници.

Со одлука на Владата на денешната седница Драгољуб Филипоски е отповикан од должноста член на Надзорниот одбор на АД за аеродромски услуги „АЕРОДРОМИ НА РЕПУБЛИКА СЕВЕРНА МАКЕДОНИЈА“ во државна сопственост, и за член на Надзорен одбор на АД за аеродромски услуги „АЕРОДРОМИ НА РЕПУБЛИКА СЕВЕРНА МАКЕДОНИЈА“ во државна сопственост, го избра Бинас Пајазити. Владата донесе одлука Зоран Иванов да се разреши од должноста член на Надзорниот одбор на АД „Медиумска информативна агенција”- Скопје, во државна сопственост.Владата даде согласност на одлуката на УО на ПИОМ за изборот на Шаип Зендели заменик директор на оваа институција.

Прикажи повеќе...

Најново

Македонија10 часа

Регистрирани се 1039 нови случаи на Ковид-19, починаа 15 лица

Министерството за здравство информира дека во последните 24 часа се направени 3143 тестирања, а регистрирани се 1039 нови случаи на...

Свет11 час

Зошто Путин досега не се вакцинирал?

Рускиот претседател Владимир Путин не може да биде меѓу доброволците кои ќе бидат вакцинирани против коронавирусот до крајот на клиничките...

Свет11 час

(Видео) Маж со секира држеше во заложништво шест деца во Русија

Маж кој држеше шест деца како заложници во стан во Санкт Петербург, се предаде на полицијата.Во стан во предградијата на...

Македонија11 час

Мухамед Зекири нов генерален секретар на Владата

Поранешниот пратеник Мухамед Зекири е избран за нов генерален секретар во Владата.Одлуката e донесена на последната владина седница одржана денеска....

Европа11 час

Старските домови во Шпанија први ќе бидат вакцинирани против Ковид-19

Штитениците и персоналот на домовите за стари лица ќе бидат први вакцинирани против коронавирус во Шпанија, изјави министерот за здравство...

Свет12 часа

САД: Повеќе од 190.000 новозаразени со Ковид-19

Во САД 1.083 лица починаа како последица на Ковид-19 во изминатите 24 часа, додека регистрирани се 190.562 нови случаи на...

Спорт13 часа

Ѓоковиќ најдобар во 2020-та година

Моментно најдобриот светски тенисер Новак Ѓоковиќ ја завршува годинава на првата позиција на АТП листата. Тоа му појде од рака...

Топ13 часа

Приведен германски државјанин баран и од Интерпол, кај него пронајдени две исчезнати деца

Полициски службеници од Секторот за меѓународна полициска соработка-Отсек за потрага на ул.МАНАПО во Скопје врз основа на издадена меѓународна потерница...

Македонија13 часа

Вонреден инспекциски надзор во болницата во Битола по фотографиите дека пациент прима инфузија покрај починати лица

Министерот за здравство Венко Филипче побара од ДСЗИ да испрати вонреден инспекциски надзор во болницата во Битола како би се...

Македонија14 часа

На инфективните одделенија се лекуваат 814 пациенти, слободни кревети има

Во изминатите 24 часа во ковид центрите во болниците низ земјава е пријавено дека се лекуваат вкупно 814 пациенти позитивни...

Свет15 часа

Во Шведска стапи во сила ограничувањето на јавни собири на најмногу осум луѓе

Во Шведска стапува во сила ограничувањето на јавните собири на најмногу осум лица како мерка во обид да се запре...

Европа15 часа

Германски научници докажаа дека проветрувањето е поефикасно од прочистувачите на воздухот

Кратко отворање на сите прозорци во училницата неколкупати на ден е многукратно поефикасно отколку да користите прочистувач на воздухот, според...

Свет16 часа

Кина тврди дека коронавирусот најпрвин се појавил во Европа, а не во Вухан

Кина користи нова студија за раното скриено ширење на коронавирусот во Италија за да се доведе во сомневање цврсто заснованата...

Свет19 часа

СЗО: Бројот на потенцијални вакцини против коронаворусот се зголеми од 11 на 48

Десетици компании – од стартап до фармацевтски гиганти – се натпреваруваат за производство на безбедна и ефективна вакцина против коронавирусот...

Македонија19 часа

„Медијапул“: Десет незгодни прашања во врска со бугарското вето

Бугарскиот портал „Медијапул“ објави прашања до бугарската влада, кои се однесуваат на блокадата за Северна Македонија, со наслов „Десет незгодни...

Македонија20 часа

Свршувачка со 30 и свадба со 90 гости – глоба за скопјани поради организирање собири

Скопското Обвинителство поднесе предлози за издавање казнени налози против три лица и еден угостителски објект поради организирање масовни собири за...

Македонија21 час

За една недела, регистрирани 7.486 новозаразени, над 5.000 излекувани и 204 починати

Скопје и натаму e со најголем број нови случаи и највисока инциденца, a најзастапена возрасна група се лицата над 60...

Свет21 час

Кина успешно лансира роботизирано летало на Месечината

Кина објави дека успешно лансирала ракета со робот за да собере примероци од камења од Месечината, со што ќе стана...

Македонија22 часа

Заев најави дека не сме далеку од договор со Бугарија, опозицијата бара со декларација да се утврдат позициите

Премиерот Зоран Заев вчера најави дека не сме далеку од договор со Бугарија. Тој рече дека не се разговара за...

Свет22 часа

Администрацијата на Трамп одобри Бајден да почне со преземање на власта

Aдминистрацијата на претседателот на САД, Доналд Трамп, даде формално одобрување новоизбраниот претседател Џо Бајден да почне со преземањето на власта....

Досие