Македонија
(Видео) Пендаровски: Откриени се обиди за организирано ширење лажни вести за коронавирусот

Претседателот на државата, Стево Пендаровски, од денешната прес-конференција информираше дека надлежните органи деновиве откриле неколку обиди за организирано ширење лажни вести со цел, како што рече, дополнително да се влоши состојбата и да се изгуби довербата во надлежните институции. Како што појасни тој, ширењето вакви информации не било од незнаење, туку планско и организирано.
„Службите имаат детектирано изминативе денови организирани групи кои шират лажни вести за коронавирусот со цел ширење паника меѓу граѓаните и недоверба во институциите и системот “, посочи Пендаровски во обраќањето пред медиумите.
На новинарско прашање дали се знае кои се лицата или структурите кои стојат зад лажните вести, Пендаровски рече дека не може да открие детали, но само кусо рече дека тоа се биле истите ентитети кои на овој начин делувале за време на референдумската кампања.
Шефот на државата ги упати граѓаните и медиумите за состојбата со вирусот да ги користат само официјалните информации од надлежните институции. Ги повика медиумите да известуваат одговорно и професионално, бидејќи само тако ќе придонесат точната информација да биде пренесена до граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови на Карпош

Поради технички интервенции на водоводната инсталациска мрежа денеска без водоснабдување од 09,00 часот ќе бидат корисниците од о. Карпош, од следниве улици: Дрезденска, Алжирска, Каирска, Борка Талевски, дел од Њуделхиска, Римска, Бахар Моис, дел од Анкарска, дел од Атинска, Панче Пешев и Наум Евро.
Водоснабдувањето ќе биде прекинато од 09:00 часот до завршување со санација на дефектот
Македонија
Нов обид да ѝ се суди на кумановката Филиповиќ која го прегази дедото во Скопје

Нов обид да започне судењето за од сообраќајката на мостот „Гоце Делчев“ каде загина 76-годшниот Слободан Ангеловски, ќе има денеска во Кривичниот суд. Откако првото рочиште се одложи, по половина месец, на обвинителна клупа повторно седнува возачот Гордана Филиповиќ која го управуваше возилото „БМВ Х5“. Таа е и мајка на кумановката Јелена која имаше 17 години, а пред три години загина во сообраќајна несреќа.
Овој предмет го суди судијката Елена Илиевска Јосифовиќ, која претходно донесе осудителни пресуди за убиството на Денис Тот.
Претходното рочиште за сообраќајката на мостот „Гоце Делчев“ која се случи пред девет месеци се одложи бидејќи адвокатот на обвинетата Филиповиќ беше на друго, поважно судење. До Кривичниот суд е доставено и сообраќајно вештачење од Филиповиќ, кое треба да послужи како нејзина одбрана во процесот.
На денешното рочиште ќе се одреди динамиката на судењата и ќе се закажат нови расправи.
Македонија
Без струја повеќе делови на Скопје

Поради технички интервенции во електро дистрибутивната мрежа денеска без електрична енергија ќе останат следните корисници:
· Од 11,00 до 12,00ч. с.Ракотинци околу школото (о.Сопиште);
· Од 09,00 до 11,00ч. ул. Христијан Тодоровски Карпош од бр. 98 до бр.104 (о. Бутел);
· Од 10,00 до 14,30ч.корисниците од с. Чајлане и с. Паничари (о. Сарај);
· Од 11,00 до 14,00ч. корисниците околу бр.10 од ул. Фредерик Шопен (о. К. Вода );
· Од 10,00 до 12,00ч. Индустриска зона Чојлија, фирмите Џанвики и Фарма Роли (о. Петровец) и
· Од 09,00 до 14,00ч. дел од ул. Тодор Чангов бр. 4Б и бр. 44 (о. Аеродром)