Контакт

Македонија

Платформата на граѓански организации за борба против корупцијата: Остра осуда за партизацијата при изборот на нови членови на ДКСК

Објавено пред

Платформата на граѓански организации за борба против корупција остро ги осудува „партизацијата и изигрувањето на процесот на избор на нови членови на Државната комисија за спречување на корупцијата“.

dobivaj vesti na viber

Платформата целосно ја поддржува Снежана Камиловска-Трповска, која како член на комисијата за селекција за избор на претседател и членови на Државната комисија за спречување на корупцијата изрази издвоено мислење од комисијата за селекција поради необјективно и оркестрирано гласање на другите членови на комисијата.

„Како претставник на граѓански сектор од областа на демократијата и владеењето на правото, Снежана Камиловска-Трповска покажа целосно поинаква перцепција за избраните кандидати, со што јасно се манифестира и ставот на граѓанските организации за идниот состав. Притоа изненадува како другите претставници на комисијата за селекција изнајдоа компромис за селектираните кандидати и покрај слабите интервју, одбивање на некои кандидати да одговорат на директни прашања за општествените состојби, како процесот на заробеност на државата, високопрофилни случаи, кои се веќе предмет на работа на сегашната ДКСК, а се дел и од констатирани состојби од извештајот на Европската комисија за 2023 година, прашања поврзани со политичката и правосудната поврзаност, тргување со влијание, лобирање и сл. Дополнително, кандидатите што манифестираа одлични познавања од областа, спремност за директен и недвосмсилен одговор и со одлични компетенции не беа добро оценети од страна на другите членови, со што им се оневозможи објективно да се борат за позицијата претседател и член на ДКСК“, велат од Платформата на граѓанските организации за борба против корупција.

Од Платформата велат дека партиските влијанија врз изборот на претседател и членови на Државната комисија за спречување на корупцијата негативно ќе влијаат врз објективноста и непристрасноста на комисијата во спроведување на сериозните законски надлежности што ги има како еден од главните фактори во борбата против корупција во земјата.

Македонија

Џафери: Северна Македонија е пример во регионот за имплементирање на родова рамноправност

Објавено пред

Претседателот на Владата на Република Северна Македонија Талат Џафери, денеска учествуваше и се обрати на Меѓународниот форум за жени, мир и безбедност што се одржува во Приштина, Република Косово.

dobivaj vesti na viber

„Денеска сме тука поради еден значаен повод, и би рекол големо достигнување за регионот. За мене е чест да сум дел од овој настан кој ќе придонесе за реализација на оваа одлична иницијатива, односно, Регионалниот центар за извонредност за жени, мир и безбедност.

И ние во Република Северна Македонија, сме силно посветени на имплементирањето на агендата „Жени, мир и безбедност.“ Како активна земја членка на НАТО, го поддржуваме имплементирањето на оваа политика низ трите основни цели на Алијансата и за таа цел го усогласивме и нашиот Национален акциски план со сродните иницијативи“, истакна Џафери.

Уште поважно, како што додаде, ние и суштински ги имплементираме трите принципи на интеграција, инклузивност и интегритет во нашата секојдневна работа и во политиките кои ги носиме. Бидејќи, суштината е она што секојдневно нѐ води при носењето на политичките одлуки кои имаат една единствена цел, а тоа е да ги исполнуваат стандардите за постигнување на родова еднаквост.

Потсети дека агендата за жени, мир и безбедност беше исто така еден од приоритетите за време на нашето претседавање со ОБСЕ минатата година.

„Со ова, сакам да истакнам дека сме на одличен пат. Иако имаме уште многу за одење на тој пат, траекторијата на движење е утврдена и моја заложба е и ќе биде да останеме на истата.

Војната во Украина е силен потсетник за неопходноста од активното вклучување на жените во сите области за спречување конфликти и во заложбите за градење на мир, стабилност и безбедност. Нивниот придонес е неопходен и во адаптирањето на политиките кон новата реалност.

Токму затоа, ние, како кредибилна членка на НАТО, го поддржуваме пристапот на Алијансата да се даде поголемо значење на политиката за Жени, мир и безбедност. Тоа значи поголемо претставување и учество на жените во цивилните и воени операции и мисии на НАТО, но и поголема промоција на родовата еднаквост како израз на нашите заеднички демократски вредности“, посочи Џафери.

Прикажи повеќе...

Македонија

Деветвалентната ХПВ-вакцина, која спречува 80 отсто од аналниот карцином и 70 отсто од карциномот на грлото на матката, достапна кај нас од следниот месец

Објавено пред

За еден месец сите вакцинални пунктови ќе ја добијат деветвалентната ХПВ-вакцина, која од оваа година, покрај девојчињата на возраст од 12 до 15 години, може да ја примат и момчињата на иста возраст. Деветвалетнатата ќе ја замени четиривалентната ХПВ-вакцина, која се користи кај нас од 2008 година, а од 2009 година е ставена во редовниот задолжителен календар за имунизација.

dobivaj vesti na viber

„Мило ми е што и младите момчиња ќе бидат опфатени со оваа вакцина. Во рок од еден месец ќе биде достапна во секој пункт за нашите млади да бидат безбедни. Со деветвалентната вакцина се обезбедува поквалитетна превенција од ХПВ-инфекции, како и за преканцерозни лезии и карцином на грлото на матката“, рече министерот за здравство, Илир Демири.

Дветвалентната ХПВ-вакцина содржи пет дополнителни серотипови со кои е зголемена ефикасноста на вакцината, појасни професорката Александра Грозданова, национален координатор за имунизација.

„Со вакцинирање на возраст препорача според нашиот календар, меѓу 12 и 15 години, се постигнува најдобар имунолошки одговор на организмот, особено пред момчињата и девојчињата да бидат изложени на ХПВ-ризикот. Се проценува дека ХПВ-вакцината спречува 70 отсто од случаите на цервикален карцином, 80 отсто од аналниот карцином и повеќе од 40 отсто од вулваларниот карцином. Во нашата земја за следните три години се обезбедени 70.000 дози од ХПВ-вакцината од истиот производител што досега ја обезбедуваше четиривалентната вакцина. Само со подигнување на свеста нашите млади генерации ќе бидат заштитени од овој вид карциноми“, рече Грозданова и повика девојчињата и момчињата на возраст од 12 до 15 години да ја примат вакцината.

ХПВ-вакцината може да се прими до 18 години, односно до завршување на средното училиште. Момчињата и девојчињата на возраст од 12 до 15 години примаат две дози, а оние што се постари од 15 години, односно од 15 до 18 години, ќе примаат три дози, исто како и досега.

Според досегашните анализи, ракот на грлото на матката е петта водечка причина за смрт кај возрасната група од 18 до 49 години во Македонија, бројка што може да се намали доклку се постигне соодветно ниво на вакцинација.

Во моментот анализите покажуваат дека само 50 отсто од девојчињата на возраст од 15 години кај нас се вакцинирани со ХПВ– вакцината наместо предвидените 90 отсто, кои придонесуваат за значително да се намали бројот на заболени.

Прикажи повеќе...

Македонија

Јакимовски: Како иден претседател ќе предложам клучни реформи во локалната самоуправа

Објавено пред

Во Република Македонија имаме четири власти, законодавна тоа е Парламентот, извршна тоа е Владата, судската Власт ја знаеме сите и четвртата власт е локалната самоуправа. Како иден претседател на Република Македонија ќе предложам реформи токму во четвртата власт, во локалната самоуправа заради поголема функционалност на локалната самоуправа имајќи во предвид дeка локалната власт е најблиску до
граѓаните и е најнепосреден сервис на граѓаните на било кој дел од Република Македонија, вели претседателскиот кандидат Стевчо Јакимовски.

dobivaj vesti na viber

„Нам ни се потребни измени во Локалната самоуправа и во делот на функционирање на Град Скопје. Нов Закон за Град Скопје, нов Закон за локална самоуправа со кој што ќе се зголемат ингеренциите во делот на комуналните инспектори.

Значи ние мораме да имаме комунални инспектори коишто ќе можат да легитимираат да казнуваат, да физички неутрализираат затоа што вака на ваков начин функционирање на комунална инспекција при што легитимирањето треба да го врши полицијата е апсолутно нефункционално“, додава тој.

Оценува дека мора да се направат промени и во Законот за домување, бидејќи како што појаснувам, имаме Закон кој што е апсолутно нефункционален и во кој што немаме никакви ингренции, а имаме граѓани коишто во станови чуваат по 20-30-40 мачки, кучиња и постојано се жалат граѓаните.

„Имаме граѓани кои не сакаат да ги плаќаат заедничките сметки, имаме граѓани кои што ги загрозуваат и виталните интереси на граѓаните во колективните згради со тоа што се загрозува безбедноста, згради каде протекуваат, згради кадешто имаме запушување на канализации итн.

Значи се на се, нам ни е потребен еден нов Закон за локална самоуправа како и поделба на јавните градски претпријатија во Скопје по општините за да имаме функционални јавни градски претпријатија затоа што на ваков начин навистина е срамота да не можеме да се справиме со хигиената , навистина е срамота да не можеме да се справиме со одржувањето на зеленилото. И навистина е срамота и натаму да имаме поделени ингеренции кои што граѓани ги доведуваме во недоумица“ додава Јакимовски.

Во исто време, како што посочува, со новиот Закон за локална самоуправа треба да се предвидат и начини и форми како ќе се разрешуваат конфликните ситуации во советите, опструкциите во советите. „Сѐ на сѐ значи ние мораме да направиме една функционална локална самоуправа со зголемени ингеренции и поголема ефикасност со што на крајот ќе имаме подобри услови за граѓаните и по задоволни граѓани.

МВР, подвлекува тој, мора да се ослободи од сите ингеренции кои не му се нему изворни ингеренции, дали е дозволиво двајца сообраќајни инженери да одобруваат сообраќајни планови на ниво на цела држава. „Дали е тоа пропулзивно? Ние можеме секоја локална самоуправа да си има свои сообраќајни инженери кои тоа ќе го одобруваат, а министерствара нека ја задржат контролната функција, инспекциските органи итн.

Сѐ е тоа во интерес на подобро функционирање на локалната самоуправа, а со тоа значи и подобар сервис на граѓаните. И јас сметам дека претседателот на државата е тој што треба да покрене една ваква сеопшта расправа која што ќе трае подолго време ќе се нотираат сите проблеми во локалната самоуправа се со цел да имаме поефикасна четврта власт во Република Македонија“, истакна Јакимовски.

Прикажи повеќе...

Најново

Македонија15 минути

Деветвалентната ХПВ-вакцина, која спречува 80 отсто од аналниот карцином и 70 отсто од карциномот на грлото на матката, достапна кај нас од следниот месец

За еден месец сите вакцинални пунктови ќе ја добијат деветвалентната ХПВ-вакцина, која од оваа година, покрај девојчињата на возраст од...

Македонија2 часа

Припадници на затворската полиција се сомничат дека му овозможиле на осуденикот да побегне од Идризово – може да добијат и до 10 години затвор

Седумнаесет полицајци се приведени по повеќемесечна предистражна постапка за бегството на затвореникот од Идризово, кое се случи во октомври минатата година....

Македонија2 часа

Османи со порака до Израел: Воздржете се од возвраќање, спиралата на конфликти може да се влоши

Министерот за надворешни работи Бујар Османи порача до Израел да не возраќа на нападот на Иран бидејќи состојбата може да...

Uncategorized2 часа

Укината социјалната помош на 1.134 лица оти имале возило и за 18 месеци ја оштетиле државата за над 2,5 милиона евра

Министерството за труд изготвило 1.134 решенија за прекин на гарантирана минимална помош и социјална пензија на лица што 18 месеци...

Топ2 часа

На автопатот Скопје – Велес мотоциклист излетал од патот и починал од повредите

Вчера, во 12 часот, во СВР Скопје било пријавено дека на автопатот Скопје – Велес, во близина на тунелот „Бадар“,...

Македонија3 часа

Си плаќаме приватно за да се лекуваме оти не сме здравствено осигурени, велат приватните специјализанти, кои излегоа на штрајк

Над 400 приватни специјализанти утрово излегоа на генерален штрајк барајќи покачување на платите и здравствено осигурање. Тие истакнаа дека надоместокот...

Свет5 часа

Израел: Иран почна војна, сите опции се на маса

Иран покрена војна против Израел кога лансираше беспилотни летала и проектили, мораме да ги одвратиме, изјави за „Скај њуз“ портпаролката...

Свет6 часа

Израелската армија објави фотографии од штетите од иранските напади

Околу 99 отсто од ракетите, беспилотните летала и крстаречките ракети лансирани за време на одмаздничката операција на Иран биле соборени...

Свет6 часа

Иран: Ако Израел возврати, следниот напад ќе биде одлучувачки

Амбасадорот на Иран во ОН, Амир Саид Иравани, даде изјава за „Скај њуз“ по состанокот на Советот за безбедност на...

Македонија6 часа

(Видео) Пендаровски: Мицкоски е докажан извор на лажни вести, страв му е да не му се врати Груевски

На вечерашниот граѓански митинг во Куманово, кандидатот за претседател Стево Пендаровски одговарајќи на прашање од граѓани зошто ВМРО-ДПМНЕ во последните...

Свет6 часа

САД: Нема значителна штета во Израел

Висок американски воен функционер рече дека Соединетите држави проценуваат дека нема значителна штета во самиот Израел по иранското бомбардирање. Портпаролот...

Свет20 часа

(Видео) „Израел уништил балистичка ракета надвор од земјината атмосфера“ – мистериозна снимка за време на масовниот ирански напад

Израелската противвоздушна одбрана се мачеше да се спротивстави на масовниот напад на ирански беспилотни летала и ракети! На едно од...

Свет22 часа

Њујорк Тајмс тврди дека Бајден го разубедил Нетанјаху од планот за контра-напад врз Иран

Американскиот претседател Џо Бајден го одврати премиерот Бенјамин Нетанјаху да даде зелено светло за одмазднички напад врз Иран, откако минатата...

Македонија1 ден

Османи: Формиравме Кризен штаб за извлекување на нашите државјани од Израел и регионот по нападот на Иран

Што знаеме досега: 🔵Наставата е прекината во училиштата низ Израел, а компаниите ќе можат да работат „нормално“ со пристап до...

Свет1 ден

(Видео) Детално откриваме како функционира „железната купола“ на Израел која ги собори повеќето ракети како шега – никој во светот го нема ова

Што знаеме досега: 🔵Наставата е прекината во училиштата низ Израел, а компаниите ќе можат да работат „нормално“ со пристап до...

Свет1 ден

Операција „Чесно ветување“: Иран ѝ се заканува на Америка, Израел наскоро ќе носи одлука – се очекува тешка одмазда

Иранскиот напад врз Израел со над 300 беспилотни летала, крстаречки и балистички ракети заврши без сериозни последици откако огромното мнозинство...

Свет1 ден

(Видео) Анализа: Иран ја нарекуваат „држава-тврдина“, колку е моќна земјата што го нападна Израел?

Иранските пипала може да се видат во разгорувањето на огнот на Блискиот исток и многу конфликти. Преку своите посредници: палестинскиот...

Свет1 ден

(Видео) Иранците прославија по нападот врз Израел

Нападот со беспилотни летала и ракети врз Израел беше прославен синоќа на улиците во Иран, и покрај тоа што еврејската...

Свет1 ден

Израел ќе носи одлука дали и како ќе одговори на нападот од Иран

Израел се уште нема донесено одлука во врска со својот одговор на вчерашниот напад на иранскиот дрон и ракетен напад...

Свет1 ден

(Видео) Снимен удар на балистичка ракета во Израел

Познатиот ирански новинар Бабак Тагве, кој живее во егзил, на својот Твитер профил објави видео на кое наводно се гледа...