Контакт

Македонија

Почна изградбата на првиот музеј на ретки минерали во Пробиштип

Објавено пред

Министерот за локална самоуправа, Горан Милевски, и градоначалникот на општина Пробиштип, Драган Анастасов, во Пробиштип го означија почетокот на изградбата на првиот научен музеј на ретки минерали во земјата.

Вкупната вредност на проектот е 9,2 милиони денари. Над 60 отсто или 5,6 милиони денари се обезбедени од Министерството за локална самоуправа преку Програмата за рамномерен регионален развој, а другите средства во износ од 3,6 милиони денари ги обезбеди Општина Пробиштип.

„Изградбата на музеј на ретки минерали во Пробиштип е најдобар начин природното богатство и традицијата да се стават во функција на развојот на регионот. Приоритет на Владата е развојот. Овој проект ќе почне да се гради по цели 6 години. Градиме со план за да го интензивираме развојот и на општина Пробиштип и на Источниот Плански Регион, во кој годинава само со средства од буџетот на Министерството за локална самоуправа се финансираат 14 проекти за развој на регионот, на селата и на специфичните подрачја, во вкупна вредност од 49 милиони денари“, рече министерот за локална самоуправа, Горан Милевски.

Министерот Милевски истакна дека овој проект е одличен пример како една добра добра идеја може да биде реализирана преку соработка меѓу централната и локалната власт со заедничко финансирање и со административната поддршка од Центарот за развој на Источниот Плански Регион.

Станува збор за нова атрактивна научнотуристичка содржина во Источниот Плански Регион, која ќе го привлече вниманието на посетители од земјава и странство, со што регионот ќе ги промовира и ќе ги стави во функција своите развојни потенцијали.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Скопјанец знаел дека има коронавирус, шетал низ Охрид и дома примил вработени од еден оператор

Објавено пред

Четириесет и четиригодишен скопјанец, кој се вратил од странство и кој бил позитивен на коронавирус наместо да биде во строга самоизолација, заминал во неговиот стан во Охрид,  и бил во службените простории на еден оператор по што дома примил вработени кои му ја извршиле договорената услуга.

Против него е поднесена кривична пријава за „непостапување според здравствените прописи за време на епидемија“.

Според информациите на СВР-Охрид, Д.А.(44) од Скопје, на 13 март, кога од Австрија пристигнал во Северна Македонија, потпишал изјава за самоизолација, која ја прекршил на 20 март кога во Скопје се упатил во болничка установа со цел да изврши тест за коронавирус.

По медицинскиот наод дека е позитивен тој не почитувајќи ги медицинските препораки за строга самоизолација се упатил во неговиот стан во Охрид. Притоа, непречено се движел без заштитна маска и ракавици, а на 23 март бил во службените простории на еден оператор по што, во станот примил вработени кои му ја извршиле договорената услуга.

Прикажи повеќе...

Македонија

Министерството за здравство: На располагање има повеќе од 1.000 кревети за хоспитализирање пациенти со коронавирус

Објавено пред

Здравствениот систем е подготвен да апсорбира поголем број пациенти, кој се очекува со пикот на коронавирусот кон крајот на април, изјави министерот за здравство, Венко Филипче, на вчерашната прес-конференција.

Министерството за здравство има на располагање повеќе од 1.000 болнички кревети за хоспитализирање пациенти со коронавирус во: Клиниката за инфективни болести со дополнителните капацитети, болницата „8 Септември“, инфективните одделенија во Штип, Гостивар и во Велес, Институтот за белодробни заболувања во Козле, депандансот на Министерството за труд и социјална политика во Демир Капија, како и понудените капацитети од приватните болници.

Клиниката за инфективни болести заедно со дополнителниот капацитет за прием на тешко и среднотешко болни пациенти од коронавирус располага со 250 болнички кревети, а со речиси 400 кревети болницата „8 Септември“ во Скопје.

„Во моментот на Клиниката за инфективни болести се лекуваат 59 пациенти, што претставува една четвртина од расположивите капацитети само на оваа локација, што значи дека овие институции располагаат со доволно капацитети, но и со инфектолози специјалисти на инфективна медицина и обучен медицински персонал“, велат од МЗ.

Од таму велат дека моделот на третман и лекување на тешките и среднотешките пациенти во институции каде што има специјалисти на инфективна медицина, во комбинација со домашното лекување, е модел на пристап кон пациентите со коронавирус што се применува во Германија и се покажува како солиден и може да се аплицира во нашата земја.

Воспоставенa e координација помеѓу повеќе нивоа на институциите во рамките на здравствениот систем – примарните лекари, здравствените домови со пунктовите каде што се земаат материјали, секундарните болници и клиниката како врвна институција од терциерното здравство.

Здравствениот систем е спремен да прими и поголем број пациенти од бројката на пациенти што сега се третираат во болниците и е подготвен за пикот што, според процените, се очекува на крајот на април“, велат од Министерството.

 

Прикажи повеќе...

Македонија

Во болницата „Плодност“ во Битола двајца доктори и една медицинска сестра позитивни на Ковид-19

Објавено пред

Двајца доктори, еден анестезиолог и еден гинеколог, и една медицинска сестра од приватната болница „Плодност“ во Битола се позитивни на коронавирусот. Од болницата велат дека сите тројца се чувствуваат добро.

Директорот на болницата, Таше Трпчевски, вели дека побарал од Институтот за јавно здравје да им се направат тестови на сите вработени. Трпчевски смета дека е потребно помасовно тестирање на пациентите за да се откријат асимптоматските носители на вирусот.

„Така ќе се створи малку поголема паника, но ќе го спречиме ширењето на вирусот“, вели тој.

Во продолжение е објавата на докторот на „Фејсбук“:

„Бевме и ќе останеме транспарентни. Да нема дилеми. Не уште двајца, туку тројца од персоналот се позитивни на коронавирусот во болницата ‘Плодност’. Двајца доктори, еден анестезиолог и еден гинеколог, и една медицинска сестра. Анестезиологот и медицинската анестезиолошка сестра пред три дена, само еден ден имаа температура и блага кашлица. Јас побарав да им се земат брисови. Побарав да се земат брисови и од неколку вработени, кои кивнале. Сакам да се земат брисови од сите вработени. Институтот за јавно здравје прави процена и не сака да им земе на сите. Анестезиологот и медицинската сестра само еден ден беа фебрилни, сега се здрави и немаат ништо. Барав за гинекологот, кој е од Прилеп, а кај нас е вработен, затоа што има епидемиолошка анамнеза. Тој е позитивен (вчера попладне ми ја даде информацијата). Тој е асимптоматски носител. Тие се најопасните, како и сите вие што не знаете  дали можеби сте носител на вирусот.

Оттука, апелирам до министерот да ги остави препорките на СЗО и побогатите држави да се тестираат само симптоматските пациенти и оние со позитивн епидемиолошка анамнеза.

Министре, оставете ги препораките на СЗО и побогатите држави да се тестираат само симптомтските пациенти и оние со позитивна епидемиолошка анамнеза.

Можеби така ќе се создаде паника (паниката е состојба на исклучителен страв од вистинска или претпоставена опасност за живот), но ќе се добие друг ефект… изолација, а тоа е многу битно бидејќи ако имаме помасовно тестирање, ќе имаме помасовна самоизолација и изолација.

Тие се големи држави, многумилионски. Ние сме само 2 милиона народ (помалата популација ќе се испаничи). На тој начин ќе се намали бројот на асимптоматските носители на вирусот, кои сега слободно шетаат во градот и се потенцијални вирусоносители.

Тие се најопасните за околината. Многу полесно е кога ќе го откриете заразениот. Има многу повеќе заразени во Македонија отколку што се детектирани. Ни недостига тестирање. Не знам зошто немаме масовно тестирање. Самоизолација, земање витамини и имуносупортивна терапија, изолација на оние што биле во најблизок контакт и бројот на заболени полека ќе стивнува.

Гледате што се случува, умира медицински персонал, доктори, сестри техничари и друг персонал. Ние здравствените лица сме на првата борбена линија на фронтот и немаме право да заминеме, да се повлечеме од фронтот. На иста опасност се изложени во продавниците и супермаркетите, но тие може да си одат дома. Ние сме први што се заразуваат. Вработените во супермаркетите имаат право да си заминат, ние не, бидејки нашата етика е и морал да им помагаме на луѓето.

Вината е и во пациентите, не дека се носители и ќе ни го донесат вирусот, туку дека се неискрени.

Ние имавме направено епидемиолошки прашалник според СЗО-критериуми. Интенцијата ни беше уште пред еден месец да влегува секој пациент на тријажното одделение за да му направиме епидемиолошка анкета (по 13.4.2020 задолжително ќе поминат низ тој тријажен дел сите оние што ќе дојдат во болницата, ќе потпишат формулар за веродостојноста и ќе одговраат кривично ако излажале).

Но, заклучокот беше дека нашите пациенти не се доволно искрени, кријат, не сакаат да кажат дека имале некој од симптомите на коронавирусот, ниту дека биле со сомнително лице во контакт, а кое дошло од друга високоризична држава на Ковид-19. Нашите граѓани, особено битолчани, се плашат да кажат дек имаат температура, треска, слабост, болки во грлото и не бараат да се тестират на коронавирусот плашејќи се од тоа да не бидат анатемисани, жигосани и непожелни да живеат во оваа средина (Битола), а не се плашат од последиците и компликациите на ова инфективно заболување.

„Битолчани, седете дома и умирајте, никому не кажувајте му дека имате симптоми на коронавирусот затоа што ако ве дознаат, ќе ве жигосат“, напиша една сограѓанка на својот фејсбук-профил.

Затоа, почитуван г. министре, мислам дека е потребно помасовно тестирање на пациентите за да ги откриеме асимптоматските носители на вирусот. Така ќе се створи малку поголема паника, но ќе го спречиме ширењето на вирусот. Сè уште не е доцна, имаме уште малку време сè додека не се скрши здравствениот систем, кога возот ќе замине низ брдо, а ќе треба секојдневно да објавувате повеќе смртни случаеви од новозаболени.

Со голема почит за вас министрем д-р Венко Филипче, прифатете го мојот совет. Направете увоз на тестови. Веќе фармацевстката индустрија ги работи наголемо и не е тешко да се набават, а и не се скапи (барем овие што се на база антиген – антитело). Иако тие не покажуваат точно присуство на вирусот, ќе направат скрининг, кои се за ПЦР-методата. Што се однесува до точноста на тестовите за докажување Ковид-19, и самите фармацевтски фирми објаснуваат дека се многу сензитивни иако има и најмало нарушување на морфологијата на вирусот, во 50 отсто дава лажно позитивни резултати (ние на наша кожа тоа најдобро го осетивме и немаме веродостојни информации дали Христијан е позитивен или негативен, а немаме клиничка слика за постоење на виросот).

Христијан со мала симптомологија бараше да се тестира на коронавирусот. Ќе поминеше сè како една грипозна настинка. Истото тоа се случува и со другите наши врботени. Сега немаат никакви симптоми. Можевме да не бараме да се тестираат и сè ќе поминеше како да е обична настинка.

Рескирав, драги мои битолчани, да докажам дека може да сме носители на таков вирус (затоа што некој ни го донесол), во името на безбедноста, сигурноста и грижата на пациентите, рескирав и ја затворив болницата, а вие уште фрлате отровни стрели. Каде згрешивме? Вршите притисок во МВР дека Христијан пред еден месец, 15 дена итн. си дошол од Копаоник, Банско, па од Тирол, Австрија, за да станеме предмет на вештачење на секторот за криминал од МВР. Тие имаат сознание дали Христијан ја напуштил и кога ја напуштил границата и дали бил на тие места, а сите вие што тврдите на ‘Фејсбук’ дека д-р Христијан Трпчевски беше во едно од споменатите места во последните два месеца, напишете го тоа, ама на вистински, не на лажен профил. Е, тоа ќе треба да го докажете и на суд, ама и ќе си ги сносите последиците од тоа судење.

Ќе ви дојде дома вирусот, седете со температура и кашлица, да не дознае некој друг оти ќе ве сатанизират битолчани од најградскиот град на конзулите. Е, па, битолчани: ‘Ова е мојата Битола, најуба на светот’“, напиша Трпчевски на „Фејсбук“.

Прикажи повеќе...

Најново

Топ34 минути

Уапсени насилниците кои тепаа девојче во влез на зграда во Штип

Во врска со видеото со насилство врз девојче кое од утрово се споделува на социјалните мрежи, штипската полиција информира дека...

Свет1 час

Австралија почна со тестирање на две потенцијални вакцини против коронавирусот

Научници од Австралија почнаа со тестирање на две потенцијални вакцини против новиот коронавирус, што може да биде голема пресвртница која...

Свет1 час

Новите проценки покажуваат дека 25 до 50 проценти од носителите на вирусот се без симптоми

Податоците од Исланд покажуваат дека 50 проценти од позитивните на коронавирус биле без симптоми, а САД проценуваат дека до 25...

Македонија2 часа

Скопјанец знаел дека има коронавирус, шетал низ Охрид и дома примил вработени од еден оператор

Четириесет и четиригодишен скопјанец, кој се вратил од странство и кој бил позитивен на коронавирус наместо да биде во строга...

Македонија2 часа

Министерството за здравство: На располагање има повеќе од 1.000 кревети за хоспитализирање пациенти со коронавирус

Здравствениот систем е подготвен да апсорбира поголем број пациенти, кој се очекува со пикот на коронавирусот кон крајот на април,...

Македонија3 часа

Во болницата „Плодност“ во Битола двајца доктори и една медицинска сестра позитивни на Ковид-19

Двајца доктори, еден анестезиолог и еден гинеколог, и една медицинска сестра од приватната болница „Плодност“ во Битола се позитивни на...

Регион3 часа

Србија ја укина одлуката со која се цензурираа информации за коронавирусот

Премиерката на Србија, Ана Брнабиќ, објави дека ја повлекува одлуката за информирање во време на пандемијата на коронавирусот, со која...

Свет4 часа

ЕУ: Во Западен Балкан пандемијата се користи за промоција на антиевропски ставови

Европската служба за надворешни работи (ЕЕАС) оцени дека кризата во врска со пандемијата на коронавирусот во Западен Балкан се користи...

Македонија4 часа

Во Битола 55 сантиметри снег, во Крушево 47

Снежната покривка во Битола достигна до 55 сантиметри, а во Крушево има 47 сантиметри снег. Во Маврови Анови има 40...

Свет4 часа

Руски воен транспортер со медицинска опрема пристигна во САД

Руски воен транспортен авион пристигна во Њујорк носејќи медицинска опрема и маски како помош за САД во борбата против коронавирусот....

Забава4 часа

Во НАСА пристигнале 12.000 апликации за идни астронаути

Американската вселенска агенција (НАСА) објави дека примила 12.000 апликации за идната генерација астронаути за десетина слободни места, а резултатите од...

Свет6 часа

„Ламборгини“ ќе произведе хируршки маски за да помогне во борбата против Ковид-19

Италијанскиот производител на луксузни автомобили „Ламборгини“ претвори некои оддели во својата фабрика „Сант’Агата болоњезе“ во погони за производство на хируршки...

Македонија17 часа

Се забрануваат нови вработувања во јавниот сектор

Во јавниот сектор времено се забрануваат новите вработувања, нови ангажирања преку агенции за привремени вработување и нови договори на дело,...

Македонија18 часа

Починатата родилка од Охрид немала коронавирус

Министерството за здравство информира дека се негативни резултатите на битолчанецот кој беше пронајден починат во својот стан и кај родилката...

Македонија20 часа

Бројот на излекувани пациенти со коронавирус во Македонија се искачи на 17

Министерот за здравство, Венко Филипче, информираше дека од Клиниката за инфективни болести и фебрилни состојби, денеска се испишани пет пациенти....

Македонија21 час

ЕУ дозволи пристап за земјава до Европскиот солидарен фонд

Северна Македонија доби пристап и до Европскиот солидарен фонд, од каде заедно со земјите – членки на ЕУ ќе бидат...

Македонија22 часа

Се продолжува породилното отсуство додека трае вонредната состојба

Родилките чие породилно отсуство од работа истекува за време на вонредната состојба, ќе може да останат дома цело време додека...

Македонија23 часа

Со Ковид-19 заразена медицинска сестра од Клиниката за пулмологија

Во Куманово медицинска сестра, вработена на Клиниката за пулмологија, дошла на работа без симптоми, но вчера ѝ се појавила зголемена температура...

Економија23 часа

Ангеловска: Подготвени сме за најлошото сценарио за буџетот, работиме да се случи најдоброто

Многу е тешко за економските аналитичари, вклучително и за меѓународните финансиски институции, да ги предвидат случувањата за време на кризата...

Македонија23 часа

Нов смртен случај на коронавирус во земјата, позитивна и починатата пациентка од Струга

Министерството за здравство информира дека ноќеска на Клиниката за инфективни болести во Скопје починала една пациентка од Лабуништа на возраст...

Досие