ВМРО-ДПМНЕ денескa доживеа чист дебакл на организираната средба со дијаспората, на Фејсбук напиша министерот без ресор, Едмонд Адеми.

Според Адеми, ВМРО-ДПМНЕ имала повеќе 10 години на располагање да покаже конкретни политики со цел интензивирање на соработката помеѓу државата и дијаспората, но, како што вели, наместо тоа, дијаспората од страна на ВМРО-ДПМНЕ била третирана исклучиво како пропагандна и политичка машинерија.

„За жал на ДПМНЕ, а за среќа на државата, нашата дијаспора веќе го препознава тоа. Со празни зборови и ветувања повеќе не се добива довербата на дијаспората. Дијаспората во изминатите две и пол години препозна драстична позитивна промена во процесот на соработка помеѓу државата и дијаспората.

Нашата дијаспора ја препозна силната волја на СДСМ за интензивирање на соработката помеѓу државата и дијаспората. Нашата дијаспора го препозна систематскиот пристап кон дијаспората, преку понуда на конкретни мерки од значење за дијаспората.
Токму затоа, оваа партија во стечај нема повеќе што да бара во дијаспората“ напиша Адеми на Фејсбук.

Претседателот на ВМРО-ДПМНЕ, Христијан Мицкоски денеска присуствуваше и се обрати на конференцијата „Македонската дијаспора-партнер во обновата на Македонија“ што се одржа во хотелот „Стоун Бриџ“. На конференцијата Мицкоски ја истакна важноста на македонската дијаспора како промотор на Реублика Македонија во светот, клучна алка за нашата држава која што е од исклучително значење.

Сообраќајот на државните патишта се одвива непречено, по наместа влажни коловози.

ДОО “Стентон Градба” – Битола известува дека поради изведување на градежни работи, поточно санација на свлечиште (одрон) на регионалниот пат Р1102, делница Велес-Градско (транзитен дел низ Велес) од 24.02.2020 ќе има времено изменет режим на сообраќај се додека траат градежните работи.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Средношколското движење „Петоци за иднината“ вчера го оддржа редовниот неделен протест, со што го изрази своето незадоволство кон Министерството за заштита на животната средина во спроведувањето на мерки против аеро-загадувањето и климатските промени.

„Имајќи предвид дека аеро-загадувањето е директен причинител на зголемен број на заболувања од рак и зголемена стапка на смртност кај населението од белодробни заболувања, акцијата која ја направивме беше директно поврзана со политичката порака која сакавме да ја пратиме. Ги обоивме дланките со црвена боја која се остранува со вода и оставивме отпечатоци на надворешната страна на прозорците на Министерството, посочувајќи на изгубените животи како последица на игнорирањето на проблемот со аеро-загадување во Скопје но, и во Тетово, Битола и други градови во државата. Оставивме и порака на шеталиштето каде што граѓаните кои минуваат покрај Министерството или работат во истото, секојдневно се потсетуваат за канцерогениот воздух кој го дишат.

Одговорот на Министерството за практикување на нашите Уставно загарантирани права како што се правото на протест и слободно изразување во јавен простор беше незаконско, понижувачко и, заканувачко со цел да бидеме спречени во идни акции кон оваа институција. Имено, обезбедувањето на Министерството надвор од своите надлежности, насилно лиши од слобода четворица средношколци од јавен простор и ги затвори повеќе од еден час во простории на институцијата.

По заплашувањата за кривични и прекршочни казни, беше повикана и полиција која наместо да не’ информира за правата, се обиде да изнуди признание за сторено прекршочно дело. Откако успеавме да стапиме во контакт со Хелсиншкиот комитет за човекови права и одбивме да дадеме изјави бевме ослободени од просториите. Еден од учесниците беше малолетно лице кое што без придружба на родител/старател беше одведено во полициска станица каде што, согласно нашите сознанија биле повикани родителите.

Постапувањето е незаконско, како и спречувањето на средношколец/ка да протестира затоа што е малолетник, имајќи ја предвид и Меѓународната Конвенција за правата на детето со која што се гарантира и слободното изразување на децата за работи кои директно ги засегаат. Аеро-загадувањето е директен причинител за белодробни заболувања особено кај децата кои се во развој и кои ќе сносат долготрајни последици по здравјето во остатокот од животот. За таа цел, убедени сме дека имаме право да се спротиставиме на институции кои наместо да го бранат го загрозуваат јавниот интерес, оневозможувајќи им на идните генерации да живеат во здрава еколошка средина.

На крајот, би сакале да изразиме благодарност до Комитетот кој не заштити од понатамошна траума и, извади од просториите на Министерството за животна средина до кое порачуваме дека: „Казните се плаќаат но, совест не!““ порачуваат од средношколското движење.