Контакт

Македонија

Почна чистењето на линданот од малата депонија во ОХИС

Објавено пред

Денес и официјално почна процесот на чистење на линдан и неговите изомери од малата депонија во кругот на ОХИС. За таа цел избраниот изведувач Полиеко започна со подготвителни активности што подразбираат расчистување на теренот, обезбедување и поставување на потребната опрема и механизација околу малата депонија.

„Со овој проект ја потврдивме нашата решеност да ги елиминираме жешките точки во земјава. Во изминатиот период беа безбедно отстранети и уништени огромни количини на екстремно опасни хемикалии што со децении беа складирани во кругот на ОХИС, а денес присуствуваме на почетокот на чистење и на линданот, како историски проблем на чиешто решавање посветивме многу внимание и енергија“, изјави министерот Нуредини, најавувајќи дека Владата и Министерството за животна средина прават напори да се обезбедат средства од повеќе извори за чистење и на големата депонија, како и за чистење на погонот за електролиза контаминиран со жива.

За чистењето на малата депонија Министерството воспостави соработка со две агенции на Обединетите нации, УНИДО и УНОПС.

Првично, за реализација на проектот „Отстранување на техничките и економските бариери за започнување на ремедијација на локациите контаминирани со α-HCH, β-HCH и линдан во ОХИС „Министерството за животна средина и просторно планирање преку Канцеларијата за перзистентни органски загадувачи (POPs) во соработка со УНИДО како имплементациона агенција, обезбеди финансиски средства од Глобалниот еколошки фонд (ГЕФ) во висина од 3.100.000 долари.

По спроведување на изборот на компанија за чистење на овој отпад, УНИДО склучи договор со избраниот изведувач „Полиеко“ за чистење на 450 тони од висококонцентрираниот HCH отпад и на 200 тони од земјата контаминирана со HCH од малиот базен.

Потребните дополнителни средства за завршување на чистењето на „малата” депонија, УНИДО, МЖСПП, ГЕФ и Генералниот секретаријат на Владата се согласија да бидат обезбедени од Повеќепартнерскиот фонд за животна средина, а да се имплементира од страна на УНОПС.

Неодамна и УНОПС потпиша договор со грчката компанија „Полиеко“ за чистење на дополнителни 240 тони HCH отпад и 653 тони контаминирана почва со HCH со што ќе се обезбеди континуитет во чистењето на опасниот хемиски отпад од оваа локација.

„Кралството Норвешка е партнер на Владата на Северна Македонија во овој процес. Во изминатите три години, обезбедивме поддршка на Владата и на Повеќе-партнерскиот фонд за животна средина во износ од 1,5 милиони евра како поддршка на чистењето на депонијата во ОХИС“, изјави Стефан Сандстад, првиот секретар на Амбасадата на Норвешка.

„Ние во УНОПС сме горди што ни е доверено управувањето на Повеќепартнерскиот фонд за животна средина кој е воспоставен од Владата на Северна Македонија во партнерство со многу субјекти кои работат кон заедничка цел – ремедијација на линданот во ОХИС. Ќе продолжиме да работиме заедно да обезбедиме средства од донатори, меѓународни организации и финансиски институции за овој витален потфат за животната средина во државата“, изјави Микела Телатин, шеф на канцеларијата на УНОПС за Северна Македонија

„Се соочивме со многу предизвици, проблеми низ годините, почнувајќи од 2006 година кога започнаа преговорите за обезбедување средства од ГЕФ, се до 2015 година кога беше и официјално започнат проектот, за денес да ја видиме механизацијата на терен. Останува да се спроведе самиот процес на чистење, на крајно внимателен и безбеден начин согласно утврдените стандарди и критериуми. Во текот на целиот процес на чистење јавноста ќе биде редовно информирана“, изјави националниот координатор на проектот Сузана Андонова од Канцеларијата за ПОПс.

Претставникот на Полиеко имаше можност да го образложи процесот на работа на локацијата, почнувајќи од организација на теренот, поставувањето на шаторот со целата апаратура за негативен притисок, применетата методологија на ископ, пакување и обележување, како и опис на сите заштитни и безбедносни мерки следејќи ги претходно утврдените стандарди и критериуми, кои ќе овозможат минимизирање на емисии во животната средина, надвор од шаторот и пошироко.

Проценетата вредност на комплетното чистење и уништување на линданот и неговите изомери од малата депонија во ОХИС изнесува приближно 8 милиони евра.

Македонија

Владина делегација положи венци свежо цвеќе на историските спомен обележја посветени на Илинден во Крушево

Објавено пред

Владина делегација положи венци свежо цвеќе на историските спомен обележја посветени на Илинден во Крушево.

Утринската програма од централните државните почести по повод Денот на Републиката во Крушево, во организација на Претседателот Стево Пендаровски започнаа со панихида во храмoт Св. Никола.

Владината делегација во овој дел од програмата предводена од министерката за труд и социјална политика Јагода Шахпаска, во чиј состав уште беа и министерот за локална самоуправа Горан Милески, и заменик-министерот за образование и наука Арафат Шабани, положи венци свежо цвеќе на гробот на Никола Карев на споменикот на хероите Слива, кој го претставува симболот на јунаштвото и саможртвата на македонските востаници при одбраната на Крушевската Република.

Прикажи повеќе...

Македонија

Делегации од Кабинетот на Пендаровски присуствуваа на свеченото одбележување на Илинден во Скопје, Пелинце и Смилево

Објавено пред

Делегации од Кабинетот на Претседателот Стево Пендаровски присуствуваа на свеченото одбележување на 2 Август, Илинден – Денот на Републиката во Скопје, Пелинце и Смилево.

Во Скопје, делегација од Кабинетот на Претседателот положи свежо цвеќе на споменикот на Методија Андонов – Ченто, на споменикот на АСНОМ во паркот „Жена борец“ и на споменикот на Никола Карев пред Собранието.

Во рамки на чествувањето на Илинден – Денот на Републиката, во Пелинце делегација од Кабинетот на Претседателот положи свежо цвеќе пред Меморијалниот центар на АСНОМ.

Делегација од Кабинетот на Претседателот денеска присуствуваше и на традиционалната илинденска прослава во спомен-паркот „Даме Груев“ во Смилево и положи свежо цвеќе на споменикот на Даме Груев, а во рамки на чествувањето свежо цвеќе беше положено и на Могилата на Даме Груев, на Споменикот на смилевските илинденци и на Спомен-плочата на партизанскиот одред „Даме Груев“.

Прикажи повеќе...

Македонија

Николоски: Нема да дозволиме сквернавење на Илинден, ВМРО-ДПМНЕ ќе ја врати прославата на Мечкин Камен

Објавено пред

ВМРО-ДПМНЕ по преземањето на одговорноста да ја води државата ќе ја врати прославата за Илинден на Мечкин Камен, изјави потпретседателот на партијата, Александар Николоски.

„Би сакал да го честитам празникот на сите Македонци, на сите граѓани кои што живеат во Македонија. Ова е најголемиот наш празник. Во исто време би сакал да споделам едно горчливо чувство за тажната слика за која што денес ја гледаме на Мечкин камен. За првпат после скоро осум децении традиционалната манифестација на Мечкин Камен не се случува заради хирот на власта, заради одлуката на власта да избега од сопствениот народ“, рече Николоски.

За тоа, додаде тој, денес Мечкин Камен е празен.

„Затоа власта бега од народот и за тоа измислуваат некакви си прослави кои што треба да се случат навечер без пригодни говори со некаква музичка манифестација и во некакви кралски манири каде што сите треба да чекорат позади еден“, рече Николоски.

Тој кажа дека ВМРО-ДПМНЕ не се согласува со таквиот став на претседателот Пендаровски.

„ВМРО-ДПМНЕ не се согласува со таквиот став на власта предводена од Зоран Заев и за тоа денеска реши ВМРО-ДПМНЕ да дојде тука на Мечкин Камен како што е редот, преку ден во периодот некаде после пладне кога секогаш се одржувала манифестацијата за прославата на Илинденското востание, да се поклони пред хероите, да положи свежо цвеќе и да одаде почит“, рече Николоски.

Она што можам да го ветам, додадетој, е дека веќе следната година сето ова ќе е повторно полно, живо, ќе се наполни тука на Мечкин Камен.

Прикажи повеќе...

Најново

Македонија2 часа

Во Македонија 54 нови случаи на коронавирус, почина едно лице

Во последните 24 часа во Македонија се потврдени 54 нови случаи на коронавирус, а едно лице почина, соопшти Министерството за...

Топ4 часа

Товарен воз удри во мигрант кај Неготино

Товарен воз удри во мигрант кај Неготино. Според информациите на полицијата, мигрантот со тешки повреди е пренесен во болница. Несреќата...

Македонија4 часа

(Видео) Заев: Да престанеме да се биеме в гради за тоа кој е поголем патриот

Да престанеме да се биеме в гради за тоа кој е поголем патриот заради партиските интереси и заради повеќе гласови...

Македонија4 часа

(Видео) Мицкоски: Илинден обедини генерации Македонци за слобода

Илинден обедини генерации Македонци за слобода, испраќам апел за обединување против Заев и рушење на најлошата власт до сега, рече...

Свет5 часа

(Видео) Туристи во Бодрум со чамци бегаат од пожарите, Ердоган призна дека земјата нема канадери

На југот на Турција, како и на други места во Средоземното Море, со денови беснеат огромни пожари. По петдневните пожари...

Свет7 часа

(Видео) Еден починат и 600 уапсени на протестот во Берлин против корона-мерките

Полицијата во Берлин објави дека 49-годишен маж починал откако полицијата го уапсила за време на протестот против мерките во борбата...

Македонија17 часа

Земјотрес почувствуван во Скопје

Земјотрес е почувствуван вечерва во Скопје. „Сеизмолошката опсерваторија при Природно-математичкиот факултет во Скопје вечерва во 23 часот и 07 минути,...

Спорт19 часа

Надал: Ѓоковиќ може до гренд слемот оваа година

Рафаел Надал се подготвува за својот прв настап на Сити опен во Вашингтон, каде што ќе стави крај на подолгата...

Македонија20 часа

Заев: Очекувам на „Отворен Балкан“ наскоро да се приклучат и Приштина, Сараево и Подгорица

Балканот повеќе не е темпирана бомба, туку симбол на пријателство, а регионалната иницијатива „Отворен Балкан” создава многу можности за подобар...

Спорт22 часа

(Видео) Скандал во Токио – белоруска олимпијка не сака да се врати дома, бара азил

Белоруската спринтерка Кристина Тимановскаја го повика Меѓународниот олимписки комитет (МОК) да се вклучи во нејзиниот случај. Таа изјави дека била...

Македонија24 часа

Во Македонија 72 нови случаи на коронавирус, нема починати

Во последните 24 часа во Македонија се потврдени 72 нови случаи на коронавирус, нема починати, соопшти Министерството за здравство. Направени е...

Регион1 ден

Четиригодишно девојче починало откако со часови било затворено во автомобил во БиХ

Четиригодишно девојче е пронајдено мртво во автомобил во двор на семејна куќа во БиХ. Според медиумите, причината за смртта била...

Македонија1 ден

Пендаровски непријатно изненаден од квалификацијата на Мицкоски за утрешното чествување на Илинден

Претседателот Пендаровски е крајно непријатно изненаден од квалификацијата на Мицкоски, според која, утрешното чествување на најголемиот македонски празник – Илинден,...

Македонија1 ден

(Видео) Мицкоски: Нема да бидеме дел од циркускиот церемонијал на Пендаровски

Делегација на ВМРО-ДПМНЕ нема да биде дел од циркускиот церемонијал предводен од претседателот Стево Пендаровски, рече денеска претседателот на ВМРО-ДПМНЕ...

Европа1 ден

Германија воведе нови мерки за влез во земјата, но нема кој да ги контролира

Од денес, секој што влегува во Германија, како и туристите што се враќаат дома, мора да имаат потврда за вакцинација...

Свет1 ден

(Видео) Над 200.000 луѓе на улиците во Франција против задолжителните ковид-пропусници

Француското Министерство за внатрешни работи синоќа објави дека повеќе од 200.000 луѓе се собрале низ целата земја на протести. Трета...

Европа1 ден

Медитеранот гори – се гасат пожари во Грција, Турција и Италија

Најмалку четири лица загинаа во пожарите што го зафатија медитеранскиот туристички регион Анталија и егејското туристичко место Мугла. Илјадници туристи...

Топ1 ден

Спречен меѓународен транспорт на дрога во вредност од околу 250.000 евра

Полициски службеници од Полициската станица за Граничен надзор „Охридско Езеро“, во соработка со Одделението за прекуграничен криминал при РЦ за...

Македонија1 ден

„Зелен хуман град“: Учеството на независни граѓани во изборната трка не може да биде предмет на пазарење

Од Иницијативата „Зелен хуман град“ велат дека се крајно револтирани од последната изјава на премиерот Зоран Заев, за зголемувањето на...

Македонија1 ден

Oд денес аплицирање за субвенциониран студентски оброк

Од денес започнува аплицирањето за остварување на правото на субвенциониран студентски оброк, во месечен износ од 2400 денари за 9...

Досие